സമൂഹമാധ്യമങ്ങളിലൂടെ ജി സി എസ് ഇ, എ ലെവല് പരീക്ഷകളുടെ വ്യാജ ചോദ്യപേപ്പറുകള് വിറ്റഴിക്കുന്ന സംഘങ്ങള്ക്കെതിരെ മുന്നറിയിപ്പുമായ പരീക്ഷാ ബോര്ഡുകള്. ഇത്തരം നടപടികള് തടയുന്നതിനായി സമൂഹ മാധ്യമങ്ങള് മുന്നോട്ടുവരണമെന്നാണ് യുകെയിലെ ഏറ്റവും വലിയ എട്ട് പരീക്ഷാ ബോര്ഡുകളെ പ്രതിനിധീകരിക്കുന്ന ജോയിന്റ് കൗണ്സില് ഫോര് ക്വാളിഫിക്കേഷന്സ് (ജെസിക്യു) ആവശ്യപ്പെട്ടിരിക്കുന്നത്.
ഈ വര്ഷത്തെ ചോദ്യപേപ്പര് ആണ് എന്ന് പറഞ്ഞ് സമൂഹമാധ്യമങ്ങളില് പരസ്യം ചെയ്യുന്ന ഒട്ടേറെ അക്കൗണ്ടുകള് സമൂഹ മാധ്യമങ്ങളില് ഉണ്ടെന്ന് ബിബിസി ഉള്പ്പെടെയുള്ള മാധ്യമങ്ങള് റിപ്പോര്ട്ട് ചെയ്തിരുന്നു. എന്നാല് ഇവരുടെ പരസ്യത്തിലെ അവകാശ വാദങ്ങള് തെറ്റാണെന്ന് ജോയിന്റ് കൗണ്സില് ഫോര് ക്വാളിഫിക്കേഷന്സ് പറഞ്ഞു. ജെ സി ക്യു പറയുന്നത് അനുസരിച്ച് യഥാര്ത്ഥ ചോദ്യപേപ്പറുകള് ഓണ്ലൈനില് ചോരാനുള്ള സാധ്യത വളരെ കുറവാണ്. തങ്ങളുടെ പ്ലാറ്റ്ഫോമുകളില് പരീക്ഷാ പേപ്പറുകള് വില്ക്കാന് അനുവദിക്കില്ലെന്ന് ടിക് ടോക്കും ഇന്സ്റ്റാഗ്രാമും അറിയിച്ചു.
ഇതിനിടെ സമൂഹമാധ്യമങ്ങള് വഴി കബളിപ്പിക്കല് സംഘങ്ങള് ചോദ്യപേപ്പര് വില്ക്കാന് ശ്രമിച്ചതിന്റെ കൂടുതല് സംഭവങ്ങള് പലരും വെളിപ്പെടുത്തി കൊണ്ടിരിക്കുകയാണ്. ഇന്സ്റ്റാഗ്രാമില് ജി സി എസ് ഇ പേപ്പറിനായി 500 പൗണ്ട് ആവശ്യപ്പെട്ടതായി ഒരാള് പറഞ്ഞു. വളരെ എളുപ്പത്തില് സമൂഹമാധ്യമങ്ങളിലൂടെ ഇത്തരം സംഘങ്ങളെ കണ്ടെത്താനാകുമെന്ന് സ്വിന്ഡനിലെ കോമണ്വെല് സ്കൂളിലെ വിദ്യാര്ത്ഥികള് പറഞ്ഞു. പരീക്ഷാ ബോര്ഡിലെ വിദഗ്ധര് സമൂഹമാധ്യമങ്ങളിലെ ഇത്തരം സംഘങ്ങളെ കണ്ടെത്താനും നടപടികള് സ്വീകരിക്കാനും സോഷ്യല് മീഡിയ അക്കൗണ്ടുകള് പരിശോധിച്ചു കൊണ്ടിരിക്കുകയാണ് എന്നാണ് അറിയാന് സാധിച്ചത്. എന്നാല് മറ്റേതൊരു സോഷ്യല് മീഡിയ ഉപയോക്താക്കളെയും പോലെ സംഭവങ്ങള് റിപ്പോര്ട്ട് ചെയ്യാന് മാത്രമേ അവര്ക്ക് കഴിയൂ എന്നതാണ് വാസ്തവം.
കൗണ്സില് തെരഞ്ഞെടുപ്പില് പ്രതീക്ഷിച്ചതിലും വലിയ തിരിച്ചടി നേരിട്ടതോടെ വന് നികുതി ഇളവുകള്ക്കായി സുനകിന് മേല് സമ്മര്ദ്ദവുമായി കണ്സര്വേറ്റീവ് പാര്ട്ടി നേതാക്കള്. പൊതു തെരഞ്ഞെടുപ്പ് അടുത്തു വരുന്നതോടെ, വോട്ടര്മാരെ ആകര്ഷിക്കുന്നതിനായി വന് നികുതി ഇളവുകള് പ്രാഖ്യാപിക്കണമെന്നു അവര് പ്രധാനമന്ത്രിയോട് ആവശ്യപ്പെടുന്നു. സാധാരണ പാര്ട്ടി അനുഭാവികള് പാര്ട്ടി നേതൃത്വത്തിന്റെ പ്രവര്ത്തന രീതിയില് അസംതൃപ്തരും രോഷാകുലരുമാണെന്ന് മുന് നേതാവ് ഇയാന് ഡന്കന് സ്മിത്ത് പറഞ്ഞു.
പൊതു ജന താല്പര്യം മുന്നിര്ത്തി പ്രവര്ത്തിച്ചാല് വരുന്ന തെരഞ്ഞെടുപ്പില് കരകയറാമെന്നും മുതിര്ന്ന നേതാക്കള് പ്രതീക്ഷ പ്രകടിപ്പിച്ചു. ചെറുകിട ബിസിനസുകാര്ക്കും പെന്ഷന്കാര്ക്കും സഹായകമരമായ തീരുമാനം വേണം. ലെവികളില് ഇളവുള്പ്പെടെ പരിഗണിക്കണമെന്നും ആവശ്യമുണ്ട്. നാഷണല് ഇന്ഷുറന്സില് ഇളവുകള് കൊണ്ടു വന്നതു പോലെ, ജനപ്രിയങ്ങളായ നടപടികള് ഇനിയും ആവശ്യമാണെന്നാണ് പാര്ട്ടിയിലെ മുതിര്ന്ന നേതാക്കളുടെ ആവശ്യം
ഇപ്പോള് തെരഞ്ഞെടുപ്പ് നടന്നാല്, പാര്ട്ടി ഒറ്റക്ക് ഭൂരിപക്ഷം നേടും എന്ന് ആത്മവിശ്വാസം പ്രകടിപ്പിച്ച ലേബര് നേതാവ് ലോര്ഡ് ബ്ലങ്കറ്റ് സര്ക്കാരിനെതിരെ ജനരോഷം പ്രകടമായെന്നും വ്യക്തമാക്കി.
Latest News
ലൈംഗികമായി പകരുന്ന രോഗങ്ങളുടെ ലിസ്റ്റ് തീർന്നോ എന്ന് ചോദിച്ചാൽ ഇല്ല. അതിനാൽത്തന്നെ ഇനി അടുത്ത ആൾ ക്ലമീഡിയ, അതെന്താണെന്ന് നോക്കാം. യുണൈറ്റഡ് സ്റ്റേറ്റ്സിൽ ഏറ്റവും പ്രചാരമുള്ള ബാക്ടീരിയകളിൽ ഒന്നാണ് ക്ലമീഡിയ. മറ്റ് അണുബാധകളെപ്പോലെ, ക്ലമീഡിയയും വളരെ നിശബ്ദത പാലിക്കുന്നു, എന്നതിനാൽ തന്നെ ഈ രോഗം കൂടുതൽ ഗുരുതരമാകുന്നതുവരെ രോഗനിർണയം നടത്താൻ ആകുന്നില്ല. കൂടാതെ 40 ശതമാനം കേസുകളിലും, ഈ രോഗത്തോട് അനുബന്ധിച്ചു ഒരു പെൺകുട്ടി വൈദ്യസഹായം തേടുമ്പോഴേക്കും, രോഗം പെൽവിക് ഇൻഫ്ലമേറ്ററി ഡിസീസ് ആയി മാറിയിരിക്കും. ഇത് പിന്നീട് സ്ത്രീകളിൽ വന്ധ്യതയ്ക്കും പെൽവിക് വേദനയ്ക്കും കാരണമാകുന്നു.
പെൽവിക് ഇൻഫ്ലമേറ്ററി ഡിസീസ് (പിഐഡി) എന്നത് സ്ത്രീകളുടെ പ്രത്യുത്പാദന അവയവങ്ങളിലുണ്ടാകുന്ന അണുബാധയാണ്. ഇതിൽ ലൈംഗികമായി പകരുന്ന ബാക്ടീരിയകൾ നിങ്ങളുടെ യോനിയിൽ നിന്ന് ഗർഭപാത്രത്തിലേക്കോ ഫാലോപ്യൻ ട്യൂബുകളിലേക്കോ അണ്ഡാശയത്തിലേക്കോ വ്യാപിക്കുന്നു. എന്നിരുന്നാലും ചില സ്ത്രീകൾക്ക് ലക്ഷണങ്ങൾ ഒന്നും തന്നെ അനുഭവപ്പെടുകയില്ലെങ്കിലും അത് സ്ത്രീകളിൽ ഗർഭധാരണം തടയുന്നതിന് കാരണമാകുകയോ അല്ലെങ്കിൽ വിട്ടുമാറാത്ത പെൽവിക് (ഇടുപ്പ്) വേദന ഉണ്ടാകുന്നത് വരെ നിങ്ങൾക്കത് ഉണ്ടെന്ന് നിങ്ങൾ മനസ്സിലാക്കിയേക്കില്ല.
ഗർഭധാരണം നടക്കുന്ന ഫാലോപ്യൻ ട്യൂബുകളെ PID ബാധിക്കുന്നതിനാൽ ആൺ ബീജം പെൺ അണ്ഡത്തിൽ എത്തുന്നത് തടയാം. മറ്റൊരു വിധത്തിൽ പറഞ്ഞാൽ, വന്ധ്യതയാണ് PID യുടെ അന്തിമ ഫലം കൂടാതെ ഈ രോഗമുള്ളവരിൽ മൂത്രമൊഴിക്കുമ്പോൾ വേദന, യോനിയിൽ നിന്നോ ലിംഗത്തിൽ അസാധാരണമായ ഡിസ്ചാർജ് ഉണ്ടാകുക, സ്ത്രീകളിൽ അതിഖടിനമായ വയറുവേദന, അല്ലങ്കിൽ ലൈംഗിക ബന്ധത്തിന് ശേഷം രക്തസ്രാവമുണ്ടാകുക, പുരുഷന്മാരിൽ, വൃഷണങ്ങളിൽ വേദനയും വീക്കവും ഉണ്ടാകുക ഇവയൊക്കെ ക്ലമടിയായുടെ ലക്ഷണങ്ങളാണ്.
സുരക്ഷിതമല്ലാത്ത യോനി, മലദ്വാര അല്ലെങ്കിൽ ഓറൽ ലൈംഗികതയിലൂടെ ഇത് പകരാം . രതിമൂർച്ഛയോ സ്ഖലനമോ ഇല്ലെങ്കിൽപ്പോലും ലൈംഗിക ഭാഗങ്ങളിലെ സ്പര്ശനം മൂലവും നിങ്ങൾക്ക് മറ്റൊരാളിൽ നിന്ന് ക്ലമീഡിയ ലഭിക്കാം. ചുംബിക്കലും ആലിംഗനവും പോലെയുള്ള സാധാരണ സമ്പർക്കത്തിലൂടെയോ കുളികൾ, ടവലുകൾ, നീന്തൽക്കുളങ്ങൾ, ടോയ്ലറ്റ് സീറ്റുകൾ അല്ലെങ്കിൽ കട്ട്ലറികൾ എന്നിവ പങ്കിടുന്നതിലൂടെയോ ക്ലമീഡിയക്ക് പകരാൻ കഴിയില്ല.
നിങ്ങൾ ഒരു പുതിയ ലൈംഗിക പങ്കാളിയെ തിരഞ്ഞെടുക്കുമ്പോൾ കോണ്ടം പോലെയുള്ള ഗർഭനിരോധന മാർഗ്ഗം ഉപയോഗിക്കുന്നില്ലെങ്കിൽ നിങ്ങൾക്ക് ഏറ്റവും അപകടസാധ്യതയുണ്ട്. എന്നിരുന്നാലും തുടർച്ചയായ ചെക്കപ്പുകളും നല്ലൊരു ക്വാളിഫൈഡ് ആയിട്ടുള്ള ഡോക്ടർമാരുടെ നിർദ്ദേശാനുസരണമുള്ള മരുന്നുകളുമൊക്കെ ക്ലമടിയക്കെതിരെ ഫലം ചെയ്യാം. തുടരും ഇത് ആരുടെയും കയ്യടി പ്രേതീക്ഷിച്ചു കൊണ്ട് എഴുതുന്നവ അല്ല. സെക്ഷ്വൽ ഹെൽത് ക്ലിനിക്കിൽ പ്രാക്ടീസ് ചെയ്യാൻ അവസരം ലഭിച്ച ഒരു നഴ്സ് എന്ന നിലയിലും, കുട്ടികൾക്ക് നൽകാം ലൈംഗിക പാഠങ്ങൾ എന്ന ബുക്ക് എഴുതാനായി ഒത്തിരി ബുക്കുകൾ വായിച്ച അറിവ് വെച്ചും ആളുകളെ ബോധവാൻമാർ ആക്കുക എന്ന ഉദ്ദേശ ശുദ്ദിയുടെയും എഴുതുന്നതാണ് ഇത് . വായിച്ചറിഞ്ഞ അറിവുകൾ പൂർണമായി ശരിയായ രീതിയിൽ മനസിലാക്കാനും ഉപയോഗപ്പെടുത്താനും നിങ്ങളുടെ അടുത്തുള്ള ഒരു രെജിസ്റ്റേർഡ് ഡോക്ടറിന്റെ സഹായം തേടുക.
ജോസ്ന സാബു സെബാസ്റ്റ്യൻ
ASSOCIATION
പതിനഞ്ചാമത് മുട്ടുചിറ സംഗമം സെപ്റ്റംബര് 27, 28, 29 തീയതികളില് നോര്ത്ത് വെസ്റ്റിലെ ബോള്ട്ടണില് വെച്ച് നടത്തപ്പെടുന്നു. ജനപങ്കാളിത്തം കൊണ്ടും സംഘാടന മികവ് കൊണ്ടും യുകെയിലെ നാട്ട് സംഗമങ്ങളില് ഏറ്റവും ശ്രദ്ധേയമായ മുട്ടുചിറ സംഗമത്തിന് 2009 ല് തുടക്കം കുറിച്ചതും ബോള്ട്ടണില് തന്നെയായിരുന്നു. കോവിഡ് മഹാമാരി ദുരിതം വിതച്ച 2020 ല് ഒഴികെ, കഴിഞ്ഞ പതിനാല് വര്ഷങ്ങളായി വളരെ ഭംഗിയായി നടന്ന് വരുന്ന മുട്ടുചിറ സംഗമത്തിന്റെ പതിനഞ്ചാമത് സംഗമം പൂര്വ്വാധികം ഭംഗിയായി നടത്തുവാനുള്ള ഒരുക്കങ്ങളിലാണ് ബോള്ട്ടണിലെ മുട്ടുചിറക്കാര്.
ഭാരതത്തിന്റെ ആദ്യ വിശുദ്ധ, അല്ഫോന്സാമ്മ ബാല്യ, കൗമാരങ്ങള് ചിലവഴിച്ച മുട്ടുചിറ കേരളത്തിലെ ആദിമ ക്രൈസ്തവ കുടിയേറ്റ കേന്ദ്രങ്ങളില് ഒന്ന് കൂടിയാണ്. പരിശുദ്ധാത്മാവിന്റെ നാമത്തില് സ്ഥാപിതമായ ഏഷ്യയിലെ ആദ്യ ദേവാലയമാണ് മുട്ടുചിറയിലേത്. വടക്കുംകൂര് രാജവംശത്തിന്റെ ആസ്ഥാനമായിരുന്ന മുട്ടുചിറ, മലയാളത്തിലെ ആദ്യ സന്ദേശകാവ്യമായ ഉണ്ണുനീലി സന്ദേശത്തിലും പ്രതിപാദ്യ വിഷയമായിരുന്നു. മുട്ടുചിറ കുന്നശ്ശേരിക്കാവിന് വടക്ക് ഭാഗത്തായിരുന്നു ഉണ്ണുനീലി സന്ദേശത്തിലെ നായിക ഉണ്ണുനീലിയുടെ ഭവനമായ മുണ്ടക്കല് തറവാട്. ഭാഗവതഹംസം ബ്രഹ്മശ്രീ മള്ളിയൂര് ശ്രീ ശങ്കരന് നമ്പൂതിരിപ്പാടിലൂടെ, കേരളത്തിലെ പ്രമുഖ തീര്ത്ഥാടന കേന്ദ്രമായി മാറിയ മള്ളിയൂര് ശ്രീ മഹാ ഗണപതി ക്ഷേത്രം, കേരളത്തിലെ ഏക സൂര്യക്ഷേത്രമായ ആദിത്യപുരം സൂര്യക്ഷേത്രം എന്നിവയിലേക്കുള്ള പ്രവേശന കവാടം കൂടിയാണ് മുട്ടുചിറ.
സ്വിറ്റ്സര്ലന്ഡില് ഇടവക വികാരിയായി സേവനമനുഷ്ഠിക്കുന്ന ഫാ.വര്ഗ്ഗീസ് നടക്കല് രക്ഷാധികാരിയായും ബോള്ട്ടണിലെ ജോണി കണിവേലില് ജനറല് കണ്വീനറായും 2009 ല് തുടക്കം കുറിച്ച മുട്ടുചിറ സംഗമം UK, ഇരുവരുടെയും നേതൃത്വത്തില് ഊര്ജ്ജസ്വലതയോടെ, ഒറ്റക്കെട്ടായി മുന്നോട്ട് പോകുകയാണ്. മുട്ടുചിറ സംഗമം യുകെയുടെ പതിനഞ്ചാമത് വാര്ഷിക സംഗമത്തിലേക്ക് യുകെയിലുള്ള മുഴുവന് മുട്ടുചിറ കുടുംബങ്ങളെയും പ്രതീക്ഷിച്ച് കൊണ്ടുള്ള വിപുലമായ ഒരുക്കങ്ങളാണ് നടക്കുന്നതെന്ന് സംഘാടകര് അറിയിച്ചു.
മുട്ടുചിറ സംഗമവുമായി ബന്ധപ്പെട്ട കൂടുതല് വിവരങ്ങള്ക്ക് താഴെ പറയുന്നവരെ ബന്ധപ്പെടേണ്ടതാണ്.
ജോണി കണിവേലില് - 07889800292, കുര്യന് ജോര്ജ്ജ് - 07877348602,സൈബന് ജോസഫ് - 07411437404,ബിനോയ് മാത്യു - 07717488268,ഷാരോണ് ജോസഫ് - 07901603309.
ലിവര്പൂള് : ലിവര്പൂള് മലയാളി കള്ച്ചറല് അസ്സോസിയേഷന് (ലിംക) അണിയിച്ചൊരുക്കുന്ന മലയാള ഭാഷാ പഠന ക്ലാസ്സ് 'അക്ഷരവേദി'ക്ക് ഇന്ന് വൈകിട്ട് 7.30 ന് തുടക്കമിടും. പ്രമുഖ മാധ്യമപ്രവര്ത്തകനും മലയാള മനോരമ യുകെ ലേഖകനുമായ റ്റിജോ ജോര്ജ്ജ് ആണ് ചടങ്ങ് ഉദ്ഘാടനം ചെയ്യുന്നത്.
മാധ്യമപ്രവര്ത്തകന് നിധീഷ് സോമന് ആദ്യ ക്ലാസ്സ് അവതരിപ്പിക്കും. സും മീറ്റിലൂടെ നടത്തുന്ന ചടങ്ങില് അസ്സോസിയേഷന് ഭാരവാഹികള്, വിദ്യാര്ത്ഥികള്, രക്ഷകര്ത്താക്കള് എന്നിവര് പങ്കെടുക്കും.
കുറച്ച് കാലങ്ങളായിട്ട് നിര്ത്തി വെച്ചിരുന്ന മലയാളം ക്ലാസുകള് വീണ്ടും പുനരാരംഭിക്കുക വഴി ലിവര്പൂളില് പുതിയതായിട്ട് എത്തിച്ചേര്ന്നിരിക്കുന്ന എല്ലാ മലയാളി കുടുംബാംഗങ്ങള്ക്കും ഇതൊരു വലിയ മുതല്ക്കൂട്ടായിരിക്കും എന്ന് ലിംക പ്രസിഡന്റ് തോമസുകുട്ടി ഫ്രാന്സിസ് കഴിഞ്ഞ ദിവസം ചേര്ന്ന എക്സിക്യൂട്ടീവ് യോഗത്തില് പറഞ്ഞു. വിപിന് വര്ഗീസ് റാണി ജേക്കബ്, സണ്ണി ജേക്കബ് എന്നിവര് മലയാളം ക്ലാസുകള് കോര്ഡിനേറ്റ് ചെയ്യും.
സൗത്ത് ഇന്ത്യന് മലയാളി അസോസിയേഷനായ സൈമ പ്രെസ്റ്റന് പുതിയ ഭാരവാഹികള്. പ്രസ്റ്റണിലും അതിന്റെ പരിസര പ്രദേശങ്ങളിലും വസിക്കുന്ന ദക്ഷിണേന്ത്യന് മലയാളി കമ്മ്യൂണിറ്റിയെ ഒന്നിപ്പിക്കുക എന്ന ലക്ഷ്യത്തോടെയാണ് സൈമ പ്രെസ്റ്റ ആരംഭിക്കുന്നത്. സന്തോഷ് ചാക്കോയുടെ പ്രസിഡന്റായി സാംസ്കാരിക കൈമാറ്റം സാമൂഹിക പിന്തുണ, കമ്മ്യൂണിറ്റി വികസനം എന്നിവയ്ക്കായി എല്ലാവരെയും ഒരുമിപ്പിച്ചു കൊണ്ട് ഒരു ഫ്ളാറ്റ്ഫോം ആയി പ്രവര്ത്തിക്കാന് ലക്ഷ്യമിട്ടാണ് പുതിയ കമ്മിറ്റി നിലവില് വന്നിരിക്കുന്നത്.
സൈമയുടെ എക്സിക്യൂട്ടീവ് മെമ്പേഴ്സ് ഇവരാണ്. സന്തോഷ് ചാക്കോ പ്രസിഡന്റ് സൈമ പ്രെസ്റ്റണ്, ബിനുമോന് ജോയ് കമ്മറ്റി മെമ്പര് , മിസ്റ്റര് മുരളി നാരായണന് കമ്മറ്റി മെമ്പര് സൈമ പ്രെസ്റ്റണ്, മിസ്റ്റര് അനീഷ് വി. ഹരിഹരന് കമ്മറ്റി മെമ്പര് സൈമ പ്രെസ്റ്റണ്, മിസ്റ്റര് നിധിന് ടി. എന് കമ്മറ്റി മെമ്പര് സൈമ പ്രെസ്റ്റണ്, മിസ്റ്റര് നിഖില് ജോസ് പ്ലാതിങ്കല് എക്സ് കമ്മറ്റി മെമ്പര് സൈമ പ്രെസ്റ്റണ്, ഡോ. വിഷ്ണു നാരായണന് കമ്മറ്റി മെമ്പര് സൈമ പ്രെസ്റ്റണ്, മിസ്റ്റര് ബേസില് ബിജു കമ്മറ്റി മെമ്പര് സൈമ പ്രെസ്റ്റണ്.
എക്സിക്യുട്ടീവ് കമ്മറ്റിയുടെ ഓരോ അംഗവും അവരുടെ പ്രവര്ത്തി മേഖലയിലെ വൈദഗ്ദ്ധ്യം അനുഭവ സമ്പത്തുകള് അഭിനിവേശം എന്നിവ സൈമയുടെ പ്രവര്ത്തനങ്ങള്ക്ക് വൈവിദ്ധ്യം കൊണ്ടു വരുന്നു. ഇത് സൗത്ത ഇന്ത്യന് മലയാളി കമ്മ്യൂണിറ്റിയുടെ വിജയത്തിനും വളര്ച്ചയ്ക്കും വളരെ അധികം സംഭാവന ചെയ്യും.
സൈമ പ്രെസ്റ്റണിന്റെ പ്രസിഡന്റ് സന്തോഷ് ചാക്കോ സ്വന്തം നാട്ടില് നിന്ന് അകന്നിരിക്കുന്ന വ്യക്തികളെ പിന്തുണയ്ക്കുന്നതിലും അവര് നേരിടുന്ന ബുദ്ധിമുട്ടുകള് മനസ്സിലാക്കുന്നതിലും അസോസിയേഷന് വഹിക്കാന് പറ്റുന്ന പങ്ക് വളരെ അധികമാണെന്ന് അഭിപ്രായപ്രെട്ടു. ''എല്ലാവര്ക്കും മെച്ചപ്പെട്ട ജീവിതം ഉറപ്പാക്കികൊണ്ട് ആവശ്യമുള്ളവര്ക്ക് വേണ്ടി കൈകോര്ക്കുകയും സഹായം നല്കുകയും ചെയ്യുക എന്നതാണ് സൈമെയിലൂടെ ഞങ്ങളുടെ ലക്ഷ്യം'' എന്ന് അദ്ദേഹം പ്രസ്താവിച്ചു സൈമ പ്രെസ്റ്റണിന്റെ രൂപീകരണം കമ്മ്യൂണിറ്റിയുടെ ഐക്യദാര്ഢ്യത്തിലേക്കും സമൃദ്ധയിലേക്കുമുള്ള യാത്രയിലെ ഒരു സുപ്രധാന നിമനിഷത്തെ അടയാളപ്പെടുത്തുന്നു. പ്രെസ്റ്റണിലും പരിസര പ്രദേശങ്ങളിലുമുള്ള എല്ലാ ദക്ഷിണേന്ത്യന് മലയാളികളെയും ഈ മഹത്തായ ഉദ്യമത്തില് ഞങ്ങളോടൊപ്പം ചേരാന് സൈമാ ഭാരവാഹികള് ആഹ്വാനം ചെയ്തു.
പീറ്റര് ചേരാനല്ലൂരിന്റെ നേതൃത്വത്തിലുള്ള സ്നേഹ സംഗീത രാവ് നാളെ ബ്രിസ്റ്റോള് ട്രിനിറ്റി അക്കാദമി ഹാളില് നടക്കും. ക്രിസ്ത്യന് ഭക്തിഗാന രംഗത്ത് മികച്ച സംഭാവനകള് നല്കിയ സംഗീത സംവിധാകനും ഗായകനുമായ പീറ്റര് ചേരാനെല്ലൂര് നയിക്കുന്ന ഗാനമേള കണ്ടാസ്വദിക്കാന് കാത്തിരുന്നവര്ക്ക് ആ ദിവസം ഇങ്ങെത്തി.
എസ്ടിഎസ്എംസിസിയുടെ ചര്ച്ച് നിര്മ്മാണ ഫണ്ടിനായുള്ള പണം സ്വരൂപിക്കുന്നതിനായുള്ള ഈ ഷോയുടെ ടിക്കറ്റ് വില്പ്പനയ്ക്ക് വന് സ്വീകാര്യത ആണ് ലഭിക്കുന്നത്. ബ്രിസ്റ്റോളില് ആദ്യ ഷോ പന്ത്രണ്ടരയ്ക്കും രണ്ടാമത്തെ ഷോ അഞ്ചരയ്ക്കുമാണ്. ആദ്യ ഷോയ്ക്കുള്ള ടിക്കറ്റ് വില്പ്പന പൂര്ത്തിയായി. അടുത്ത ഷോയ്ക്കുള്ള ടിക്കറ്റ് വില്പ്പന പുരോഗമിക്കുകയാണ്. വെള്ളി, ശനി ദിവസങ്ങളില് ടിക്കറ്റെടുക്കുന്നവര്ക്ക് പ്രത്യേക ഓഫറുകളുണ്ട്. ഇന്റര്നാഷണല് സ്റ്റുഡന്സിനായി 50 ശതമാനം ഓഫറും പ്രഖ്യാപിച്ചിട്ടുണ്ട്. ഓഫറുകള്ക്കായി സൈറ്റ് സന്ദര്ശിക്കുക.
വ്യത്യസ്ത ഗാനാലാപന രീതി കൊണ്ടും വേദിയെ കീഴടക്കുന്ന വാചാലത കൊണ്ടും ശ്രദ്ധേയയായ ടോപ് സിങ്ങര് ഫെയിം മേഘ്നക്കുട്ടിക്കൊപ്പം (മേഘ്ന സുമേഷ്) യുവഗായകനും ഐഡിയ സ്റ്റാര് സിങ്ങര് വിജയി ലിബിന് സ്കറിയ, പ്രശസ്ത പാട്ടുകാരി ക്രിസ്റ്റകല, വിവിധ ഭാഷകളില് ഗാനങ്ങളുമായി ചാര്ലി മുട്ടത്ത്, കീബോര്ഡിസ്റ്റ് ബിജു കൈതാരം തുടങ്ങിയവരും വേദിയിലെത്തുന്നു.
നൈസ് കലാഭവന് ഒരുക്കുന്ന ഡാന്സ് പ്രോഗ്രാമും വേദിയില് ആവേശം തീര്ക്കുമെന്നുറപ്പാണ്.രണ്ട് ഷോകള്ക്കും ഫുഡ് കൗണ്ടറുകള് ഉണ്ടായിരിക്കും.
സ്റ്റേജ് പ്രോഗ്രാം വിവരങ്ങള്ക്കായി:സിജി സെബാസ്റ്റിയന് : 07734303945ക്ലമന്സ് : 07949499454
SPIRITUAL
കവന്ട്രി : ഗ്രേറ്റ് ബ്രിട്ടന് സീറോ മലബാര് രൂപതയിലെ വിശ്വാസ പരിശീലകരുടെ വാര്ഷിക ഒത്തുചേരല് കൊവെന്ട്രിയില് വച്ച് നടത്തപ്പെട്ടു. രൂപതാദ്ധ്യക്ഷന് മാര് ജോസഫ് സ്രാമ്പിക്കല് ഉദ്ഘാടനം ചെയ്ത സമ്മേളനത്തില് രൂപതയുടെ ഇടവക, മിഷന് പ്രൊപ്പോസഡ് മിഷന് തലങ്ങളില് നിന്നുള്ള വിശ്വാസ പരിശീലകര് പങ്കെടുത്തു. 'വിശ്വാസ പരിശീലകര് സഭയുടെ സ്വത്വ ബോധം വളര്ത്തുന്നതില് ഉത്സുകര് ആയിരിക്കണം എന്ന് ഉദ്ഘാടന പ്രസംഗത്തില് വിശ്വാസ പരിശീലകരെ അദ്ദേഹം ഉത്ബോധിപ്പിച്ചു.
പതിനാലായിരത്തോളം വിദ്യാര്ത്ഥികളും രണ്ടായിരത്തി മുന്നൂറ് അധ്യാപകരും ഉള്ള വലിയ ഒരു സംവിധാനമായി ചുരുങ്ങിയ കാലയളവിനുള്ളില് ഗ്രേറ്റ് ബ്രിട്ടന് രൂപതയുടെ മത ബോധന രംഗത്തെ മാറ്റിയ ദൈവ കരുണക്ക് നന്ദി പറഞ്ഞു വരും വര്ഷങ്ങളിലേക്ക് കൂടുതല് ഊര്ജം സംഭരിക്കണം, സഭയുടെ പ്രഥമവും പ്രധാനവുമായ ദൗത്യം പഠിപ്പിക്കല് ശുശ്രൂഷയാണെന്നും അതീവ ജാഗ്രതയോടെ ഈ മേഖലയില് വിശ്വാസ പരിശീലകര് വ്യാപാരിക്കണമെന്നും അദ്ദേഹം കൂട്ടിച്ചേര്ത്തു'.
മത ബോധന കമ്മീഷന് ചെയര്മാന് ഡോ. വര്ഗീസ് പുത്തന് പുരക്കല് സമ്മേളനത്തില് ആമുഖ പ്രഭാഷണം നടത്തി. ഡോ. സെബാസ്റ്റ്യന് നാമറ്റത്തില് സ്വാഗതം ആശംസിച്ച സമ്മേളനത്തില് രൂപത പ്രോട്ടോ സിഞ്ചെല്ലൂസ് ഡോ. ആന്റണി ചുണ്ടെലിക്കാട്ട് മുഖ്യ പ്രഭാഷണം നടത്തി. ചാന്സിലര് ഡോ. മാത്യു പിണക്കാട്ട്, പ്രൊക്യൂറേറ്റര് ഫാ. ജോ മൂലശ്ശേരി വി.സി, ഫാ. ജോര്ജ് എട്ടുപറ എന്നിവര് ആശംസകള് അര്പ്പിച്ചു. ഡോ. ടോം ഓലിക്കരോട്ട്, ഫാ. നിധിന് ഇലഞ്ഞിമറ്റം എന്നിവര് വിവിധ വിഷയങ്ങളെ സംബന്ധിച്ച് ക്ളാസുകള് നയിച്ചു.
സി എല് ടി കോഴ്സ് വിജയകരമായി പൂര്ത്തിയാക്കിയ വിശ്വാസപരിശീലകര്ക്ക് സര്ട്ടിഫിക്കേറ്റുകള് വിതരണം ചെയ്തു. രൂപതാദ്ധ്യക്ഷന് മാര് ജോസഫ് സ്രാമ്പിക്കലിന്റെ കാര്മികത്വത്തില് അര്പ്പിച്ച വിശുദ്ധ കുര്ബാനയോടെയാണ് സമ്മേളനം അവസാനിച്ചത്. രൂപത മത ബോധന കമ്മീഷന് സെക്രട്ടറി ആന്സി ജോണ്സന്, ടെക്നിക്കല് കോഡിനേറ്റര് ജിമ്മി മാത്യു, ബിര്മിംഗ് ഹാം റീജിയണല് സെക്രട്ടറി ഷാജുമോന് ജോസഫ് എന്നിവരുടെ നേതൃത്വത്തില് ഉള്ള മത ബോധന കമ്മീഷന് ഭാരവാഹികള് സമ്മേളനത്തിന് നേതൃത്വം നല്കി.
സ്വാന്സിയ : സൗത്ത് വെയില്സിലെ മലയാളി ക്രൈസ്തവ സമൂഹം കഴിഞ്ഞ 20 വര്ഷമായി ദൈവം നല്കിയിട്ടുള്ള എല്ലാ അനുഗ്രഹങ്ങള്ക്കും സ്നേഹത്തിനും നന്ദി അര്പ്പിച്ചു കൊണ്ടും തങ്ങളുടെ വിശ്വാസ പാരമ്പര്യത്തിന്റെ പ്രഘോഷണമായി ഭാരത്തിന്റെ അപ്പോസ്തലനും വിശ്വാസത്തില് നമ്മുടെ പിതാവുമായ മാര്ത്തോമ്മാ ശ്ലീഹായുടെയും മലയാളികളുടെ വിശുദ്ധയായ വിശുദ്ധ അല്ഫോന്സാമ്മയുടെയും സംയുക്ത തിരുനാള് അത്യന്തം ഭക്തിയോടെ ജൂണ് ഒന്പതിന് സ്വാന്സിയ ജെന്ഡ്രോസ് ഹോളി ക്രോസ് ദേവാലയത്തില് വെച്ച് ഭക്തിപൂര്വം ആഘോഷിക്കുന്നു.
ജൂണ് ഒന്പതിന് ഞായറാഴ്ച വൈകീട്ട് 3.30ന് ജപമാല സമര്പ്പണം, തുടര്ന്ന് ആഘോഷമായ തിരുന്നാള് സമൂഹ ബലിയോട് കൂടി തിരുനാള് കര്മങ്ങള് ആരംഭിക്കുന്നതാണ്. തിരുനാള് സന്ദേശം, ലദ്ദീഞ്ഞ്, തോരണങ്ങളും വിവിധ വര്ഷങ്ങളോട് കൂടിയ മുത്തുകുടകളും, വാദ്യമേളങ്ങളോട് കൂടിയ വിശാലമായ പള്ളി മൈതാനം ചുറ്റി വിശുദ്ധരുടെ തിരുസ്വരൂപങ്ങള് വഹിച്ചുകൊണ്ടുള്ള ഭക്തി നിര്ഭരമായ തിരുനാള് പ്രദിക്ഷണം, പരിശുദ്ധ കുര്ബാനയുടെ ആശീര്വാദവും, സ്നേഹവിരുന്നും തുടര്ന്ന് മാജിക് ബീറ്റ്സ് ഓര്ക്കസ്ട്ര നയിക്കുന്ന ഗാനമേളയും, പോര്ട്സ്മിത്ത് ടീം ശിങ്കാരിമേളവും ഉണ്ടായിരിക്കുന്നതാണ്.
കുര്ബാനയ്ക്ക് ശേഷം കഴുന്ന് എടുക്കുവാനും നേര്ച്ചകള് സമര്പ്പിക്കുവാനും സൗകര്യം ഉണ്ടായിരിക്കുന്നതാണ്. യുകെയിലെ വിവിധ സ്ഥലങ്ങല് നിന്നും നിരവതി വിശ്വാസികള് ഇവിടെ എത്തി തിരുനാളില് പങ്കെടുത്ത് തങ്ങളുടെ മക്കളെ വിശുദ്ധര്ക്ക് അടിമ വെച്ച് സര്വ ഐശ്വര്യത്തിനായി പ്രാര്ത്ഥിക്കുന്നു. തിരുനാളിന്റെ പ്രത്യേകതയാണ് ഇവിടുത്തെ പ്രാര്ത്ഥന നേര്ച്ച. എല്ലാ കുടുംബങ്ങളില് നിന്നും എത്തിക്കുന്ന അപ്പവും കോഴിക്കറിയുമാണ് പ്രാര്ത്ഥന നേര്ച്ചയായി ഭക്ത ജനങ്ങള്ക്ക് വിതരണം ചെയ്യുന്നത്.
ഹോളിക്രോസ് വികാരിയും മാന്വിയ രൂപത സീറോമലബാര് ചാപ്ലിനുമായ ഫാ. സിറില് തടത്തിലിന്റെ നേതൃത്വത്തില് തിരുനാളിന് വിപുലമായ ഒരുക്കങ്ങള് ആണ് നടത്തിവരുന്നത്. തിരുനാള് കര്മങ്ങളില് പങ്കെടുത്ത് അനുഗ്രഹങ്ങള് നേടുന്നതിനും ഈ സ്നേഹക്കൂട്ടായ്മയില് പങ്ക് ചേരുന്നതിനും എല്ലാവരേയും ക്ഷണിക്കുന്നു.
പ്രശസ്ത വചന പ്രഘോഷകന് ഫാ.സേവ്യര് ഖാന് വട്ടായില് നയിക്കുന്ന യുവജനങ്ങള്ക്കായുള്ള താമസിച്ചുള്ള ധ്യാനം'' ഗ്രാന്ഡ് യൂത്ത് കോണ്ഫറന്സ് ''യുകെയില് ജൂണ് 28 മുതല് ജൂലൈ 1 വരെ നടക്കുന്നു. ഫാ.സേവ്യര് ഖാന് വട്ടായിലും ഫാ. ഷൈജു നടുവത്താനിയും അഭിഷേകാഗ്നി ടീമും നയിക്കുന്ന ഈ ധ്യാനത്തിലേക്ക് രജിസ്ട്രേഷന് ഉടന് അവസാനിക്കും.
സ്ഥലത്തിന്റെ വിലാസം:POINEER CENTRE, KIDDERMINISTER, SHROPSHIRE, DY148JG
കൂടുതല് വിവരങ്ങള്ക്ക് ബന്ധപ്പെടുക:ജോസ് കുര്യാക്കോസ് 07414 747573മിലി തോമസ് 07877 824673മെല്വിന് 07546112573
SPECIAL REPORT
ടെക്നോളജി അങ്ങ് ടോയ്ലെറ്റ് വരെ എത്തിയിരിക്കുകയാണ്. ചൈനയില് ബീജിങ്, ഷാങ്ഹായ് പോലുള്ള നഗരങ്ങളില് പുരുഷന്മാര്ക്ക് വേണ്ടി സജ്ജീകരിച്ചിരിക്കുന്ന ടോയ്ലെറ്റ് ആരോഗ്യ കാര്യങ്ങള്ക്ക് കൂടി ശ്രദ്ധ കൊടുക്കുന്ന ടെക്നോളജിയാണ് ഒരുക്കിയിരിക്കുന്നത്.
യൂറിന് ടെസ്റ്റുകള് ചെയ്യണമെങ്കില് പബ്ലിക് ശുചിമുറിയിലെ 'സ്മാര്ട്ട് യൂറിനലുകളെ' ആശ്രയിച്ചാല് മതിയാകും. മൂത്ര പരിശോധനയിലൂടെ ജനങ്ങളുടെ ആരോഗ്യത്തെ സംബന്ധിച്ച വിലയിരുത്തലുകള് നടത്തുന്ന സ്മാര്ട്ട് പബ്ലിക് ശുചിമുറികള് ആണ് ചൈനയില് ആരംഭിച്ചിരിക്കുന്നത്.
ഈ പബ്ലിക് ശുചിമുറിയിലെ സ്മാര്ട്ട് യൂറിനലുകള് പല തരത്തിലുള്ള പരിശോധനകള് നടത്തി തരും. സ്വകാര്യ കമ്പനി വഴിയാണ് ഇത് നടപ്പാക്കുന്നത്. അതിനാല് ഇതിന് ചെറിയൊരു തുക ഉപഭോക്താവ് നല്കണം. ഏതാണ്ട് 20 യുവാന് അതായത് 230 ഇന്ത്യന് രൂപയാണ് ഇതിന് നല്കേണ്ടി വരുന്ന ചാര്ജ്. വീചാറ്റിലൂടെ പണം അടച്ച് ഇവിടെ കയറി മൂത്രമൊഴിച്ച് കഴിഞ്ഞാല് ഏതാനും മിനിട്ടുകള്ക്കുള്ളില് തന്നെ പരിശോധന ഫലം ഫോണിലേക്ക് എത്തുന്ന വിധമാണ് ഇതിന്റെ സംവിധാനം.
ആരോഗ്യ പ്രശ്നങ്ങള് നേരത്തെ തിരിച്ചറിഞ്ഞ് ചികിത്സ തേടുന്നതിലേക്ക് ഇത്തരം സ്മാര്ട്ട് ടോയ്ലറ്റുകള്ക്ക് വലിയ സംഭാവന നല്കാന് കഴിയുമെന്നാണ് ആരോഗ്യ വിദഗ്ധര് വിലയിരുത്തുന്നത്. അതുകൊണ്ടുതന്നെ ഇത്തരം ശുചിമുറികള് ചൈനയില് ആകമാനം സ്ഥാപിക്കാനൊരുങ്ങുകയാണ് കമ്പനി. എന്നാല് ഇവ ഡോക്ടര്മാര്ക്ക് പകരമല്ലെന്നും ഡോക്ടറുടെ അടുത്തേക്ക് നേരത്തെയുള്ള രോഗനിര്ണ്ണയത്തിനെത്താന് ആളുകളെ പ്രേരിപ്പിക്കുകയാണ് ഇവയുടെ ഉദ്ദേശ്യമെന്നും കമ്പനി വ്യക്തമാക്കുന്നുണ്ട്.
CINEMA
നിരവധി സിനിമകളില് ചെറുതും വലുതുമായി വേഷമിട്ട മലയാളികളുടെ പ്രിയപ്പെട്ട കനകലത അന്തരിച്ചു. ഇന്നലെ തിരുവനന്തപുരത്തെ വസതിയില് വെച്ചായിരുന്നു അന്ത്യം.
350ലധികം സിനിമകളില് അഭിനയിച്ചിട്ടുണ്ട് താരം. മറവി രോഗവും പാര്ക്കിന്സണ്സ് രോഗവും ബാധിച്ച് ചികിത്സയിലായിരുന്നു. ചെറിയവേഷങ്ങളാണെങ്കിലും മലയാളികള്ക്ക മറക്കാനാകാത്ത വേഷങ്ങളില് അഭിനയിച്ചിരുന്നു. നാടകത്തിയില് നിന്നായിരുന്നു സിനിമാരംഗത്തേക്ക് എത്തിയത്. മുപ്പതിലധികം സീരിയലുകളിലും കനകലത വേഷമിട്ടു. പ്രമാണി ഇന്ദുലേഖ, സ്വാതി തിരുനാള് തുടങ്ങിയ നാടകങ്ങളിലും കനക ലത അഭിനയിച്ചിട്ടുണ്ട്.
ചില്ല്, കരിയിലക്കാറ്റുപോലെ, രാജാവിന്റെ മകന്, ജാഗ്രത, കിരീടം, എന്റെ സൂര്യപുത്രിക്ക്, കൗരവര്, അമ്മയാണെ സത്യം, ആദ്യത്തെ കണ്മണി, തച്ചോളി വര്ഗീസ് ചേകവര്, സ്ഫടികം, അനിയത്തിപ്രാവ്, ഹരികൃഷ്ണന്സ്, മാട്ടുപ്പെട്ടി മച്ചാന്, പ്രിയം, പഞ്ചവര്ണതത്ത, ആകാശഗംഗ തുടങ്ങി നിരവധി ചിത്രങ്ങളില് അവര് തന്റെ വേഷങ്ങള് മികച്ചതാക്കി. കഴിഞ്ഞ വര്ഷം പുറത്തിറങ്ങിയ പൂക്കാലമാണ് ഒടുവില് അഭിനയിച്ച ചിത്രം.
നടന് വിജയ്യുടെ രാഷ്ട്രീയ പ്രവേശനം ആരാധകര് ആവേശത്തോടെയാണ് ഏറ്റെടുത്തതെങ്കിലും താരം സിനിമകളില് നിന്നും എന്നന്നേക്കുമായി പിന്മാറുന്ന വാര്ത്ത വലിയ ഞെട്ടലോടെയാണ് കേട്ടത്. വിജയ്യുടെ ദളപതി 69 എന്ന് താത്കാലികമായി പേരിട്ടിരിക്കുന്ന ചിത്രം ആകാംക്ഷയും നിരാശയും നിറഞ്ഞതായിരിക്കും ആരാധകര്ക്ക്. ആ ചിത്രത്തിന് ശേഷം ഇനിയും താരം സിനിമകള് ചെയ്യണമെന്ന് ആഗ്രഹിക്കാത്ത ഒരു വിജയ് ആരാധകര് പോലും ഉണ്ടാകില്ല.
എച്ച്. വിനോദ് സംവിധാനം ചെയ്യുന്ന ചിത്രമാണ് ദളപതി 69. ചിത്രം രാഷ്ട്രീയ പശ്ചാത്തലത്തില് ആണെന്ന് നേരത്തെ തന്നെ പ്രഖ്യാപനത്തില് പറഞ്ഞിരുന്നു. എന്നാല് ഇപ്പോഴിതാ യാദൃശ്ചികമായ കാര്യമാണ് പുറത്ത് വരുന്നത്.
അവസാന ചിത്രത്തില് ഒരു തികഞ്ഞ രാഷ്ട്രീയക്കാരന്റെ വേഷത്തിലായിരിക്കും വിജയ് എത്തുക എന്നാണ് പുറത്ത് വരുന്ന വിവരം. ഇതിനു മുന്പും രാഷ്ട്രീയ പശ്ചാത്തലമുള്ള ചിത്രങ്ങളില് വിജയ് അഭിനയിച്ചിട്ടുണ്ട്. എന്നാല് പൂര്ണമായും രാഷ്ട്രീയത്തിലേക്കു ഇറങ്ങുന്ന വിജയ് അവസാനമായി അഭിനയിക്കുന്നത് രാഷ്ട്രീയക്കാരനായി എന്നത് ആരാധകര്ക്ക് കൗതുകമാവുകയാണ്.
വിജയ്യുടെ 50-ാം പിറന്നാള് ദിനമായ ജൂണ് 22 ന് ചിത്രത്തെക്കുറിച്ചുള്ള ഔദ്യോഗിക പ്രഖ്യാപനം ഉണ്ടാകും എന്നാണ് പ്രതീക്ഷ. ആഗസ്റ്റില് ചിത്രീകരണം ആരംഭിക്കാനാണ് തീരുമാനം. അടുത്ത വര്ഷം മധ്യത്തില് ചിത്രം റിലീസ് ചെയ്യും. കെ.വി.എന് പ്രൊഡക്ഷന്സിന്റെ ബാനറില് ആണ് നിര്മ്മാണം. യഷ് നായകനായി ഗീതു മോഹന്ദാസ് സംവിധാനം ചെയ്യുന്ന ടോക്സിക്കിനുശേഷം കെ.വി.എന് പ്രൊഡക്ഷന്സ് നിര്മ്മിക്കുന്ന ചിത്രമാണ് ദളപതി 69.
ദളപതി 69ല് വന്താരനിര അണിനിരക്കുന്നുണ്ട്. കമല്ഹാസനെ നായകനാക്കി ഒരുക്കുന്ന ചിത്രത്തിന്റെ ജോലികള് തത്ക്കാലം മാറ്റിവച്ചാണ് എച്ച്. വിനോദ് ദളപതി 69ല് മുഴുകിയിരിക്കുന്നത്. ദളപതി 69ലേക്ക് പല സംവിധായകരുടെയും പേരുകള് ഉയര്ന്നെങ്കിലും വിജയ് വിനോദിനെയാണ് പരിഗണിച്ചത്.
നിരവധി സിനിമകളിലൂടെയും ടെലിഫിലിമുകളിലൂടെയും മലയാളികള്ക്ക് സുപരിചിതയായ താരമാണ് മഞ്ജു പിള്ള. 2021ല് പുറത്തിറങ്ങിയ ഹോം, 2023ല് പുറത്തിറങ്ങിയ ഫാലിമി എല്ലാം മഞ്ജുവിന്റെ മികച്ച അഭിനയം കണ്ട ഒന്നായിരുന്നു. താരം കൂടുതല് ശ്രദ്ധിക്കപ്പെട്ടിരുന്നു ഈ ചിത്രങ്ങളിലെ അമ്മ വേഷങ്ങളിലൂടെ.
ദിവസങ്ങള്ക്ക് മുമ്പ് റിലീസ് ചെയ്ത നിവിന് പോളി ചിത്രം 'മലയാളി ഫ്രം ഇന്ത്യ'യില് മഞ്ജു പ്രധാന വേഷം കൈകാര്യം ചെയ്യുന്നുണ്ട്. നിവിന് പോളിയുടെ അമ്മയായാണ് താരം എത്തുന്നത്. എന്നാല് സിനിമയുടെ വിശേഷങ്ങള് പങ്കുവയ്ക്കുന്നതിനിടെ താരം പറഞ്ഞ കാര്യങ്ങള് ശ്രദ്ധ നേടുകയാണ്.
ആര്ക്കും ആരെയും തൃപ്തിപ്പെടുത്തിക്കൊണ്ട് ഒരു സിനിമയെടുക്കാന് സാധിക്കില്ലെന്നാണ് മഞ്ജു പറയുന്നത്. എല്ലാവരും മികച്ച അഭിപ്രായം പ്രകടിപ്പിച്ച തന്റെ ഒരു സിനിമയെക്കുറിച്ച് ഒരാള് മോശമായി പറഞ്ഞെന്നും മഞ്ജു തുറന്ന് പറഞ്ഞു.
മഞ്ജുവിന്റെ വാക്കുകള് ഇങ്ങനെ:'എന്റെ വ്യക്തിപരമായ അഭിപ്രായമാണ്, ചിലപ്പോള് ഇതിനെതിരെ വിമര്ശനങ്ങള് വന്നേക്കാം. നമുക്ക് ആരെയും തൃപ്തിപ്പെടുത്തിക്കൊണ്ട് ഒന്നും ചെയ്യാന് പറ്റില്ല. നമുക്ക് ഈ പ്രേക്ഷകരെ തൃപ്തിപ്പെടുത്തിക്കൊണ്ട് ഒരു സിനിമയെടുക്കാന് സാധിക്കില്ല. എല്ലാവരും പുകഴ്ത്തിപ്പറഞ്ഞ സിനിമയാണ് 'ഹോം'. ഒരു മനുഷ്യന് പോലും അതിനെതിരെ മോശമായി പറഞ്ഞില്ല. പക്ഷേ, ഒരാള് പറഞ്ഞു, ഒരാള് മോശമായ കമന്റ് പറഞ്ഞിട്ടുണ്ട്. അതാ പറയുന്നത്, നമുക്ക് എല്ലാവരെയും തൃപ്തിപ്പെടുത്തിക്കൊണ്ട് ഒന്നും ചെയ്യാന് പറ്റില്ല. ഫാലിമിയിലും അങ്ങനെ മോശമായി ഒന്നും കേട്ടിട്ടില്ല. ഒരു പ്രത്യേക വിഭാഗം എപ്പോഴും അതിനെതിരെ പറഞ്ഞുകൊണ്ടിരിക്കും.'
NAMMUDE NAADU
കൊച്ചി നഗരത്തില് ഹോസ്റ്റല് മുറിയിലെ സഹവാസികള് പോലും അറിയാതെ യുവതി ശുചിമുറിയില് പ്രസവിച്ച സംഭവത്തില് യുവതിയെ വിവാഹം കഴിക്കാന് തയ്യാറായി യുവാവ്. കുഞ്ഞിന്റെ പിതാവായ കൊല്ലം സ്വദേശിയാണ് കുഞ്ഞിനെയും യുവതിയെയും ഏറ്റെടുക്കാനും യുവതിയെ വിവാഹം കഴിക്കാനും തയ്യാറായത്.
പൊലീസ് ഇന്നലെ യുവതിയുടെയും യുവാവിന്റെയും വിശദമായ മൊഴിയെടുത്തിരുന്നു. ഇരുവരും തമ്മിലുള്ള അടുപ്പം വീട്ടുകാര് അറിഞ്ഞിരുന്നില്ല. എന്നാല് യുവതിയുടെ പ്രസവത്തെ തുടര്ന്ന് പൊലീസ് രണ്ടുവീട്ടുകാരെയും സ്റ്റേഷനിലേക്ക് വിളിപ്പിച്ചു സംസാരിച്ചു. വിവാഹത്തെ വീട്ടുകാരും എതിര്ത്തില്ല. ആശുപത്രിയിലുള്ള യുവതിയെ വിട്ടയച്ചാലുടന് വിവാഹം നടത്താനുള്ള സന്നദ്ധത വീട്ടുകാര് പൊലീസിനെ അറിയിക്കുകയായിരുന്നു.
കഴിഞ്ഞ ഞായറാഴ്ച രാവിലെ ഓള്ഡ് മാര്ക്കറ്റ് റോഡിന് സമീപത്തുള്ള വനിതാ ഹോസ്റ്റലിലാണു 23 വയസ്സുകാരി പ്രസവിച്ചത്. ആറു പേരുള്ള മുറിയിലാണു പെണ്കുട്ടി കഴിഞ്ഞിരുന്നത്. യുവതി ഗര്ഭിണി ആണെന്നോ ഒന്നും കൂടെ ഉള്ളവര് അറിഞ്ഞിരുന്നില്ല.
മുന്പു പലപ്പോഴും ശാരീരികാസ്വസ്ഥതകള് പ്രകടിപ്പിക്കുന്നതു കണ്ട് ഒപ്പമുണ്ടായിരുന്നവര് കാര്യം തിരക്കിയിരുന്നെങ്കിലും ചില ആരോഗ്യപ്രശ്നങ്ങളുണ്ടെന്ന് പറഞ്ഞു യുവതി ഒഴിഞ്ഞുമാറിയിരുന്നു. ഞായര് രാവിലെ ശുചിമുറിയില് കയറിയ യുവതി ഏറെ നേരം കഴിഞ്ഞും പുറത്തിറങ്ങങ്ങാതായതോടെ സുഹൃത്തുക്കള് വിളിച്ചെങ്കിലും വാതില് തുറന്നില്ല. ഒടുവില്, ഒപ്പമുണ്ടായിരുന്നവര് വാതില് ബലംപ്രയോഗിച്ചു തുറന്ന് അകത്തു കയറിയപ്പോള് കയ്യില് നവജാതശിശുവിനെയും പിടിച്ചു നില്ക്കുന്ന നിലയില് യുവതിയെ കണ്ടെത്തുകയായിരുന്നു. തുടര്ന്നു പൊലീസില് വിവരം അറിയിക്കുകയായിരുന്നു.
വളരെ നാളത്തെ ആവശ്യപ്രകാരം കേരളത്തില് ലൈംഗിക വിദ്യാഭ്യാസം പാഠ്യപദ്ധതിയുടെ ഭാഗമാകുന്നു. വളരെ നാളത്തെ ആവശ്യപ്രകാരമാണ് വിദ്യാഭ്യാസ വകുപ്പ് ഈ ഒരു തീരുമാനത്തിന് പച്ചക്കൊടി കാണിച്ചിരിക്കുന്നത്.
അടുത്ത അധ്യയനവര്ഷം മുതല് ഏഴ്, ഒന്പത് ക്ലാസുകളിലെ മാറുന്ന ജീവശാസ്ത്ര പാഠപുസ്തകങ്ങളിലാണ് ഇതുമായി ബന്ധപ്പെട്ട അധ്യായങ്ങളുള്പ്പെടുത്തുക എന്നാണ് പുറത്ത് വരുന്ന വിവരം. കുട്ടികളുടെ പ്രായം പരിഗണിച്ചുകൊണ്ടാണ് പാഠഭാഗങ്ങള് ഒരുക്കിയിട്ടുള്ളത്.
ലൈംഗിക വിദ്യാഭ്യാസം പാഠ്യപദ്ധതിയിലുള്പ്പെടുത്താന് താമസിക്കുന്നത് കഴിഞ്ഞ വര്ഷം മേയില് ഹൈക്കോടതി കടുത്ത അതൃപ്തി അറിയിച്ചിരുന്നു. 15-കാരിയുടെ ഏഴുമാസം ഗര്ഭം അലസിപ്പിക്കാന് അനുമതി തേടി മാതാപിതാക്കള് സമര്പ്പിച്ച ഹര്ജിയിലായിരുന്നു കോടതി ഇടപെടല്. കൗമാരകാല ഗര്ഭധാരണമുള്പ്പെടെയുള്ള പ്രശ്നങ്ങള് അധികമായി റിപ്പോര്ട്ട് ചെയ്യപ്പെടുന്ന സാഹചര്യത്തിലാണ് ലൈംഗിക വിദ്യാഭ്യാസം പാഠപുസ്തകത്തില് ഉള്പ്പെടുന്നത്.
കൗമാരപ്രായത്തിലെ ശാരീരിക ബുദ്ധിമുട്ടുകളും മറ്റും പ്രാഥമികമായി പരിചയപ്പെടുത്തുന്ന അധ്യായമാണ് ഏഴാംക്ലാസിലെ ജീവശാസ്ത്ര പാഠപുസ്തകം രണ്ടാമത്തെ ഭാഗത്തിലുണ്ടാവുക. ഒന്പതാംക്ലാസിലെ ജീവശാസ്ത്ര പാഠപുസ്തകത്തിന്റെ രണ്ടാംഭാഗത്തിലെ 'പ്രത്യുത്പാദന ആരോഗ്യം' എന്ന അധ്യായത്തില് വിഷയം വിശദമായി പഠിപ്പിക്കും. കൗമാരകാലത്തുണ്ടാകുന്ന ഹോര്മോണ് വ്യതിയാനങ്ങള്, ആര്ത്തവകാല ശുചിത്വം, ഗര്ഭധാരണം എങ്ങനെ, ഭ്രൂണവളര്ച്ച, ഗര്ഭഛിദ്രം, ഗര്ഭനിരോധന മാര്ഗങ്ങള്, പ്രസവപ്രക്രിയ ഗര്ഭഛിദ്രത്തിന്റെ അപകടസാധ്യതകള് മുതലായവ പഠിപ്പിക്കും. ലൈംഗികാതിക്രമണത്തിനിരയായാല് എന്തുചെയ്യണം, ആരെ സമീപിക്കണം തുടങ്ങിയ അറിവുകളും ദിശ ഹെല്പ് ലൈന് നമ്പറും പാഠഭാഗത്തില് ഉള്ക്കൊള്ളിച്ചിട്ടുണ്ട്.
Channels
ബിഗ്ബോസ് ഷോയെ കുറിച്ചുള്ള കാര്യങ്ങളാണ് ഇപ്പോള് സോഷ്യല് മീഡിയയിലെ തന്നെ സംസാര വിഷയം. കഴിഞ്ഞ സിസണിലെ വിജയി അഖില് മാരാര് പറഞ്ഞ കാര്യങ്ങള് അത്രയും ഞെട്ടലോടെയാണ് എല്ലാവരും കേട്ടത്.
സിബിന് എന്ന മത്സരാര്ത്ഥിയെ ഭ്രാന്തനാക്കി ചിത്രീകരിച്ചു, ഷോയില് സെലക്ട് ചെയ്യാമെന്ന് പറഞ്ഞ് സ്ത്രീകളെ പല ഹോട്ടലുകളിലേക്കും കൊണ്ട് പോയി ഉപയോഗിച്ചിട്ടുണ്ട് എന്നൊക്കെയായിരുന്നു അഖില് മാരാര് പറഞ്ഞത്. ഷോയുടെ ഹെഡ് ആയ രണ്ട് പേര്ക്കെതിരെയാണ് അഖില് മാരാര് ആരോപണം ഉന്നയിച്ച് രംഗത്തെത്തിയത്. ബിഗ് ബോസ് സീസണ് 5ലെ മത്സരാര്ത്ഥിയായിരുന്നു ഒമര് ലുലു. എന്നാല് അഖില് മാരാരല് ഷോയിലെ കാസ്റ്റിങ് കൗച്ചിനെ കുറിച്ച് തനിക്ക് അറിയില്ലെന്ന് ആണ് ഒമര് ലുലു പറയുന്നത്.
ഒമര് ലുലുവിന്റെ വാക്കുകള് ഇങ്ങനെ:ബിഗ് ബോസിന്റെ കാസ്റ്റിങ് കൗച്ചിനെ സംബന്ധിച്ച് അഖില് മാരാര് പറഞ്ഞ കാര്യത്തിനെ ചൊല്ലി വിവാദങ്ങളും ചര്ച്ചകളും നടക്കുന്നുണ്ട്. എന്നെ ഒരുപാട് പേര് വിളിക്കുന്നുണ്ട്. ഞാന് എന്റെ സിനിമയുടെ ഷൂട്ടിംഗില് ആണ്. പിന്നെ ഒന്നാമത് ബിഗ് ബോസിനെ കുറിച്ച് എനിക്ക് വലിയ താല്പര്യമില്ല. അതില് പങ്കെടുത്തപ്പോള് മനസിലായി, ഞാനൊരു ബിഗ് ബോസ് മെറ്റീരിയല് അല്ല, അതിന് പറ്റുന്നൊരു കണ്ടസ്റ്റന്റ് അല്ല ഞാന്. എനിക്കറിയില്ല അതില് കാസ്റ്റിങ് കൗച്ച് ഉണ്ടോ ഇല്ലയോ എന്ന്. അഖില് പറഞ്ഞപ്പോഴാണ് ഇത് എന്റെ ശ്രദ്ധയില് പെടുന്നത്.
എന്നെ അവര് സീസണ് 2 മുതല് വിളിക്കാറുണ്ട്. സീസണ് 5ല് ആണ് ഞാന് പങ്കെടുത്തത്. എന്താണ് ബിഗ് ബോസ് എന്ന് അറിയാന് പോയതാണ്. എന്നാല് പോയപ്പോള് മനസിലായി ഇത് എനിക്ക് പറ്റുന്ന പരിപാടിയല്ല എന്നത്. എന്റെ ജീവിതത്തിലെ ഏറ്റവും മോശമായ ദിവസങ്ങളാണ് അതില് ഉണ്ടായിരുന്ന 18 ദിവസവും. കാരണം നമ്മളെ മറ്റൊരാള് കണ്ട്രോള് ചെയ്യുക, ഭക്ഷണം കിട്ടാതിരിക്കുക, എനിക്ക് അതിനുള്ളില് ഭയങ്കര മാനസിക പ്രശ്നങ്ങള് ആയിരുന്നു.
പിന്നെ കാസ്റ്റിങ് കൗച്ചിനെ കുറിച്ച് എനിക്ക് പറയാനുള്ളത്, അവര് എന്നെ സീസണ് മുതല് വിളിക്കുന്നുണ്ട്. എനിക്ക് ആരുടെയും കൂടെ കിടന്നു കൊടുക്കണ്ടി വന്നിട്ടില്ല. അതുകൊണ്ട് ദയവു ചെയ്ത് അനാവശ്യമായിട്ടുള്ള വിവാദങ്ങള് അവസാനിപ്പിക്കുക, അല്ലെങ്കില് പക്കാ ക്ലാരിറ്റിയില് നമ്മള് പറയുക. ഈ ആളുകള്ക്ക് ഇങ്ങനെ പ്രശ്നമുണ്ടായിട്ടുണ്ട്, ഇവരൊക്കെ ഇതിന്റെ പിന്നിലുണ്ട് എന്നൊക്കെ പറയുക. അഖില് അത് കറക്ട് പറയുക. അല്ലെങ്കില് ഒരുപാട് പേരെ അത് ബാധിക്കുന്നുണ്ട്. എന്നെ തന്നെ ഒരുപാട് പേര് വിളിച്ച് ചോദിക്കുന്നുണ്ട്. ഒമര് വീഡിയോയില് പറയുന്നു.
ബിഗ്ബോസ് സീസണ് ആറില് ഏറ്റവും ജനപ്രീതി നേടിയ താരമാണ് ഗബ്രി. എവിക്ഷന് ദിവസമായിരുന്ന ഇന്നലെ ഗബ്രി പുറത്തായി. ഗബ്രിയുടെ പുറത്താകല് ജാസ്മിനെ ഏറെ വേദനിപ്പിച്ചിരുന്നു. ജാസ്മിന് നിലവിട്ട് കരയുന്ന വീഡിയോ ഇന്നലെ എപ്പിസോഡില് പുറത്ത് വന്നിരുന്നു. തീര്ത്തും അപ്രതീക്ഷിതമായ ഔട്ടാകല് ആയിരുന്നു എന്നും, ഗബ്രി ഔട്ടാകാന് കാത്തിരിക്കുകയായിരുന്നു എന്നും പലതരം കമന്റുകളാണ് ഇതേ കുറിച്ച് ആരാധകര് പറയുന്നത്.
ഇപ്പോഴിതാ ഷോയ്ക്ക് പുറത്തിറങ്ങിയ ശേഷം ഗബ്രി പറഞ്ഞ വാക്കുകള് ആണ് വൈറലാകുന്നത്. 'ഒരുപാട് അപ് ആന്ഡ് ഡൌണ്സിലൂടെ ആയിരുന്നു ഇത്രയും ദിവസം മുന്പോട്ട് പോയ്കൊണ്ടിരുന്നത്. സങ്കടവും ദേഷ്യവും ബ്രെക്ക് ടൗണും എല്ലാം അടങ്ങിയ ഒരു യാത്ര ആയിരുന്നു എന്റേത് എന്നാണ് ഞാന് വിശ്വസിക്കുന്നത്. എല്ലാവരോടും യാത്ര പറഞ്ഞിട്ടും എന്തുകൊണ്ട് ജാസ്മിന്റെ പേര് എടുത്തുപറഞ്ഞില്ല എന്നത് മനഃപൂര്വ്വം ചെയ്തെയാണ്. അവളോട് യാത്ര പറഞ്ഞിട്ടാണ് ഞാന് ഇറങ്ങുന്നത്. അവളുടെ മുന്പില് വന്നു നിന്ന് വീണ്ടും ഞാന് ആ പേര് പറഞ്ഞാല് അവള്ക്ക് അത് വീണ്ടും വേദന ഉണ്ടാകും എന്ന് ഉറപ്പുള്ളതുകൊണ്ടാണ് ഞാന് പറയാതിരുന്നത് . എനിക്ക് എല്ലാവരെയും കെട്ടിപിടിച്ചു ബൈ പറയണം ഇന്നുണ്ടായി എന്നാല് അത് നടന്നില്ല. അഭിമുഖത്തില് തന്നെ ആളുകള് എന്നോട് പറഞ്ഞിരുന്നു എന്റെ സ്വഭാവം വച്ചിട്ട് ഇങ്ങോട്ട് ആളുകള് ഉടക്ക് ഉണ്ടാക്കും എന്ന്. എന്നാല് ആളുകള് കേറിയാല് അല്ലെ നമുക്ക് നമ്മുടെ സ്ട്രെങ്ത് ഈ ഗെയിം എക്സ്പീരിയന്സ് ചെയ്യാന് ആകൂ എന്നാണ് ഞാന് പറഞ്ഞത്. ഞാന് കോണ്സ്റ്റന്റ് ആയിരുന്നു. വിമര്ശനങ്ങള് വരുന്നത് ഞാന് ആസ്വദിച്ചിരുന്നു. ആദ്യമൊക്കെ വിമര്ശനം വേദനിപ്പിച്ചിരുന്നു. എന്നാല് പിന്നെ പിന്നെ 24 മണിക്കൂറുകള് മാത്രമായി ആ വേദന. ഞാന് ആരോടും കൂടുതല് അടുക്കില്ല എന്ന് തീരുമാനിച്ചത് ആണ് എന്നാല് 24 മണിക്കൂറുകള് കൊണ്ട് അവളുമായി വൈബ് ഫീല്ചെയ്യുന്നു. ഇപ്പോഴും ഞാന് വിശ്വസിക്കുന്നത് ആ വീട്ടില് എന്നെ ഇത്രയും നാള് പിടിച്ചു നിര്ത്തിയത് ജാസ്മിന്റെ സാമിപ്യം തന്നെ ആയിരുന്നു എന്നാണ്. ആ കൈ പിടിച്ചു നില്ക്കുമ്പോള് എനിക്ക് കിട്ടുന്ന ബലം എന്ന് പറയുന്നത് പറഞ്ഞറിയിക്കാന് ആകാത്ത ആണ്. അത് മറ്റുള്ളവര് എങ്ങനെ എടുക്കുന്നു എന്നത് അറിയാന് എനിക്ക് താത്പര്യമില്ല. ജാസ്മിനും ഞാനും ഒരുമിച്ചിരുന്നത് കൊണ്ട് എന്റെ ഗെയിമിനെ ബാധിച്ചിട്ടില്ല. ജാസ്മിനെ എതിര്ക്കേണ്ട സ്ഥലത്ത് എതിര്ത്തിട്ടുണ്ട്. എന്നെ ആ ബന്ധം ശക്തമാക്കിയിട്ടേ ഉള്ളൂ. അത് തളര്ത്തിയിട്ടില്ല.ഞങ്ങളെ തകര്ക്കാന് ആര്ക്കും പറ്റും എന്ന് തോന്നുന്നില്ല. ജാസ്മിന് നല്ല സ്ട്രോങ്ങ് പ്ലെയറാണ്. ഇനി ഫയര് കാട്ടുതീ ആയിരിക്കും ജാസ്മിന്.
ഞങ്ങള് ഇത് വരെ ഒരുമിച്ചായിരുന്നു, നമ്മുടെ ഇഷ്ടമുള്ള ആളിന്റെ അടുത്തുനിന്നും മാറി നടക്കാന് ആകില്ല. ജാസ്മിന് തന്നെ പല അവസരത്തില് പറഞ്ഞിട്ടുണ്ട് ഒരാള് പോയാല് മറ്റേയാള്ക്ക് പിടിച്ചു നില്ക്കാന് ആകില്ല എന്ന്. പക്ഷെ സ്ട്രോങ്ങ് പേഴ്സണ് ആണ് ജാസ്മിന്, അവള് ഒന്നോ രണ്ടോ ദിവസം വീക്ക് ആകും. ഞങ്ങളുടെ ബന്ധത്തെ കുറിച്ച് വ്യക്തമായ ധാരണ ഞങ്ങള്ക്ക് ഉണ്ട്. എത്രത്തോളം ഇഷ്ടം ഉണ്ട് എന്ന് ഞങ്ങള്ക്ക് അറിയാം. അത് വളരെ ക്ലിയര് ആണ്.'- ഗബ്രി പറയുന്നു.
ബിഗ്ബോസ് സീസണ് ആറിന്റെ പോക്ക് എങ്ങോട്ടാണെന്നാണ് ഇക്കുറി പ്രേക്ഷകര് ചോദിക്കുന്നത്. ഫിസിക്കല് അസോള്ട്ടിന്റെ പേരിലും ശാരീരിക ബുദ്ധിമുട്ടുകളുടെ പേരിലും ഷോയില് നിന്നും പോകേണ്ടി വന്നവര് ആണ് ഇക്കുറി കൂടുതലും. ഇപ്പോഴിതാ അതില് വൈല്ഡ് കാര്ഡ് എന്ട്രിയായി എത്തിയ സായ് കൃഷ്ണയും.
സായ്ക്ക് കഴിഞ്ഞ ദിവസത്തെ ഗെയിമിന് ശേഷം ബുദ്ധിമുട്ടുകള് വന്നിരുന്നു. സീക്രട്ട് ഏജന്റ് എന്ന പേരില് സോഷ്യല്മീഡിയയില് അറിയപ്പെടുന്ന വ്യക്തിയാണ് സായ്. ഷോയില് താരം തന്റേതായ നിലപാടുകളില് ഉറച്ചു നില്ക്കുകയാണ്. ഇപ്പോഴിതാ ബിബി ടീം ആരോഗ്യരപ്രശ്നങ്ങളാല് ആശുപത്രിയിലേക്ക് മാറ്റിയിരിക്കുന്നത്.
കഠിനമായ നടുവേദന മൂലമാണ് സായിയെ ആശുപത്രിയിലേക്ക് മാറ്റിയിരിക്കുന്നത്. നടുവേദനയും സഹിച്ച് ഹൗസില് തുടരാന് സായ് ശ്രമിച്ചുവെങ്കിലും ദിവസങ്ങള് കഴിയുന്തോറും വേദന വര്ധിച്ചതോടെയാണ് സായിയെ ബിബി ടീം ആശുപത്രിയിലേക്ക് മാറ്റിയത്. ആദ്യഘട്ടത്തില് പരിശോധന നടത്തി തുടര്ന്ന് സായിക്ക് ബിഗ് ബോസ് പൂര്ണ്ണ വിശ്രമം അനുവദിച്ചിരുന്നു. ടാസ്ക്കുകളില് നിന്ന് പോലും ഒഴിവാക്കിയിരുന്നു. എന്നാല് പിന്നീട് വേദന വര്ധിച്ച് നടക്കാനോ ഇരിക്കാനോ സായ്ക്ക് സാധിക്കാത്ത അവസ്ഥയായി. സായ് തന്നെ കണ്ഫഷന് റൂമില് വന്ന് വേദന നല്ല രീതിയിലുണ്ടെന്നും അതിനാല് ഇതിനൊരു പരിഹാരം വേണമെന്നും പറയുകയായിരുന്നു. ഗെയിം കളിക്കാനാണ് വന്നതെന്നും എന്നാല് തനിക്ക് ടാസ്കില് അടക്കം പങ്കെടുക്കാന് പറ്റില്ലെന്നും സായി പറഞ്ഞു. ഇതോടെയാണ് നടുവേദനയില് പുളഞ്ഞ സായിയെ ബിബി ടീം ആശുപത്രിയിലേക്ക് മാറ്റിയത്. പവര് റൂമില് കയറുന്ന അല്ലെങ്കില് മികച്ചതെന്ന് പ്രേക്ഷകര്ക്ക് തോന്നുന്ന മത്സരാര്ത്ഥികള് ശാരീരിക കാരണങ്ങളാല് ഷോയില് നിന്നും പോകേണ്ടി വരുന്നത് ആരാധകര്ക്ക് ഏറെ നിരാശ കൊടുക്കുന്നുണ്ട്.
ബിഗ്ബോസ് മുന് സീസണിലെ ഒരു മത്സരാര്ത്ഥിയാണ് രഞ്ജിനി ഹരിദാസ്. ബിഗ്ബോസ് സീസണ് വണ്ണില് വിജയി ആയില്ലെങ്കിലും അറുപത്തി മൂന്ന് ദിവസം രഞ്ജിനി നിന്നു. മികച്ച് ഒരു മത്സരാര്ത്ഥിയായിരുന്നു താരം.
ഒരു സമയത്ത് രഞ്ജിനി ഇംഗ്ലീഷ് പറയുന്നത് പോലെ അനുകരിക്കാന് പല അവതാരകരും ശ്രമിച്ചിരുന്നു. അവതരണത്തില് വലിയൊരു മാറ്റം കൊണ്ടുവന്നതില് രഞ്ജിനിക്ക് വലിയൊരു പങ്കുണ്ട്. രഞ്ജിനിയുടെ ഇംഗ്ലീഷും മലയാളവും കലര്ന്നുള്ള അവതരണം പ്രേക്ഷകര്ക്ക് അത്രയും പ്രിയപ്പെട്ടതായി മാറി.
ഇപ്പോഴിതാ രഞ്ജിനി പറഞ്ഞ ഒരു കാര്യമാണ് സോഷ്യല് മീഡിയയില് വൈറലാകുന്നത്. ബിഗ് ബോസ് ഹൗസില് ഫേവറിസം ഉണ്ടെന്ന് ജാന്മണി പറഞ്ഞപ്പോള് ഉടനെ രഞ്ജിനി ഇടപെട്ടാണ് ആ കാര്യം വ്യക്തമാക്കിയത്. അത്തരമൊരു വാക്ക് ഇല്ലെന്നാണ് രഞ്ജിനി പറയുന്നത്.
'എന്താണത് ഫേവറിസമോ, അങ്ങനെ ഒരു വാക്ക് ഡിക്ഷ്ണറിയില് ഇല്ല. ലാലേട്ടന് പോലും ഫേവറിസം എന്നാണ് ഉപയോഗിക്കുന്നത്. എനിക്കതില് പ്രശ്നമുണ്ട്. അത് ഫേവറിസം അല്ല, ഫേവറൈറ്റിസം (favoritism) ആണ്.' രഞ്ജിനി ഹരിദാസ് പറഞ്ഞു. വീണ്ടും ജാന് മണി ആ വാക്ക് ഉപയോഗിക്കുമ്പോള് രഞ്ജിനി തിരുത്തുന്നുണ്ട്.
ബിഗ്ബോസ് 50ാം ദിവസം കഴിയുമ്പോള് ഗിയര് ചേഞ്ച് ആകുകയാണ്. വളരെ അടുപ്പത്തിലായിരുന്ന സൂഹൃത്തുക്കള് തമ്മിലുള്ള വാക്ക് പോരുകള് ആണ് ഈ ആഴ്ച കാണാന് സാധിക്കുന്നത്.
കഴിഞ്ഞ ദിവസം ജാസ്മിനോട് ആയിരുന്നു ഗബ്രിയുടെ വാക്കുകള്. ടീം ആയുള്ള കോയിന് ഗെയിമില് ജാസ്മിന്റെ പെര്ഫോമന്സ് മികച്ചതായിരുന്നില്ലെന്ന് ഗബ്രി വാദിക്കുകയായിരുന്നു. നായയെ പോലെ കിതയ്ക്കുകയായിരുന്നു എന്നും ഗബ്രി പറയുമ്പോള് ജാസ്മിന് പ്രകോപിതയാകുന്നുണ്ട്. ഇവര് തമ്മിലുള്ള അസ്വാരസ്യങ്ങള് തുടങ്ങി എന്ന് പ്രേക്ഷകര് പറയുന്നു.
അതിനിടയില് ഇന്നലെ രണഭൂമി ടാസ്കില് റെസ്മിനോടും ഗബ്രി കയര്ക്കുന്നുണ്ടായിരുന്നു. ജാസ്മിനും ഗബ്രിയും തമ്മിലാണ് ആദ്യം ഏറ്റമുട്ടിയത്. എറിഞ്ഞ ബോളുകള് എടുത്ത് വീണ്ടും എറിഞ്ഞതാണ് തര്ക്കത്തിന് കാരണം. റെസ്മിനുമായും ഗബ്രി തര്ക്കിക്കുന്നുണ്ട്. വലിയ നീതി ദേവതയായിട്ട് നടന്നിട്ട് നിലവാരമില്ലാത്ത കളി കളിക്കരുതെന്നാണ് ഗബ്രി റെസ്മിനോട് പറയുന്നത്. ഇതിനിടയില് ജാസ്മിന് ഇടപെട്ടു. കൂടെ നിന്നിട്ട് നിന്നെപ്പോലെ കുതികാല് വെട്ടിയില്ല എന്നാണ് ഗബ്രിയോട് ജാസ്മിന് പറഞ്ഞത്. ശേഷം പ്രശ്നം സോള്വ് ചെയ്യാന് ജാസ്മിന് ശ്രമിച്ചുവെങ്കിലും ഗബ്രി ദേഷ്യത്തില് എഴുന്നേറ്റ് പോകുക ആയിരുന്നു.
ഇതോടെ ഈ ആഴ്ച സുഹൃത്തുകള് തമ്മിലുള്ള വേര്പിരിയല് കാണേണ്ടി വരുമോ എന്നാണ് പലരും ചോദിക്കുന്നത്.
BUSINESS
ബെര്ലിനിലെ വടക്കന് ഗ്രാമപ്രദേശത്ത് വര്ഷങ്ങളായി ഉപേക്ഷിക്കപ്പെട്ട ഒരു വില്ല സര്ക്കാര് വില്ക്കാന് ഒരുങ്ങുകയാണ്. ഒരു വില്ല വില്ക്കാനൊരുങ്ങുന്നത് ഇത്രയും വലിയ വാര്ത്താ പ്രാധാന്യം നേടന് ഒരു കാരണം ഉണ്ട്. കാരണം ലോകം കണ്ട ഏറ്റവും വലിയ സ്വേച്ഛാധിപതി അഡേള്ഫ് ഹിറ്റ്ലറുടെ സുഹൃത്തും മന്ത്രിയായിരുന്ന ജോസഫ് ഗീബല്സിന്റെ ഉടമസ്ഥതയില് ഉള്ള വില്ലയാണ് ഇത്. ഈ വില്ലയാണ് ഇപ്പോള് സര്ക്കാര് വില്ക്കാനൊരുങ്ങുന്നത്.
ഡിപിഎ റിപ്പോര്ട്ട് ചെയ്യുന്നതനുസരിച്ച് ബെര്ലിനിലെ സര്ക്കാര് ഫെഡറല് അധികാരികള്ക്കോ വില്ല യഥാര്ത്ഥത്തില് സ്ഥിതിചെയ്യുന്ന ബ്രാന്ഡന്ബര്ഗ് സംസ്ഥാനത്തിനോ അത് നല്കാനാണ് ശ്രമം നടത്തുന്നത്. നശിച്ചുകൊണ്ടിരിക്കുന്ന വസ്തുവിന്റെ പരിപാലനത്തിനും സുരക്ഷിതത്വത്തിനുമായി തുടര്ന്നും പണം ചെലവഴിയ്ക്കാന് താല്പ്പര്യമില്ലാത്തതിനാലാണ് ഇപ്പോള് ഇത്തരത്തിലൊരു ശ്രമം നടത്തുന്നത്. ഡിപിഎയുടെ ഒരു റിപ്പോര്ട്ട് അനുസരിച്ച്, ബെര്ലിന് ധനകാര്യ മന്ത്രിയായ സ്റ്റെഫാന് എവേഴ്സ് അഭിപ്രായപ്പെട്ടത് സൈറ്റ് ഏറ്റെടുക്കാന് ആഗ്രഹിക്കുന്ന ആര്ക്കും, ബെര്ലിന് സംസ്ഥാനത്ത് നിന്ന് ഒരു സമ്മാനമായി അത് ഏറ്റെടുക്കാം എന്നാണ്.
പക്ഷെ സ്വകാര്യ വ്യക്തികള്ക്ക് ഇത് വില്ക്കുന്ന കാര്യം സര്ക്കാരിന്റെ തീരുമാനത്തില് ഇല്ല. ഫെഡറല് അധികാരികള്ക്കോ ബ്രാന്ഡന്ബര്ഗ് സംസ്ഥാനത്തിനോ വില്ല വില്ക്കാനാണ് സര്ക്കാരിന്റെ ശ്രമം. എന്നാല് ഇത് നടക്കാതെ വന്നാല് വില്ല പൊളിച്ചു നീക്കുകയല്ലാതെ സര്ക്കാരിന് മറ്റ് മാര്ഗമില്ലെന്നും പറയുന്നു.
വാന്ഡ്ലിറ്റ്സ് പട്ടണത്തിനടുത്ത് ബോഗന്സീ തടാകത്തിന്റെ മനോഹര കാഴ്ചകള് സമ്മാനിക്കുന്ന ഈ വില്ല 1939 -ല് ആണ് ജോസഫ് ഗീബല്സ് നിര്മ്മിച്ചത്. തടിയും മറ്റ് ആഡംബര നിര്മ്മാണ വസ്തുക്കളും ഉപയോഗിച്ചാണ് ഇത് നിര്മ്മിച്ചിട്ടുള്ളത്. ഭാര്യയ്ക്കും ആറ് കുട്ടികള്ക്കുമൊപ്പമാണ് ഇയാള് ഇവിടെ താമസിച്ചിരുന്നത്. യുദ്ധാനന്തരം, ഇത് ഒരു ആശുപത്രിയായി ഉപയോഗിക്കുകയും പിന്നീട് കിഴക്കന് ജര്മ്മന് കമ്മ്യൂണിസ്റ്റ് പാര്ട്ടിയുടെ യുവജനവിഭാഗം ഏറ്റെടുക്കുകയും ചെയ്തു. 1990 -ല് ബെര്ലിന് സര്ക്കാര് ഏറ്റെടുത്തെങ്കിലും പ്രയോജനമൊന്നും ഉണ്ടായില്ല.
അന്താരാഷ്ട്ര റൈഡ്-ഹെയ്ലിംഗ് ഭീമനായ യൂബര് തങ്ങളുടെ പ്രവര്ത്തനങ്ങള് പാകിസ്ഥാനില് ഔദ്യോഗികമായി നിര്ത്തിവച്ചു. പ്രാദേശിക എതിരാളികളുമായുള്ള മത്സരം ശക്തമായതാണ് കാരണം ആണ് യൂബറിന്റെ ഈ തീരുമാനം.
തങ്ങളുടെ സബ്സിഡിയറി ബ്രാന്ഡായ കരീം, പാകിസ്ഥാനില് തങ്ങളുടെ സേവനങ്ങള് തുടരുമെന്ന് യുബര് വ്യക്തമാക്കിയിട്ടുണ്ട്. എതിരാളിയായ കരീമിനെ സ്വന്തമാക്കുന്നത് 2019 ല് ആണ്. കരീമിനെ നേടിയത് 3.1 ബില്യണ് ഡോളര് നല്കിയാണ്. 2022-ല് യുബര് കറാച്ചി, മുളട്ടാന്, ഫൈസലാബാദ്, പെഷവാര്, ഇസ്ലാമാബാദ് എന്നിവിടങ്ങളില് തങ്ങളുടെ പ്രവര്ത്തനം നിര്ത്തി. അതേസമയം ഈ നഗരങ്ങള് സേവനങ്ങള് കരീം ആപ്പ് തുടര്ന്നു
പാക്കിസ്ഥാനില് ഇപ്പോള് കരീം ആപ്പിന്റെ പ്രവര്ത്തനങ്ങള് വളര്ത്തുന്നതിലാണ് യുബര് ശ്രദ്ധ നല്കുന്നത്. യുബര് ഉപയോഗിച്ചിരുന്ന ആളുകള് കരീമിലേക്ക് മാറേണ്ടതുണ്ട്,പാകിസ്ഥാനില് പ്രവര്ത്തിക്കുന്നത് ചൊവ്വാഴ്ച മുതല് യുബര് നിര്ത്തിയിരിക്കുകയാണ്. നിലവില് യുബര് ഉപഭോക്താക്കള്ക്ക് അവരുടെ അക്കൗണ്ടുകളില് ബാലന്സ് ഉണ്ടെങ്കില് അതുപയോഗിച്ച് കരീം ആപ്പിന്റെ സേവനങ്ങള് തെരഞ്ഞെടുക്കാം.കരീമില് കോംപ്ലിമെന്ററി റൈഡുകള് നേടാനും കഴിയും.
പാകിസ്ഥാനില് സമീപ വര്ഷങ്ങളില്, റൈഡ്-ഹെയ്ലിംഗ്, ഷെയറിംഗ് ആപ്പുകള് കൂടുതലായുണ്ട്. കൂടുതല് പേര് വിപണിയില് പ്രവേശിക്കുകയും മത്സരം കടുക്കയും ചെയ്തതോടെയാണ് യുബര് പുതിയ വഴികളിലേക്ക് മാറുന്നത്. പാക്കിസ്ഥാനില് കരീമിന്റെയും ഊബറിന്റെയും ആധിപത്യം കുറഞ്ഞത് കമ്ബനിക്ക് വലിയ തിരിച്ചടിയായിട്ടുണ്ട്.
ദിവസേന 10 ലക്ഷം രൂപ സമ്മാനമായി നല്കുന്ന ബോചെ ടീ ലക്കി ഡ്രോ യിലെ വിജയിയായ അനിലാലിന് 10 ലക്ഷം രൂപയുടെ ചെക്ക് കൈമാറി. തൃശൂരില് നടന്ന ചടങ്ങിലാണ് ചെക്ക് കൈമാറിയത്. തൃപ്പൂണിത്തുറ സ്വദേശിയാണ് അനിലാല്. ദിവസേനയുള്ള നറുക്കെടുപ്പിലൂടെ 10 ലക്ഷം രൂപയും കൂടാതെ 13704 ഭാഗ്യവാന്മാര്ക്ക് 25000, 10000, 5000, 1000, 100 എന്നിങ്ങനെ ക്യാഷ് പ്രൈസുകളും ലഭിക്കുന്നുണ്ട്. 25 കോടി രൂപയാണ് ബമ്പര് സമ്മാനം.
www.bochetea.com സന്ദര്ശിച്ച് 40 രൂപയുടെ ബോചെ ടീ പാക്കറ്റ് വാങ്ങുമ്പോള് സൗജന്യമായി ബോചെ ലക്കി ഡ്രോ ടിക്കറ്റ് ലഭിക്കും. എല്ലാ ദിവസവും രാത്രി 10.30 നാണ് നറുക്കെടുപ്പ്. ബോചെ ടീ യുടെ വെബ്സൈറ്റ്, സോഷ്യല് മീഡിയ അക്കൗണ്ടുകള് എന്നിവ വഴിയാണ് നറുക്കെടുപ്പ് ഫലം പ്രസിദ്ധീകരിക്കുന്നത്. ബോചെ ഗോള്ഡ് ആന്റ് ഡയമണ്ട്സ്, ബോചെ ടീ, ബോചെ ഗോള്ഡ് ലോണ് എന്നിവയുടെ 'ബോചെ പാര്ട്ണര്' ബിസിനസ് അവസരങ്ങള്ക്ക് 7034187000 എന്ന നമ്പറില് ബന്ധപ്പെടാവുന്നതാണ്.
BP SPECIAL NEWS
മനസ്സില് ഒരു ദുഖമോ ബുദ്ധിമുട്ടോ ഉണ്ടായാല് ക്ഷേത്രങ്ങളെയും ദൈവങ്ങളെയും കൂട്ടുപിടിക്കാറുണ്ട്. അത്തരത്തില് മനുഷ്യര്ക്ക് മാത്രമല്ല മൃഗങ്ങള്ക്കും ഒരു ക്ഷേത്രമുണ്ട്. ഈ ക്ഷേത്രം സ്ഥിതി ചെയ്യുന്നത് രാജസ്ഥാനിലെ ജുന്ജുനുവില്, ബക്ര ഗ്രാമത്തിലാണ്. കേള്ക്കുമ്പോള് വ്യത്യസ്തമെന്ന് തോന്നുമെങ്കിലും ഇവിടുത്തെ പ്രതിഷ്ഠയ്ക്ക് വലിയൊരു പ്രത്യേകത ഉണ്ട്.
രാജസ്ഥാനിലെ ജുന്ജുനുവില്, ബക്ര ഗ്രാമത്തില് മനുഷ്യരുടെ മാത്രമല്ല മൃഗങ്ങളുടെയും സങ്കടങ്ങള് കേള്ക്കുന്നൊരു ദൈവമുണ്ട്. ഇവിടെ വന്ന് ദുഖം പങ്കുവെച്ചാല് അതിന് ഉചിതമായ ഫലം ലഭിക്കുമെന്നാണ് എല്ലാവരുടെയും വിശ്വാസം.
നൂറ്റാണ്ടുകള് പഴക്കമുള്ള ഈ ക്ഷേത്രത്തിലെ പ്രതിഷ്ഠ സക്ലേ ഗ്രാമത്തില് നിന്നുള്ള പാലാ സക്ലേ ദാദയാണ്. ഒരിക്കല് ഗ്രാമത്തിലെത്തിയ കള്ളന്മാരില് നിന്ന് അവിടുത്തെ പശുക്കളെ സംരക്ഷിക്കുന്നതിനിടെ ജീവന് നഷ്ടപ്പെട്ട വ്യക്തിയാണ് പാലാ സക്ലേ ദാദയ്ക്ക്. അതുകൊണ്ടാണ് ഈ ക്ഷേത്രം അദ്ദേഹത്തിന് സമര്പ്പിച്ചിരിക്കുന്നതത്രെ.
ഈ ഗ്രാമത്തില് നിന്നും കവര്ച്ചക്കാര് പശുക്കളെ തട്ടിക്കൊണ്ടു പോകാന് ശ്രമിക്കുമ്പോഴാണ് അദ്ദേഹത്തിന് ജീവന് നഷ്ടമായത്. പശുക്കളെ രക്ഷിക്കുന്നതിന് വേണ്ടി ഇവിടെയുള്ള കര്ഷകര് ഈ കൊള്ളസംഘവുമായി ഏറ്റുമുട്ടി. ആ കര്ഷകരുടെ കൂട്ടത്തില് ദാദാ പാലാ സക്ലേയും ഉണ്ടായിരുന്നത്രെ. എന്നാല്, കൊള്ളക്കാരുമായുള്ള പോരാട്ടത്തില് അദ്ദേഹത്തിന്റെ കഴുത്തിന് ഗുരുതരമായി വെട്ടേറ്റു. എന്നിട്ടും തളരാതെ പശുക്കളുമായി അദ്ദേഹം ഗ്രാമത്തിലേക്ക് നടന്നു. അപ്പോഴേക്കും അദ്ദേഹത്തിന്റെ കഴുത്ത് അറ്റുപോയി എന്നാണ് പറയുന്നത്. അങ്ങനെ ഗ്രാമത്തില് ഒരിടത്തെത്തിയപ്പോള് അദ്ദേഹം അവിടെ കുഴഞ്ഞുവീണു.
വയലില് പണിയെടുക്കുന്നവരുടെ മുന്നില് വച്ചാണ് അദ്ദേഹം ജീവന് വെടിഞ്ഞത്. ആ സ്ഥലത്താണ് പിന്നീട് ക്ഷേത്രം പണിതത് എന്നാണ് പറയുന്നത്. പിന്നീട്, ആ കര്ഷകനെ ആളുകള് ദൈവമായി ആരാധിക്കുകയായിരുന്നത്രെ. ഈ ക്ഷേത്രത്തില് നിരവധിപ്പേരാണ് പ്രാര്ത്ഥിക്കാനായി എത്തുന്നത്. ഇന്നും ആളുകള്ക്ക് സക്ലേ ദാദയെ ഒരുപാട് വിശ്വാസമാണ്. അതിനാല് തന്നെ തങ്ങളുടേയും മൃഗങ്ങളുടെയും ദുരിതം പറയാനായും ആളുകള് ഇവിടെ എത്തുന്നു.
PRAVASI VARTHAKAL
HEALTH
BUSINESS
SPORTS
CHARITY