HOT NEWS
റുവാണ്ട നാടുകടത്തല് ബില്ലിലെ ഭേദഗതികള് കോമണ്സ് വോട്ടില് അസാധുവായി; ഹൗസ് ഓഫ് ലോര്ഡ്സിന്റെ മാറ്റങ്ങള് എംപിമാര് നിരസിച്ചു, പദ്ധതി ഒരു പടികൂടി മുന്നോട്ട്
3>റുവാണ്ട ബില്ലില് ഹൗസ് ഓഫ് ലോര്ഡ്സ് വരുത്തിയ നിരവധി ഭേദഗതികള് തള്ളിക്കളയാന് ഭൂരിപക്ഷം എംപിമാര് വോട്ട് ചെയ്തതിനെത്തുടര്ന്ന് റുവാണ്ടയിലേക്ക് അഭയാര്ഥികളെ അയയ്ക്കാനുള്ള ഋഷി സുനക്കിന്റെ പദ്ധതി തിങ്കളാഴ്ച രാത്രി ഒരു പടി മുന്നോട്ട് പോയി. റുവാണ്ടയുടെ സുരക്ഷയെ ചോദ്യം ചെയ്യാന് കോടതികളെ അനുവദിക്കുന്നതുള്പ്പെടെയുള്ള 10 ഭേദഗതികളും നിരസിക്കപ്പെട്ടു. ഇതോടെ റുവാണ്ട സുരക്ഷിതമാണെന്ന് സര്ക്കാര് വാദത്തിന് കൂടുതല് കരുത്ത് ലഭിച്ചു. റുവാണ്ട പദ്ധതി മനുഷ്യാവകാശ ലംഘനത്തിന് കാരണമാകുമെന്ന് ചൂണ്ടിക്കാട്ടി സുപ്രീം കോടതി മുമ്പ് റുവാണ്ട പദ്ധതി നിയമവിരുദ്ധമാണെന്ന് വിധിച്ചിരുന്നു.
ഓരോ നാടുകടത്തലിനും ആറ് പേരെ ബഹിരാകാശത്തേക്ക് അയക്കുന്നതിന് തുല്യമായ ചിലവ് വരുമെന്നാണ് പദ്ധതിയെ എതിര്ക്കുന്ന ലേബറുകളുടെ വാദം.
റുവാണ്ടയെ സുരക്ഷിത സ്ഥലമായി പ്രഖ്യാപിച്ച് അഭയം തേടുന്നവരെ യുകെയ്ക്ക് നാടുകടത്താന് കഴിയുമെന്ന് ഉറപ്പാക്കുകയാണ് നിര്ദ്ദിഷ്ട നിയമം ലക്ഷ്യമിടുന്നത്. റുവാണ്ടയുടെ സുരക്ഷ (അസൈലം ആന്ഡ് ഇമിഗ്രേഷന്) ബില് യുകെയുടെ അതിര്ത്തികള് സംരക്ഷിക്കുന്നതിനുള്ള 'അത്യാവശ്യ ഘടകമാണ്' എന്ന് ആഭ്യന്തര ഓഫീസ് മന്ത്രി മൈക്കല് ടോംലിന്സണ് തിങ്കളാഴ്ച കോമണ്സിനോട് പറഞ്ഞു. ബില് സര്ക്കാരിന്റെ അന്താരാഷ്ട്ര നയങ്ങളുമായി ചേര്ന്നുപോകുന്നതാണെന്നും അദ്ദേഹം പറഞ്ഞു.
പദ്ധതിയോടുള്ള സുപ്രീം കോടതിയുടെ എതിര്പ്പുകള് മറികടക്കാന് രൂപകല്പ്പന ചെയ്ത റുവാണ്ട (അഭയവും കുടിയേറ്റവും) ബില്ലിന്റെ സുരക്ഷ ഈ ആഴ്ച അവസാനം ലോര്ഡ്സിലേക്ക് മടങ്ങും. പീര്സ് അവരുടെ ഭേദഗതികള് പുനഃസ്ഥാപിക്കണോ എന്ന് തീരുമാനിക്കുകയും ഇത് ബില് പാസാക്കുന്നത് വീണ്ടും മന്ദഗതിയിലാക്കുകയും ചെയ്യും.
തിങ്കളാഴ്ച വോട്ടെടുപ്പിന് മുമ്പ് സംസാരിച്ച സുനക് പറഞ്ഞു: 'ഞാന് മുമ്പ് നിശ്ചയിച്ചിട്ടുള്ള ടൈംലൈനില് ഞാന് ഇപ്പോഴും പ്രതിജ്ഞാബദ്ധനാണ്, അതായത് വസന്തകാലത്ത് ഒരു വിമാനം റുവാണ്ടയിലേയ്ക്ക് പുറപ്പെടാന് ഞങ്ങള് ലക്ഷ്യമിടുന്നു.' ഭേദഗതികള് നിരസിച്ചത്, ബുദ്ധിമുട്ടുള്ള ഏതാനും ആഴ്ചകള്ക്ക് ശേഷം പ്രധാനമന്ത്രിക്ക് ആശ്വാസം നല്കുന്ന ഒന്നാണ്. 2024 'ബ്രിട്ടന് തിരിച്ചുവരുന്ന വര്ഷമായിരിക്കും' എന്ന് തിങ്കളാഴ്ച വാഗ്ദാനം ചെയ്ത സുനക്, തന്റെ നേതൃത്വത്തില് വിശ്വാസം നിലനിര്ത്താന് തന്റെ പാര്ട്ടിയോട് അഭ്യര്ത്ഥിക്കുകയും ചെയ്തു.
പണപ്പെരുപ്പം കുറയുന്നതും വളര്ച്ചയെ ത്വരിതപ്പെടുത്തുന്നതും ദീര്ഘകാലമായി കാത്തിരുന്ന തന്റെ റുവാണ്ട പദ്ധതിയുടെ തുടക്കവും സംയോജിപ്പിച്ച് വര്ഷാവസാനം ടോറികളുടെ ഫ്ലാഗിംഗ് പോള് റേറ്റിംഗുകള് വര്ദ്ധിപ്പിക്കാന് സഹായിക്കുമെന്ന് അദ്ദേഹം പ്രതീക്ഷിക്കുന്നു.
എന്നിരുന്നാലും, അഭയ പദ്ധതി എംപിമാരും ഹൗസ് ഓഫ് ലോര്ഡ്സ് അംഗങ്ങളും വരും ആഴ്ചകളില് ബില്ലിന്റെ ഒരു പതിപ്പ് അംഗീകരിക്കുന്നതിനെ ആശ്രയിച്ചിരിക്കുന്നു, അതിനാല് വിമാനങ്ങള് പറന്നുയരുന്നത് നിര്ത്താന് ലക്ഷ്യമിട്ട് സ്ട്രാസ്ബര്ഗ് പുറപ്പെടുവിച്ച ഏത് അടിയന്തര ഉത്തരവുകളും അവഗണിക്കാന് മന്ത്രിമാര്ക്ക് അധികാരമുണ്ടാകും.
ബില്ലില് ഹൗസ് ഓഫ് ലോര്ഡ്സ് അംഗങ്ങള് വരുത്തിയ 10 ഭേദഗതികളില് ആഭ്യന്തരവും അന്തര്ദേശീയവുമായ നിയമങ്ങള് പാലിക്കാന് മന്ത്രിമാരെ നിര്ബന്ധിക്കുന്ന ഒന്നാണ്. കിഗാലി വാഗ്ദാനം ചെയ്ത നിരവധി സുരക്ഷാസംവിധാനങ്ങള് നടപ്പിലാക്കുന്നതുവരെ റുവാണ്ടയെ സുരക്ഷിത രാജ്യമായി പ്രഖ്യാപിക്കുന്നതില് നിന്ന് ഗവണ്മെന്റിനെ തടയുക, വിദേശത്ത് ബ്രിട്ടീഷ് സായുധ സേനയ്ക്കൊപ്പം പ്രവര്ത്തിച്ചവരെ ആഫ്രിക്കന് രാജ്യത്തേക്ക് നാടുകടത്തുന്നതില് നിന്ന് ഒഴിവാക്കുക എന്നിവ ഇതില് ഉള്പ്പെടുന്നു.
ലേബര്, സ്കോട്ടിഷ് നാഷണല് പാര്ട്ടി, ലിബറല് ഡെമോക്രാറ്റുകള് എന്നിവര് 10 ഭേദഗതികളും നിലനിര്ത്താന് വോട്ട് ചെയ്തു. എന്നാല് താരതമ്യേന ഐക്യമുള്ള ടോറി പാര്ട്ടി അവരെ വോട്ടെടുപ്പില് പരാജയപ്പെടുത്തി.
സുപ്രിം കോടതി വിധിയോട് സര്ക്കാരിന് ബഹുമാനം ഉണ്ടായിരിക്കണമെന്ന് ഷാഡോ ഹോം ഓഫീസ് മന്ത്രി പറഞ്ഞു, കണ്സര്വേറ്റീവ് എംപിമാര് 'അസംബന്ധ നിയമനിര്മ്മാണം' നടത്തുകയാണെന്ന് അവകാശപ്പെട്ടു, അത് ' നമ്മുടെ സ്ഥാപനങ്ങളെ പരിഹാസപാത്രമാക്കി മാറ്റുന്നു' എന്നും അദ്ദേഹം കുറ്റപ്പെടുത്തി.
റുവാണ്ടയിലേക്ക് അയച്ച ആദ്യത്തെ 300 അഭയാര്ത്ഥികളില് ഓരോന്നിനും നികുതിദായകര്ക്ക് ഏകദേശം 2 മില്യണ് പൗണ്ട് ചിലവാകും എന്ന് കാണിക്കുന്ന നാഷണല് ഓഡിറ്റ് ഓഫീസ് കണ്ടെത്തലുകളെ കുറിച്ച് ടോംലിന്സണ് അറിഞ്ഞിരുന്നോ എന്ന് ലേബര് ബാക്ക്ബെഞ്ചര് നീല് കോയില് ചോദിച്ചു.
'ഒരു വ്യക്തിയെ റുവാണ്ടയിലേക്ക് അയക്കാന് ഈ സര്ക്കാര് ആഗ്രഹിക്കുന്നതിനേക്കാള് കുറഞ്ഞ തുകയ്ക്ക് വിര്ജിന് ഗാലക്റ്റിക് ആറ് പേരെ ബഹിരാകാശത്തേക്ക് അയക്കാനാകുമെന്ന് മന്ത്രിക്ക് അറിയാമോ?' അദ്ദേഹം ചോദിച്ചു.
ചെലവിനെ വിമര്ശിക്കുന്നവര് പൂര്ണ്ണമായും പദ്ധതിയുടെ യഥാര്ഥ ലക്ഷ്യത്തെ കാണാതെ പോകുകയാണെന്ന് ടോറി ബാക്ക്ബെഞ്ചര് റിച്ചാര്ഡ് ഗ്രഹാം മറുപടിയായി പറഞ്ഞു. അനധികൃതമായി യുകെയില് പ്രവേശിക്കാന് ആഗ്രഹിക്കുന്നവര്ക്ക് ഇത് ഒരു വലിയ ഓര്മപ്പെടുത്തലായി പ്രവര്ത്തിക്കുമെന്ന് അദ്ദേഹം പറഞ്ഞു.
ജനിച്ചതും വളര്ന്നതുമെല്ലാം യുകെയില്; 28 കാരനെ മാതാപിക്കാളുടെ സ്വദേശമായ പോര്ച്ചുഗലിലേക്ക് നാടുകടത്താനുള്ള ഹോം ഓഫീസ് ശ്രമം നിയമവിരുദ്ധമാണെന്ന് വിധിച്ച് കോടതി
3>മുപ്പതിലേറെ വര്ഷങ്ങള്ക്ക് മുമ്പ് പോര്ച്ചുഗലില് നിന്നും യുകെയില് എത്തിയ ദമ്പതികള്ക്ക് ജനിച്ച ബ്രിട്ടീഷ് വംശജനായ യുവാവിനെ പോര്ച്ചുഗലിലേയ്ക്ക് നാടുകടത്താന് ശ്രമിച്ച ഹോം ഓഫീസ് നടപടി നിയമവിരുദ്ധമാണെന്ന് കോടതി വിധിച്ചു. സൗത്ത് ലണ്ടനിലെ ലാംബെത്തില് ജനിച്ച ദിമിത്രി ലിമ എന്ന 28 കാരന് തന്റെ മാതാപിതാക്കളുടെ ഭാഷയായ പോര്ച്ചുഗീസ് സംസാരിക്കാന് അറിയില്ല. ഇതേവരെ വിദേശയാത്ര നടത്തിയിട്ടില്ല. എന്നാല് മയക്കുമരുന്ന് കുറ്റത്തിനും ടേസര് കൈവശം വച്ചതിനും ജയില് ശിക്ഷ അനുഭവിച്ചതിന് ശേഷം 2022-ല് ആഭ്യന്തര ഓഫീസ് ഇയാളെ നാടുകടത്താന് ഉത്തരവ് നല്കി.
വിചാരണയ്ക്ക് ശേഷം, ജഡ്ജി ഒ'ഗാരോ, ലിമ ബിട്ടീഷുകാരനാണ് എന്ന് ഇയാളുടെ അഭിഭാഷകരോട് സമ്മതിച്ചു. കാരണം ലിമ യുകെയില് ജനിച്ചതിനാല്, അയാളുടെ അമ്മയും പരേതനായ പിതാവും യൂറോപ്യന് യൂണിയന് ഉടമ്പടി പ്രകാരം രാജ്യത്ത് ജോലി ചെയ്യാനുള്ള സ്വതന്ത്ര സഞ്ചാരത്തിനുള്ള അവകാശം വിനിയോഗിക്കുകയായിരുന്നു എന്ന് കോടതി നിരീക്ഷിച്ചു.
''അപ്പീല്ക്കാരന് ബ്രിട്ടീഷ് പൗരനാണെന്ന് ഞാന് കണ്ടെത്തിയതിനാല്, അപ്പീലുകാരനെ നാടുകടത്താനുള്ള ഹോം ഓഫീസിന്റെ തീരുമാനം നിയമാനുസൃതമല്ലെന്ന് ഞാന് വിലയിരുത്തുന്നു''. അദ്ദേഹം പറഞ്ഞു. ട്രൈബ്യൂണല് തന്റെ വാദങ്ങള് അംഗീകരിച്ചുവെന്ന് ലിമയുടെ അഭിഭാഷകന്, എംടിസി സോളിസിറ്റേഴ്സിലെ പബ്ലിക് ലോ സോളിസിറ്റര് നാഗാ കാണ്ടിയ പറഞ്ഞു. സര്ക്കാരിന്റെ പ്രാഥമിക അപ്പീല് അഭ്യര്ത്ഥന നിരസിക്കപ്പെട്ടുവെന്നും അദ്ദേഹം കൂട്ടിച്ചേര്ത്തു.
യൂറോപ്യന് യൂണിയന് മൈഗ്രേഷന് കേസുകളില് ബ്രെക്സിറ്റിനു ശേഷമുള്ള കടുത്ത സമീപനം എടുത്തുകാണിക്കുന്ന ഏറ്റവും പുതിയതാണ് ഈ കേസ്. ലിമ ഒരിക്കലും യുകെ വിട്ടിട്ടില്ല, പോര്ച്ചുഗല് സന്ദര്ശിച്ചിട്ടില്ല എന്നതിന്റെ തെളിവുകള് ഉണ്ടായിരുന്നിട്ടും ഹോം ഓഫീസ് നാടുകടത്തല് നടപടിയുമായി മുന്നോട്ടു പോയി. കൂടാതെ തനിയ്ക്ക് ഒരു സാമൂഹിക ബന്ധവുമില്ലാത്ത, ഭാഷ അറിയാാത്ത ഒരു രാജ്യത്തിലേക്ക് വലിച്ചറിയപ്പെട്ടാല് ലിമ പ്രതിസന്ധിയിലാകുമെന്ന് വസ്തുത ഹോം ഓഫീസ് സമ്മതിക്കുകയും ചെയ്തു.
ബ്രെക്സിറ്റിന് ശേഷം കൊണ്ടുവന്ന മാറ്റങ്ങള്ക്ക് കീഴില്, മറ്റേതൊരു ദേശീയതയെയും പോലെ ഒരു യൂറോപ്യന് യൂണിയന് പൗരന്റെ നാടുകടത്തല്, അവര്ക്ക് 12 മാസത്തില് കൂടുതല് തടവ് ശിക്ഷ ലഭിച്ചിട്ടുണ്ടെങ്കില് പൊതുനന്മയ്ക്കും പൊതുതാല്പ്പര്യത്തിനും ഉതകുന്നതാണ്.
മുമ്പ്, ഒരു കുറ്റകൃത്യത്തിന് ശിക്ഷിക്കപ്പെട്ട അഞ്ച് വര്ഷമായി യുകെയില് താമസിച്ചിരുന്ന യൂറോപ്യന് യൂണിയന് പൗരന്മാരെ 'പൊതു നയത്തിന്റെയും പൊതു സുരക്ഷയുടെയും ഗുരുതരമായ ലംഘനങ്ങള്' നടത്തിയാല് മാത്രമേ നാടുകടത്തുകയുള്ളൂ,
2021 ജൂണിലെ കട്ട്-ഓഫിന് മുമ്പ് അവധിക്ക് അപേക്ഷിച്ചിട്ടില്ലാത്തതിനാല് ലിമയ്ക്ക് യൂറോപ്യന് യൂണിയന് സെറ്റില്ഡ് സ്റ്റാറ്റസ് സ്കീമിന് കീഴില് യാതൊരു പരിരക്ഷയും ഇല്ലെന്ന് പറയപ്പെടുന്നു.
2020 ഓഗസ്റ്റില് എ ക്ലാസ് മയക്കുമരുന്ന് വിതരണം ചെയ്യാനും നിരോധിത ആയുധമായ ടേസര് കൈവശം വച്ചതിനും ലിമ രണ്ട് കേസുകളില് കുറ്റക്കാരനാണെന്ന് തെളിയുകയും നാല് വര്ഷവും ആറ് മാസവും തടവിന് ശിക്ഷിക്കപ്പെടുകയും ചെയ്തു.
തുടര്ന്ന് ജയിലില് നിന്ന് ഗാറ്റ്വിക്ക് വിമാനത്താവളത്തിലെ ബ്രൂക്ക് ഹൗസ് ഇമിഗ്രേഷന് റിമൂവല് സെന്ററിലേക്ക് മാറ്റിയതിന് ശേഷം 2022 ഒക്ടോബറില് ഇയാള്ക്ക് നാടുകടത്തല് ഉത്തരവ് നല്കി. തന്റെ പിതാവിന്റെ മരണവും പിന്നീട് ഒരു മോശം ഗ്യാങ്ങിനൊപ്പം ചേര്ന്നതും കുറ്റകൃത്യങ്ങള് ചെയ്യാന് തന്നെ പ്രേരിപ്പിച്ചെന്നും അതില് താന് ഖേദിക്കുന്നുവെന്നും ലിമ പറഞ്ഞു.
ലിമ ജനിച്ചപ്പോള് ലണ്ടനില് ഹെയര്ഡ്രെസ്സറായി അമ്മ ചെയ്ത ജോലിയെ ഉദ്ധരിച്ച് ലിമയ്ക്ക് അനുകൂലമായ ട്രൈബ്യൂണല് വിധിക്ക് മറുപടിയായി, അപ്പീല് നല്കാന് ഹോം ഓഫീസ് അനുമതി തേടിയിരുന്നു.
1997 നും 2003 നും ഇടയില് ലിമയുടെ അമ്മ നാഷണല് ഇന്ഷുറന്സ് സംഭാവനകള് മുടക്കിയത് അവരുടെ 'തൊഴിലാളി' പദവി നഷ്ടപ്പെടുത്തിയെന്ന് ഹോം ഓഫീസ് അഭിഭാഷകര് വാദിച്ചു. എന്നാല് 1995-ല് 'അപ്പീല്ക്കാരന്റെ ജനനസമയത്ത് അവരുടെ തൊഴിലാളി പദവി നഷ്ടപ്പെട്ടില്ല എന്ന് ജഡ്ജി വിധിക്കുകയും അപ്പീല് അപേക്ഷ നിരസിക്കുകയും ചെയ്തു.
സ്കൂള് വിദ്യാര്ത്ഥിയെ വംശീയമായി അധിക്ഷേപിക്കുകയും വീഡിയോ ചിത്രീകരിച്ച് സോഷ്യല് മീഡിയയില് ഷെയര് ചെയ്യുകയും ചെയ്ത കേസ്; നാല് കൗമാരക്കാര് അറസ്റ്റില്
3>കാര്ലിസില് കറുത്ത വര്ഗക്കാരനായ സ്കൂള് വിദ്യാര്ത്ഥിയെ വംശീയമായി അധിക്ഷേപിക്കുകയും അത് ചിത്രീകരിച്ച് സോഷ്യല് മീഡിയയില് ഷെയര് ചെയ്യുകയും ചെയ്ത കേസില് നാല് കൗമാരക്കാരായ ആണ്കുട്ടികള് അറസ്റ്റില്. ഓണ്ലൈനില് പ്രചരിക്കുന്ന ദൃശ്യങ്ങള് വെറുപ്പുളവാക്കുന്നതാണെന്നും കാര്ലിസിലെ അപ്പര്ബി ഏരിയയില് നടന്ന സംഭവം വിദ്വേഷ കുറ്റകൃത്യമായി കണക്കാക്കുകയാണെന്നും കുംബ്രിയ പോലീസ് പറഞ്ഞു.
സ്കൂള് വിദ്യാര്ത്ഥിയെ കൊണ്ട് തങ്ങളുടെ ഷൂസില് ചുംബിക്കുന്നതിന് മുമ്പ് ഒരു വെള്ളക്കാരനായ കുട്ടി പരിഹസിക്കുകയും തള്ളുകയും മര്ദിക്കുകയും ചെയ്യുന്നതാണ് വീഡിയോയിലുള്ളത്. വെള്ളിയാഴ്ചയാണ് സംഭവം. വീഡിയോ ആയിരക്കണക്കിന് തവണ ഷെയര് ചെയ്യപ്പെട്ടതിന് ശേഷം, 'ഒരു വിദ്വേഷ സംഭവത്തിന്റെ റിപ്പോര്ട്ടുമായി ബന്ധപ്പെട്ട്' ഒരു കൗമാരക്കാരനെ അറസ്റ്റ് ചെയ്തതായി കുംബ്രിയ പോലീസ് പറഞ്ഞു. ശനിയാഴ്ച ഉച്ചയോടെ മൂന്ന് ആണ്കുട്ടികള് കൂടി അറസ്റ്റിലായതായി സേന അറിയിച്ചു.
''അറസ്റ്റിലായവര് കൗമാരപ്രായത്തിലുള്ള നാല് ആണ്കുട്ടികളാണ്, എല്ലാവരും കാര്ലിസില് നിന്നുള്ളവരാണ്. വംശീയമായി ശാരീരിക ഉപദ്രവത്തിന്റെ പേരില് ഒരാളെ അറസ്റ്റ് ചെയ്തു. മറ്റ് മൂന്ന് പേരെ വംശീയമായി ശാരീരിക ഉപദ്രവത്തിന് പ്രേരിപ്പിച്ചുവെന്ന സംശയത്തിലാണ് അറസ്റ്റ് ചെയ്തത്''. കുംബ്രിയ പോലീസ് പറഞ്ഞു. പതികള് അറസ്റ്റ് ചെയ്യപ്പെട്ടതിനാല്, ഇനി വീഡിയോ ഷെയര് ചെയ്യുന്നതില് നിന്ന് വിട്ടുനില്ക്കാന് പോലീസ് ആളുകളോട് ആവശ്യപ്പെട്ടു.
ഓണ്ലൈനില് പ്രചരിക്കുന്നത് വെറുപ്പുളവാക്കുന്ന ദൃശ്യങ്ങളാണ്, ഇത് സമൂഹത്തിലും ഇവിടെ കുംബ്രിയ പോലീസിലെ ഉദ്യോഗസ്ഥര്ക്കിടയിലും ഞെട്ടലും ആശങ്കയും സൃഷ്ടിച്ചു. പോലീസ് സൂപ്രണ്ട് സാറാ ജോണ്സ് പറഞ്ഞു. ''ഇതുപോലുള്ള ഒരു സംഭവം പലര്ക്കും ആശങ്കയുണ്ടാക്കുമെന്ന് ഞങ്ങള് മനസ്സിലാക്കുന്നു, ഇത് ഞങ്ങള് വളരെ ഗൗരവമായി എടുക്കുന്ന ഒരു സംഭവമാണെന്ന് സമൂഹത്തിന് ഉറപ്പുനല്കാന് കഴിയും. ഞങ്ങള് നാല് അറസ്റ്റുകള് നടത്തി. പോലീസ് ഉദ്യോഗസ്ഥര് രാത്രി മുഴുവന് ജോലി ചെയ്യുകയും ഇന്നും അന്വേഷണം തുടരുകയും ചെയ്തു. അവര് കൂട്ടിച്ചേര്ത്തു.
അറസ്റ്റുകള് നടന്നതിനാല്, മറ്റ് നിയമനടപടികള്ക്ക് തടസ്സമാകാതിരിക്കാന് വീഡിയോ കൂടുതല് പങ്കിടരുതെന്ന് തങ്ങള് ആളുകളോട് അഭ്യര്ത്ഥിക്കുകയാണെന്നും അവര് പറഞ്ഞു. സമൂഹത്തില് നിന്നുള്ള ആശങ്കകള് കണക്കിലെടുത്ത് നഗരത്തില് പട്രോളിംഗ് വര്ധിപ്പിക്കുകയാണെന്ന് കുംബ്രിയ പോലീസ് പറഞ്ഞു. സംഭവത്തെക്കുറിച്ച് എന്തെങ്കിലും വിവരം ലഭിക്കുന്നവര് 101 എന്ന നമ്പറില് ബന്ധപ്പെടണമെന്നും പോലീസ് അറിയിച്ചു.
യുവാക്കള്ക്കായി 20,000 അപ്രന്റീസ്ഷിപ്പുകള് കൂടി സൃഷ്ടിക്കുമെന്ന് ഋഷി സുനകിന്റെ ഉറപ്പ്; യുകെയെ ബിസിനസ്സ് ചെയ്യാനുള്ള ഏറ്റവും നല്ല സ്ഥലമാക്കി മാറ്റാന് സര്ക്കാര് പ്രതിജ്ഞാബദ്ധമെന്ന് പ്രധാനമന്ത്രി
3>യുവാക്കള്ക്ക് പൂര്ണ്ണമായി ധനസഹായം നല്കുന്നതും ചെറുകിട ബിസിനസ്സുകള്ക്കുള്ള ചുവപ്പ് നാട മുറിക്കുന്നതും ഉള്പ്പെടെയുള്ള പരിഷ്കാരങ്ങളിലൂടെ 20,000 അപ്രന്റീസ്ഷിപ്പുകള് കൂടി സൃഷ്ടിക്കുമെന്ന് പ്രധാനമന്ത്രി റിഷി സുനക്. ഏപ്രില് 1 മുതല് ചെറുകിട സ്ഥാപനങ്ങളില് 21 വയസോ അതില് താഴെയോ പ്രായമുള്ളവര്ക്ക് അപ്രന്റീസ്ഷിപ്പിന്റെ മുഴുവന് തുകയും സര്ക്കാര് നല്കും. ഇതിനായി അടുത്ത വര്ഷത്തേക്ക് 60 മില്യണ് പൗണ്ടിന്റെ പുതിയ നിക്ഷേപവും പ്രധാനമന്ത്രി വാഗ്ദാനം ചെയ്തു.
14 വര്ഷത്തെ ടോറിയുടെ സാമ്പത്തിക പരാജയത്തി്' ശേഷം ചെറുകിട സ്ഥാപനങ്ങളുടെ നിലനില്പ്പ് അന്ത്യന്തം ദുഷ്കരമായി തീര്ന്നിരിക്കുകയാണെന്ന ലേബറിന്റെ വിമര്ശനത്തിന് പിന്നാലെയാണ് സുനകിന്റെ പുതിയ വാഗ്ദാനം. അവസരങ്ങളുടെ ഒരു വേലിയേറ്റം തുറക്കുമെന്ന് വാര്വിക്ഷെയറില് ചെറുകിട ബിസിനസ്സുകള്ക്കായുള്ള ഒരു കോണ്ഫറന്സില് പ്രസംഗമധ്യേ പ്രഖ്യാപിച്ച പ്രധാനമന്ത്രി, സര്ക്കാര് പരിഷ്കാരങ്ങളുടെ ഒരു പാക്കേജ് ഉടന് അവതരിപ്പിക്കുമെന്നും വ്യക്തമാക്കി.
അപ്രന്റിസ്ഷിപ്പിന്റെ ചെലവ് സര്ക്കാര് ധനസഹായമായി നല്കുന്നതിനൊപ്പം, അപ്രന്റിസ്ഷിപ്പ് ലെവി അടയ്ക്കുന്ന ഫണ്ടിംഗ് കമ്പനികളുടെ മറ്റ് ബിസിനസുകള്ക്ക് കൈമാറാന് കഴിയുന്ന തുകയും മന്ത്രിമാര് ഉയര്ത്തും.
ഏപ്രില് 6 മുതല്, ബിസിനസ്സുകള്ക്ക് ഇപ്പോള് മറ്റൊരു തൊഴിലുടമയ്ക്ക് കൈമാറാന് കഴിയുന്ന 25% മുതല് ചെലവഴിക്കാത്ത ഫണ്ടുകളുടെ 50% വരെ പങ്കിടാന് കഴിയും. ലെവിയിലെ മാറ്റങ്ങള്ക്കും പരിശീലനത്തിലെ നിക്ഷേപത്തിനും ഇടയില്, 20,000 വരെ അപ്രന്റീസ്ഷിപ്പുകള് കൂടി ലഭ്യമാക്കുമെന്ന് സര്ക്കാര് പ്രതീക്ഷിക്കുന്നു. യുകെയെ ബിസിനസ്സ് ചെയ്യാനുള്ള ഏറ്റവും നല്ല സ്ഥലമാക്കി മാറ്റാനുള്ള പദ്ധതിയില് സര്ക്കാര് ഉറച്ചുനില്ക്കുകയാണെന്നും സുനക് പറഞ്ഞു.
കൂടുതല് പരിഷ്കരണത്തില്, കമ്പനിയുടെ വലുപ്പം നിര്ണ്ണയിക്കുന്ന പരിധികളില് 50% വര്ദ്ധനവ് സുനക് പ്രഖ്യാപിക്കും. ഇത് 132,000 ബിസിനസുകളെ ചെറുകിട, ഇടത്തരം സംരംഭങ്ങളായി (എസ്എംഇ) യോഗ്യമാക്കുമെന്നും അതിനാല് സാമ്പത്തികേതര റിപ്പോര്ട്ടിംഗ് ആവശ്യകതകള് ഒഴിവാക്കുമെന്നും അദ്ദേഹം പ്രതീക്ഷിക്കുന്നു.
ഒരു ഇടത്തരം ബിസിനസ്സ് നിലവില് നിര്വചിക്കപ്പെട്ടിരിക്കുന്നത് 250 ആളുകളില് കൂടുതല് ജോലി ചെയ്യാത്തതും വാര്ഷിക വിറ്റുവരവ് £36m ല് കൂടുതലോ അല്ലെങ്കില് ബാലന്സ് ഷീറ്റ് മൊത്തം £ 18m ല് കൂടുതലോ ഇല്ലാത്തതുമാണ്. അതേസമയം ഒരു ചെറുകിട ബിസിനസ്സ് കൂടുതല് ആളുകള് ജോലി ചെയ്യാത്ത ഒന്നാണ്. 50-ല് കൂടുതല് ആളുകള്ക്ക് വാര്ഷിക വിറ്റുവരവ് £10.2m അല്ലെങ്കില് ബാലന്സ് ഷീറ്റ് മൊത്തത്തില് £5.1m-ല് കൂടരുത് എന്നതാണ് ചെറുകിട ബിസിനസ്സുകള്ക്കുള്ള നിബന്ധന.
റിപ്പോര്ട്ടിംഗ് ആവശ്യകതകള് കാര്യക്ഷമമാക്കുന്നതിനുള്ള മറ്റ് നടപടികള്ക്കൊപ്പം, ശരത്കാലത്തില് പ്രാബല്യത്തില് വരുമെന്ന് പ്രതീക്ഷിക്കുന്ന ഈ മാറ്റംമൂലം എസ്എംഇകള്ക്ക് പ്രതിവര്ഷം 150 മില്യണ് പൗണ്ടിന്റെ ലാഭമുണ്ടാകുമെന്നും സര്ക്കാര് വിശ്വസിക്കുന്നു.
ഒന്നര ശതമാനം വര്ദ്ധിച്ച് യുകെയിലെ ഭവന വില പത്തു മാസത്തെ ഏറ്റവും ഉയര്ന്ന നിരക്കില്; വീടിന്റെ ശരാശരി വില 370,000 പൗണ്ട് ആയി ഉയര്ന്നുവെന്ന് കണക്കുകള്, നിര്ണ്ണായകമായത് വലിയ വീടുകളുടെ ഡിമാന്റും മോര്ട്ട്ഗേജ് നിരക്കുകളും
3>കഴിഞ്ഞ കുറച്ചു മാസങ്ങളായി മന്ദീഭവിച്ചിരുന്ന യുകെയിലെ ഭവന വിപണി മാര്ച്ച് മാസത്തോടെ ഉയര്ത്തെഴുന്നേറ്റതായി കണക്കുകള്. വാങ്ങുന്നവരുടെ ഡിമാന്ഡ് വര്ദ്ധനയും വീടുകളുടെ ശക്തമായ വില്പ്പനയും കൂടിച്ചേര്ന്ന് യുകെയിലെ ശരാശരി ഭവന വില 5,279 പൗണ്ട് വര്ധിച്ച് ഏകദേശം 370,000 പൗണ്ട് ആയി ഉയര്ന്നു. യുകെയിലെ ഏറ്റവും വലിയ പ്രോപ്പര്ട്ടി വെബ്സൈറ്റായ റൈറ്റ് മൂവിന്റെ റിപ്പോര്ട്ട് അനുസരിച്ച്, ഈ മാസത്തെ 1.5% വില വര്ദ്ധനവ് കഴിഞ്ഞ മാര്ച്ചിലെ ചരിത്രപരമായ ശരാശരി വര്ദ്ധനവായ 1 ശതമാനത്തിനേക്കാള് കൂടുതലാണ്. ഇത് 10 മാസത്തെ ഏറ്റവും വലിയ പ്രതിമാസ വര്ദ്ധനവാണ്.
കൂടുതല് ആളുകള് ഇപ്പോള് വാങ്ങാനുള്ള മികച്ച അവസരമായി കാണുന്നതിനാല് ഈ മാസം വാങ്ങുന്നവരുടെ ഡിമാന്ഡില് ഗണ്യമായ വര്ദ്ധനവ് എസ്റ്റേറ്റ് ഏജന്റുമാര് റിപ്പോര്ട്ട് ചെയ്യുന്നതായി റൈറ്റ്മൂവ് പറഞ്ഞു. യുകെയില് ശരാശരി ചോദിക്കുന്ന വില ഇപ്പോള് 368,118 പൗണ്ട്് ആണെന്ന് വെബ്സൈറ്റ് പറഞ്ഞു. ഇത് ഗണ്യമായ വര്ദ്ധനവാണ്. യുകെയിലെ ശരാശരി ഭവനവില 2022 ജൂണില് രേഖപ്പെടുത്തിയ ഏറ്റവും ഉയര്ന്ന നിരക്കില് നിന്ന് 1,800 പൗണ്ടിന്രെ മാത്രം വ്യത്യാസമാണ്് നിലവില് ഉള്ളതെന്ന് കഴിഞ്ഞ ആഴ്ച പുതിയ കണക്കുകളെ ഉദ്ധരിച്ച് ഹാലിഫാക്സ് പറഞ്ഞു.
മാര്ച്ച് ആദ്യം മുതലുള്ള വില്പ്പനയുടെ എണ്ണം കഴിഞ്ഞ വര്ഷം ഇതേ സമയത്തേക്കാള് 13% കൂടുതലാണെന്നും വലിയ വീടുകളുടെ ഡിമാന്റാണ് നിലവിലെ വില കുതിച്ചുചാട്ടത്തിന് കാരണമായതെന്നും റൈറ്റ്മൂവിലെ പ്രോപ്പര്ട്ടി സയന്സ് ഇന്നൊവേഷന് ഡയറക്ടര് ടിം ബാനിസ്റ്റര് പറഞ്ഞു. വാങ്ങുന്നയാളെ കണ്ടെത്താനുള്ള ശരാശരി സമയം ഇപ്പോള് 71 ദിവസമാണെന്നും 2019 ന് ശേഷമുള്ള ഈ വര്ഷത്തെ ഏറ്റവും ദൈര്ഘ്യമേറിയ സമയമാണിതെന്നും അദ്ദേഹം പറഞ്ഞു.
വാങ്ങുന്നവര് ആകര്ഷകമായ വിലയുള്ള പ്രോപ്പര്ട്ടികള് പെട്ടെന്ന് ചെറിപിക്കുചെയ്യുന്നതായി ഏജന്റുമാര് റിപ്പോര്ട്ട് ചെയ്യുന്നു, അതേസമയം അമിത വിലയുള്ള വീടുകള് വിറ്റുപോകാന് കൂടുതല് സമയം എടുക്കുന്നു, ഇത് ശരാശരി സമയം വര്ദ്ധിപ്പിക്കുന്നു.
കഴിഞ്ഞ വര്ഷത്തെ അപേക്ഷിച്ച് ലണ്ടനിലെ വാങ്ങുന്നവരുടെ ഡിമാന്ഡില് ഏറ്റവും വലിയ വര്ധനവുണ്ടായി. മൊത്തത്തില് വേതന വര്ദ്ധന, വീടുകളുടെ സ്ഥിരമായ വില, പണപ്പെരുപ്പം മന്ദഗതിയിലായത് എന്നിവയെല്ലാം തലസ്ഥാനത്ത് താമസിക്കാനുള്ള വാങ്ങുന്നയാളുടെ താല്പ്പര്യം വര്ദ്ധിപ്പിക്കാന് സഹായിച്ചു.
നിരവധി ആഴ്ചകളായി ഇഴയുന്ന മോര്ട്ട്ഗേജ് നിരക്ക് ഉയര്ന്നതിന് ശേഷം, ശരാശരി അഞ്ച് വര്ഷത്തെ മോര്ട്ട്ഗേജ് നിരക്ക് അഞ്ച് ആഴ്ച മുമ്പുള്ള 4.64% നെ അപേക്ഷിച്ച് ഇപ്പോള് 4.84% ആണെന്ന് റൈറ്റ്മൂവ് പറഞ്ഞു. ഇത് വാങ്ങുന്നയാളുടെ താങ്ങാനാവുന്ന വില പരിശോധിക്കുന്നത് തുടരുന്നു.
ഭവന വിപണി തകര്ന്നടിഞ്ഞ 2023-ന് ശേഷം, മോര്ട്ട്ഗേജ് മാര്ക്കറ്റ് കൂടുതല് പ്രവചനാതീരുകയും ഒരോ ആഴ്ചയും നിരക്കുകള് വര്ദ്ധിക്കുകയും ചെയ്തിരുന്നു. ഏറ്റവും പുതിയ സാമ്പത്തിക ഡാറ്റയുടെ പിന്ബലത്തില് കടം കൊടുക്കുന്നവര് അവരുടെ വിലകള് മാറ്റിയതിനാല് ഓരോ ആഴ്ചയിലും അത് ഏറിയും കുറഞ്ഞുമാണ് കാണപ്പെട്ടത്.
''ഈ വര്ഷത്തിലെ ആദ്യത്തെ മൂന്ന് മാസങ്ങള് വിപണിയില് വളരെ പോസിറ്റീവും പലരും പ്രതീക്ഷിച്ചതിലും മികച്ചതുമാണെന്നും റൈറ്റ്മൂവിലെ പ്രോപ്പര്ട്ടി സയന്സ് ഇന്നൊവേഷന് ഡയറക്ടര് ടിം ബാനിസ്റ്റര് പറഞ്ഞു. എന്നിരുന്നാലും, ചിത്രം വളരെ വേഗത്തില് മാറി മറിയുമെന്ന് കഴിഞ്ഞ വര്ഷം മുതല് ഞങ്ങള്ക്കറിയാം. വില്പ്പനക്കാര്ക്ക് ഈ വര്ഷം കൂടുതല് ആത്മവിശ്വാസവും ശുഭാപ്തിവിശ്വാസവും അനുഭവപ്പെടുന്നത് ശരിയാണ്, എന്നാല് വാങ്ങുന്നയാള്ക്ക് താങ്ങാനാവുന്ന വില നീട്ടിക്കൊണ്ടുപോകുന്നു. കൂടാതെ ഉയര്ന്ന മോര്ട്ട്ഗേജ് നിരക്കുകളും നിരന്തരമായ വെല്ലുവിളി ഉയര്ത്തുകയാണ്,'' അദ്ദേഹം പറഞ്ഞു. വിപണി ഇപ്പോഴും സെന്സിറ്റീവ് ആയതിനാല് വാങ്ങുന്നവരും വില്ക്കുന്നവരും ജാഗ്രത പാലിക്കണമെന്നും അദ്ദേഹം മുന്നറിയിപ്പ് നല്കി.
സ്റ്റോറിലും ഓണ്ലൈന് പേയ്മെന്റുകളെയും ഉണ്ടായ സാങ്കേതിക പ്രശ്നങ്ങളില് ഉപഭോക്താക്കളോട് ക്ഷമാപണം നടത്തി സെയിന്സ്ബറിയും ടെസ്കോയും
3>സ്റ്റോറിലെ കോണ്ടാക്റ്റ്ലെസ് പേയ്മെന്റുകളിലും ഓണ്ലൈന് ഡെലിവറി സേവനങ്ങളിലും ഉണ്ടായ സാങ്കേതിക പ്രശ്നങ്ങളെ തുടര്ന്ന് ഉപഭോക്താക്കളോട് മാപ്പ് പറഞ്ഞ് സെയിന്സ്ബറിയും ടെസ്കോയും. തങ്ങളുടെ ഓണ്ലൈന് ഡെലിവറികളില് ഭൂരിഭാഗവും നിറവേറ്റാന് കഴിയുന്നില്ലെന്ന് സെയിന്ബറി ശനിയാഴ്ച രാവിലെ പറഞ്ഞു, അതേസമയം സ്റ്റാഫ് ചില സ്റ്റോറുകള്ക്ക് പുറത്ത് ഉപഭോക്താക്കളോട് പണമായി മാത്രമേ പണമടയ്ക്കാന് കഴിയൂ എന്ന് അറിയിച്ചിരുന്നു. രണ്ട് സൂപ്പര്മാര്ക്കറ്റുകളും സാങ്കേതിക പ്രശ്നങ്ങള് നേരിടുന്നുണ്ടെന്ന് പറഞ്ഞതിനാല് ടെസ്കോ ചില ഓണ്ലൈന് ഓര്ഡറുകളും റദ്ദാക്കി.
ഇന്നലെ ഉച്ചതിരിഞ്ഞ് ഒരു അപ്ഡേറ്റില്, മറ്റെല്ലാ പേയ്മെന്റുകള്ക്കൊപ്പം തങ്ങളുടെ എല്ലാ സ്റ്റോറുകളിലും കോണ്ടാക്റ്റ്ലെസ് പേയ്മെന്റുകളും ഇപ്പോള് ബാക്കപ്പ് ചെയ്ത് പ്രവര്ത്തിക്കുന്നുണ്ടന്ന് സെയിന്സ്ബറി പറഞ്ഞു.'ഞങ്ങളുടെ പലചരക്ക് ഓണ്ലൈന് ഓര്ഡറിംഗ് സംവിധാനം സാധാരണ പോലെ പ്രവര്ത്തിക്കുന്നു, ഉപഭോക്താക്കള്ക്ക് നാളെ മുതല് എപ്പോള് വേണമെങ്കിലും ഡെലിവറിക്ക് ഓര്ഡര് നല്കാം.'സെയിന്സ്ബറി അറിയിച്ചു.
സൂപ്പര്മാര്ക്കറ്റ് ശൃംഖല ഉപഭോക്താക്കളോട് അസൗകര്യം ഉണ്ടാക്കിയതിന് ക്ഷമ ചോദിക്കുകയും തങ്ങള്ക്കൊപ്പം സഹിച്ചതിന് അവര്ക്ക് നന്ദി പറയുകയും ചെയ്തു. സാങ്കേതിക പിഴവുണ്ടായ സമയത്ത് എല്ലാ സ്റ്റോറുകളും തുറന്നിരുന്നുവെന്ന് സൂപ്പര്മാര്ക്കറ്റ് പറഞ്ഞു.
സെയിന്സ്ബറിയുടെ ഉടമസ്ഥതയിലുള്ള ആര്ഗോസിനെയും സോഫ്റ്റ്വെയര് അപ്ഡേറ്റ് ബാധിച്ചു. അതായത് പുതിയ ഇനങ്ങള് ഓര്ഡര് ചെയ്യുന്നതിനോ സ്റ്റോറില് നിന്ന് ഓര്ഡറുകള് ശേഖരിക്കുന്നതിനോ ഉപഭോക്താക്കള്ക്ക് പ്രശ്നങ്ങള് ഉണ്ടായി.
ടെസ്കോയ്ക്കും സമാനമായ സാങ്കേതിക പ്രശ്നങ്ങള് നേരിട്ടിരുന്നു. സാങ്കേതിക പ്രശ്നം നേരിടുന്നുണ്ടെന്ന് സെയിന്സ്ബറിയുടെ പ്രഖ്യാപനത്തിന് മണിക്കൂറുകള്ക്ക് ശേഷാണ് ടെസ്കോ ഇക്കാര്യം സ്ഥിരീകരിച്ചത്. 'ഇന്ന് ഡെലിവറി ചെയ്യേണ്ട ചില ഓണ്ലൈന് ഓര്ഡറുകള് റദ്ദാക്കേണ്ടി വന്നു' എന്ന് വ്യക്തമാക്കിയ ടെസ്കോ, ശൃംഖല ഉപഭോക്താക്കളോട് ക്ഷമാപണം നടത്തി, പ്രശ്നം പരിഹരിച്ചതായി പിന്നീട് അറിയിച്ചു.
എന്എച്ച്എസിന്റെ കീഴിലുള്ള വിവിധ മാനസികാരോഗ്യ കേന്ദ്രങ്ങളില് കണ്ടെത്തിയത് 20000 ലധികം ലൈംഗികാധിക്രമങ്ങള്; പീഡകരായത് ജീവനക്കാരും സഹരോഗികളും
3>എന്എച്ച്എസിന്റെ മാനസികാരോഗ്യ ആശുപത്രികളില് 20,000 ഓളം രോഗികള്ക്ക് ലൈംഗികാതിക്രമം നേരിട്ടു എന്ന് റിപ്പോര്ട്ടുകള്. സ്കൈ ന്യൂസിന്റെ പിന്തുണയോടെ നടത്തിയ ഒരു അന്വേഷണത്തിലാണ് ഞെട്ടിക്കുന്ന വിവരങ്ങള് പുറത്തുവന്നത്. 2019 മുതലുള്ള കാലയളവില് ഇംഗ്ലണ്ടിലെ 30 ലധികം വരുന്ന മാനസികാരോഗ്യ കേന്ദ്രങ്ങളിലാണ് 20,000 - ലധികം ലൈംഗിക ദുരുപയോഗം, ഉപദ്രവം, ബലാത്സംഗ പരാതികള് എന്നിവ ഉണ്ടായത്. അക്രമം നടത്തിയവരില് ജീവനക്കാരും സഹരോഗികളും ഉള്പ്പെടുന്നതായാണ് പുറത്തുവരുന്ന വിവരങ്ങള്.
സംഭവത്തെക്കുറിച്ച് അന്വേഷിച്ച റേപ്പ് ക്രൈസസ് ഇംഗ്ലണ്ട് ആന്റ് വെയില്സ് എന്ന സംഘടന നിലവിലെ സാഹചര്യം ഭയങ്കരവും തികച്ചും അപകടകരവും ആണെന്നാണ് വിശേഷിപ്പിച്ചത്. ഇത്രയും പരാതികള് ഉണ്ടെങ്കിലും അതിനെക്കുറിച്ച് മികച്ച രീതിയിലുള്ള അന്വേഷണം നടക്കുന്നില്ലെന്നത് തികച്ചും അപലനീയമാണെന്ന് ചൂണ്ടി കാണിക്കപ്പെടുന്നു. ഒരു പൊതു അന്വേഷണം നടത്തുന്നതിനൊപ്പം ഭാവിയില് ഇത്തരം സംഭവങ്ങള് ആവര്ത്തിക്കാതിരിക്കാതിരിക്കാനുള്ള മുന്കരുതലുകള് വേണമെന്നാണ് സ്ത്രീ രോഗികളുടെ സുരക്ഷാ രംഗത്ത് പ്രവര്ത്തിക്കുന്നവര് പ്രധാനമായും ആവശ്യപ്പെടുന്നത്. ആരോഗ്യ സംവിധാനത്തിനുള്ളിലെ വ്യാപകമായ സുരക്ഷാ പ്രശ്നങ്ങളെ കുറിച്ച് തങ്ങള് വര്ഷങ്ങളായി ആശങ്കകള് ഉന്നയിക്കാറുണ്ടന്ന് അന്വേഷണത്തിന് നേതൃത്വം നല്കിയ ആര്സിഇയുടെ ചീഫ് എക്സിക്യൂട്ടീവ് സിയാര ബെര്ഗമള് വ്യക്തമാക്കി.
വോട്ടിംഗ് സമ്പ്രദായത്തില് വരുത്തിയ പുതിയ പരിഷ്കാരങ്ങള് തന്റെ ഹാട്രിക് സാധ്യതകളെ ഇല്ലാതാക്കുമെന്ന ഭയത്തില് സാദിഖ് ഖാന്; തനിയ്ക്ക് വോട്ട് ചെയ്യാന് ലിബറലുകളോടും ഗ്രീന് പാര്ട്ടിയോടും അഭ്യര്ഥിച്ച് ലണ്ടന് മേയര്
3>മെയ് മാസത്തില് നടക്കുന്ന മേയര് തെരഞ്ഞെടുപ്പില് തനിയ്ക്ക് വോട്ട് ചെയ്യണമെന്ന് ലിബറല് ഡമോക്രാറ്റുകളോടും ഗ്രീന് പാര്ട്ടിയോടും അഭ്യര്ഥിച്ച് ലണ്ടന് മേയര് സാദിഖ് ഖാന്. മേയര് തിരഞ്ഞെടുപ്പില് ലിബറല് ഡെമോക്രാറ്റുകളോടും ഗ്രീന് അനുഭാവികളോടും അവരുടെ വോട്ടുകള് തനിയ്ക്ക് നല്കണമെന്ന് സാദിഖ് ഖാന് അഭ്യര്ത്ഥിച്ചു. വോട്ടിംഗ് സമ്പ്രദായത്തിലെ പുതിയ മാറ്റങ്ങള് മൂലം കണ്സര്വേറ്റീവിന്റെ സൂസന് ഹാളിനോട് താന് തോറ്റേക്കാമെന്ന ഭീതയിലാണ് ഖാന്.
ഈ വര്ഷത്തെ തിരഞ്ഞെടുപ്പ് മെയ് 2-ന് ഫസ്റ്റ്-പാസ്റ്റ്-ദി-പോസ്റ്റ് സമ്പ്രദായത്തിന് കീഴിലാണ് നടക്കുക, അതായത് വോട്ടര്മാര്ക്ക് ഓരോ വോട്ട് മാത്രമേ ലഭിക്കൂ. മുമ്പത്തെ മത്സരങ്ങളില്, ലണ്ടനുകാര്ക്ക് ഒന്നും രണ്ടും മുന്ഗണന നല്കാന് കഴിഞ്ഞിരുന്നു.
ലിബറല് ഡെമോക്രാറ്റിനെയും ഗ്രീന് അനുഭാവികളെയും ലക്ഷ്യമിട്ട് ഒരു തുറന്ന കത്തില്, ലണ്ടന് മേയറായി മൂന്നാം തവണയും ശ്രമിക്കുന്ന ഖാന്, കണ്സര്വേറ്റീവ് സര്ക്കാര് കൊണ്ടുവന്ന പുതിയ സംവിധാനം അര്ത്ഥമാക്കുന്നത് തിരഞ്ഞെടുപ്പ് കത്തിമുനയില് ആണെന്ന് ഈവനിംഗ് സ്റ്റാന്ഡേര്ഡ് റിപ്പോര്ട്ട് ചെയ്തു.
ഈ തിരഞ്ഞെടുപ്പ് അവരുടെ സ്ഥാനാര്ത്ഥി വിജയിക്കുന്നതിനുള്ള സാധ്യത വര്ദ്ധിപ്പിക്കുന്നതിനായി ടോറി സര്ക്കാര് കൊണ്ടുവന്ന വോട്ടിംഗ് സമ്പ്രദായത്തില് വലിയ മാറ്റങ്ങളെ പ്രതിനിധീകരിക്കുന്നുവെന്ന് ഖാന് പറഞ്ഞു.
''കഴിഞ്ഞ തവണ എനിക്ക് രണ്ടാം മുന്ഗണനാ വോട്ട് നല്കിയ എല്ലാവരോടും, ഞാന് നന്ദി പറയുന്നു. ഈ വര്ഷം നിങ്ങള്ക്ക് മേയര് സ്ഥാനത്തേക്ക് നല്കാവുന്ന ഏക വോട്ട് എനിക്ക് നല്കി എന്നില് വിശ്വാസമര്പ്പിക്കാന് അപേക്ഷിക്കുന്നു. ഈ തിരഞ്ഞെടുപ്പ് ഞാനും കണ്സര്വേറ്റീവ് സ്ഥാനാര്ത്ഥിയും തമ്മിലുള്ള കടുത്ത മത്സരമാണ്. ഞാന് മിഥ്യാധാരണയിലല്ല, ചിലപ്പോള് ഞാന് തോറ്റേക്കാം. അദ്ദേഹം കൂട്ടിച്ചേര്ത്തു: ''കഴിഞ്ഞ ലണ്ടന് മേയര് തിരഞ്ഞെടുപ്പില്, 2021 ല്, ആദ്യ റൗണ്ട് വോട്ടിംഗിന് ശേഷം ഞാന് 5% ല് താഴെയായിരുന്നു. ഇവയാണ് ഞങ്ങള് ഇപ്പോള് കൈകാര്യം ചെയ്യുന്ന മികച്ച മാര്ജിനുകള്. അതുകൊണ്ട് ടോറികളെ അകറ്റി നിര്ത്താന് എനിക്ക് പിന്തുണ നല്കാന് നഗരത്തിലുടനീളമുള്ള ലിബറല് ഡെമോക്രാറ്റുകളോടും ഗ്രീന് വോട്ടര്മാരോടും ഞാന് നേരിട്ട് അഭ്യര്ത്ഥിക്കുന്നത്. കഴിഞ്ഞ തവണത്തെപ്പോലെ, രണ്ടാമത്തെ ഒരു ചോയിസ് ഇല്ല'' അദ്ദേഹം വ്യക്തമാക്കി.
തെക്ക്-പടിഞ്ഞാറന് ലണ്ടനിലെ സുര്ബിറ്റണില് പ്രചാരണം നടത്തുമ്പോള് ഖാന് ശനിയാഴ്ച വോട്ടര്മാര്ക്കായി 'പ്രേമലേഖനം' എന്ന് വിളിക്കപ്പെടുന്ന ചിത്രങ്ങള് എക്സില് അദ്ദേഹം പോസ്റ്റ് ചെയ്തു. നിങ്ങള് പുരോഗമന രാഷ്ട്രീയത്തില് വിശ്വസിക്കുന്നുവെങ്കില്, മേയര്, നിയമസഭാ തെരഞ്ഞെടുപ്പുകളില് മെയ് 2 ന് ലേബര് പാര്ട്ടിക്ക് നിങ്ങളുടെ വോട്ട് നല്കുക,'' ഫോട്ടോകള്ക്കും വീഡിയോയ്ക്കുമൊപ്പം അദ്ദേഹം ട്വീറ്റ് ചെയ്തു.
ആദ്യമായി, വോട്ടുചെയ്യാന് ലണ്ടനുകാര്ക്ക് ഫോട്ടോ ഐഡിയും ഉണ്ടായിരിക്കണം. മേയറുടെ ഓഫീസ് നടത്തിയ വോട്ടര് പട്ടികയുടെ വിശകലനം അനുസരിച്ച്, തലസ്ഥാനത്തെ 900,000-ത്തിലധികം ആളുകള്ക്ക് വോട്ടുചെയ്യാന് ആവശ്യമായ ഐഡി ഇല്ല.
മാര്ച്ച് അവസാനത്തോടെ യുകെയില് അഞ്ചു ദിവസത്തോളം നീണ്ടുനില്ക്കുന്ന കനത്ത മഞ്ഞു വീഴ്ചയ്ക്ക് സാധ്യത; 5 മുതല് 10 സെന്റി മീറ്റര് കനത്തില് വരെ മഞ്ഞുവീഴ്ച്ചയും ഉണ്ടാകും, കാത്തിരിക്കുന്നത് കൊടുംതണുപ്പും മഴയുമുള്ള ദിനങ്ങള്
3>പോളാര് വായുവിന്റെ സ്ഫോടന ഫലമായി 114 മണിക്കൂര് നീണ്ടുനില്ക്കുന്ന ഒരു ഭീമാകാരമായ മഞ്ഞ് മാര്ച്ച് അവസാനത്തോടെ യുകെയില് പതിക്കുമെന്ന് ഏറ്റവും പുതിയ കാലാവസ്ഥാ പ്രവചനങ്ങള്. WXCharts-ല് നിന്നുള്ള പ്രവചനങ്ങള് പ്രകാരം മാര്ച്ച് 30-ന് രാജ്യത്തിന്റെ ഒരു വലിയ ഭാഗത്ത് മഞ്ഞുവീഴ്ചയെ സൂചിപ്പിക്കുന്ന ഡാര്ക്ക് പര്പ്പിളിന്റെ രൂപീകരണം കാണിക്കുന്നു. വടക്കന് ഇംഗ്ലണ്ട്, വെയ്ല്സിന്റെ വടക്ക്, സ്കോട്ട്ലന്ഡിന്റെ മധ്യഭാഗങ്ങള് എന്നിവിടങ്ങളിലെ നിരവധി പ്രധാന നഗരങ്ങളും പട്ടണങ്ങളും ഇതില് ഉള്പ്പെടുന്നു.
ഈ ആഴ്ച ബ്രിട്ടന്റെ ചില സ്ഥലങ്ങളില് താപനില 15 ഡിഗ്രി സെല്ഷ്യസിനു മുകളിലാണ്. സ്കോട്ട്ലന്ഡിലെ ഉയര്ന്ന പടിഞ്ഞാറന് പ്രദേശങ്ങളിലും മധ്യപര്വതപ്രദേശങ്ങളിലും മാര്ച്ച് 27 മുതല് മാര്ച്ച് 31 വരെ തുടര്ച്ചയായി മഞ്ഞ് വീഴുമെന്നാണ് സൂചന. ഇത് അഞ്ച് മുതല് പത്ത് സെന്റീമീറ്റര് വരെ കനത്തില് മഞ്ഞ് രൂപപ്പെടുന്നതിന് കാരണമാകും.
അതേസമയം, വടക്കുകിഴക്കും വടക്കുപടിഞ്ഞാറും മാര്ച്ച് 28-ഓടെ മഞ്ഞുവീഴ്ച കാണും. തെക്കുകിഴക്കന് ഇംഗ്ലണ്ടിലെ താപനില 2C നും 4C നും ഇടയില് താഴാമെന്നും Express.co.uk റിപ്പോര്ട്ട് ചെയ്യുന്നു.
മാസത്തിന്റെ ഭൂരിഭാഗവും പൊതുവെ തണുപ്പുള്ളതും വരണ്ടതുമായ കാലാവസ്ഥാ സാധ്യതയാണ് പ്രവചിക്കുന്നത്. മാര്ച്ച് 21 വ്യാഴം മുതല് മാര്ച്ച് 30 ശനി വരെയുള്ള കാലാവസ്ഥാ നിരീക്ഷണ കേന്ദ്രത്തിന്റെ പ്രവചനം ഇങ്ങനെ.... 'വ്യാഴാഴ്ച മിക്ക സ്ഥലങ്ങളും വരണ്ട കാലാവസ്ഥ ആണെങ്കിലും മഴ പെട്ടെന്ന് വടക്കുപടിഞ്ഞാറ് നിന്ന് എല്ലാ പ്രദേശങ്ങളിലേക്കും വ്യാപിക്കും. ഏറ്റവും ശക്തമായതും സ്ഥിരതയുള്ളതുമായ മഴ വടക്കുപടിഞ്ഞാറന് ഭാഗത്തായിരിക്കും. താരതമ്യേന ചെറിയ മഴ തെക്കുകിഴക്ക് വരെ എത്തും.
'ശക്തമായ കാറ്റും ഇതോടൊപ്പം പ്രതീക്ഷിക്കുന്നു, പ്രത്യേകിച്ച് തീര പ്രദേശങ്ങളില്. വെള്ളിയാഴ്ചയും വാരാന്ത്യവും, വടക്കുപടിഞ്ഞാറന് കാറ്റ് സണ്ണി സ്പെല്ലുകളും മഴയും കൊണ്ടുവരും. വാരാന്ത്യത്തില് ഒരു വരണ്ട കാലാവസ്ഥ രൂപപ്പെട്ടേക്കാം. താപനില സാധാരണയിലും താഴെയാകാന് സാധ്യതയുണ്ട്. പല പ്രദേശങ്ങളിലും അടുത്ത ആഴ്ചയില് കൂടുതല് സങ്കീര്ണമായ കാലാവസ്ഥ ആയിരിക്കും. ഇത്തെക്കന് പ്രദേശങ്ങളെ ബാധിക്കാന് സാധ്യതയുണ്ട്. വടക്കന് പ്രദേശങ്ങള് വരണ്ടതും തണുപ്പുള്ളതുമായ കാലാവസ്ഥയും ആയിരിക്കും.'
ശാരീരിക, മാനസിക വെല്ലുവിളികള് നേരിട്ട സ്ത്രീയുടെ 20,000 പൗണ്ട് മോഷ്ടിച്ച കെയറര്ക്ക് തടവ് ശിക്ഷ വിധിച്ച് മാഞ്ചസ്റ്റര് കോടതി; 55 കാരിയുടെ തട്ടിപ്പ് പുറത്തറിയിച്ചത് മറ്റൊരു കെയറര്
3>ശാരീരിക, മാനസിക വെല്ലുവിളികള് നേരിട്ട സ്ത്രീയില് നിന്നും 20,000 പൗണ്ട് മോഷ്ടിച്ച കെയറര്ക്ക ഒരു വര്ഷവും ഒരു മാസവും തടവു ശിക്ഷ വിധിച്ച് മാഞ്ചസ്റ്റര് കോടതി. പെറ്റുല ഹാറ്റ്സര് എന്ന 55 കാരിയാണ് ശിക്ഷിക്കപ്പെട്ടത്. കഴിഞ്ഞ 17 വര്ഷമായി താന് ശുശ്രൂഷിച്ചിരുന്ന ആലിസണ് ഹേഗ് എന്ന വനിതയുടെ പേരില് നിരവധി ക്രെഡിറ്റ്കാര്ഡ്, കാറ്റലോഗ് അക്കൗണ്ടുകള് ഉണ്ടാക്കിയായിരുന്നു ഇവര് തട്ടിപ്പ് നടത്തിയത്.ആലിസണിനെ ശുശ്രൂഷിക്കുന്ന മറ്റൊരു കെയറര് ആയിരുന്നു ഈ തട്ടിപ്പിനെ കുറിച്ച് 2020 ല് പോലീസിനെ അറിയിച്ചത്.
സെറിബ്രല് പാള്സി എപിലെപ്സിയും ഡിസ്റ്റോണിയയും ബാധിച്ച ആലിസണിനെ പെറ്റുല ബുദ്ധിപൂര്വ്വം വഞ്ചിക്കുകയായിരുന്നു. സംസാരശേഷിയും ഇല്ലാത്ത ആലിസണിന്റെ പേരില് നിരവധി അക്കൗണ്ടുകള് തുറന്നതായി കണ്ടെത്തി. മാത്രമല്ല, ആലിസണിന്റെ നിലവിലുള്ള ഒരു ബാങ്ക് അക്കൗണ്ടില് ഹാറ്റ്സര്ക്ക് ആക്സസും ഉണ്ടായിരുന്നു. അവരുടെ , ഭക്ഷണം, വസ്ത്രം എന്നതുള്പ്പടെയുള്ള ദൈനംദിനാവശ്യങ്ങള്ക്കുള്ള പണമായിരുന്നു ആ അക്കൗണ്ടില് ഉണ്ടായിരുന്നത്. വിശദമായ അന്വേഷണങ്ങള്ക്ക് ശേഷം ഹാറ്റ്സറെ അവരുടെ വീട്ടില് നിന്നും 2021-ല് പോലീസ് അറസ്റ്റ് ചെയ്യുകയായിരുന്നു.
ചോദ്യം ചെയ്തപ്പോള് ഇരയുടെ പേരില് താന് അക്കൗണ്ടുകള് തുടങ്ങിയതായും ക്രെഡിറ്റ് കാര്ഡുകളും മറ്റും സ്വന്തം ആവശ്യത്തിനായി ഉപയോഗിച്ചതായും സമ്മതിക്കുകയായിരുന്നു. തുടരന്വേഷണത്തില് കൂടുതല് തെളിവുകളും പോലീസിന് ലഭിച്ചു. ഇതിന്റെ അടിസ്ഥാനത്തില് പത്ത് തട്ടിപ്പുകേസുകളിലും, അത്രയും തന്നെ വ്യാജ രേഖ ചമച്ച കേസുകളിലും അവര് കുറ്റക്കാരിയാണെന്ന് കോടതി കണ്ടെത്തുകയായിരുന്നു.