കുവൈത്ത് സ്വദേശിയായ യുവതിയുടെ മെഡിക്കല് ഫലം അവരുടെ ജീവിതം തന്നെ മാറ്റിമറിച്ചിരിക്കുകയാണ്. ആരുമായും ഇതുവരെ ലൈംഗിക ബന്ധത്തില് ഏര്പ്പെടാത്ത യുവതിക്ക് എയ്ഡ്സ് ആണെന്ന് കണ്ടെത്തിയിരിക്കുകയാണ്.
വിവാഹപൂര്വ്വ ആരോഗ്യ പരിശോധനയില് എയ്ഡ്സ് ബാധയുണ്ടെന്ന് കണ്ടെത്തിയത്. യുവതിയെ പരിശോധിച്ച കുവൈത്തിലെ ഒരു ഡോക്ടര് തന്നെയാണ് സാമൂഹ്യമാധ്യമത്തിലൂടെ ഈ സംഭവം പുറത്തുവിട്ടത്. ഒരാളും ലൈംഗീക ബന്ധത്തില് ഏര്പ്പെടാത്ത യുവതി തനിക്ക് എയ്ഡ്സ് ആണെന്ന മെഡിക്കല് ഫലം വിശ്വസിച്ചില്ല.
ഏറെ ഞെട്ടലോടെയാണ് അവര് അത് കേട്ടത്. അതിനാല് തന്നെ ഒന്ന് കൂടി പരിശോധിക്കാന് ആവശ്യപ്പെടുകയായിരുന്നു. പക്ഷെ രണ്ടാമത്തെ പരിശോധനയിലും അതേ ഫലം തന്നെയാണ് വന്നത്.
എയ്ഡ്സ് ബാധിതയാണ് എന്ന വിവരം അറിയിക്കാന് നിരവധി ഡോക്ടര്മാരാണ് പെണ്കുട്ടിയുടെ അടുത്തെത്തിയത്. കൗണ്സെലിംഗ് നല്കുകയായിരുന്നു ലക്ഷ്യം. ചര്മ്മ സംരക്ഷണത്തിന് വേണ്ടിയുള്ള പ്ലാസ്മ കുത്തിവെപ്പിലൂടെയാണ് പെണ്കുട്ടിക്ക് എയ്ഡ്സ് ബാധിച്ചത് എന്നാണ് അനുമാനിക്കുന്നത്.