കോവിഡ് ഭേദമാകുന്നതോടെ എല്ലാം മാറി എന്ന് ധരിക്കുന്നത് ശരിയല്ലെന്ന് തെളിയിക്കുകയാണ് പുതിയൊരു പഠനം. കോവിഡ് ഭേദമായി ഒരു വര്ഷത്തില് കൂടുതല് ആയാലും അതായത് 18 മാസം വരെ ചിലരുടെ ശ്വാസകോശത്തില് വൈറസ് സാന്നിധ്യം ഉണ്ടാകുമെന്നാണ് പുതിയ പഠനം കണ്ടെത്തിയിരിക്കുന്നത്.
കോവിഡ് ബാധിതനായി ഒന്നോ രണ്ടോ ആഴ്ച കഴിഞ്ഞ് ഉള്ള ടെസ്റ്റുകളില് ശ്വാസനാളത്തില്വൈറസ് സാന്നിധ്യം കാണിക്കില്ല. പക്ഷെ ആ വൈറസ് സാന്നിധ്യം അധിക നാള് നിണ്ടു നില്ക്കും എന്നാണ് പഠനം പറയുന്നത്.
ഫ്രഞ്ച് ഗവേഷണ സ്ഥാപനമായ ആള്ട്ടര്നേറ്റീവ് എനര്ജീസും ആറ്റോമിക് എനര്ജി കമ്മീഷനുമായി (സിഇഎ) സഹകരിച്ച് ശ്വാസകോശ കോശങ്ങളെക്കുറിച്ച് നടത്തിയ പഠനറിപ്പോര്ട്ടിലാണ് ഈ കാര്യം പറഞ്ഞത്. നേച്ചര് ഇമ്മ്യൂണോളജി ജേണലില് പ്രസിദ്ധീകരിച്ച റിപ്പോര്ട്ടില് കോവിഡിന് ശേഷവും 18 മാസം വരെ ചില വ്യക്തികളുടെ ശ്വാസകോശത്തില് സാര്സ് കോവ്2 വൈറസ് സാന്നിധ്യം കണ്ടെത്തിയതായി പറയുന്നു.രോഗപ്രതിരോധ ശേഷിയുടെ കുറവിനെ തുടര്ന്നാണ് ഇതെന്നും റിപ്പോര്ട്ട് പറയുന്നു.