കെഎസ്ആര്ടിസിയില് പുതിയ പരിഷ്ക്കാരങ്ങള് വരുന്നു. ഡ്രൈവര്മാര് മദ്യപിച്ച് വണ്ടിയോടിക്കുന്നത് തടയുന്നതിന് ബ്രീത്ത് അനലൈസര് ടെസ്റ്റ് നിര്ബന്ധമാക്കുമെന്ന് സര്ക്കാര്.
ജോലിക്ക് കയറുന്നതിന് മുമ്പ് ഡ്രൈവര്മാര് ബ്രീത്ത് അനലൈസര് ടെസ്റ്റ് നിര്ബന്ധമായും നടത്തിയിരിക്കണം. കെഎസ്ആര്ടിസി ഡ്രൈവര്മാരില് പലരും മദ്യപിച്ചാണ് ജോലിക്കെത്തുന്നതെന്ന പരാതികളുടെ അടിസ്ഥാനത്തിലാണ് നടപടി. ബസില് സീറ്റുണ്ടെങ്കില് യാത്രക്കാര് കൈ കാണിച്ചാല് നിര്ത്തണം, രാത്രിയാണെങ്കില് 10 മണി മുതല് പുലര്ച്ചെ ആറ് വരെയുള്ള സമയങ്ങളില് യാത്രക്കാര് പറയുന്നിടത്ത് ബസ് നിര്ത്തണം, നിര്ത്തുന്ന സ്ഥലം യാത്രക്കാര്ക്ക് കാണുന്ന രീതിയില് എഴുതി പ്രദര്ശിപ്പിക്കണമെന്നും ഉത്തരവില പറയുന്നു. മിന്നല് സര്വീസുകള്ക്ക് ഒഴികെ ബാക്കി എല്ലാം സര്വീസുകള്ക്കും ഈ നിര്ദേശങ്ങള് ബാധകമായിരിക്കും.
സ്ത്രീ സുരക്ഷ കണക്കിലെടുത്ത് രാത്രി 8 മണി മുതല് രാവിലെ ആറ് വരെ മിന്നലൊഴികെയുള്ള എല്ലാ ബസുകളും സ്ത്രീകളാവശ്യപ്പെടുന്ന സ്ഥലങ്ങളില് നിര്ത്തണം. ബസില് കയറാനും ഇറങ്ങാനും ബുദ്ധിമുട്ടുള്ളവര്, ഭിന്നശേഷിക്കാര്, വയോജനങ്ങള്, കുട്ടികള് എന്നിവരെ ബസില് കയറാനും ഇറങ്ങാനും സഹായിക്കണം, യാത്രക്കാരുടെ പരാതികളില് കൃത്യമായ ഇടപെടലുകളുണ്ടാകണം, നിരത്തിലെ മറ്റ് വാഹനങ്ങള്, ആളുകള് എന്നിവരുടെ സുരക്ഷ കണക്കിലെടുത്ത് ബസ് ഓടിക്കണം, വൃത്തിയുള്ള ശുചിമുറികളുള്ള ഹോട്ടലുകളില് മാത്രമേ ബസ് നിര്ത്താന് പാടുള്ളൂ, സ്ത്രീകള്ക്കും പുരുഷന്മാര്ക്കും പ്രത്യേക ടോയ്ലറ്റ് ഉണ്ടെന്ന് ഉറപ്പിക്കണം, യാത്രക്കാര് അന്നദാതാവാണെന്നും ഉത്തരവില് പറയുന്നു.