ഡിപ്ലീഷന് സിന്ഡ്രം എന്ന അപൂര്വ്വ രോഗത്തിന്റെ പിടിയില് അമരുമ്പോളും ജീവിക്കാന് കൊതിച്ച്, ജീവിക്കാന് പോരാടി മരണം വരിച്ച 19 കാരിയായ ഇന്ത്യന് വംശജ സുദിക്ഷ തിരുമലേഷിന്റെ കുടുംബത്തോട് ചൈല്ഡ് കെയര് ബെനഫിറ്റ് ഇനത്തില് വാങ്ങിയ ആയിരക്കണക്കിന് പൗണ്ട് തിരിച്ചടയ്ക്കാന് സര്ക്കാര് ഉത്തരവിട്ടു എന്ന വാര്ത്ത വര് പ്രതിഷേധത്തിനാണ് ഇടയാക്കിയത്. എന്നാല് ഇപ്പോള് ഈ കുടുംബത്തിനെ തേടി ആശ്വാസ വാര്ത്ത എത്തിയിരിക്കുകയാണ്. ഒരു വര്ഷത്തോളം ആശുപത്രിയില് ചെലവഴിച്ചതിന്റെ പേരില് ചൈല്ഡ് കെയര് ബെനഫിറ്റുകള് തിരിച്ച് അടയ്ക്കണമെന്ന ഉത്തരവ് ഗവണ്മെന്റ് പിന്വലിച്ചു.
അപൂര്വ്വമായ ഡീജനറേറ്റീവ് രോഗം സുദിക്ഷ കഴിഞ്ഞ സെപ്റ്റംബറിലാണ് മരണത്തിന് കീഴടങ്ങിയത്. ആറ് മാസത്തിലേറെ ആശുപത്രിയില് ചെലവഴിച്ചത് മൂലം മരണത്തിന് മുന്പ് നല്കിയ ചൈല്ഡ്കെയര് വിഭാഗത്തിലെ യൂണിവേഴ്സല് ക്രെഡിറ്റിന് പെണ്കുട്ടിക്ക് അര്ഹതയില്ലെന്നായിരുന്നു ഡിഡബ്യുപി പറഞ്ഞത്.
മകളുടെ ജീവന് നിലനിര്ത്താന് എന്എച്ച്എസിനെതിരായ നിയമപോരാട്ടത്തിന് മാതാപിതാക്കള് തങ്ങളുടെ ജീവിതത്തിലെ സമ്പാദ്യം മുഴുവന് ചെലവഴിച്ച് കഴിഞ്ഞു. ഈ ഘട്ടത്തിലായിരുന്നു വീണ്ടും 5000 പൗണ്ടോളം തിരിച്ചടയ്ക്കാന് ആവശ്യപ്പെട്ടത്. മകളുടെ അവസ്ഥയെ കുറിച്ച് ഡിപ്പാര്ട്ട്മെന്റിനെ അതാത് സമയങ്ങളില് കൃത്യമായി അറിയിച്ച ശേഷമായിരുന്നു തിരിച്ചടി ഉണ്ടായത്. ഒടുവില് ഈ അന്യായം വാര്ത്തയായി പുറത്തുവന്നതോടെയാണ് ഡിഡബ്യുപി റിവ്യൂവിന് തയ്യാറായത്. ഇപ്പോള് ബില് ഇളവ് ചെയ്യുന്നതായും ഡിഡബ്യുപി വക്താവ് അറിയിച്ചിട്ടുണ്ട്.
ജീവന് രക്ഷാ ഉപാധികളുടെ സഹായത്തോടെയായിരുന്നു സുദിക്ഷ ജീവന് നിലനിര്ത്തിയിരുന്നത്. അവരുടെ കാര്യത്തില് എല്ലാ പ്രതീക്ഷയും അസ്തമിച്ച എന്എച്ച്എസ് ട്രസ്റ്റ് ജീവന് രക്ഷാ ഉപകരണങ്ങള് നീക്കം ചെയ്യാന് ഉറച്ചപ്പോള്, അവസാനം വരെ അതിനെതിരെ നിയമ പൊരാട്ടം നടത്തിയ ഈ 19 കാരി അവസാനം ഹൃദയാഘാതത്താല് മരണത്തിന് കീഴടങ്ങുകയായിരുന്നു.
ഷെഫീല്ഡിലെ ബിര്ലി അക്കാദമിയില് 20 വയസ്സുള്ള രണ്ട് സ്ത്രീകളെയും കുട്ടിയെയും മൂര്ച്ചയുള്ള വസ്തു കൊണ്ട് പരിക്കേല്പ്പിച്ച 17 കരാന് അറസ്റ്റില്. ഷെഫീല്ഡിലെ ഒരു സെക്കന്ഡറി സ്കൂളില് മൂന്ന് പേരെ ദേഹോപദ്രവം ഏല്പ്പിക്കാന് ശ്രമിച്ചതിന് ഒരു കൗമാരക്കാരനെതിരെ മൂന്ന് കുറ്റങ്ങള് ചുമത്തിയതായി സൗത്ത് യോര്ക്ക്ഷയര് പോലീസ് അറിയിച്ചു.
നിയമപരമായ കാരണങ്ങളാല് പേര് വെളിപ്പെടുത്താന് കഴിയാത്ത 17 വയസ്സുള്ള ആണ്കുട്ടിയെ ബുധനാഴ്ച രാവിലെ ബിര്ലി അക്കാദമിയില് ''മൂര്ച്ചയുള്ള വസ്തു''കൊണ്ട് പരിക്കേല്പ്പിച്ച സംഭവത്തിന്റെ റിപ്പോര്ട്ടിനെ തുടര്ന്ന് അറസ്റ്റ് ചെയ്തു.
20 വയസ് പ്രായമുള്ള രണ്ട് സ്ത്രീകള്ക്കും ഒരു കുട്ടിക്കും ആശുപത്രിയില് ചികിത്സ ആവശ്യമില്ലാത്ത നിസാര പരിക്കേറ്റു. സ്കൂള് പരിസരത്ത് ബ്ലേഡ് അല്ലെങ്കില് മൂര്ച്ചയുള്ള വസ്തു കൈവശം വച്ചതിനും കേസെടുത്തിട്ടുള്ള 17 കാരനെ റിമാന്ഡ് ചെയ്തു. കൗമാരക്കാരനെ വെള്ളിയാഴ്ച ഷെഫീല്ഡ് മജിസ്ട്രേറ്റ് കോടതിയില് ഹാജരാക്കും.
മൂര്ച്ചയുള്ള വസ്തു പൊട്ടിയ ചില്ലിന്റെ കഷണമാണെന്ന് കരുതുന്നതായി ബുധനാഴ്ച പോലീസ് പറഞ്ഞു. അപകടത്തില്പ്പെട്ട മൂന്ന് പേരെയും സംഭവസ്ഥലത്ത് പാരാമെഡിക്കുകള് പരിശോധിച്ചതായും കുട്ടിക്ക് 'പ്രകടമായ പരിക്കുകളൊന്നുമില്ല' എന്നും ഉദ്യോഗസ്ഥര് പറഞ്ഞു. സംഭവത്തെത്തുടര്ന്ന് സ്കൂള് പൂട്ടിയിരിക്കുകയാണ്,
തെക്ക്-പടിഞ്ഞാറന് വെയില്സിലെ കാര്മര്ഥന്ഷെയറിലെ അമ്മന് വാലി സ്കൂളില് രണ്ട് അധ്യാപകരും ഒരു വിദ്യാര്ത്ഥിയും കുത്തേറ്റു സംഭവത്തിന് ഒരാഴ്ച കഴിഞ്ഞാണ് ഈ സംഭവവും.
Latest News
ചില രാജ്യങ്ങളുടെ സംസ്ക്കാരമായി മാറിയ ചില വിശ്വാസങ്ങളെ കുറിച്ച് കേള്ക്കുമ്പോള് തന്നെ ആര്ക്കും ഒരു ഞെട്ടലുണ്ടാകും. കാരണം ഇങ്ങനെയും വിശ്വാസങ്ങളും ആചാരങ്ങളും ഉണ്ടോ എന്ന് തോന്നിപ്പോകുന്ന തരത്തിലാണ് ചിലയിടങ്ങളില് ഓരോ കാര്യങ്ങള് നടക്കുന്നത്. അത്തരത്തില് ജപ്പാനില് 400 വര്ഷം പഴക്കമുള്ള ഒരു ചടങ്ങാണ് 'ക്രയിംഗ് ബേബി സുമോ'.
ആ വാക്കില് തന്നെ ഇതേ കുറിച്ച് വ്യക്തമാക്കിയിട്ടുണ്ട്. കരയുന്ന കുഞ്ഞിനെ വെച്ചുള്ള ഒരു മത്സരമാണ് ഇത്. വര്ഷങ്ങളായി നടന്നു വരുന്ന ഈ മത്സരം കൊവിഡ് മഹാമാരി സമയത്താണ് നടക്കാതിരുന്നത്. ഇപ്പോഴിതാ ഈ വര്ഷത്തെ ആഘോഷം കഴിഞ്ഞ മാസം 28 -ന് ജപ്പാനിലെ ടോക്കിയോയില് നടന്നിരിക്കുകയാണ്. 100 -ലധികം കുട്ടികള് ഈ ഗംഭീരമായ പരിപാടിയില് പങ്കെടുത്തു.
കുഞ്ഞിന്റെ കരച്ചില് ''ദുഷ്ടാത്മാക്കളെ അകറ്റുകയും ഭാഗ്യം കൊണ്ടുവരുകയും ചെയ്യുന്നു''എന്നാണ് ജപ്പാനിലെ വിശ്വാസം. ഈ വിശ്വാസത്തെ അടിസ്ഥാനമാക്കിയാണ് ഈ ആഘോഷം സംഘടിപ്പിക്കുന്നതും.
സുമോ ഗുസ്തിക്കാരായ ആളുകള് കുട്ടികളെ എടുത്ത് ഉയര്ത്തി ഉച്ചത്തില് കരയിക്കാന് ശ്രമിക്കുന്നതാണ് ഈ ചടങ്ങ്. ഇങ്ങനെ ചെയ്യുമ്പോള് ഏതു കുട്ടിയാണോ കൂടുതല് ഉച്ചത്തില് കരയുന്നത് ആ കുട്ടി മത്സരത്തില് ജയിക്കും. മാത്രമല്ല ആ കുട്ടിയുടെ കുടുംബത്തിനും മാതാപിതാക്കള്ക്കും കൂടുതല് ഭാഗ്യവും സമ്പല്സമൃദ്ധിയും ഉണ്ടാകുമെന്നും ഇവര് വിശ്വസിക്കുന്നു.
ജപ്പാനില് ഉടനീളം ഈ ചടങ്ങ് സംഘടിപ്പിക്കാറുണ്ടെങ്കിലും ഈ വര്ഷത്തെ ഔദ്യോഗിക ചടങ്ങ് നടന്നത് ടോക്കിയോയിലെ ചരിത്രപ്രസിദ്ധമായ സെന്സോജി ക്ഷേത്രത്തില് ആണ്. കുഞ്ഞുങ്ങളെ കരയിപ്പിക്കുന്ന സമ്പ്രദായത്തെ ചിലര് ചോദ്യം ചെയ്യുമെങ്കിലും, ഈ പരിപാടി മാതാപിതാക്കളും കാണികളും ഒരുപോലെ വിലമതിക്കുന്നതാണെന്നാണ് പരിപാടി സംഘടിപ്പിച്ച അസകുസ ടൂറിസം ഫെഡറേഷന്റെ ചെയര്മാന് ഷിഗെമി ഫുജി പറയുന്നത്.
ASSOCIATION
സേവനം യുകെ ബര്മിഹ്ഹാം യൂണിറ്റിന്റെ കുടുംബ സംഗമം യുകെയിലെ ശിവഗിരി ആശ്രമത്തില് വെച്ച് നടക്കും. രണ്ടാമത് കുടുംബ സംഗമം നാളെ ശനിയാഴ്ച രാവിലെ 10 മണിക്കാണ് നടക്കുന്നത്.
യുകെയിലെ ശിവഗിരി ആശ്രമത്തില് ഗുരു പൂജയോട് കൂടിയാണ് തുടക്കം കുറിക്കുന്നത്. സേവനം യുകെയുടെ ഭജന്സ് ടീം ഗുരുദേവ കൃതികളെ കോര്ത്തിണക്കി കൊണ്ടുള്ള ഗുരുഭജന്സ്. സമൂഹപ്രാര്ത്ഥന തുടര്ന്ന് നടക്കുന്ന പൊതു സമ്മേളനത്തില് ഡയറക്ടര് ബോര്ഡ് അംഗങ്ങള്, സേവനം യു കെ യുടെ വനിതാ വിഭാഗം ഗുരുമിത്രയുടെ ഭാരവാഹികള് വിവിധ കുടുംബ യൂണിറ്റ് പ്രതിനിധികള് എന്നിവര് പങ്കെടുക്കും.
സേവനം യുകെയില് പുതിയതായി അംഗങ്ങള് ആയിട്ടുള്ള കുടുംബങ്ങളെ പരിചയപ്പെടുവാനും സേവനം കുടുംബത്തിലെ ബാലദീപത്തിലെ കുട്ടികളുടെയും മുതിര്ന്നവരുടെയും കലാപരമായ കഴിവുകള് പ്രകടിപ്പിക്കുന്നതിനും ഉള്ള വേദിയായും ഈ കുടുംബ സംഗമത്തെ മറ്റുവാനുള്ള എല്ലാ ഒരുക്കങ്ങളും പൂര്ത്തിയായതായി സേവനം യുകെ നാഷണല് എക്സിക്യൂട്ടീവ് അംഗവും ബര്മിങ്ങ്ഹാം യൂണിറ്റ് പ്രധിനിധിയുമായ സാജന് കരുണാകരന് അറിയിച്ചു. എല്ലാ കുടുംബങ്ങളെയും ശിവഗിരി ആശ്രമത്തിലേക്ക് സ്വാഗതം ചെയ്യുന്നു.കൂടുതല് വിവരങ്ങള്ക്ക് ബന്ധപ്പെടുക:സാജന് കരുണാകരന് : 07828851527സജീഷ് ദാമോദരന് : 07912178127
'തിരുവില്ലക്കാട്ട് മന ദാമോദരന് നമ്പൂതിരിപ്പാട്' വിട ചൊല്ലുമ്പോള് സ്റ്റീവനേജുകാരനെന്ന നിലയില് ആദ്യമായി എന്റെ മനസ്സില് എത്തുക മലയാളി കൂട്ടായ്മ്മയുടെ 2003ലെ പ്രഥമ തിരുവോണം. അന്ന് 14 കുടുംബങ്ങളുമായി ചേര്ന്ന് ഓണം കൂടുവാന് കഴിഞ്ഞതിന്റെ സന്തോഷാനുസ്മൃതി എന്നും ഓര്മ്മകളില് നിറഞ്ഞു നില്ക്കും. സ്റ്റീവനേജിന്റെ മലയാളി കുടുംബ ഓണ സംഗമത്തിന് സ്നേഹ വേദിയായി അന്ന് മാറിയത് സുരേഷ് തിരുവില്ല-ലേഖയുടെ ഭവനം. തിരുവോണത്തിന് കാരണവന്മാരുടെ റോളില് സുരേഷിന്റെ അച്ഛന് ദാമോദരന് നമ്പൂതിരിപ്പാടും, അമ്മ കിള്ളിമംഗലത്ത് മന കുടുംബാംഗം ശാലിനി അന്തര്ജ്ജനവും. യുകെയില് എത്തിയ ശേഷമുള്ള ഞങ്ങളുടെ ആദ്യ പൊന്നോണം.
ശാലിനി അമ്മയും, ലേഖയും ചേര്ന്നാലപിച്ച അതിസമ്പന്നമായ ഓണപ്പാട്ടുകളും, പതിറ്റാണ്ടുകളില് 'സ്വദേശി'യും, പിന്നീട് 'മുംബൈവാല'യായതിനു ശേഷവുമുള്ള പ്രവാസ തിരുവോണ നാളുകളുടെ രസകരമായ ഓര്മ്മകള് പങ്കുവെച്ച ദാമോദരന് അച്ഛനും ആയിരുന്നു പഴയ ഓര്മ്മത്താളുകള് മറിക്കുമ്പോള് ഏറെ അനുഭൂതിയുണര്ത്തുക. കുടുംബത്തിന്റെ പാചക നൈപുണ്യത്തില് ഓണ വിഭവങ്ങളുടെ അതുല്യ സ്വാദിന്റെ പൂര്ണ്ണത രുചിക്കുവാനിടയായ ഗംഭീര സദ്യ. ഓണം ഒരുക്കുകയും, ആതിഥേയത്വം വഹിക്കുകയും ചെയ്ത 'നമ്പൂതിരിപ്പാട്' വിട ചൊല്ലുമ്പോള് സ്റ്റീവനേജ് മലയാളി കുടുംബ മനസ്സുകളില് ബാക്കിവെക്കുക ഏറെ സമ്പന്നമായ 'ഓണ സ്മൃതി ശേഖരങ്ങള്' ഒപ്പം 'സ്നേഹ കലവറകളുടെ പിതൃ സ്പര്ശവും'.
ബോംബെയിലെ പഴയകാല കലാ-സാഹിത്യ- സാമൂഹ്യ മേഖലകളിലെ നായകനും, ബോംബെ യോഗക്ഷേമ സഭയുടെ സ്ഥാപകനും ആയിരുന്ന ദാമോദരന് നമ്പൂതിരിപ്പാടിന്, ബോംബെ മലയാളികള്ക്കിടയില് എന്നും ഒരു 'അച്ഛന്' പരിവേഷമായിരുന്നു ലഭിച്ചിരുന്നത്. ബന്ധങ്ങളുടെ ഊഷ്മളതയില് അന്ധേരിയിലെ ദീപ് ടവര് ഹൗസിങ് സൊസൈറ്റിയില് താമസിച്ചു വന്നിരുന്ന ദാമോദരന് അച്ഛനെയും 'അമ്മ ശാലിനിയെയും ബോംബെ യാത്രക്കിടയില് കുടുംബ സമേതം അവിടെയെത്തി കാണുവാനായി കഴിഞ്ഞതിലും അവരുടെ സ്നേഹാര്ദ്രമായ ആതിഥേയത്വം സ്വീകരിക്കുവാനായതിലും വ്യക്തിപരമായി ഏറെ നന്ദിയും സന്തോഷവും കടപ്പാടും ഉണ്ട്. 'സ്റ്റീവനേജിലെ മലയാളി തറവാട്ടിലെ 'അച്ഛനെയും അമ്മയെയും' കാണുവാന് സോയിമോനും കുടുംബവും ബോംബെ വസതിയില് അവരെ സന്ദര്ശിച്ചിരുന്നതായി അച്ഛന് ഒരിക്കല് പറഞ്ഞിരുന്നു. ധാരാളം ഫോണ് കോളുകളും ആശംസകളും അവരെ തേടി എത്താറുണ്ടായിരുന്നത്രെ. അത്ര ഗാഢമായ സ്നേഹബന്ധം ആണ് അവര് ഞങ്ങള്ക്കിടയില് ഉണ്ടാക്കിയെടുത്തിരുന്നത്.
എക്കാലത്തെയും ഏറ്റവും ആസ്വദിച്ച ഓണാഘോഷം ഏതെന്നു ചോദിച്ചാല് പക്ഷെ പഴയ കുടുംബങ്ങള് സംശയലേശമന്യേ പറയുക 2004 ലെ ഓണാഘോഷമാവും. 'ദാമോദരന് അച്ഛനും, ശാലിനി അമ്മയും' 'ദേഹണ്ണക്കാരായി' സോയിമോന്റെ ഭവനത്തില് വെച്ച് തയ്യാറാക്കിയ ഓണ സദ്യയെ വെല്ലാന് നാളിതുവരെ ആര്ക്കും സാധിച്ചിട്ടില്ല എന്നതാണ് പരമ സത്യം. ദാമോദരനച്ഛനും, ശാലിനി അമ്മയും സജീവിന്റെ വീട്ടിലിരുന്നായിരുന്നു ഓണസാധനങ്ങളുടെ ലിസ്റ്റ് അന്ന് തയ്യാറാക്കിയത്. ജോണി കല്ലടാന്തിയും, റെനിയും, ലൂട്ടന് ബേബിയും, അനിലും അടക്കം സുഹൃത്തുക്കള് ലിസ്റ്റനുസരിച്ച് ലൂട്ടനില് നിന്നും അരിയും, മസാലകളും പച്ചക്കറികളും, വലിയ പാത്രങ്ങളും, തവയും ഒക്കെയായി എത്തുമ്പോള്, ഞുറുക്കുവാനും, കഴുകുവാനും, പാചകത്തിനുമായി എല്ലാ മലയാളികളും തന്നെ സോയിമോന്റെ ഭവനത്തിലെത്തിക്കഴിഞ്ഞിരുന്നു. കത്തിയും, കട്ടിങ് ബോര്ഡും, ചിരവയും, തവികളും, ചട്ടുകങ്ങളും, പാത്രങ്ങളുമായി ഏവരും സന്നിഹിതര്.
പഴയ ഓര്മ്മകളില് തെളിയുന്നത് ജെയ്സണ്, മേരി, സജി പാപ്പച്ചന്, സജു, സരോ, ബിന്ദു, ഷീജ ദീപക്, ഡെയ്സി, ബേബി ജോസഫ്, ജെസിമോള്, ലൈസ, അനു, സുരേഷ് ...അടക്കം 'കലവറക്കാര്'. പിന്നെ അടുപ്പുകള് ആളുന്നതോടൊപ്പം ആര്ഭാടമായ പാചക കലവറയുടെ പുകയും മണവും തട്ടും മുട്ടും ഒച്ചയും ചിരിയും ചട്ടുകത്തിന്റെ പരുക്കന് സ്വരങ്ങളും....വീടിന്റെ മൂലയില്, കര്ട്ടനു പിന്നില് നിന്ന് ഗ്ലാസ്സുകള് തമ്മില് ഉരസുന്ന ശബ്ദം ഒരു ഹരമായി ഇന്നും ചെവിപടലങ്ങളില് ഉണ്ട്
ഓണാഘോഷത്തിന് ഒരു 'ടെംപ്ളേറ്റ്' തന്നെ നല്കിയതും അച്ഛന് നമ്പൂതിരിപ്പാടും, അമ്മ ശാലിനി അന്തര്ജ്ജനവുമാണ്. അന്നത്തെ ആകാര സാമ്യതയോ, കുടവയറോ എന്ത് കൊണ്ടോ എന്നറിയില്ല മഹാബലിയാകാന് നിയോഗം കിട്ടിയത് എനിക്ക്. ഓണാഘോഷത്തിലെ 'കൈകൊട്ടിക്കളി' പിന്നീട് പുതുതലമുറ പേരുമാറ്റിയ 'തിരുവാതിര' എന്ന തിരുവോണ നാളിലെ സംഘ നൃത്തത്തിനെ പരിചപ്പെടുത്തുന്നതും, സ്ത്രീകളെ വിളിച്ചു കൂട്ടി പരിശീലനം നല്കുന്നതും, വേദിയില് എത്തിച്ചു യവനികക്കു പിന്നില് നിര്ദ്ദേശവുമായി നില്ക്കുന്ന 'ടീച്ചറമ്മ' ആയി ശാലിനി അന്തര്ജ്ജനം. കുട്ടികളുടെയും, വനിതകളുടെയും രണ്ടു ഗ്രൂപ്പുകളായി ടീമുകളെ അണിനിരത്തി ഒരുക്കുക ടീച്ചറമ്മ തന്നെ. പരിശീലനമോ, ദേഹണ്ണമോ എന്തായാലും അച്ഛന് നേരിട്ട് നിര്ദ്ദേശം നല്കുകയില്ലെങ്കിലും 'ഫൈനല് അപ്രൂവല്' അവിടുത്തെ തീരുമാനത്തിലാവും. അമ്മക്കറിയാം അച്ഛന്റെ മനസ്സും ഇംഗിതവും.
സെന്റ് നിക്കോളാസ് ഹാളില് ഒന്നുചേര്ന്നാഘോഷിച്ച പൊന്നോണവും, എക്കാലത്തെയും ഏറ്റവും സ്വാദിഷ്ടമായ ഓണസദ്യയും രുചിച്ചവര്ക്കു തറവാട്ടു കാരണവരായ പാചകക്കാരനെ വിസ്മരിക്കാനാവില്ലല്ലോ. ഓണ സദ്യയുടെ 'ആദ്യാന്തം' നേതൃത്വം നല്കി ഒരുക്കുന്ന 'രുചിക്കൂട്ട്' സുരേഷിന്റെ മാതാപിതാക്കളുടെ വിരലുകളില് അത്രയേറെ ഭദ്രമായിരുന്നു.
ഡെല്റ്റാമോള്, ആന് സൂസന്, തേജന്, ടിയാന, അഷ്ലിന് അടക്കം അന്നത്തെ കുട്ടികള് അരങ്ങു വാണ ആഘോഷത്തില് അന്ന് നെടുനായകത്വം വഹിച്ച് നില്ക്കുക ആദരണീയനായ എല്ദോസ് കൗങ്ങുംപള്ളി അച്ചന്. അക്കാലത്തു മലയാളികള്ക്കിടയില് ആത്മീയ-സാമൂഹ്യ നേതൃത്വം നല്കുക മിക്കവാറും എല്ദോസച്ചനാവും. 'ടെക്നിക്കല് ഗുട്ടന്സ്' വശമായിട്ടുള്ള സജീവാണ് അന്നത്തെ ആഘോഷത്തിനും പിന്നീട് അടുത്തടുത്ത വേളകളിലും ശബ്ദവും വെളിച്ചവും നല്കിപ്പോന്നിരുന്നത്. അക്കാലത്ത് ഓണപ്പൂക്കളം ഒരുക്കുക അമ്മയുടെ അവകാശമോ, കടമയോ ആയിരുന്നുവെന്നാണ് തോന്നല്. ലേഖ ഒപ്പം ഉണ്ടാവും. പിന്നെ വര്ഷങ്ങളോളം ലേഖയും ആര്യയും ഉമയും ആ പാത പിന്തുടര്ന്നു.
ഓണനാളുകള്ക്കിടയില് തന്നെയാവും മിക്കവാറും ദാമോദരന് അച്ഛനും, അമ്മ ശാലിനിയും ബോംബെയില് നിന്ന് സുരേഷിന്റെ ഭവനത്തിലെത്തുക. പല സന്ദര്ശനങ്ങളിലും ബോംബയില് നിന്ന് ആവശ്യപ്പെടുന്ന തിരുവോണത്തിനായുള്ള സാധനങ്ങളും സമാഹരിച്ചു വരുകയാവും അവരുടെ പതിവ്. പലപ്പോഴും സ്വന്തം സാധനങ്ങള് മാറ്റി വെച്ച് വരേണ്ടി വരുന്ന സ്നേഹമയിയായ 'ദാമോദരനച്ഛനെ' അക്കാലത്തെ മലയാളി കുടുംബങ്ങള് തങ്ങളുടെ ഹൃദയദളങ്ങളില് ചേര്ത്തു വെച്ചിരുന്നതില് അത്ഭുതത്തിനു കാരണമില്ല.
2004ലെ ഓണാഘോഷ വേളയില് ജേക്കബ് കീഴങ്ങാട്ട് പറഞ്ഞ വാക്ക് ഇന്നും ഓര്മ്മയിലുണ്ട്. 'ദാമോദരന് അച്ഛനും 'അമ്മ ശാലിനിയും സുരേഷിന്റേതെന്ന പോലെ തന്നെ സ്റ്റീവനേജ് മലയാളികളുടെ തറവാട്ട് കാരണവന്മാര് കൂടിയാണ്' ആ അധികാരവും അവകാശവും ആണ് അവരെ ഏവരുടെയും നാവിന് തുമ്പത്ത് എത്തുന്ന 'അച്ഛനും അമ്മയും' എന്ന വിളിപ്പേര്.
മലയാളികള്ക്കിടയില് പക്ഷെ മിക്കവാറും എല്ലാവരും തന്നെ ലേഖയുടെ മാതാപിതാക്കളാണിവര് എന്നാണു ഇന്നും കരുതുന്നത്. അത്രമാത്രം ലേഖയോടൊപ്പമാവും കൂടുതല് ഇഴുകി ചേര്ന്നു കാണുകയും, അവരുടെ താല്പ്പര്യം നടത്തിക്കൊടുക്കുന്നതും ദര്ശിക്കാറ്. തിരുവോണ ഭക്തിഗാനം ആലപിക്കുവാന് ലേഖക്കും, മക്കള്ക്കും നാളിതുവരെ അവകാശം നല്കിപ്പോരുന്ന 'അസ്സോസ്സിയേഷന് നയം' തന്നെ അവരോടുള്ള ആദരവും അംഗീകാരവുമാവാം. യശ്ശശരീരനായ പ്രശസ്ത സിനിമ-സീരിയല് നടന് ജീ കെ പിള്ള, യുകെ സന്ദര്ശനത്തിനെത്തിയപ്പോള്, അദ്ദേഹത്തിന് സ്റ്റീവനേജില് ആദരമായി ഷാള് അണിയിക്കുവാന് ഒരിക്കല് നിയുക്തനായത് സ്റ്റീവനേജിന്റെ കാരണവരായ ദാമോദരന് അച്ഛനാണ്.
ദാമോദരന് അച്ഛന്റെ ദേഹ വിയോഗത്തില് സ്റ്റീവനേജ് മലയാളികളുടെ ഹൃദയംഗമമായ ആദരാഞ്ജലികളും അനുശോചനവും പ്രാര്ത്ഥനകളും. വേര്പ്പാടിന്റെ വിഷമാവസ്ഥയില് ആയിരിക്കുന്ന 'അമ്മ ശാലിനിക്കും, സുരേഷ്-ലേഖാ കുടുംബത്തിനും സാന്ത്വനത്തിന്റെയും, സമാധാനത്തിന്റെയും, ശക്തിയുടെയും കൃപകള് ദൈവം ചൊരിയട്ടെ. സ്റ്റീവനേജിന്റെ മലയാളി കൂട്ടായ്മ്മകളിലും അവരുടെ 'ഖല്ബിലും' ഓരോ ഓണാഘോഷത്തിലും ദാമോദരനച്ചന്റെ അദൃശ്യമായ അനുഗ്രഹ സാന്നിദ്ധ്യം എന്നും ഉണ്ടാട്ടെ. പ്രാര്ത്ഥനാനിറവില് നന്ദിപൂര്വ്വം നിത്യശാന്തി നേരുന്നു.
നിരവധി രുചി വൈവിധ്യങ്ങളുള്ള ദക്ഷിണേന്ത്യന് ഭക്ഷണങ്ങളുടെ ഫുഡ് ഫെസ്റ്റിവല് ഒരുങ്ങുന്നു. സൗത്താംപ്ടണില് മെയ് 19 ന് നടക്കുന്ന സൗത്ത് ഇന്ത്യന് ഫുഡ് ഫെസ്റ്റിവലിലേക്ക് എല്ലാവര്ക്കും പങ്കെടുക്കാം.
തമിഴ്നാട്, കേരള, കര്ണാടക, തെലുങ്കാന, ആന്ധ്രപ്രദേശ് തുടങ്ങിയ സംസ്ഥാനങ്ങളില് നിന്നുള്ള രുചികരമായ ഭക്ഷണങ്ങളുടെ ശ്രേണിയായിരിക്കും ഇന്ത്യന് ഫുഡ് ഫെസ്റ്റിവലില് നിങ്ങളെ കാത്തിരിക്കുക.
മെയ് 19 ന് രാവിലെ 11:00 മണിക്ക് ഒയാസിസ് അക്കാദമി ലോര്ഡ്സ് ഹില്ലില് ആണ് ഫെസ്റ്റിവല് നടക്കുന്നത്. രുചികരമായ ഭക്ഷണത്തോടൊപ്പം, വിനോദം, സാംസ്കാരിക പരിപാടികളും ആസ്വദിക്കാം.കൂടാതെ പരമ്പരാഗത ഫാഷന് വിരുന്നും വിനോദമായി ഉള്പ്പെടുത്തിയിട്ടുണ്ട്
സൗത്താംപ്ടര് ചില്ഡ്രന്സ് ഹോസ്പിറ്റല് ഫണ്ട് ശേഖരാണാര്ത്ഥം നടത്തുന്ന പരിപാടിയില് പങ്കെടുക്കാന് താത്പര്യമുള്ളവര് ഉടന് തന്നെ siacs.org-ല് രജിസ്റ്റര് ചെയ്യുക.
അഡ്രസ്: Oasis Academy Lords Hill Romsey Rd, Southampton S0168FA
2024-25 വര്ഷത്തെ യോവിലെ സോമര്സെറ്റ് മലയാളി കള്ച്ചറല് അസോസിയേഷന് പുതിയ സാരഥികളെ തിരഞ്ഞെടുത്തു. ഈസ്റ്റര്, വിഷു, ഈദ് ആഘോഷങ്ങള്ക്കൊപ്പം ആണ് പുതിയ സാരഥികളെ തിരഞ്ഞെടുത്തത്. ടോബിന് തോമസ് പ്രസിഡന്റ് ആയും സിക്സണ് മാത്യു സെക്രട്ടറി ആയും സിജു പൗലോസ് ട്രഷറര് ആയും ഗിരീഷ് കുമാര് വൈസ് പ്രസിഡന്റ് ആയും ശാലിനി റിജേഷ് ജോയിന്റ് സെക്രട്ടറി ആയും തിരഞ്ഞെടുക്കപ്പെട്ടു.
കൂടാതെ ഉമ്മന് ജോണ് പബ്ലിക് റിലേഷന് വിഭാഗം, സെബിന് ലാസര് ഭക്ഷണം, ശ്രീകാന്ത്, മനു ഔസേഫ് കായികം, ബേബി വര്ഗീസ്, സുരേഷ് ദാമോദരന് കല എന്നീ വിഭാഗങ്ങള് കൈകാര്യം ചെയ്യും. മുന് പ്രസിഡന്റ് ആയ അനില് ആന്റണി കമ്മറ്റി അംഗമായി തുടരും.
പുതിയതായി യോവിലില് എത്തിയ അംഗങ്ങളെ അസ്സോസിയേഷനിലേക്കു കൂടുതല് അടുപ്പിക്കുക എന്നതാണു പ്രാഥമിക കാര്യം ആയി ഭാരവാഹികള് കാണുന്നത്. മുന്നൂറില് കൂടുതല് മലയാളി കുടുംബങ്ങള് ആണ് ഇപ്പോള് യോവിലില് ഉള്ളത്. കലാ-കായിക വേദികളില് മികച്ച കഴിവുകളുള്ള അംഗങ്ങളാണ് ഈ സംഘടനയില് ഇപ്പോള് ഉള്ളത്. നിലവിലെ യുക്മ സൗത്ത് വെസ്റ്റ് റീജിയന് ചാമ്പ്യന്മാര് ആണ് എസ്എംസിഎ. 2024 2025 യുക്മ സൗത്ത് വെസ്റ്റ് റീജിയന് കായിക മേള ജൂണ് പതിനഞ്ചിന് യോവിലില് ആണ് അരങ്ങേറുന്നത്.
പുതിയ അംഗങ്ങളുടെ സജീവ പങ്കാളിത്തവും സഹകരണവും വളരെ അത്യന്താപേക്ഷിതമാണ്.
SPIRITUAL
ലണ്ടന് : ഗ്രേറ്റ് ബ്രിട്ടന് സീറോ മലബാര് രൂപതയിലെ ഇവാഞ്ചലൈസേഷന് കമ്മീഷന്റെ നേതൃത്വത്തില് ഓണ്ലൈനായി 'പരിശുദ്ധാത്മ അഭിഷേക ധ്യാനം' സംഘടിപ്പിക്കുന്നു. 2024 മെയ് 9 മുതല് 19 വരെ ഒരുക്കുന്ന ഓണ്ലൈന് റിട്രീറ്റില്, ഗ്രേറ്റ് ബ്രിട്ടന് സീറോ മലബാര് രൂപതയുടെ അഭിവന്ദ്യ അദ്ധ്യക്ഷന് മാര് ജോസഫ് സ്രാമ്പിക്കല് മുഖ്യ നേതൃത്വം വഹിക്കും.
'കര്ത്താവിന്റെ ആത്മാവ് എന്റെമേല് ഉണ്ട്. ദരിദ്രരെ സുവിശേഷം അറിയിക്കുവാന് അവിടുന്ന് എന്നെ അഭിഷേകം ചെയ്തിരിക്കുന്നു'.ലുക്കാ 4:18
ഇവാഞ്ചലൈസേഷന് കമ്മീഷന് ഡയറക്ടറും, ഫാമിലി കൗണ്സിലറുമായ സിസ്റ്റര് ആന് മരിയ SH, റവ.ഡോ. ടോം ഓലിക്കരോട്ട്, റവ.ഫാ.ജോ മൂലച്ചേരി V C, ഫാ. ജെയിംസ് കോഴിമല, ഫാ. ജോയല് ജോസഫ്, ഫാ. ജോസഫ് മുക്കാട്ട്, ഫാ. ഇഗ്നേഷ്യസ് കുന്നുംപുറത്ത് O C D, ഫാ ഷൈജു കറ്റായത്ത്, റവ.ഫാ. സെബാസ്റ്റ്യന് വെള്ളമത്തറ, ഫാ. ജോണ് വെങ്കിട്ടക്കല്, ഫാ.സെബാസ്റ്റ്യന് വര്ക്കി CMI, ഫാ. ജോജോ മഞ്ഞളി CMI തുടങ്ങിയ അഭിഷിക്ത ധ്യാനഗുരുക്കള് വിവിധ ദിനങ്ങളിലായി തിരുവചന ശുശ്രുഷകള്ക്കു നേതൃത്വം വഹിക്കും. ചിന്തയിലും, പ്രവര്ത്തിയിലും, ശുശ്രൂഷകളിലും കൃപകളുടെയും, നന്മയുടെയും, കരുണാദ്രതയുടെയും അനുഗ്രഹ വരദാനമാണ് പരിശുദ്ധാത്മ അഭിഷേകം. ദൈവീക മഹത്വവും, സാന്നിദ്ധ്യവും അനുഭവിക്കുവാനും, അനുകരണീയമായ ജീവിതം നയിക്കുന്നതിനും ഉള്ള കൃപകളുടെ ശുശ്രുഷകളാണ് ഗ്രെയ്റ്റ് ബ്രിട്ടന് സീറോമലബാര് രൂപത ധ്യാന പരമ്പരയിലൂടെ വിഭാവനം ചെയ്യുന്നത്.
മെയ് 9 മുതല് ആരംഭിക്കുന്ന ഓണ്ലൈന് പരിശുദ്ധാത്മ അഭിഷേക ധ്യാനം വൈകുന്നേരം ഏഴര മണിക്ക് ജപമാല സമര്പ്പണത്തോടെ ആരംഭിച്ച് പ്രെയ്സ് & വര്ഷിപ്പ്, തിരുവചന ശുശ്രുഷ, ആരാധന തുടര്ന്ന് സമാപന ആശീര്വ്വാദത്തോടേ രാത്രി ഒമ്പതു മണിയോടെ അവസാനിക്കും.
ദൈവീകമായ പ്രീതിയും, കൃപയും ആര്ജ്ജിക്കുവാനും, അവിടുത്തെ സത്യവും നീതിയും മനസ്സിലാക്കുവാനും, അനുഗ്രഹ വേദിയാകുന്ന പരിശുദ്ധാല്മ അഭിഷേക ധ്യാനത്തില് പങ്കു ചേരുവാന് ഏവരെയും സസ്നേഹം ക്ഷണിക്കുന്നു.
കൂടുതല് വിവരങ്ങള്ക്ക്:മനോജ് - 07848808550 , മാത്തച്ചന് - 07915602258(evangelisation@csmegb.org)
ZOOM ID: 5972206305 , PASSCODE - 1947Date & Time: May 9th to 19th From 19:30-21:00
പീറ്റര്ബോറോ മോര് ഗ്രിഗോറീസ് യാക്കോബായ സുറിയാനി ഓര്ത്തഡോക്സ് പള്ളിയില് വിശുദ്ധ ഗീവറുഗീസ് സഹദായുടെ ഓര്മ്മ പെരുന്നാള് മറ്റന്നാള് അഞ്ചാം തിയതി ഞായറാഴ്ച ആഘോഷിക്കുന്നു. ഞായറാഴച്ച ഉച്ചക്ക് 12 മണിക്ക് പ്രഭാത പ്രാര്ത്ഥനയും തുടര്ന്ന് വികാരി ഫാ. രാജു ചെറുവിള്ളില് കോര് എപ്പിസ്കോപ്പായുടെ കാര്മികത്വത്തില് വിശുദ്ധ കുര്ബ്ബാനയും ആശിര്വാദവും നേര്ച്ച സദ്യയും നടത്തപ്പെടുന്നു. എല്ലാ വിശ്വാസികളെയും പെരുന്നാള് ചടങ്ങിലേക്ക് ക്ഷണിച്ച് പ്രവര്ത്തകര്.
ദേവാലയത്തിന്റെ വിലാസം:Christ Church Orton Goldhay, 2 Benstead, Peterborough, PE2 5JJ ·
കൂടുതല് വിവരങ്ങള്ക്ക് ബന്ധപ്പെടുക:സെക്രട്ടറി: കുര്യാക്കോസ് വര്ഗ്ഗീസ് കക്കാടന് (Ph:07837876416)ട്രസ്റ്റി: സന്തോഷ് പോള് (Ph:79447129998)
ബിര്മിംഗ്ഹാം : ഗ്രേറ്റ് ബ്രിട്ടന് സീറോ മലബാര് രൂപത വിമന്സ് ഫോറത്തിന്റെ ഈ വര്ഷത്തെ വാര്ഷിക സമ്മേളനം 'THAIBOOSA' സെപ്റ്റംബര് 21ന് ബിര്മിംഗ് ഹാം ബെഥേല് കണ്വെന്ഷന് സെന്ററില് നടക്കും. സീറോ മലബാര് സഭയുടെ മേജര് ആര്ച്ച് ബിഷപ് മാര് റാഫേല് തട്ടില് സമ്മേളനം ഉദ്ഘാടനം ചെയ്യും. രാവിലെ എട്ട് മുപ്പത് മുതല് വൈകുന്നേരം അഞ്ച് മണി വരെ നീണ്ടുനില്ക്കുന്ന സമ്മേളനത്തില് രൂപതാധ്യക്ഷന് മാര് ജോസഫ് സ്രാമ്പിക്കല് അനുഗ്രഹ പ്രഭാഷണം നടത്തും.
മേജര് ആര്ച്ച് ബിഷപ് ആയി അഭിഷിക്തനായതിന് ശേഷം ആദ്യമായി ഗ്രേറ്റ് ബ്രിട്ടന് രൂപതയില് സന്ദര്ശനത്തിനെത്തുന്ന മേജര് ആര്ച്ച് ബിഷപ്പ് പങ്കെടുക്കുന്ന പരിപാടി എന്ന നിലയില് രൂപതയുടെ എല്ലാ ഇടവക മിഷന് പ്രൊപ്പോസഡ് മിഷനുകളില് നിന്നുള്ള ആയിരക്കണക്കിന് വനിതാ പ്രതിനിധികള് സമ്മേളനത്തില് പങ്കെടുക്കുവാനുള്ള ഒരുക്കത്തിലാണ് ഗ്രേറ്റ് ബ്രിട്ടന് സീറോ മലബാര് രൂപത വിമന്സ് ഫോറത്തിന്റെ വിവിധ തലങ്ങളില് ഉള്ള ഭാരവാഹികളും രൂപതയിലെ വിമന്സ് ഫോറം അംഗങ്ങളും എന്ന് കമ്മീഷന് ചെയര്മാന് ഫാ. ജോസ് അഞ്ചാനിക്കല്, വിമന്സ് ഫോറം ഡയറക്ടര് ഡോ. സി. ജീന് മാത്യു എസ്എച്ച്. വിമന്സ് ഫോറം പ്രസിഡന്റ് ട്വിങ്കിള് റെയ്സണ്, സെക്രട്ടറി അല്ഫോന്സാ കുര്യന് എന്നിവര് അറിയിച്ചു.
SPECIAL REPORT
ഇന്ത്യയില് വാട്സ്ആപ്പിന്റെ സ്വാധീനം വേറെ ലെവലിലേക്ക് മാറിക്കൊണ്ടിരിക്കുകയാണ്. സുരക്ഷ ഉറപ്പാക്കുന്ന പ്രവര്ത്തികളില് മുന്നിട്ട് നില്ക്കുന്നതിനാലാണ് വാട്സ്ആപ്പിന് ഇത്രയും ആരാധകര് ഉള്ളത്. അതിനാല് തന്നെ സുരക്ഷയുടെ കാര്യത്തില് കൂടുതല് ശ്രദ്ധ കൊടുക്കുന്ന ഫീച്ചറുകളാണ് വാട്സ്ആപ്പ് ഒരുക്കുന്നത്.
സംശയാസ്പദമായ എന്തെങ്കിലും പ്രവര്ത്തനങ്ങള് നടത്തുന്ന അക്കൗണ്ടുകളെ വിലക്കാന് സാധിക്കുന്ന പുതിയ സുരക്ഷാ ഫീച്ചര് വാട്ട്സ്ആപ്പ് പരീക്ഷിക്കുകയാണെന്ന് വാബീറ്റ ഇന്ഫോ റിപ്പോര്ട്ട് പറയുന്നു.
'അക്കൗണ്ട് റിസ്ട്രിക്ഷന്' എന്ന ഈ ഫീച്ചറിലൂടെ ഉപയോക്താക്കള്ക്ക് തട്ടിപ്പ് അക്കൗണ്ടുകള് റിപ്പോര്ട്ട് ചെയ്യാന് സാധിക്കും. നിയമവിരുദ്ധമായ ഏതെങ്കിലും തരത്തിലുള്ള വാക്കുകളോ സന്ദേശങ്ങളോ അയയ്ക്കാന് ശ്രമിക്കുന്നതോ, ഏതെങ്കിലും ആപ്പുകള് ഇന്സ്റ്റാള് ചെയ്യാന് അഭ്യര്ത്ഥിക്കുന്നതോ ആയ അക്കൗണ്ടുകള് റിപ്പോര്ട്ട് ചെയ്യപ്പെട്ടാല് ഇത്തരം അക്കൗണ്ടുകളെ താല്ക്കാലികമായി വിലക്കും.
ഇത്തരം അക്കൗണ്ടുകള്ക്ക് പിന്നീട് സന്ദേശങ്ങള് അയക്കാന് കഴിയില്ല. എന്നാല് സന്ദേശങ്ങളും കോളുകളും സ്വീകരിക്കാന് കഴിയും. ടെലിമാര്ക്കറ്റിംഗ് ഏജന്സികളില് നിന്നും തട്ടിപ്പ് അക്കൗണ്ടുകളില് നിന്നുമുള്ള സ്പാം സന്ദേശങ്ങളെ തടയുന്നതിന് ഈ ഫീച്ചര് സഹായിക്കും. ഫീച്ചര് നിലവില് പരീക്ഷണത്തിലാണ്. എല്ലാ ബഗ്ഗുകളും നീക്കം ചെയ്തുകഴിഞ്ഞാല് ഫീച്ചര് എല്ലാവരിലേക്കും എത്തും.
CINEMA
ഇന്നലെ ജയറാമിന്റെ മകള് മാളവികയുടെ വിവാഹത്തിന് എത്തിയ താരങ്ങളില് ഏറ്റവും തിളങ്ങിയത് ദിലീപും കുടുംബവുമായിരുന്നു. മകള് മീനാക്ഷിക്കും മഹാലക്ഷ്മിക്കും ഭാര്യ കാവ്യയ്ക്കുമൊപ്പം ദിലീപ് എത്തിയപ്പോള് മീഡിയ മുഴുവനും ഇവര്ക്ക് പിന്നാലെ ആയിരുന്നു.
മീനാക്ഷി പതിവ് പോലെ മീഡിയയ്ക്ക് അധികം മുഖം കൊടുക്കാതെ നടന്നപ്പോള് അനുജത്തി മഹാലക്ഷ്മി മീഡിയയോട് ഹായ് പറയുന്ന വീഡിയോ സോഷ്യല് മീഡിയയില് വൈറലാണ്. മഹാലക്ഷ്മിയുടെ കൈവിടാതെ ഒപ്പം തന്നെ ഉണ്ടായിരുന്നു കാവ്യ.
കാവ്യയെ അടുത്ത കണ്ട വ്യക്തി എന്നാണ് സിനിമയിലേക്കെന്നും അടുത്ത് തന്നെ സിനിമയില് വരുമോ എന്നുമെല്ലാം ചോദിക്കുന്നുണ്ട്. പക്ഷെ അതിനൊന്നും ഇല്ലെന്നായിരുന്നു കാവ്യയുടെ മറുപടി. മകളെ നോക്കുന്ന തിരക്കിലാണോയെന്ന് ചോദിക്കുമ്പോള് അതെയെന്നായിരുന്നു കാവ്യയുടെ മറുപടി.
സോഷ്യല് മീഡിയ നിറയെ ഇപ്പോഴും പുകഴ്തുന്നത് കാവ്യയുടെ സൗന്ദര്യത്തെ ആണ്. കാവ്യ വീണ്ടും സുന്ദരിയായിരിക്കുന്നു എന്നാണ് എല്ലാവരും പറയുന്നത്. എന്തായാലും വളരെ നാളായി മലയാളികള് ആഗ്രഹിക്കുന്ന ഒന്നാണ് കാവ്യയുടെ തിരിച്ചുവരവ്. പക്ഷെ അടുത്തൊന്നും കാവ്യ സിനിമയിലേക്ക് ഉണ്ടാകില്ലെന്ന് ഉറപ്പായിരിക്കുകയാണ്.
ഇന്നലെയായിരുന്നു നടന് ജയറാമിന്റെയും നടി പാര്വ്വതിയുടെയും മകള് മാളവിക എന്ന ചക്കിയുടെ വിവാഹം. ഗുരുവായുരമ്പല നടയില് വെച്ച് അച്ഛന്റെ മടിയില് ഇരുന്ന മാളവികയുടെ കഴുത്തില് നവീന് താലി ചാര്ത്തി. തീര്ത്തും പരമ്പരാഗത രീതിയിലായിരുന്നു മാളവികയുടെ വേഷം. ഇതെല്ലാം ശ്രദ്ധിക്കപ്പെട്ടിരുന്നു. ഇപ്പോഴിതാ മാളവികയുടെ പ്രീ വെഡ്ഡിങ് വീഡിയോ ആണ് വൈറലാകുന്നത്.
വിവാഹത്തലേന്ന് അടിപൊളി ആഘോഷങ്ങള് നടന്നിരുന്നു. വിവാഹത്തലേന്ന് വരന്റെയും വധുവിന്റെയും വീട്ടുകാര് ചേര്ന്നാണ് അടിപൊളി പ്രീ വെഡ്ഡിങ് ആഘോഷം. എല്ലാവരും പ്രൗഡഗംഭീരമായ വേഷത്തിലായിരുന്നു എത്തിയത്. കൂട്ടത്തില് വധു മാളവിക ഉള്പ്പെടെ സ്ത്രീകള് എല്ലാവര്ക്കും ലെഹങ്കയായിരുന്നു വേഷം. പുരുഷന്മാര്ക്ക് ഷെര്വാണിയും. കാളിദാസിന്റെ വധു താരിണി കലിംഗരായരും വിവാഹത്തില് പങ്കെടുത്തു.
സിനിമാ കുടുംബമായ ജയറാമിന്റെ വീട്ടുകാര്ക്ക് നൃത്തവും പാട്ടും പുതുമയല്ല എങ്കിലും, വരന്റെ വീട്ടുകാരും ആ വൈബില് ഒത്തുകൂടി. എല്ലാവരും ചേര്ന്ന് അടിച്ചുപൊളി പാട്ടിന് ചുവടുകള് തീര്ക്കുന്ന രംഗങ്ങള് സോഷ്യല് മീഡിയയില് ദൃശ്യമാണ്.
നടന് ജയറാമിന്റെയും പാര്വ്വതിയുടെയും മകള് ചക്കി എന്ന മാളവിക വിവാഹിതയായി. ഇന്ന് വെളുപ്പിന് ഗുരുവായുരമ്പലത്തില് വെച്ച് നവനീത് ഗിരീഷ് ചക്കിയുടെ കഴുത്തില് താലികെട്ടി. യുകെയില് ചാര്ട്ടേഡ് അക്കൗണ്ടന്റായി ജോലി ചെയ്യുന്ന പാലക്കാട് സ്വദേശിയാണ് നവനീത്.
ഇരുവരുടെയും കുടുംബാംഗങ്ങളും നടന് സുരേഷ് ഗോപിയും മാത്രമാണ് ചടങ്ങില് പങ്കെടുത്തത്. ഈ വര്ഷം ജനുവരിയിലായിരുന്നു മാളവികയുടെയും നവനീത് ഗിരീഷിന്റെയും വിവാഹ നിശ്ചയ ചടങ്ങ് നടന്നത്.കൂര്ഗ് ജില്ലയിലെ മടിക്കേരിയിലെ ഒരു റിസോര്ട്ടില് വച്ചായിരുന്നു മാളവികയുടെ വിവാഹനിശ്ചയം നടന്നത്
ഏറെ നാളത്തെ കുടുംബത്തിന്റെ കാത്തിരിപ്പാണ് വിവാഹം.നെന്മാറ കീഴേപ്പാട്ട് കുടുംബാംഗമായ ഗിരീഷ് മേനോന്റേയും വത്സയുടേയും മകനാണ്.
ചുവന്ന സാരിയില് അതിസുന്ദരിയായിരുന്നു മാളവിക. നടനും രാഷ്ട്രീയ നേതാവുമായ സുരേഷ് ഗോപിയും വിവാഹത്തില് പങ്കെടുത്തിരുന്നു. ജയറാമിന്റേയും പാര്വതിയുടേയും മൂത്ത മകനും നടനുമായ കാളിദാസും വിവാഹത്തിനുണ്ടായിരുന്നു. വര്ഷങ്ങള്ക്ക് മുന്പ് ജയറാമും പാര്വതിയും വിവാഹിതരായതും ഗുരുവായൂര് നടയില് വച്ചായിരുന്നു.
NAMMUDE NAADU
ഹൃദയമില്ലാത്ത കാഴ്ച കണ്ടാണ് ഇന്ന് കൊച്ചി നഗരം എഴുന്നേറ്റത്. പട്ടാപ്പകല് കൊച്ചിയില് നവജാതശിശുവിനെ എറിഞ്ഞുകൊന്ന വാര്ത്ത അവിശ്വസനീയമായി തോന്നി. നടുറോഡില് നിന്നാണ് കുഞ്ഞിന്റെ മൃതദേഹം പ്ലാസ്റ്റിക്ക് കവറില് പൊതിഞ്ഞ നിലയില് ലഭിച്ചത്.
രാവിലെ എട്ടുമണിയോടെയാണ് കൊച്ചിയെ ഞെട്ടിച്ച് കൊണ്ടായിരുന്നു സംഭവം. പനമ്പിള്ളി നഗര് വിദ്യാനഗറിലെ ഒരു അപ്പാര്ട്ട്മെന്റില് നിന്നാണ് കുഞ്ഞിനെ താഴേക്ക് എറിഞ്ഞത് എന്ന് തെളിയിക്കുന്ന വീഡിയോ ദൃശ്യം ലഭിച്ചിട്ടുണ്ട്. ക്ലീനിങ് തൊഴിലാളികളാണ് റോഡില് മൃതദേഹം കണ്ടെത്തിയത്.
റോഡില് ഒരു കെട്ട് കിടക്കുന്നതാണ് കണ്ടത്. തുടര്ന്ന് പരിശോധിച്ചപ്പോഴാണ് നവജാതശിശുവിന്റേതാണ് എന്ന് തിരിച്ചറിഞ്ഞത്. ഉടന് തന്നെ പൊലീസിനെ വിവരം അറിയിക്കുകയായിരുന്നു. പൊലീസ് അന്വേഷണം ആരംഭിച്ചു.
21 കുടുംബങ്ങള് താമസിക്കുന്ന കെട്ടിടത്തിലെ ഇവിടെ മൂന്ന് ഫ്ളാറ്റുകള് ഒഴിഞ്ഞു കിടക്കുന്നുണ്ടെന്നാണ് കിട്ടിയിരിക്കുന്ന വിവരം. ഫ്ളാറ്റില് പോലീസ് പരിശോധന നടത്തി ഗര്ഭിണികള് ഉണ്ടായിരുന്നില്ലെന്നാണ് പറയുന്നത്. ജോലിചെയ്യുന്ന സ്ത്രീകളിലും ഗര്ഭിണികള് ഇല്ലെന്നാണ് ലഭിക്കുന്ന വിവരം.
ഫ്ളാറ്റിലെ സിസിടിവി ദൃശ്യങ്ങളില് നിന്നും കുഞ്ഞ് താഴേയ്ക്ക് വീഴുന്ന ദൃശ്യം കിട്ടിയിട്ടുണ്ട്. മുകളില് നിന്നും ഒരു പൊതിക്കെട്ട് താഴേയ്ക്ക വീഴുന്ന രീതിയിലാണ് ദൃശ്യം. ആളില്ലാതിരുന്ന ഫ്ളാറ്റില് പുറത്തുനിന്നും ആരെങ്കിലും എത്തിയിരുന്നോ എന്ന കാര്യം ഉള്പ്പെടെ പോലീസ് അന്വേഷിക്കുന്നുണ്ട്. ഫ്ളാറ്റില് താമസിക്കുന്നവരെക്കുറിച്ചുള്ള വിവരം ഉള്പ്പെടെ പോലീസ് ശേഖരിക്കുന്നുണ്ട്.
ചുട്ട് പൊള്ളുന്ന ചൂടില് ഒന്ന് പുറത്തിറങ്ങുന്ന കാര്യം ചിന്തിക്കാന് പോലും പറ്റാത്ത അവസ്ഥയാണ്. പുറത്തെ ട്രാഫിക്കും യാത്രയും എല്ലാം യാത്രക്കാരെ ഏറെ ബുദ്ധിമുട്ടിലാക്കുകയാണ്. എന്നാല് ട്രാഫിക്ക് സിഗ്നലിലെ കാത്ത് നില്പ്പില് ചൂടിനെ മറികടക്കാന് പുതിയൊരു ആശയവും പൊതു ജനങ്ങള്ക്ക് ഒരു സഹായവും ഒരുക്കിയിരിക്കുകയാണ് പുതുച്ചേരി സര്ക്കാര്.
ഉഷ്ണതരംഗത്തില് മരണം പോലും സംഭവിക്കുന്ന ഈ സാഹചര്യത്തില് യാത്രക്കാര്ക്ക് ആശ്വാസമാകുകയാണ് പൊതുമരാമത്ത് ഒരുക്കിയ തണല്.
ഇതിന്റെ ഒരു വീഡിയോയയാണ് സോഷ്യല് മീഡിയയില് അഭിനന്ദനപ്രവാഹവുമായി എത്തിയിരിക്കുന്നത്. ട്രാഫിക് സിഗ്നലുകളില് പൊതുമരാമത്ത് വകുപ്പിന്റെ നേൃത്വത്തില് പച്ചവിരി 20 മീറ്ററിലേറെ ദൂരത്തില് വലിച്ചുകെട്ടിയാണ് യാത്രക്കാര്ക്ക് അല്പം തണലൊരുക്കുന്നത്. ട്രാഫിക് സിഗ്നലുകളില് കാത്തുകിടക്കുന്ന സമയത്ത് യാത്രക്കാര്ക്ക് അല്പം ആശ്വാസമുണ്ടാകും
വീഡിയോയുടെ കാഴ്ചക്കാര് ലക്ഷങ്ങള് പിന്നിട്ടു. ഏറ്റവും മികച്ച കാര്യമാണ് ഭരണകൂടം നിര്വഹിച്ചിരിക്കുന്നതെന്നാണ് ആള്ക്കാര് പറയുന്നത്. അവരുടെ ന?ഗരത്തിലും സര്ക്കാരിന്റെ ഭാഗത്ത് നിന്ന് ഇത്തരം പ്രവൃത്തികള് ഉണ്ടാവണമെന്നാണ് ആള്ക്കാരുടെ ആവശ്യം. പുതുച്ചേരി പൊതുമരാമത്ത് വകുപ്പിനെ പ്രശംസിക്കാനും നെറ്റിസണ്സ് മറന്നില്ല.
Channels
ബിഗ്ബോസ് മുന് സീസണിലെ ഒരു മത്സരാര്ത്ഥിയാണ് രഞ്ജിനി ഹരിദാസ്. ബിഗ്ബോസ് സീസണ് വണ്ണില് വിജയി ആയില്ലെങ്കിലും അറുപത്തി മൂന്ന് ദിവസം രഞ്ജിനി നിന്നു. മികച്ച് ഒരു മത്സരാര്ത്ഥിയായിരുന്നു താരം.
ഒരു സമയത്ത് രഞ്ജിനി ഇംഗ്ലീഷ് പറയുന്നത് പോലെ അനുകരിക്കാന് പല അവതാരകരും ശ്രമിച്ചിരുന്നു. അവതരണത്തില് വലിയൊരു മാറ്റം കൊണ്ടുവന്നതില് രഞ്ജിനിക്ക് വലിയൊരു പങ്കുണ്ട്. രഞ്ജിനിയുടെ ഇംഗ്ലീഷും മലയാളവും കലര്ന്നുള്ള അവതരണം പ്രേക്ഷകര്ക്ക് അത്രയും പ്രിയപ്പെട്ടതായി മാറി.
ഇപ്പോഴിതാ രഞ്ജിനി പറഞ്ഞ ഒരു കാര്യമാണ് സോഷ്യല് മീഡിയയില് വൈറലാകുന്നത്. ബിഗ് ബോസ് ഹൗസില് ഫേവറിസം ഉണ്ടെന്ന് ജാന്മണി പറഞ്ഞപ്പോള് ഉടനെ രഞ്ജിനി ഇടപെട്ടാണ് ആ കാര്യം വ്യക്തമാക്കിയത്. അത്തരമൊരു വാക്ക് ഇല്ലെന്നാണ് രഞ്ജിനി പറയുന്നത്.
'എന്താണത് ഫേവറിസമോ, അങ്ങനെ ഒരു വാക്ക് ഡിക്ഷ്ണറിയില് ഇല്ല. ലാലേട്ടന് പോലും ഫേവറിസം എന്നാണ് ഉപയോഗിക്കുന്നത്. എനിക്കതില് പ്രശ്നമുണ്ട്. അത് ഫേവറിസം അല്ല, ഫേവറൈറ്റിസം (favoritism) ആണ്.' രഞ്ജിനി ഹരിദാസ് പറഞ്ഞു. വീണ്ടും ജാന് മണി ആ വാക്ക് ഉപയോഗിക്കുമ്പോള് രഞ്ജിനി തിരുത്തുന്നുണ്ട്.
ബിഗ്ബോസ് 50ാം ദിവസം കഴിയുമ്പോള് ഗിയര് ചേഞ്ച് ആകുകയാണ്. വളരെ അടുപ്പത്തിലായിരുന്ന സൂഹൃത്തുക്കള് തമ്മിലുള്ള വാക്ക് പോരുകള് ആണ് ഈ ആഴ്ച കാണാന് സാധിക്കുന്നത്.
കഴിഞ്ഞ ദിവസം ജാസ്മിനോട് ആയിരുന്നു ഗബ്രിയുടെ വാക്കുകള്. ടീം ആയുള്ള കോയിന് ഗെയിമില് ജാസ്മിന്റെ പെര്ഫോമന്സ് മികച്ചതായിരുന്നില്ലെന്ന് ഗബ്രി വാദിക്കുകയായിരുന്നു. നായയെ പോലെ കിതയ്ക്കുകയായിരുന്നു എന്നും ഗബ്രി പറയുമ്പോള് ജാസ്മിന് പ്രകോപിതയാകുന്നുണ്ട്. ഇവര് തമ്മിലുള്ള അസ്വാരസ്യങ്ങള് തുടങ്ങി എന്ന് പ്രേക്ഷകര് പറയുന്നു.
അതിനിടയില് ഇന്നലെ രണഭൂമി ടാസ്കില് റെസ്മിനോടും ഗബ്രി കയര്ക്കുന്നുണ്ടായിരുന്നു. ജാസ്മിനും ഗബ്രിയും തമ്മിലാണ് ആദ്യം ഏറ്റമുട്ടിയത്. എറിഞ്ഞ ബോളുകള് എടുത്ത് വീണ്ടും എറിഞ്ഞതാണ് തര്ക്കത്തിന് കാരണം. റെസ്മിനുമായും ഗബ്രി തര്ക്കിക്കുന്നുണ്ട്. വലിയ നീതി ദേവതയായിട്ട് നടന്നിട്ട് നിലവാരമില്ലാത്ത കളി കളിക്കരുതെന്നാണ് ഗബ്രി റെസ്മിനോട് പറയുന്നത്. ഇതിനിടയില് ജാസ്മിന് ഇടപെട്ടു. കൂടെ നിന്നിട്ട് നിന്നെപ്പോലെ കുതികാല് വെട്ടിയില്ല എന്നാണ് ഗബ്രിയോട് ജാസ്മിന് പറഞ്ഞത്. ശേഷം പ്രശ്നം സോള്വ് ചെയ്യാന് ജാസ്മിന് ശ്രമിച്ചുവെങ്കിലും ഗബ്രി ദേഷ്യത്തില് എഴുന്നേറ്റ് പോകുക ആയിരുന്നു.
ഇതോടെ ഈ ആഴ്ച സുഹൃത്തുകള് തമ്മിലുള്ള വേര്പിരിയല് കാണേണ്ടി വരുമോ എന്നാണ് പലരും ചോദിക്കുന്നത്.
ബിഗ്ബോസ് സീസണ് ആറില് ഓളം ഉണ്ടാക്കാന് എത്തിയ വൈല്ഡ് കാര്ഡ് എന്ട്രികളായിരുന്നു ആ ആറുപേര്. ഷോയിലുണ്ടായിരുന്ന മത്സരാര്ത്ഥികളില് നിന്നും വളരെ വ്യത്യസ്തമായി തന്നെ ഗെയിം കളിക്കാന് ഈ ആറുപേരും ആത്മാര്ത്ഥമായി ശ്രമിച്ചിരുന്നെന്ന് പ്രേക്ഷകരും സമ്മതിക്കുന്നുണ്ട്. പക്ഷെ ഗെയിമില് നിന്നും സിബിനും പൂജയും ശാരീരിക അസ്വസ്തത മൂലം പുറത്തായത് വലിയ പ്രതീക്ഷയാണ് നഷ്ടപ്പെടുത്തിയത്. കാരണം വൈല്ഡ്കാര്ഡ് എന്ട്രികളില് മികച്ച പ്രകടനം കാഴ്ചവെച്ച രണ്ടു പേര് ആയിരുന്നു അവര് രണ്ടു പേരും.
ഈ കഴിഞ്ഞ എവിക്ഷന് ആഴ്ചയില് അഭിഷേക് ജയദീപ് പുറത്തായതോടെ ഇനി ബാക്കി അവശേഷിക്കുന്ന മൂന്ന് പേര് അഭിഷേകും, സായ്യും, നന്ദനയും ആണ്. എന്നാല് എവിക്ഷനിലൂടെ പുറത്തിറങ്ങിയ അഭിഷേക് കഴിഞ്ഞ ദിവസം പറഞ്ഞ കാര്യങ്ങളാണ് വൈറലാകുന്നത്. താന് കാഴ്ചവെച്ച പല കാര്യങ്ങളും ഷോയില് ടെലികാസ്റ്റ് ചെയ്തില്ലെന്നാണ് അഭിഷേക് പറയുന്നത്.
ജനങ്ങള്ക്ക് തന്നെ ഇഷ്ടപ്പെട്ടുകാണില്ല എന്ന് കരുതി, അത് പ്രേക്ഷക വിധി എന്ന് അംഗീകരിച്ചാണ് അഭിഷേക് പുറത്തേക്ക് വന്നെന്നാണ് കരുതിയതെന്നും പക്ഷെ പുറത്തിറങ്ങിയപ്പോഴാണ്, ജനങ്ങള് എന്തുകൊണ്ട് തന്നെ ഇഷ്ടപ്പെട്ടില്ല എന്ന കാര്യം അഭിഷേകിന് ശരിക്കും ബോധ്യമായത് എന്ന കാര്യത്തെ കുറിച്ചാണ് അഭിഷേക് പറയുന്നത്.
അഭിഷേകിന്റെ വാക്കുകള് ഇതാ:'ഞാന് ഹൗസിന് ഉള്ളില് പറഞ്ഞ സ്റ്റേറ്റ്മെന്റുകള്, കോര്ട്ട് ടാസ്കില് ഞാന് മാത്രം പറഞ്ഞ് സ്കോര് ചെയ്ത് ജിന്റോ ചേട്ടനെ കുറ്റവിമുക്തനാക്കിയ സീനുകള്, അഭിഷേകുമായുള്ള (ശ്രീകുമാര്) ഫൈറ്റില് ഞാന് അവനോട് പറഞ്ഞ ഫുള് ജസ്റ്റിഫിക്കേഷന്, അവനോട് ഇരുന്ന് സംസാരിച്ച് ഞാന് എല്ലാം സോള്വ് ആക്കി- അവന് എന്നെ മനസ്സിലാക്കിയ സീന്, അപ്സരയ്ക്കൊപ്പമുള്ള ഫണ് ആക്ടും ഡ്രാമയും ഒന്നും ഒരു എപ്പിസോഡിലോ, പ്ലസ്സില് പോലും വന്നില്ല. ലൈവില് പോലും കട്ട് ചെയ്ത് ക്യാമറ മാറ്റി എന്ന് അമ്മ പറഞ്ഞു. എപ്പിസോഡില് മൊത്തം ജബ്രി മാത്രം. എന്തോ അവര്ക്ക് എന്നെ ഇഷ്ടമല്ല എന്ന് തോന്നുന്നു' എന്നാണ് അഭിഷേക് ഇന്സ്റ്റഗ്രാമില് പറഞ്ഞത്
ഇതേ കാര്യം നേരത്തെ പുറത്തായ നിഷാനയും പറയുന്നുണ്ട്. ലൈവില് ബിഗ് ബോസ് കണ്ടുകൊണ്ടിരിക്കെ, ഒരു മണിക്കൂര് നേരമായി ഗബ്രിയും ജാസ്മിനും മാത്രമാണ് എന്നാണ് നിഷാന പറയുന്നത്.
ബിഗ്ബോസില് തുടങ്ങിയ പ്രണയം പതുക്കെ പതുക്കെ വളരെ സീരിയസാവുകയും പിന്നീട് ജീവിതത്തിലും ഒരുമിക്കുകയും ചെയ്ത താരങ്ങളാണ് പേളിയും ശ്രീനിഷും. പ്രേക്ഷകുടെ പ്രിയപ്പെട്ട കപ്പിളായി ഇവര് മാറുകയായിരുന്നു.
രണ്ട് കണ്മണികള് ഇവര്ക്കുണ്ടായപ്പോള് ആരാധകരും ഏറെ സന്തോഷിച്ചു. ഇപ്പോഴിതാ രണ്ടാമത്തെ മകള് നിറ്റാരയുടെ വരവിന് ശേഷം രണ്ടു പേരും പുതിയൊരു സന്തോഷത്തിലേക്ക് എത്തുന്നത്. ഇരുവരും ചേര്ന്ന് സ്വന്തമായി ഒരു വീട് വാങ്ങിയിരിക്കുകയാണ്. കൊച്ചി സില്വര്സാന്ഡ് ഐലന്ഡിലെ ഫ്ലാറ്റാണിത്.
നിറ്റാര പിറന്ന് മൂന്ന് മാസം പിന്നിടുമ്പോള് ആണ് ദമ്പതികള് പുതിയ വീടിന്റെ താക്കോല് സ്വീകരിച്ചിരിക്കുന്നത്. ഇനിയും ഇന്റീരിയര് ചെയ്തിട്ടില്ലത്ത ദ്വീപിലെ വീടിന്റെ വിശേഷം പേളി തന്റെ യൂട്യൂബ് ചാനലില് പങ്കുവെച്ചു. നില ബേബിയാണ് അച്ഛന്റെയും അമ്മയുടെയും കൂടെയുളളത്. കൈക്കുഞ്ഞായ നിതാര തല്ക്കാലം സീനില് ഇല്ല.
വീടിന്റെ മുന്നില് ഒരു പേര് കാണാം. സ്നേഹത്തോടെ പ്രേക്ഷകര് നല്കിയ, ഒടുവില് അവര് സ്വന്തമാക്കി മാറ്റിയ പേരാണ് വീടിനു നല്കിയിട്ടുള്ളത്. പ്രവേശന കവാടത്തില് തന്നെ 'പേളിഷ്' എന്ന പേര് കൊത്തിയിട്ടുണ്ട്. ബിഗ് ബോസ് കഴിഞ്ഞതും, പേളി, ശ്രീനിഷ് എന്നതിന്റെ ചുരുക്കരൂപമായി പ്രേക്ഷകര് നല്കിയ പേരാണ് പേളിഷ്. നിരവധി ആരാധകരാണ് വീഡിയോയ്ക്ക് താഴെയായി കമന്റുകളുമായി എത്തിയിരിക്കുന്നത്.
തമിഴില് ആണ് തുടക്കമെങ്കിലും പിന്നീട് മലയാളത്തില് സ്ഥിരസാന്നിധ്യമായ താരമാണ് സ്വാസിക വിജയന്. സിനിമയിലും സീരിയലുകളിലും സ്വന്തം പ്രയത്നം കൊണ്ടും അഭിനയ മികവ് കൊണ്ടും താരം ഒരു സ്ഥാനം നേടിയെടുത്തു.
മലയാളത്തില് സ്വാസിക പ്രധാനമായി എത്തിയ പരമ്പരയെല്ലാം ഹിറ്റായിരുന്നു. കട്ടപ്പനയിലെ ഹൃദിക്ക് റോഷനിലെ തേപ്പുകാരിയുടെ വേഷം സ്വാസികയ്ക്ക വലിയൊരു സ്ഥാനമാണ് മലയാളികള്ക്ക് ഇടയില് ഉണ്ടാക്കി കൊടുത്തത്.
പൊറിഞ്ചു മറിയം ജോസ്, ചതുരം എന്നീ സിനിമകളിലെ കഥാപാത്രങ്ങളിലൂടെ ശ്രദ്ധിക്കപ്പെട്ട താരം വീണ്ടും ശ്രദ്ധിക്കപ്പെട്ടു. 2019-ലെ മികച്ച സ്വഭാവനടിക്കുള്ള സംസ്ഥാന ചലച്ചിത്ര പുരസ്കാരം വരെ നേടി. അടുത്തിടെയാണ് താരം നടനും മോഡലുമായ പ്രേം ജേക്കബിനെ വിവാഹം ചെയ്തത്. ഇവരുടെ മനോഹമായ ബീച്ച് വെഡിങ്ങും പ്രീ വെഡ്ഡിംഗ് പോസ്റ്റ് വെഡ്ഡിംഗ് ആഘോഷങ്ങളുമൊക്കെ സോഷ്യല് മീഡിയയിലൂടെ ട്രെന്ഡിംഗായതാണ്.
ഇപ്പോഴിതാ ആന്ഡമാന് നിക്കോബാര് ദ്വീപുകളില് തങ്ങളുടെ ഹണിമൂണ് ആഘോഷിക്കുന്ന ചിത്രങ്ങള് പങ്കിട്ടിരിക്കുകയാണ് താരം. ഷിഫോണ് ഫ്ലോറല് ഫ്രോക്കില് അതിസുന്ദരിയായിട്ടാണ് സ്വാസിക ചിത്രങ്ങളില് നിറയുന്നത്. ഷോര്ട്സും ഷര്ട്ടും ധരിച്ച പ്രേമിനെ കെട്ടിപ്പിടിച്ചും പ്രണയിച്ചും ഓരോ നിമിഷം ആസ്വദിച്ചുമാണ് സ്വാസികയുടെ ഓരോ ചിത്രങ്ങളും. സോഷ്യല് മീഡിയയില് ട്രെന്ഡിംഗാകുകയാണ് ചിത്രങ്ങള്.
BUSINESS
ഫാഷന് ലോകത്തെ ട്രെന്റുകള് വിചിത്രമായി മാറുന്ന കാലമാണിത്. ഇപ്പോഴിതാ ഡെനീമിന്റെ പുതിയൊരു ഫാഷനാണ് വാര്ത്തയാകുന്നത്. സംഭവം ഒരു പാന്റിലെ ഡിസൈനാണ്.
'Pee Stain' പാന്റ് വിപണിയില് പുതിയ തരംഗമാകുകയാണ്. ലുക്ക് കണ്ടാല് മൂത്രമൊഴിച്ചത് പോലെ തോന്നുമെങ്കിലും ഇത് സ്വന്തമാക്കണമെങ്കില് 50,000 രൂപ മുടക്കേണ്ടിയിരിക്കുന്നു.
ബ്രിട്ടീഷ്-ഇറ്റാലിയന് ബ്രാന്ഡ് പുറത്തിറക്കിയ Pee Stain പാന്റാണിത്. പാന്റില് മൂത്രമൊഴിച്ച പോലെ തോന്നിപ്പിക്കുന്നുവെന്നതാണ് ഇതിനെ വ്യത്യസ്തമാക്കുന്നത്. വിചിത്രമായ ഈ ആശയം കൊണ്ടുവന്നത് ഡിസൈനര്മാരായ ലൂക്ക മാര്കെറ്റോയും ജോര്ദാന് ബോവനും ചേര്ന്നാണ്. ഇരുവരും ജോര്ദാന്ലൂക്ക എന്നാണ് ഫാഷന് ലോകത്ത് അറിയപ്പെടുന്നത്. ഇവരുടെ ഇന്സ്റ്റഗ്രാം പേജിന്റെ പേരും ഇതുതന്നെയാണ്.
പാന്റിന്റെ ഒറിജിനല് വേര്ഷന് 811 ഡോളറാണ് വില. പൊള്ളുന്ന നിരക്കായതിനാല് ഇതിന്റെ ലൈറ്റര്-വേര്ഷനും അവതരിപ്പിച്ചിട്ടുണ്ട്. അതിന് $608 കൊടുത്താല് മതിയാകും. അതായത് 50,000 രൂപ. ഓണ്ലൈന് ലോകത്ത് ഏറെ വിമര്ശനങ്ങളുണ്ടാക്കിയ ഈ വിചിത്ര ജീന്സ്, പീ സ്റ്റെയിന് ഡെനിം (''pee stain denim') എന്നാണ് അറിയപ്പെടുന്നത്. കഴിഞ്ഞ വര്ഷമാണ് ജീന്സ് പുറത്തിറങ്ങിയതെങ്കിലും വൈറലായത് ഇപ്പോഴാണെന്ന് മാത്രം.
ഇനി കെഎഫ്സിയുടെ പെര്ഫ്യൂമും. ജനപ്രിയ ഫാസ്റ്റ്-ഫുഡ് റെസ്റ്റോറന്റ് ചെയിനായ കെഎഫ്സിയുടെ പുതിയ ഉത്പ്പന്നമായ പെര്ഫ്യൂമാണ് വിപണിയിലെത്തിയിരിക്കുന്നത്.
'ബാര്ബീക്യൂ' ഫ്ലേവര് സുഗന്ധത്തില് പുറത്തിറങ്ങിയ പെര്ഫ്യൂമിന്റെ ലിമിറ്റഡ് എഡിഷന് ആദ്യ ബാച്ച് ഇതിനോടകം വിറ്റുപോയെന്നാണ് വിവരം. യുകെയിലുള്ള കെഎഫ്സി ഔട്ട്ലെറ്റുകള് വഴിയാണ് പെര്ഫ്യൂം വിപണിയിലെത്തിച്ചത്.
No. 11 Eau De BBQ എന്നാണ് പെര്ഫ്യൂമിന്റെ പേര്. കെഎഫ്സി ചിക്കന്റെ ഗന്ധമല്ല, മറിച്ച് ബാര്ബിക്യൂ ഫ്ലേവറിന്റെ ഗന്ധമാണ് പെര്ഫ്യൂമില് നിന്ന് ലഭിക്കുക. ഈ പെര്ഫ്യൂം പൂശിയ വ്യക്തി അടുത്തുവന്നാല്, ഗന്ധം ലഭിക്കുന്നവര്ക്ക് വിശപ്പ് അനുഭവപ്പെടുമെന്ന് കമ്പനി അവകാശപ്പെടുന്നു. 100 മില്ലി ലിറ്ററിന്റെ പെര്ഫ്യൂം ബോട്ടിലിന് 11 പൗണ്ട് അഥവാ 1,150 രൂപയാണ് വില.
ആദ്യ ബാച്ച് വിറ്റഴിഞ്ഞ സ്ഥിതിക്ക് രണ്ടാമത്തെ ബാച്ച് ഉടനെ കമ്പനി പുറത്തിറക്കിയേക്കും. മെയ് 6ന് വീണ്ടും റീ-സ്റ്റോക്ക് ചെയ്യുപ്പെടുമെന്നാണ് വെബ്സൈറ്റില് നിന്നും ലഭിക്കുന്ന വിവരങ്ങള് സൂചിപ്പിക്കുന്നത്.
വേനലവധിയായി ഇനി വിനോദയാത്രകളുടെ സമയമാണ്. അത്തരത്തില് ഒരു വിനോദ യാത്രയ്ക്ക് പദ്ധതിയിടുന്നവരാണ് നിങ്ങളെങ്കില് ഇതാ ആമസോണ് പേയില് വിമാന ടിക്കറ്റിന് മികച്ച ഓഫറുകള് നിങ്ങളെ കാത്തിരിക്കുന്നുണ്ട്.
ഫ്ലൈറ്റുകള്, ഹോട്ടല് ബുക്കിംഗുകള്, ക്യാബ്, ട്രാവല് ഗാഡ്ജെറ്റുകള് എന്നിവയില് മികച്ച വേനല്ക്കാല ഓഫറുകളാണ് ആമസോണിലുള്ളത്. ആമസോണ് പേയില് അന്താരാഷ്ട്ര ഫ്ലൈറ്റുകളില് 5000 രൂപ വരെയും ആഭ്യന്തര വിമാനങ്ങളില് 10% വരെയും ഇളവ്, ഹോട്ടല് അക്കൊമൊഡേഷന് ബുക്കിംഗില് 30% വരെ ഇളവ്, ഓല, ഉബര് ക്യാബ് ബുക്കിങ്ങില് ഒറ്റ ക്ലിക്കില് പേമെന്റ്, പ്രൈം മെംബേര്സിന് ഉബര് റൈഡുകളില് 5% ക്യാഷ്ബാക്ക് എന്നിവ നേടാം. ഒപ്പം, ആമസോണ് പേ ഐ സി ഐ സി ഐ ബാങ്ക് ക്രെഡിറ്റ് കാര്ഡ് ഉപയോഗിച്ച് പ്രൈം അംഗങ്ങള്ക്ക് 5% വരെയും നോണ് - പ്രൈം അംഗങ്ങള്ക്ക് എല്ലാ പര്ച്ചേസുകളിലും 3% വരെ ക്യാഷ്ബാക്കും നേടാം.
കൂടാതെ ഫാഷന് വസ്ത്രങ്ങള്, സണ്ഗ്ലാസ്സുകള്, ഫാഷന് ആക്സസറികള്, മോയിസ്ച്ചറൈസറുകള്, ഐലൈനറുകള്, കാജല്, പ്രൈമര്, പെര്ഫ്യൂമുകള്, ഫോള്ഡബിള് ഹെയര് ഡ്രൈയറുകള്, മേക്കപ്പ് കിറ്റുകള് എന്നിവയും ട്രാവല് ബാഗുകള്, ട്രാവല് അഡാപ്റ്ററുകള്, നോയിസ്-കാന്സലിംഗ് ഹെഡ്ഫോണുകള്, പോര്ട്ടബിള് ചാര്ജ്ജറുകള് എന്നിവക്ക് ആമസോണ് പേ വഴി ആമസോണ്.ഇന്നില് മികച്ച ഓഫറുകളുമുണ്ട്.
BP SPECIAL NEWS
സ്വന്തം ശരീരത്തിലെ മുറിവ് സ്വയം ചികിത്സിച്ച് ഒറാങ്ങുട്ടന്. ഇന്തോനേഷ്യയിലെ സുമാത്രയില് ഗുനുങ് ലൂസര് നാഷണല് പാര്ക്കിലെ ഒറാങ്ങുട്ടന്റെ സ്വയം ചികിത്സ എല്ലാവരെയും ഒരു പോലെ ഞെട്ടിച്ചിരിക്കുകയാണ്.
കണ്ണിതു താഴെയായി ഉണ്ടായിരുന്ന മുറിവാണ് ഒറാങ്ങുട്ടന് സ്വയം ചികിത്സിച്ചത്. ഉഷ്ണ മേഖലയില് കണ്ടു വരുന്ന അകര് കുനിങ് എന്ന ചെടിയുടെ ഇലകള് വായിലിട്ട് ചവച്ച് കുഴമ്പു രൂപത്തിലാക്കി കണ്ണിന് താഴത്തെ മുറിവില് പുരട്ടുകയായിരുന്നു ഒറാങ്ങുട്ടാന്. തെക്കുകിഴക്കന് ഏഷ്യയില് ആളുകള് വേദന, വീക്കം എന്നിവയ്ക്ക് മരുന്നായി ഉപയോഗിക്കുന്ന സസ്യമാണ് അകര് കുനിങ്.
പക്ഷെ ഒരു മൃഗം സ്വന്തം മുറിവ് ഔഷധസസ്യമുപയോഗിച്ച് സ്വയം ചികിത്സിക്കുന്നത് ലോകത്ത് തന്നെ ആദ്യത്തെ സംഭവമാണെന്ന് ഗവേഷകര് പറയുന്നു. മനുഷ്യരുടെയും വലിയ കുരങ്ങന്മാരുടെയും പൊതു പൂര്വികനില് നിന്നാവാം ഈ വിദ്യ ഇവര് ആര്ജ്ജിച്ചതെന്നാണ് ശാസ്ത്രലോകത്തിന്റെ നിഗമനം. വലിയ കുരുങ്ങുകള് ഇത്തരത്തില് ഔഷധങ്ങള് ഉപയോഗിച്ച് സ്വയം ചികിത്സ നടത്തുന്നതിനെ കുറിച്ച് മുന്പ് ഗവേഷര് രേഖപ്പെടുത്തിയിട്ടുണ്ടെങ്കിലും ആദ്യമായാണ് ഒരു വന്യ ജീവി സ്വയം ചികിത്സിക്കുന്നത് ശ്രദ്ധയില് പെടുന്നത്.
ഒറാങ്ങുട്ടാന് ഇല ചവച്ച് കുഴമ്പ് രൂപത്തിലാക്കി മുഖത്തെ മുറിവില് പുരട്ടി ഒരു മാസമാവുമ്പോഴേക്കും മുറിവുണങ്ങിയെന്നാണ് സംഘം കണ്ടെത്തിയത്. മറ്റ് ആണ് ഒറാങ്ങുട്ടന്മാരുമായുള്ള പോര്വിളിക്കിടെ പരിക്കേറ്റതാകാമെന്നാണ് കരുതുന്നത്.
അകര് കുനിങ് എന്ന ചെടി പൊതുവെ ഒറാങ്ങുട്ടാന്മാര് ഭക്ഷണമാക്കാറില്ല. ഒറാങ്ങുട്ടാന് ചെടിക്കു ചുറ്റും നടന്ന് ഇലകള് ശേഖരിക്കുന്നതും ചവച്ചരക്കുന്നതും കവിളില് പുരട്ടുന്നതും മുപ്പത് മിനുട്ടോളം തുടരുന്നതും പഠന സംഘം ശ്രദ്ധിച്ചു. ഔഷധ സസ്യമാണെന്ന ബോധ്യത്തോടെ തന്നെയാണ് ഒറാങ്ങുട്ടാന് ഈ മരുന്ന് വെച്ചതെന്നും പഠന സംഘം പറയുന്നു. അഞ്ച് ദിവസത്തിനുള്ളില് തന്നെ മുറിവുണങ്ങിയുള്ള രോഗശമനവും നേരില് കണ്ട് ബോധ്യപ്പെട്ടു. ഒരുമാസത്തിനുള്ളില് അടയാളം പോലും ബാക്കിവെക്കാതെ മുറിവ് പൂര്ണ്ണമായും ഭേദമായി.
PRAVASI VARTHAKAL
HEALTH
BUSINESS
SPORTS
CHARITY