ഇനി കെഎഫ്സിയുടെ പെര്ഫ്യൂമും. ജനപ്രിയ ഫാസ്റ്റ്-ഫുഡ് റെസ്റ്റോറന്റ് ചെയിനായ കെഎഫ്സിയുടെ പുതിയ ഉത്പ്പന്നമായ പെര്ഫ്യൂമാണ് വിപണിയിലെത്തിയിരിക്കുന്നത്.
'ബാര്ബീക്യൂ' ഫ്ലേവര് സുഗന്ധത്തില് പുറത്തിറങ്ങിയ പെര്ഫ്യൂമിന്റെ ലിമിറ്റഡ് എഡിഷന് ആദ്യ ബാച്ച് ഇതിനോടകം വിറ്റുപോയെന്നാണ് വിവരം. യുകെയിലുള്ള കെഎഫ്സി ഔട്ട്ലെറ്റുകള് വഴിയാണ് പെര്ഫ്യൂം വിപണിയിലെത്തിച്ചത്.
No. 11 Eau De BBQ എന്നാണ് പെര്ഫ്യൂമിന്റെ പേര്. കെഎഫ്സി ചിക്കന്റെ ഗന്ധമല്ല, മറിച്ച് ബാര്ബിക്യൂ ഫ്ലേവറിന്റെ ഗന്ധമാണ് പെര്ഫ്യൂമില് നിന്ന് ലഭിക്കുക. ഈ പെര്ഫ്യൂം പൂശിയ വ്യക്തി അടുത്തുവന്നാല്, ഗന്ധം ലഭിക്കുന്നവര്ക്ക് വിശപ്പ് അനുഭവപ്പെടുമെന്ന് കമ്പനി അവകാശപ്പെടുന്നു. 100 മില്ലി ലിറ്ററിന്റെ പെര്ഫ്യൂം ബോട്ടിലിന് 11 പൗണ്ട് അഥവാ 1,150 രൂപയാണ് വില.
ആദ്യ ബാച്ച് വിറ്റഴിഞ്ഞ സ്ഥിതിക്ക് രണ്ടാമത്തെ ബാച്ച് ഉടനെ കമ്പനി പുറത്തിറക്കിയേക്കും. മെയ് 6ന് വീണ്ടും റീ-സ്റ്റോക്ക് ചെയ്യുപ്പെടുമെന്നാണ് വെബ്സൈറ്റില് നിന്നും ലഭിക്കുന്ന വിവരങ്ങള് സൂചിപ്പിക്കുന്നത്.