ബോചെ ടീ ലക്കി ഡ്രോ: 10 ലക്ഷം ചാത്തമംഗലം സ്വദേശിക്ക്, തൃശൂരില് നടന്ന ചടങ്ങില് മൂന്നാമത്തെ വിജയിക്ക് ചെക്ക് കൈമാറി
Story Dated: 2024-04-30
ദിവസേന 10 ലക്ഷം രൂപ സമ്മാനമായി നല്കുന്ന ബോചെ ടീ ലക്കി ഡ്രോ യിലെ മൂന്നാമത്തെ വിജയിയായ ഗീതക്ക് 10 ലക്ഷം രൂപയുടെ ചെക്ക് കൈമാറി. തൃശൂരില് നടന്ന ചടങ്ങിലാണ് ചെക്ക് കൈമാറിയത്. കോഴിക്കോട് ചാത്തമംഗലം സ്വദേശിയാണ് ഗീത എന്.യു. ദിവസേനയുള്ള നറുക്കെടുപ്പിലൂടെ 10 ലക്ഷം രൂപയും കൂടാതെ 13704 ഭാഗ്യവാന്മാര്ക്ക് 25000, 10000, 5000, 1000, 100 എന്നിങ്ങനെ ക്യാഷ് പ്രൈസുകളും ലഭിക്കുന്നുണ്ട്. 25 കോടി രൂപയാണ് ബമ്പര് സമ്മാനം.
www.bochetea.com സന്ദര്ശിച്ച് 40 രൂപയുടെ ബോചെ ടീ വാങ്ങുമ്പോള് സൗജന്യമായി ബോചെ ലക്കി ഡ്രോ ടിക്കറ്റ് ലഭിക്കും. എല്ലാ ദിവസവും രാത്രി 10.30 നാണ് നറുക്കെടുപ്പ്. ബോചെ ടീ യുടെ വെബ്സൈറ്റ്, സോഷ്യല് മീഡിയ അക്കൗണ്ടുകള് എന്നിവ വഴിയാണ് നറുക്കെടുപ്പ് ഫലം പ്രസിദ്ധീകരിക്കുന്നത്.
More Latest News
ടൂത്ത് പേസ്റ്റാണെന്ന് കരുതി എലിവിഷം കൊണ്ടു പല്ല് തേച്ചു, യുവതിക്ക് ദാരുണാന്ത്യം, യുവതിയുടെ മരണത്തില് കേസെടുത്ത് അന്വേഷണം ആരംഭിച്ച് പൊലീസ്
ടൂത്ത് പേസ്റ്റാണെന്ന് കരുതി എലിവിഷം കൊണ്ട് പല്ലു തേച്ച യുവതിക്ക് ദാരുണാന്ത്യം. ചെന്നൈയിലെ തിരിച്ചിറപ്പള്ളിയില് കെ.കെ നഗര് സ്വദേശി രേവതി (27) ആണ് മരിച്ചത്.
കഴിഞ്ഞ ദിവസം രാവിലെയാണ് ടൂത്ത് പേസ്റ്റാണെന്നു തെറ്റിദ്ധരിച്ച് രേവതി എലികളെ കൊല്ലാന് ഉപയോ?ഗിക്കുന്ന പേസ്റ്റ് എടുത്തു പല്ല് തേച്ചത്. പിന്നീട് യുവതി ജോലിക്ക് പോകുകയും ചെയ്തു. വൈകീട്ട് വീട്ടില് തിരിച്ചെത്തിയ രേവതി നിരവധി തവണ ഛര്ദ്ദിച്ചതായി ബന്ധുക്കള് വ്യക്തമാക്കി.
പിന്നാലെ ബന്ധുക്കള് യുവതിയെ തിരുച്ചിറപ്പള്ളി സര്ക്കാര് ആശുപത്രിയില് എത്തിച്ചെങ്കിലും മരണം സംഭവിച്ചു. കെകെ ന?ഗര് പൊലീസ് കേസെടുത്ത് അന്വേഷണം ആരംഭിച്ചു.
സംസ്ഥാനത്ത് ശക്തമായ മഴ: ജില്ലകള്ക്ക് ആരോഗ്യ വകുപ്പിന്റെ ജാഗ്രതാ നിര്ദേശം, പകര്ച്ചവ്യാധികള് ഉണ്ടാകാന് സാധ്യത മുന്നില് കണ്ട് ആരോഗ്യവകുപ്പിന്റെ മുന്നൊരുക്കങ്ങള്
കേരളത്തില് മഴ ശക്തമാകുന്ന സാഹചര്യമാണ് നിലവില്. ഇപ്പോഴിതാ മഴക്കാലം ശക്തമാകുന്നതിന് മുന്പ് മഴക്കാല രോഗങ്ങള്ക്കെതിരെ ജാഗ്രതാ നിര്ദ്ദേശം നല്കി ആരോഗ്യ വകുപ്പ് മന്ത്രി വീണാ ജോര്ജ്.
കാലാവസ്ഥാ വ്യതിയാനം കാരണം നിരവധി പകര്ച്ചവ്യാധികള് ഉണ്ടാകാന് സാധ്യതയുള്ളതിനാല് അതിനു വേണ്ടിയുള്ള മുന്നൊരുക്കങ്ങള് ആരോഗ്യ വകുപ്പിന്റെ ഭാഗത്തു നിന്നും തുടങ്ങി കഴിഞ്ഞു. വെള്ളം കയറുന്ന ആരോഗ്യ സ്ഥാപനങ്ങള് ആവശ്യമായ ബദല് ക്രമീകരണങ്ങള് ഒരുക്കണം. മരുന്നുകളുടെ ലഭ്യത ഉറപ്പാക്കാന് നേരത്തെ തന്നെ നിര്ദേശം നല്കിയിട്ടുണ്ട്.
കഴിഞ്ഞ യോഗത്തില് തീരുമാനമെടുത്ത പ്രകാരം എല്ലാ പ്രധാന ആശുപത്രികളിലും ഫീവര് ക്ലിനിക്കുകള് പ്രവര്ത്തിക്കുന്നുണ്ടെന്ന് ഉറപ്പ് വരുത്തണം. ദുരിതാശ്വാസ ക്യാമ്പുകള് ആരോഗ്യ വകുപ്പ് നല്കുന്ന നിര്ദേശങ്ങള് കൃത്യമായി പാലിക്കണമെന്നും മന്ത്രി നിര്ദേശം നല്കി.
മഴ തുടരുന്നതിനാല് ഡെങ്കിപ്പനിയ്ക്കും എലിപ്പനിയ്ക്കും സാധ്യതയുണ്ട്. കൊതുകുകടി ഏല്ക്കാതിരിക്കാന് ശ്രദ്ധിക്കണം. കൊതുകിന്റെ ഉറവിടങ്ങള് നശിപ്പിക്കാനുള്ള നടപടി സ്വീകരിക്കണം. എലിപ്പനി പ്രതിരോധം പ്രധാനമാണ്. കഴിവതും ചെളിയിലോ മലിനജലത്തിലോ കെട്ടിക്കിടക്കുന്ന മഴവെള്ളത്തിലോ ഇറങ്ങരുത്. അഥവാ ഇറങ്ങേണ്ടി വന്നാല് കൈകാലുകള് സോപ്പ് ഉപയോഗിച്ച് വൃത്തിയായി കഴുകുക. വെള്ളത്തിലിറങ്ങുന്നവര് നിര്ബന്ധമായും എലിപ്പനി പ്രതിരോധ ഗുളികയായ ഡോക്സിസൈക്ലിന് കഴിക്കേണ്ടതാണ്. കെട്ടി നില്ക്കുന്ന വെള്ളത്തില് കുട്ടികള് കളിക്കുകയോ കുളിക്കുകയോ ചെയ്യരുത്. വയറിളക്ക രോഗങ്ങള്ക്കെതിരെ ജാഗ്രത പാലിക്കണം. തിളപ്പിച്ചാറ്റിയ വെള്ളം മാത്രമേ കുടിക്കാന് പാടുള്ളൂ. ആഹാരവും വെള്ളവും അടച്ച് സൂക്ഷിക്കണം. മഴവെള്ളത്തില് കുതിര്ന്ന ഭക്ഷണം ഉപയോഗിക്കരുത്. പനി ബാധിച്ചാല് സ്വയം ചികിത്സ പാടില്ല. എത്രയും വേഗം ചികിത്സ തേടണം
ബസ് സര്വീസുമായി ഓണ്ലൈന് ടാക്സി സേവന ആപ്പായ ഊബര്, ആദ്യമായി ബസ് സര്വീസ് ഊബര് ഷട്ടില് എന്ന പേരില് ഡല്ഹിയില്
ഇനി ഊബറിന്റെ പുതിയ സേവനം. ഓണ്ലൈന് ടാക്സി സേവന ആപ്പായ ഊബര് തങ്ങളുടെ സേവനത്തില് വൈവിധ്യം കൊണ്ടുവരിക എന്ന ലക്ഷ്യമിട്ട് ബസ് സര്വീസുമായി എത്തുകയാണ്. ഊബര് ഷട്ടില് എന്ന പേരില് ഡല്ഹിയിലാണ് ആദ്യമായി ബസ് സര്വീസ് ആരംഭിക്കാന് പോകുന്നത് എന്നാണ് പുറത്ത് വരുന്ന വിവരം.
ഡല്ഹി പ്രീമിയം ബസ് സ്കീമിന്റെ ഭാഗമായി രാജ്യതലസ്ഥാനത്ത് ബസുകള് ഓടിക്കുന്നതിന് ഊബറിന് ആഗ്രിഗേറ്റര് ലൈസന്സ് ലഭിച്ചു. ഡല്ഹി ട്രാന്സ്പോര്ട്ട് ഡിപ്പാര്ട്ട്മെന്റ് ആണ് ലൈസന്സ് അനുവദിച്ചത്. ഇത്തരത്തില് ബസ് സര്വീസ് നടത്താന് അനുമതി നല്കുന്ന ആദ്യ സ്ഥലമായി ഡല്ഹി മാറി.
ഊബര് ആപ്പില് കയറി ഊബര് ഷട്ടില് തെരഞ്ഞെടുത്ത് വേണം യാത്രക്കാര് ബസ് ബുക്ക് ചെയ്യേണ്ടത്. യാത്ര പോകാന് ആഗ്രഹിക്കുന്ന സ്ഥലത്തേയ്ക്ക് ബസില് സീറ്റ് ബുക്ക് ചെയ്യാന് കഴിയുന്ന തരത്തിലാണ് സേവനം നല്കുക. പ്രീ ബുക്കിങ്, ലൈവ് ബസ് ട്രാക്കിങ് ഉള്പ്പെടെയുള്ള സേവനങ്ങളും ഇതില് ലഭ്യമാണ്.
പരീക്ഷണാടിസ്ഥാനത്തില് സര്വീസ് നടത്തി വിജയിച്ചതിന്റെ അടിസ്ഥാനത്തിലാണ് സേവനം തുടങ്ങാന് തീരുമാനിച്ചതെന്ന് ഊബര് ഷട്ടില് ഇന്ത്യ അറിയിച്ചു. മുന്കൂട്ടി ഒരാഴ്ച വരെ സീറ്റ് ബുക്ക് ചെയ്യാന് കഴിയുന്നവിധത്തിലാണ് ആപ്പില് ക്രമീകരണം. ബസിന്റെ ലൈവ് ലൊക്കേഷനും റൂട്ടും ട്രാക്ക് ചെയ്യാന് സാധിക്കും.
കുവൈത്തില് അടുത്ത മാസം മുതല് ഉച്ച സമയത്തുള്ള ജോലിക്ക് വിലക്ക്: രാവിലെ പതിനൊന്ന് മുതല് വൈകുന്നേരം നാല് മണി വരെ നിരോധനം
കുവൈത്തില് അടുത്ത മാസം മുതല് ഉച്ച സമയമുളള ജോലിക്ക് വിലക്ക് പ്രാബല്യത്തില് കൊണ്ട് വരാന് മാന്പവര് അതോറിറ്റി. തുറസ്സായ സ്ഥലങ്ങളില് തൊഴിലാളികളെ ജോലിക്ക് നിയോഗിക്കുന്നതിനാണ് രാവിലെ പതിനൊന്ന് മുതല് വൈകുന്നേരം നാല് മണി വരെ നിരോധനം ഏര്പ്പെടുത്തുന്നത്.
ജൂണ് ആദ്യം മുതല് ഇത് പ്രാബല്യത്തില് വരും. ഉച്ചജോലി വിലക്ക് കര്ശനമായി നടപ്പിലാക്കാനാണ് തീരുമാനം. നിയമം ലംഘിക്കുന്നവര്ക്കെതിരെ കടുത്ത നടപടിയുണ്ടാകും. നാഷണല് സെന്റര് ഫോര് ഒക്യുപേഷണല് ഹെല്ത്ത് ആന്ഡ് സേഫ്റ്റിയുമായി അഫിലിയേറ്റ് ചെയ്തിട്ടുള്ള ഫീല്ഡ് ഇന്സ്പെക്ഷന് ടീമുകള് മൂന്ന് മാസവും ഇവിടങ്ങളില് കര്ശന പരിശോധന നടത്തും.
വാട്സ്ആപ്പില് വരുന്നു ഈ പുതിയ അപ്ഡേഷനുകള്, മികച്ച അപ്ഡേഷനുകള് തിരഞ്ഞെടുക്കാം
വാട്സ്ആപ്പില് പുതിയ ഫീച്ചറുകള് പരീക്ഷണ ഘട്ടത്തില്. റിപ്പോര്ട്ടുകള് പ്രകാരം ലിങ്ക് ചെയ്യുന്ന ഡിവൈസുകളില് ചാക്ക് ലോക്ക് ചെയ്യുക, പുതിയ ചാനലുകള് കണ്ടെത്താനുള്ള ഓപ്ഷന്, ഒരു മിനിറ്റോളം നീളുന്ന സ്റ്റാറ്റസുകള്, ഹിഡന് കമ്മ്യൂണിറ്റി ഗ്രൂപ്പ് ചാറ്റുകള്, ഓട്ടോ പ്ലേ അനിമേറ്റഡ് ഇമേജസ് എന്നിവയാണ് അടുത്തതായി വാട്സ്ആപ്പില് വരുന്ന പുതിയ അപ്ഡേഷനുകള്.
ചില ബീറ്റ ടെസ്റ്ററുകളില് ഇവ ലഭ്യമാണ് ഇപ്പോള്. ലിങ്ക്ഡ് ഡിവൈസില് നിന്നും സ്വകാര്യ ചാറ്റുകളെ സംരക്ഷിച്ച് നിര്ത്താനാണ് ലോക്ക്ഡ് ചാറ്റ് ഓപ്ഷന്. ഇവ ഓപ്പണ് ചെയ്യാന് ഒരു രഹസ്യ കോഡ് സൃഷ്ടിക്കുകയും വേണം.
മുപ്പത് സെക്കന്റ് ദൈര്ഘ്യമുള്ള വാട്ട്സ്ആപ്പ് സ്റ്റാറ്റസുകള് ഇനി ഒരു മിനിറ്റായി നീട്ടുന്നതാണ് അടുത്ത ഫീച്ചര്. വരുന്ന ആഴ്ചകളില് എല്ലാ ഉപഭോക്താക്കള്ക്കും ഇത് ലഭ്യമാക്കും. പുതിയ ചാനലുകള് പെട്ടെന്ന് കണ്ടെത്താനും മറ്റുമായാണ് മറ്റൊരു ഫീച്ചര് കൊണ്ടുവരുന്നത്.
കൂടാതെ, ആപ്പ് ക്രമീകരണങ്ങള്ക്കുള്ളില് തന്നെ 'ആനിമേറ്റുചെയ്ത ചിത്രങ്ങളുടെ ഓട്ടോപ്ലേ' ഫീച്ചറും കൊണ്ടുവരുന്നുണ്ട്. ആപ്പ് സെറ്റിംഗ്സില് ഇത് ലഭിക്കും. ഈ ഫീച്ചര് ഇമോജികള്, സ്റ്റിക്കറുകള്, അവതാറുകള് എന്നിവയ്ക്കായുള്ള എല്ലാ ആനിമേഷനുകളും പ്രവര്ത്തനരഹിതമാക്കും.