സുരക്ഷിതമായ ഡിജിറ്റല് ട്രാസാക്ഷന് കൂടുതല് പേരും ആശ്രയിക്കുന്ന ഗൂഗിള് പേ കടുത്ത തീരുമാനങ്ങളിലേക്ക്. തങ്ങളുടെ സേവനം അമേരിക്കയില് നിറുത്തലാക്കാന് ആണ് ഗൂഗിള് പേ തീരുമാനിച്ചിരിക്കുന്നത്.
ഗൂഗിള് പേ തങ്ങളുടെ തീരുമാനം കഴിഞ്ഞ ദിവസമാണ് അറിയിച്ചത്. അമേരിക്കയില് ഗൂഗിള് വാലറ്റിനാണ് കൂടുതല് ഉപയോക്താക്കളുളളത്. ഇതിനാലാണ് ഈ കടുത്ത തീരുമാനത്തിലേക്ക് ഗൂഗിള് പേയെ അറിയിച്ചത്.
മാത്രമല്ല ഗൂഗിള് പേ അവസാനിപ്പിക്കുമ്പോള് ഗൂഗിള് വാലറ്റ് എന്ന പുതിയ ആപ്പിലേക്ക് മാറാനാണ് ഉപയോക്താക്കള്ക്ക് നിര്ദ്ദേശം നല്കിയിരിക്കുന്നത്.
ജൂണ് നാലാം തീയതി വരെയെ അമേരിക്കയിലെ ഗൂഗിള് പേ സേവനം ലഭ്യമാകുകയുള്ളൂ. ഗൂഗിള് പേ സേവനം അവസാനിക്കുന്നതിന് മുന്നേ ഉപഭോക്താക്കളോട് ഗൂഗിള് വാലറ്റിലേക്ക് മാറണമെന്ന് നിര്ദേശിച്ചിട്ടുണ്ട്. ഗൂഗിള് പേയിലെ പേയ്മെന്റ് സംവിധാനത്തിന് സമാനമാണ് ഗൂഗിള് വാലറ്റിലെയും പേയ്മെന്റ് സംവിധാനം.
ജൂണിന് ശേഷം ഉപഭോക്താക്കള്ക്ക് ഗൂഗിള് പേയിലൂടെ ട്രാന്സാക്ഷന് നടത്താന് കഴിയില്ല. അമേരിക്കയില് ഗൂഗിള് പേ അവസാനിപ്പിച്ചാലും ഇന്ത്യയിലും സിംഗപ്പൂരിലും നിലവിലെ രീതിയില്തന്നെ സേവനം തുടരും.