HEALTH
വയറുവേദനയുമായി എത്തിയ യുവതിയുടെ വയറ്റില് നിന്നും നീക്കം ചെയ്തത് 10 കിലോഗ്രാമിലേറെ ഭാരമുള്ള മുഴ, ടീമിനെ അഭിനന്ദിച്ച് ആരോഗ്യ വകുപ്പ് മന്ത്രി വീണാ ജോര്ജ്
3>വയറുവേദനയുമായി ഹോസ്പിറ്റലില് എത്തി യുവതിയുടെ വയറ്റില് നിന്നും പത്ത് കിലോ ഭാരമുള്ള മുഴ നീക്കം ചെയ്തു. കോഴിക്കോട് മെഡിക്കല് കോളേജിലാണ് അതി സങ്കീര്ണ്ണമായ ശസ്ത്രക്രിയ നടന്നത്.
മലപ്പുറം മൂന്നിയൂര് സ്വദേശിയായ 43 വയസുകാരിയുടെ വയറ്റില് നിന്നാണ് മെഡിക്കല് കോളേജ് ഗൈനക്കോളജി വിഭാഗത്തിന്റെ നേതൃത്വത്തില് ഗര്ഭാശയ മുഴ നീക്കം ചെയ്തത്. 36 സെന്റീമീറ്റര് നീളവും 33 സെന്റീമീറ്റര് വീതിയുമുള്ള ഗര്ഭാശയമുഴ 3 മണിക്കൂര് നീണ്ട ശസ്ത്രക്രിയയിലൂടെയാണ് നീക്കം ചെയ്തത്. ശസ്ത്രക്രിയ കഴിഞ്ഞ് തീവ്രപരിചരണത്തില് കഴിയുന്ന യുവതിയുടെ ആരോഗ്യ നില തൃപ്തികരമാണ്. ശസ്ത്രക്രിയയ്ക്ക് നേതൃത്വം നല്കിയ മുഴുവന് ടീമിനേയും ആരോഗ്യ വകുപ്പ് മന്ത്രി വീണാ ജോര്ജ് അഭിനന്ദിച്ചു.
ഒരാഴ്ച മുമ്പ് വയറുവേദനയായിട്ടാണ് യുവതി കോഴിക്കോട് മെഡിക്കല് കോളേജ് ഗൈനക്കോളജി വിഭാഗത്തില് ചികിത്സയ്ക്കായെത്തിയത്. വീര്ത്ത വയറൊഴികെ മറ്റ് രോഗ ലക്ഷണങ്ങളൊന്നും കണ്ടില്ല. അള്ട്രാസൗണ്ട്, എംആര്ഐ സ്കാനിംഗ് തുടങ്ങിയ പരിശോധനകളില് ഗര്ഭാശയ മുഴയാണെന്ന് സ്ഥിരീകരിച്ചു. രക്തയോട്ടം കൂടുതലുള്ള മുഴയായതിനാല് അതീവ സങ്കീര്ണമായിരുന്നു ശസ്ത്രക്രിയ. രക്തസ്രാവം ഉണ്ടാകാതിരിക്കാന് ഗര്ഭാശയത്തിലേക്കുള്ള രക്തക്കുഴലുകള് ശസ്ത്രക്രിയയുടെ തുടക്കത്തില് തന്നെ തുന്നിച്ചേര്ത്തിരുന്നു. രക്തസ്രാവമുണ്ടാകാനുള്ള സാധ്യത മുന്നില് കണ്ട് രക്തം ശേഖരിച്ച് വച്ചിരിന്നെങ്കിലും നല്കേണ്ടി വന്നില്ല. ശസ്ത്രക്രിയ പൂര്ണ വിജയമായിരുന്നു.
കോവിഷീല്ഡിന്റെ പാര്ശ്വഫലങ്ങള് പരിശോധിക്കാന് വിദഗ്ധ സമിതിയെ നിയോഗിക്കണം, സുപ്രീം കോടതിയില് ഹര്ജി
3>കോവിഷീല്ഡിന്റെ പാര്ശ്വഫലങ്ങള് പരിശോധിക്കാന് വിദഗ്ധ സമിതിയെ നിയോഗിക്കണമെന്ന് ആവശ്യപ്പെട്ട് സുപ്രീംകോടതിയില് ഹര്ജി സമര്പ്പിച്ച് അഭിഭാഷകനായ വിശാല് തിവാരി. സുപ്രീം കോടതിയിലെ വിരമിച്ച ജഡ്ജിയുടെ മേല്നോട്ടത്തില് വിദഗ്ധ സമിതി രൂപീകരിക്കണമെന്നാണ് ഹര്ജിയിലെ ആവശ്യം.
അപൂര്വ അവസരങ്ങളില് മസ്തിഷ്കാഘാതം, ഹൃദയാഘാതം എന്നിവക്ക് വാക്സിന് കാരണമായേക്കാമെന്നാണ് നിര്മാതാക്കളായ ബ്രിട്ടീഷ് ഫാര്മസി ഭീമന് ആസ്ട്രസെനെക യു.കെയിലെ കോടതിയില് സമര്പ്പിച്ച രേഖകളില് വ്യക്തമാക്കിയിരുന്നു.
കോവിഡ് -19 ന് ശേഷം യുവാക്കളില് പോലും ഹൃദയാഘാതം മൂലമുള്ള മരണങ്ങള് വര്ധിച്ചിട്ടുണ്ടെന്നും വാക്സിനേഷന്റെ ഫലമായി ഗുരുതരമായ വൈകല്യം സംഭവിക്കുകയോ മരിക്കുകയോ ചെയ്തവര്ക്ക് നഷ്ടപരിഹാരത്തിനുള്ള സംവിധാനം ഒരുക്കണമെന്നും ഹരജിയില് പറയുന്നു. ഇന്ത്യന് പൗരന്മാരുടെ സുരക്ഷക്കും ആരോഗ്യത്തിനും വേണ്ടി സര്ക്കാര് അടിയന്തര നടപടികള് കൈക്കൊള്ളേണ്ടതുണ്ടെന്നും പ്രശ്നം പരിഹരിക്കേണ്ടതുണ്ടെന്നും അതില് പറയുന്നു. ഇന്ത്യയില് 175 കോടിയിലധികം ഡോസ് കോവിഷീല്ഡ് നല്കിയിട്ടുണ്ടെന്നും ഹരജി വ്യക്തമാക്കുന്നു.
ഓക്സ്ഫോര്ഡ് യൂണിവേഴ്സിറ്റിയുമായി ചേര്ന്ന് അസ്ട്രസെനെക വികസിപ്പിച്ച വാക്സിന്, കോവിഷീല്ഡ് എന്ന പേരില് സെറം ഇന്സ്റ്റിറ്റ്യൂട്ടാണ് ഇന്ത്യയില് നിര്മിച്ച് വിതരണം ചെയ്തത്. കോവിഷീല്ഡ്, വാക്സ്സെവരിയ എന്നീ വാക്സിനുകളാണ് അസ്ട്രസെനെക നിര്മിച്ചത്. വാക്സിന് എടുത്തത് മൂലം ആരോഗ്യപ്രശ്നങ്ങള് നേരിട്ട നിരവധി പേര് യു.കെയില് കോടതിയെ സമീപിച്ചിരുന്നു. മരണങ്ങള്ക്കും ഗുരുതരമായ ആരോഗ്യപ്രശ്നങ്ങള്ക്കും വാക്സിന് കാരണമായെന്ന് ചൂണ്ടിക്കാട്ടി യു.കെ ഹൈകോടതിയില് ഫയല് ചെയ്ത 51 കേസുകളിലെ ഇരകള് 100 ദശലക്ഷം പൗണ്ട് വരെ നഷ്ടപരിഹാരം ആവശ്യപ്പെട്ടിട്ടുണ്ട്.
ഈ ചൂടത്ത് കറുത്ത കുടകള് ഉപയേഗിക്കുക, ഇന്ത്യന് മെറ്റീരിയോളജിക്കല് ഡിപ്പാര്ട്ട്മെന്റ് ശാസ്ത്രജ്ഞര് കറുത്ത കുടയുടെ ആവശ്യകതയെ കുറിച്ച് ഓര്മ്മിപ്പിക്കുന്നു
3>ഇന്ത്യ ഒട്ടാകെ അസഹനീയമായ ചൂട് ആണ് അനുഭവപ്പെടുന്നത്. ചൂട് കൂടുന്നതിനോടൊപ്പം ആളുകള് പുറത്തിറങ്ങുന്നതിനെ കുറിച്ചുള്ള കാര്യങ്ങളെ കുറിച്ചും മുന്നറിയിപ്പ് വന്നിട്ടുണ്ട്. ഇപ്പോഴിതാ പുറത്തിറങ്ങുമ്പോള് കുട ഉപയോഗിക്കുന്നതിനെ കുറിച്ചാണ് ഇന്ത്യന് മെറ്റീരിയോളജിക്കല് ഡിപ്പാര്ട്ട്മെന്റ് ശാസ്ത്രജ്ഞര് പറയുന്നത്.
ചൂട് കാലത്ത് കറുത്ത കുടകള് ഉപയോഗിക്കണ്ടതിന്റെ ആവശ്യകതയെ കുറിച്ചാണ് അവര് ഓര്മിപ്പിക്കുന്നത്. ഇവര് പറയുന്നത് അനുസരിച്ച് ചൂടിനെ നിയന്ത്രിക്കാന് കറുത്ത കുടയ്ക്ക് കഴിയുമെന്നാണ് ശാസ്ത്രജ്ഞര് പറയുന്നത്. പഴയകാലത്തെ കറുത്ത കുടകള് വര്ണകുടകളെക്കാള് നല്ലതെന്നാണ് ഇവര് പറയുന്നത്.
കറുത്ത കുടകള് സൂര്യപ്രകാശവും ചൂടും ആഗീരണം ചെയ്യും. തുടര്ന്ന് ഇവ ഇന്ഫ്രാ റെഡ് റേഡിയേഷനെ പുറന്തളളി ഹാനികരമായ യുവി വികിരണങ്ങള് ശരീരത്തില് പതിക്കുന്നത് തടയും. അതേസമയം വെള്ള നിറത്തിലുള്ള കുടകള് വെളിച്ചത്തെ പ്രതിഫലിപ്പിക്കുമ്പോള്, യു.വി വികിരണങ്ങള് കുടയിലൂടെ ശരീരത്തില് പതിക്കുകയും ആരോഗ്യപ്രശ്നങ്ങള് സൃഷ്ടിക്കുകയും ചെയ്യും.
പലരും ഇപ്പോള് യു.വി വികിരണങ്ങളില് നിന്നും രക്ഷനേടാന് കറുത്ത കുടകളിലേക്ക് മാറി കഴിഞ്ഞു. കറുത്ത കുടകളും അതിന്റെ ഗുണവും എന്താണെന്ന് തിരിച്ചറിഞ്ഞ് പഴയ കുടകളിലേക്ക് തിരികെ എത്തണമെന്നാണ് മുന്നറിയിപ്പ്.
കമ്പനി ഉല്പാദിപ്പിച്ച കോവിഡ് വാക്സീന് സ്വീകരിച്ചവരില് രക്തം കട്ടപിടിക്കുന്നതു പോലുള്ള പാര്ശ്വഫലങ്ങള് ഉണ്ടാകും: യുകെ ഫാര്മസ്യൂട്ടിക്കല് കമ്പനിയായ അസ്ട്രാസെനക
3>ന്യൂഡല്ഹി : കോവിഡ് വാക്സിന് സ്വീകരിച്ചവരില് പാര്ശ്വഫലങ്ങള് ഉണ്ടായേക്കാം എന്ന് വെൡപ്പെടുത്തലുമായി യുകെ ഫാര്മസ്യൂട്ടിക്കല് കമ്പനിയായ അസ്ട്രാസെനക. കമ്പനി ഉല്പാദിപ്പിച്ച കോവിഡ് വാക്സീന് സ്വീകരിച്ചവരില് രക്തം കട്ടപിടിക്കുന്നതു പോലുള്ള പാര്ശ്വഫലങ്ങള് ഉണ്ടാകുമെന്ന റിപ്പോര്ട്ടുകള് കോടതിയില് ശരിവക്കുകയായിരുന്നു അസ്ട്രാസെനക.
രക്തം കട്ടപിടിക്കുകയും (ത്രോംബോസിസ്) പ്ലേറ്റ്ലറ്റ് കുറയുകയും ചെയ്യുന്ന സ്ഥിതി (ത്രോംബോസൈറ്റോപീനിയ) അസ്ട്രാസെനക വാക്സീന് എടുത്തവരില് ഉണ്ടാകുമെന്ന് നേരത്തെ റിപ്പോര്ട്ടുകള് പുറത്തുവന്നിരുന്നു. ഓക്സഫഡ് സര്വകലാശാലയുമായി ചേര്ന്ന് നിര്മിച്ച അസ്ട്രാസെനക വാക്സീന് സ്വീകരിച്ചവരില് ആരോഗ്യപ്രശ്നങ്ങളുണ്ടായതിനെ തുടര്ന്ന് കമ്പനിക്കെതിരെ നിരവധിപ്പേര് കേസ് ഫയല് ചെയ്തിരുന്നു. ഇതുമായി ബന്ധപ്പെട്ട് കമ്പനി യുകെയിലെ കോടതിയില് നല്കിയ വിശദീകരണത്തിലാണ് ചില അപൂര്വ സന്ദര്ഭങ്ങളില് പാര്ശ്വഫലങ്ങള് ഉണ്ടാകാമെന്ന് സമ്മതിച്ചിരിക്കുന്നത്.
ത്രോംബോസിസ്, ത്രോംബോസൈറ്റോപീനിയ എന്നിവ ചിലരില് റിപ്പോര്ട്ട് ചെയ്തതിനെ തുടര്ന്ന് അസ്ട്രാസെനക കുത്തിവയ്ക്കുന്നത് കുറച്ചുകാലം നിര്ത്തിവച്ചിരുന്നു. അസ്ട്രാസെനകയുടെ കോവിഡ് വാക്സീനാണ് ഇന്ത്യയില് കോവിഷീല്ഡ് എന്ന പേരില് വ്യാപകമായി നല്കിയത്. ഇന്ത്യയില് ഈ പ്രശ്നമുണ്ടായിട്ടില്ലെന്നാണ് ആരോഗ്യമന്ത്രാലയത്തിന്റെ നിലപാട്.
സ്മോക്ക് ബിസ്കറ്റ് ശരീരത്തിന് ഏറെ ദോഷം, കഴിക്കും മുന്പ് ഈ കാര്യങ്ങള് ഓര്ക്കുക
3>ഒരിടക്കാലം കൊണ്ട് മലയാളികള്ക്ക് ഏറെ കൗതുകവും പ്രിയപ്പെട്ടതുമായി മാറിയ ഒന്നാണ് സ്മോക്ക് ബിസ്ക്കറ്റ്. വായിലിട്ട ശേഷം പുക ഊതി ഊതി പുറത്തേക്ക് വിട്ട് സംഭവം വളരെ വേഗം എല്ലാ പ്രായക്കാര്ക്കുമിടയിലും ഹിറ്റായി മാറി. പക്ഷെ കഴിഞ്ഞ ദിവസം ഒരു ചെറിയ കുട്ടി ഈ സ്മോക്കി ബിസ്ക്കറ്റ് കഴിച്ച് ആശുപത്രിയിലായ വാര്ത്ത സോഷ്യല് മീഡിയയില് വന്നിരുന്നു.
കര്ണാടകയിലെ ദാവനഗരെയിലാണ് സംഭവമുണ്ടായത്. സംഭവത്തിന് പിന്നാലെ കടയുടമയുടെ ലൈസന്സ് റദ്ദാക്കുകയും ചെയ്തു. ലിക്വിഡ് നൈട്രജന് കൊണ്ടുണ്ടാക്കിയ ബിസ്കറ്റ് കഴിച്ചതിന് പിന്നാലെയാണ് കുട്ടി അവശനായത് എന്നാണ് പുറത്ത് വരുന്ന വിവരം.
ശീതികരണത്തിനായി വ്യാപകമായി ഉപയോഗിക്കുന്ന ഒന്നാണ് ലിക്വിഡ് നൈട്രജന്. ഇത് ഉപയോഗിച്ചാണ് സ്മോക്ക് ബിസ്കറ്റ് തയ്യാറാക്കുന്നത്. ഇത് നേരിട്ട് കഴിക്കുന്നത് വായിലും തൊണ്ടയിലും അന്നനാളത്തിലും ആമാശയത്തിലും ഗുരുതരമായ മുറിവുകള് ഉണ്ടാകുന്നതിന് കാരണമാവുന്നു.ഗുരുതരമായ ആരോഗ്യപ്രശ്നങ്ങള്ക്ക് കാരണമാവുന്ന ഇവയ്ക്ക് -196 ഡിഗ്രി സെല്ഷ്യസില്വരെ എത്താന് സാധിക്കുന്നു. ത്വക്ക് അലര്ജികള്, വായില് പൊള്ളല്, വയറുവേദന, ഇറിറ്റബിള് ബവല് സിന്ഡ്രോം എന്നിവയ്ക്കും ലിക്വിഡ് നൈട്രജന് കാരണമാവുന്നു.
പലരും ലിക്വിഡ് നൈട്രജനെ ഡ്രൈ ഐസുമായി തെറ്റിദ്ധരിക്കാറുണ്ട്. ഇവ രണ്ടും മനുഷ്യശരീരത്തിന് ഹാനികരമാണ്. ആഹാരം തയ്യാറാക്കുമ്ബോഴും ആഹാരത്തിലും ഇവ ഫ്രീസിംഗ് ഏജന്റായി ഉപയോഗിക്കുമെങ്കിലും നേരിട്ട് കഴിക്കാനോ ശരീരത്തില് നേരിട്ട് പ്രയോഗിക്കാനോ പാടില്ല.
എക്കോ ഫ്രെണ്ട്ലി സ്ട്രോകള് അപകടകരം, പേപ്പര് സ്ട്രോകള് വിഷലിപ്തവും അപകടകരവുമാണെന്ന് പഠനം
3>ഇന്ന് എല്ലാ കടകളിലും ലഭിക്കുന്ന എക്കോ ഫ്രെണ്ട്ലി സ്ട്രോകള് ശരീരത്തിന് അപകടകരമാണെന്ന് പഠനം പറയുന്നു. ഫുഡ് അഡിറ്റീവ്സ് ആന്റ് കണ്ടാമിനന്സ് എന്ന ജേണലില് പ്രസിദ്ധീകരിച്ച ലേഖനത്തില് ആണ് ഈ കാര്യങ്ങള് പറയുന്നത്.
പേപ്പര് സ്ട്രോകള് വിഷലിപ്തവും അപകടകരവുമാണെന്ന് പഠനം പറയുന്നു. ഇവ വിഘടിക്കാത്ത രാസപദാര്ങ്ങള് അടങ്ങിയതാണെന്ന് പഠനം വ്യക്തമാക്കുന്നു. പഠനം നടത്തിയിരിക്കുന്നത് 39 ബ്രാന്റുകളിലാണ്. ഇതില് 27 എണ്ണത്തിലും വിഷലിപ്തമായ രാസപദാര്ത്ഥങ്ങള് കണ്ടെത്തി. പേപ്പര് സ്ട്രോകളില് പിഎഫ്എഎസ് കണ്ടെത്തിയിട്ടുണ്ട്.പിഎഫ്എഎസ് ഫോര് എവര് കെമിക്കലില് ഉള്പ്പെടുന്നവയാണ്.
പേപ്പറും വെള്ളവും തമ്മില് പ്രവര്ത്തിക്കാതിരിക്കാന് ഈ രാസപദാര്ത്ഥങ്ങള് സ്ട്രോകളില് ഉപയോഗിക്കുന്നുണ്ട്.പഠനം നടത്തിയത് പേപ്പര്, ബാംബൂ, പ്ലാസ്റ്റിക്, സ്റ്റെയിന്ലസ് സ്റ്റീല് എന്നിവയുടെ 39 ബ്രാന്റുകളിലാണ്.പിഎഫ്എഎസ് കണ്ടെത്താതിരുന്നത് ഇതില് സ്റ്റീല് സ്ട്രോകളില് മാത്രമാണ്. എല്ലാ തരം സ്ട്രോകളിലും പിഎഫ്എഎസ് കണ്ടെത്തിയെങ്കിലും പ്രാഥമികമായി ഇത് കണ്ടെത്തിയത് സസ്യങ്ങളില് നിന്നുള്ള വസ്തുക്കള് ഉപയോഗിച്ച് നിര്മ്മിച്ച സ്ട്രോകളിലാണ്.
2020-ല് കോവിഡ് ബാധിച്ച് മരിച്ചവരുടെ മൃതദേഹം ദഹിപ്പിച്ചു, സംസ്ക്കാരം നടത്തുന്നത് ആയിരം ദിവസങ്ങള്ക്ക് ശേഷം!!!
3>ലോകം കണ്ട ഏറ്റവും വലിയ വിപത്തായ കൊവിഡ് കഴിഞ്ഞ് നാലു വര്ഷങ്ങളാകുമ്പോഴും ഇന്നും ആ ഭീതി ആരെയും വിട്ടു പോകുന്നില്ല. ഇപ്പോഴിതാ ഛത്തീസ്ഗഢിന്റെ തലസ്ഥാനമായ റായ്പൂരില് അന്ന് കൊവിഡ് ബാധിച്ച് മരിച്ച മൂന്ന് പേരുടെ മൃതദേഹം കഴിഞ്ഞ ദിവസം സംസ്ക്കരിച്ച വാര്ത്തയാണ് പുറത്ത് വരുന്നത്.
2020-ല് കോവിഡ് ബാധിച്ച് മരിച്ച മൂന്ന് പേരുടെ മൃതദേഹങ്ങള് ആണ് ആയിരം ദിവസങ്ങള്ക്ക് ശേഷം സംസ്കരിച്ചത്. ഈ മൂന്ന് മൃതദേഹങ്ങളും തലസ്ഥാനത്തെ ബാബാ സാഹിബ് ഭീംറാവു അംബേദ്കര് ആശുപത്രിയില് ഉപേക്ഷിച്ച നിലയിലായിരുന്നു. ഇവ അസ്ഥികൂടങ്ങളായി മാറുകയും ചെയ്തിരുന്നു.
പിപിഇ കിറ്റുകളില് അവകാശികളില്ലാതെ മൂന്ന് പേരുടെ മൃതദേഹങ്ങള് സംസ്ഥാനത്തെ ഏറ്റവും വലിയ സര്ക്കാര് ആശുപത്രിയില് ആയിരത്തിലധികം ദിവസത്തിലേറെയായി കിടക്കുന്നുവെന്ന് മാധ്യമങ്ങള് റിപ്പോര്ട്ട് ചെയ്തതിന് പിന്നാലെയാണ് സംഭവം പുറത്തറിയുന്നത്. ഈ മൃതദേഹങ്ങള് പുരുഷന്മാരുടേതാണോ സ്ത്രീകളുടേതാണോ എന്ന് പോലും വ്യക്തമല്ലെന്ന് റിപ്പോര്ട്ടുകളില് ഉണ്ടായിരുന്നു.
ഇതിന് പിന്നാലെ നടത്തിയ അന്വേഷണത്തില് ജവര് സിംഗ്, പങ്കജ് കുമാര്, ദുകല്ഹീന് ബായി എന്നിവരുടെ മൃതദേഹങ്ങളാണ് ഇവയെന്ന് തിരിച്ചറിഞ്ഞതായി അധികൃതര് പറഞ്ഞു. ലഭിച്ച വിവരങ്ങള് അനുസരിച്ച്, പങ്കജ് കുമാറും ജവര് സിംഗും 2020ല് കോവിഡ് കാലത്താണ് മരിച്ചത്. 2021 മെയ് 21 ന് ദുകല്ഹീന് ബായിയും മരിച്ചു. കൊറോണ മൂലമുള്ള മരണം കാരണം ഈ മൃതദേഹങ്ങളുടെ സംസ്കാരത്തിന് മജിസ്ട്രേറ്റിന്റെ അനുമതി ആവശ്യമായിരുന്നു. ഇതിനായി ആശുപത്രി മാനേജ്മെന്റ് മജിസ്ട്രേറ്റിന് കത്തെഴുതിയെങ്കിലും മറുപടി ലഭിച്ചില്ല. ഇതിനുശേഷം, ഈ മൃതദേഹങ്ങള് പിപിഇ കിറ്റുകളില് സൂക്ഷിക്കുകയായിരുന്നു.
വാര്ത്ത പുറത്തുവന്നതിന് പിന്നാലെ പിപിഇ കിറ്റ് തുറന്നപ്പോള് അതിനുള്ളിലെ ലഘുലേഖയില് മരിച്ചവരുമായി ബന്ധപ്പെട്ട വിവരങ്ങള് എഴുതിയിരുന്നു. ഇതിനുശേഷം കുടുംബാംഗങ്ങളുടെ വിവരങ്ങള് ശേഖരിക്കുകയും അവരെ അറിയിക്കുകയും ചെയ്തു. വ്യാഴാഴ്ച, കുടുംബാംഗങ്ങളുടെ സമ്മതത്തിന് ശേഷം, കൊറോണയുമായി ബന്ധപ്പെട്ട പ്രോട്ടോക്കോള് പാലിച്ച് മൂന്ന് മൃതദേഹങ്ങളും പ്രാദേശിക ശ്മശാനത്തില് സംസ്കരിച്ചു.
ഇന്ത്യക്കാരുടെ പ്രിയപ്പെട്ട ഹോര്ലിക്സ് ഇനി 'ഹെല്ത്ത് ഡ്രിങ്ക്' വിഭാഗത്തില് അല്ല, 'ഫങ്ഷണല് നൂട്രീഷ്ണല് ഡ്രിങ്ക്' എന്ന വിഭാഗത്തിലേക്ക് ചേര്ത്തു
3>കുട്ടികളുടെ ആരോഗ്യത്തിനും ബുദ്ധിവികാസത്തിനും വേണ്ടി ഹെല്ത്ത് ഡ്രിങ്ക് കാറ്റഗറിയില് പരിഗണിച്ചിരുന്ന ഹോര്ലിക്സിനെ അതില് നിന്നും മാറ്റി. ഹോര്ലിക്സ് ഇനി മുതല് 'ഫങ്ഷണല് നൂട്രീഷ്ണല് ഡ്രിങ്ക്' വിഭാഗത്തിലേക്ക് മാറിയിരിക്കുകയാണ്. ഭക്ഷ്യ സുരക്ഷ നിയമം 2006 അനുസരിച്ച് ആരോഗ്യ പാനീയം-എന്നതിന് വ്യക്തമായ നിര്വചനം നല്കാന് ഇല്ലാത്തതിനാലാണ് ലേബല്മാറ്റം.
ഫുഡ് സേഫ്റ്റി ആന്ഡ് സ്റ്റാന്ഡേഡ് അതോറിറ്റി ഓഫ് ഇന്ത്യ ഈയടുത്ത് ഇ-കൊമേഴ്സ് പ്ലാറ്റ്ഫോമുകള്ക്ക് പ്രത്യേക നിര്ദേശം പുറപ്പെടുവിച്ചിരുന്നു. പാല് ഉള്പ്പടെയുള്ള പാനീയങ്ങളെ ഹെല്ത്ത് ഡ്രിങ്ക്സ്, എനര്ജി ഡ്രിങ്ക്സ് എന്നിങ്ങനെ തരംതിരിക്കുന്നതില്നിന്ന് വിട്ടുനില്ക്കാനായിരുന്നു നല്കിയിരുന്ന നിര്ദേശം. തെറ്റിദ്ധരിപ്പിക്കുന്ന പരസ്യം കാരണം ഉപഭോക്താക്കള്ക്ക് ആശയക്കുഴപ്പമുണ്ടാകുന്നത് തടയാനായിരുന്നു നടപടി.
പാനീയങ്ങളില് അടങ്ങിയിരിക്കുന്ന പഞ്ചസാരയുടെ ഉയര്ന്ന തോത് സംബന്ധിച്ചുള്ള ആശങ്കകളെ തുടര്ന്നാണ് തീരുമാനം. ഏതാനും ദിവസംമുമ്പ് ബോണ്വിറ്റയില് പരിശോധന സംഘടിപ്പിച്ചിരുന്നു. ബോണ്വിറ്റയെയും മറ്റ് പാനീയങ്ങളെയും ആരോഗ്യ പാനീയങ്ങള് എന്ന് നാമകരണം ചെയ്യരുതെന്ന് ഇ-കൊമേഴ്സ് വെബ്സൈറ്റുകളോട് സര്ക്കാര് നിര്ദേശം നല്കിയിരുന്നു. ഭക്ഷ്യ സുരക്ഷാ നിയമങ്ങളില് വ്യക്തതയില്ലാത്തതായിരുന്നു അതിന് കാരണമായി പറഞ്ഞത്.
ക്യാന്സറിനെതിരെ വാക്സിന് കണ്ടുപിടക്കാനുള്ള ശ്രമത്തില് ഇന്ത്യന് ഇന്സ്റ്റിറ്റ്യൂട്ട് ഒഫ് സയന്സിലെ ഗവേഷകര്, ലക്ഷ്യമിടുന്നത് ഭാവിയിലുണ്ടാകുന്ന വിവിധ തരം ക്യാന്സറുകള് നശിപ്പിക്കാന് ശക്തിയുള്ള വാക്സിന്
3>ബംഗളൂരു : ശരീരത്തെ കാര്ന്നു തിന്നുന്ന ക്യാന്സര് ഇന്ന് പനി പോലെ എല്ലാവരെയും ബാധിക്കുന്ന ഒന്നായി കഴിഞ്ഞു. എന്നാല് ക്യാന്സര് എന്ന മഹാമാരിക്കെതിരെ വാക്സിന് കണ്ടുപിടിക്കാനുള്ള തയ്യാറെടുപ്പിലാണ് ഗവേഷകര് ഇപ്പോള്.
ക്യാന്സര് കോശങ്ങള്ക്കെതിരായ ആന്റിബോഡി ഉത്പാദനം വര്ദ്ധിപ്പിക്കാനാവുന്ന സിന്തറ്റിക് ആന്റിജന് ആണ് വികസിപ്പിച്ചെടുക്കുന്നത്. ഇന്ത്യന് ഇന്സ്റ്റിറ്റ്യൂട്ട് ഒഫ് സയന്സിലെ (ഐ.ഐ.എസ്സി) ഗവേഷകര് ആണ് ഈ പരീക്ഷണം നടത്തുന്നത്. ഭാവിയില് വിവിധ തരം ക്യാന്സറുകള്ക്കുള്ള വാക്സിന് വികസിപ്പിക്കാന് നിര്ണായകമാണ് ഈ പരീക്ഷണം എന്ന് ഗവേഷകര് അഭിപ്രായപ്പെടുന്നു.
രക്തത്തിലെ ഒരു പ്രോട്ടീന് ( മാംസ്യം) വഴി ലിംഫ് നോഡിലെത്തിച്ചാണ് ക്യാന്സര് കോശങ്ങള്ക്കെതിരായ ആന്റിബോഡികളുടെ ഉത്പാദനം വര്ദ്ധിപ്പിക്കുന്നത്. രക്തത്തിലെ പ്ലാസ്മയിലെ സിറം ആല്ബുമിന് എന്ന പ്രോട്ടീനെയാണ് ഇതിനായി തിരഞ്ഞെടുത്തത്. ശരീരത്തിലെ പ്രതിരോധവ്യവസ്ഥയുടെ കേന്ദ്രമാണ് ലസികാഗ്രന്ഥി എന്ന ലിംഫ് നോഡുകള്. എലികളിലാണ് പരീക്ഷണം നടത്തിയത്. ഓര്ഗാനിക് കെമിസ്ട്രി വിഭാഗത്തിലെ പ്രൊഫ. എന്. ജയരാമനും ഗവേഷക വിദ്യാര്ത്ഥി കണ്ണൂര് കുഞ്ഞിമംഗലം സ്വദേശി ടി.വി കീര്ത്തനയുമടങ്ങുന്ന സംഘമാണ് സിന്തറ്റിക് ആന്റിജന് വികസിപ്പിച്ചെടുത്തത്.
ആന്റിജനെ ലക്ഷ്യസ്ഥാനത്തെത്തിക്കാന് കൃത്രിമ പ്രോട്ടീന് ഉപയോഗിച്ചില്ല. ശരീരത്തില്ത്തന്നെയുള്ള പ്രോട്ടീനെ വാഹകരാക്കി ലിംഫ് നോഡിലേക്കെത്തിക്കാനാണ് ശ്രമിച്ചതെന്നും ടി.വി. കീര്ത്തന പറഞ്ഞു. കൃത്രിമ പ്രോട്ടീന്, വൈറസ് കണിക എന്നിവയെ വാഹകരായി ഉപയോഗിച്ച് ആന്റിജനുകളെ ശരീരത്തിലേക്ക് കടത്തിവിടാന് ശാസ്ത്രജ്ഞര് മുമ്പ് ശ്രമിച്ചിട്ടുണ്ട്. എന്നാല്, ഇത് പാര്ശ്വഫലങ്ങള്ക്കിടയാക്കുകയും ക്യാന്സര് കോശങ്ങള്ക്കെതിരായ ആന്റിബോഡി ഉത്പാദനം കുറയ്ക്കുകയും ചെയ്തു.
ആലപ്പുഴയില് പക്ഷിപ്പനി സ്ഥിരീകരിച്ചതോടെ കേരള-തമിഴ്നാട് അതിര്ത്തി ജില്ലകളില് ആരോഗ്യവകുപ്പ് ജാഗ്രതാ നിര്ദേശം നല്കി
3>ആലപ്പുഴയില് പക്ഷിപ്പനി സ്ഥിരീകരിച്ചതോടെ ജാഗ്രത ശക്തമാക്കി. കേരള-തമിഴ്നാട് അതിര്ത്തി ജില്ലകളില് ആണ് ജാഗ്രത ശക്തമാക്കിയത്. അതിര്ത്തികളില് പരിശോധന ശക്തമാക്കാനും കേരളത്തില് നിന്നുള്ള കോഴി, കോഴിവളം, കോഴിമുട്ട, കോഴിക്കുഞ്ഞുങ്ങള്, താറാവ്, താറാവ് മുട്ട എന്നിവയുമായി വരുന്ന വാഹനങ്ങള് തിരിച്ചയയ്ക്കാനുമാണു നിര്ദേശം.വാളയാര് ഉള്പ്പെടെ 12 ചെക്ക് പോസ്റ്റുകളില് മൃഗസംരക്ഷണ വകുപ്പിന്റെ സംഘത്തെയും നിയോഗിച്ചു.
വെറ്ററിനറി ഡോക്ടര്, വെറ്ററിനറി ഇന്സ്പെക്ടര്, 2 വെറ്ററിനറി അസിസ്റ്റന്റുമാര് എന്നിവരടങ്ങുന്നതാണ് സംഘം. ചരക്കുവണ്ടികള് ഉള്പ്പെടെ എല്ലാ വാഹനങ്ങളും പരിശോധിച്ചശേഷം അണുനാശിനി തളിച്ചാണ് കടത്തിവിടുന്നത്. പക്ഷിപ്പനി പടരുന്നത് തടയാനുള്ള നടപടികള് ഊര്ജിതമാക്കിയതായി ആരോഗ്യവകുപ്പ് അറിയിച്ചു. ആലപ്പുഴയില് കൂടുതല് മേഖലകളില് പക്ഷിപ്പനി ബാധിച്ചതായി സംശയിക്കുന്നുണ്ട്. ആരോഗ്യവകുപ്പ് ജാഗ്രതാ നിര്ദേശം നല്കി.
പക്ഷിപ്പനി ലക്ഷണങ്ങള് കണ്ടെത്തിയാല് ഉടന് പൊതുജനാരോഗ്യവകുപ്പിനെ അറിയിക്കാനും നിര്ദേശം നല്കിയിട്ടുണ്ട്. ചെറുതന, ഇടത്വ മേഖലകളില് പക്ഷിപ്പനി ബാധിച്ച താറാവുകളെ കൊന്നൊടുക്കും. പക്ഷിപ്പനി നേരിടാന് ജാഗ്രതയോടെയുള്ള നടപടി തുടരുമെന്ന് മൃഗസംരക്ഷണ വകുപ്പ് മന്ത്രി ജെ ചിഞ്ചുറാണി പറഞ്ഞു.