HEALTH
കൊതുകിലൂടെ പിടിപെടുന്ന രോഗങ്ങള്ക്കെതിരെ ജാഗ്രത പാലിക്കുക, കൊതുകിനെ അകറ്റുന്നതിന് വീട്ടില് തന്നെ പരീക്ഷിക്കാവുന്ന ചില മാര്ഗ്ഗങ്ങള് ഇതാ
3>സംസ്ഥാനത്ത് ചില ജില്ലകളിലെ പല ഭാഗങ്ങളില് കൊതുകിനാല് പകരുന്ന രോഗങ്ങള് റിപ്പോര്ട്ട് ചെയ്യുന്നുണ്ട്. ഇതിനെതിരെ ജാഗ്രത പാലിക്കണമെന്നാണ് ആരോഗ്യ വകുപ്പിന്റെ മുന്നറിയിപ്പ്. ഇപ്പോഴിതാ ജാഗ്രത പാലിക്കേണ്ട രോഗങ്ങളായ ഡെങ്കിപ്പനി ചിക്കന്ഗുനിയ മലേറിയ തുടങ്ങിയവയ്ക്ക് എതിരെ ശ്രദ്ധിക്കേണ്ട കാര്യങ്ങളെ കുറിച്ചാണ് പറയുന്നത്.
ആരോഗ്യ വകുപ്പിന്റെ മുന്നറിയിപ്പ് പ്രകാരം 8- 10 ദിവസത്തിനുള്ളില് തന്നെ വൈറസുകള് കൊതുകിന്റെ ഉമിനാര് ഗ്രന്ഥിയില് പ്രവേശിക്കുന്നു. ചിക്കന്ഗുനിയ, ഡെങ്കിപ്പിനി, മലേറിയ എന്നിവ കൊതുകിലൂടെ പിടിപെടുന്ന രോഗമാണ്. ജനങ്ങള് കൊതുക് വളരുന്നതിനുള്ള സാഹചര്യം വീടുകളിലോ പരിസരപ്രദേശങ്ങളിലോ ഇല്ല എന്ന് ഉറപ്പ് വരുത്തേണ്ടതാണ്. കൊതുകിനെ അകറ്റുന്നതിന് വീട്ടില് തന്നെ പരീക്ഷിക്കാവുന്ന ചില മാര്ഗങ്ങള്.
1. ഗ്രാമ്പൂവിന്റെയും നാരങ്ങയുടെയും മണം കൊതുകിന് അലോസരമുണ്ടാക്കും. ചെറുനാരങ്ങയില് ഗ്രാമ്പൂ കുത്തി മുറികളില് വയ്ക്കുന്നത് കൊതുകിനെ അകറ്റാന് സഹായിക്കും.
2. കാപ്പിപ്പൊടി കൊതുകുകളെ അകറ്റാനുള്ള മറ്റൊരു വഴിയാണ്. ഇവ അല്പം തുറന്ന ബൗളില് സൂക്ഷിക്കുന്നത് കൊതുകിനെ അകറ്റും.
3. കുരുമുളകുപൊടി സ്പ്രേ ചെയ്യുന്നത് കൊതുകിനെ എളുപ്പം തുരത്താന് സഹായിക്കും. കുരുമുളകുപൊടി ഏതെങ്കിലും എസന്ഷ്യല് ഓയിലില് കലര്ത്തി കൊതുക് ശല്യമുള്ള ഇടങ്ങളില് സ്പ്രേ ചെയ്യുക.
4. കര്പ്പൂരവള്ളി വീട്ടില് വളര്ത്തുന്നതും ലാവെന്ഡര് ഓയില് പോലുള്ള സ്വാഭാവിക ഓയിലുകള് ഉപയോഗിക്കുന്നതും കൊതുക് ശല്യം എളുപ്പം അകറ്റാനാകും.
ചായയും കാപ്പിയും ഒരു ദിവസം പോലും ഒഴിവാക്കാന് പറ്റാത്തവരാണോ? പണി വരുന്നുണ്ടെന്ന് ഇന്ത്യന് കൗണ്സില് ഓഫ് മെഡിക്കല് റിസര്ച്ച്
3>പലരുടേയും ഒരു ദിവസം തുടങ്ങുന്നത് ചായയോ കാപ്പിയോ കുടിച്ചാണ്. ചിലര്ക്ക് ഒരു ഗ്ലാസ് ചായയാണെങ്കില് മറ്റ് ചിലര്ക്ക് ഒന്നില് കൂടുതല് ചായ നിര്ബന്ധമാണ്. പക്ഷെ ചായ കുടിയുടെ അപകടത്തെ കുറിച്ച് പറയുകയാണ് ഇന്ത്യന് കൗണ്സില് ഓഫ് മെഡിക്കല് റിസര്ച്ച്.
അടുത്തിടെ ഭക്ഷണ മാര്ഗനിര്ദേശങ്ങള് അവതരിപ്പിച്ചപ്പോഴാണ് ഇക്കാര്യം അവര് വ്യക്തമാക്കിയത്. ചായയും കാപ്പിയും അമിതമായി കുടിക്കുന്നത് ആരോഗ്യ പ്രശ്നത്തിന് കാരണമാകുമെന്നാണ് വിദഗ്ദ്ധരുടെ അഭിപ്രായം. ഇന്ത്യയില് ഒരു വലിയ ജനവിഭാഗവും ചായയ്ക്കോ കാപ്പിക്കോ അടിമകളാണ്. ഭക്ഷണത്തിന് മുന്പോ ശേഷമോ ചായയും കാപ്പിയും കുടിക്കരുതെന്നും വിദഗ്ദ്ധര് വ്യക്തമാക്കുന്നു.
ചായയിലും കാപ്പിയിലും കഫീന് അടങ്ങിയിട്ടുണ്ട്. കഫീന് കേന്ദ്ര നാഡീവ്യവസ്ഥയെ ഉത്തേജിപ്പിക്കുന്നു. ഇത് മാനസികമായ പിരിമുറുക്കത്തിന് കാരണമാകുമെന്നാണ് കണ്ടെത്തല്.പ്രതിദിനം വെറും 300 മില്ലിഗ്രാം കഫീന് മാത്രമേ കഴിക്കാന് പാടുള്ളു. ഒരു കപ്പ് (150 മില്ലി) ബ്രൂഡ് കാപ്പിയില് 80-120 മില്ലിഗ്രാം കഫീന് അടങ്ങിയിരിക്കുന്നു. സാധാരണ കാപ്പിയില് 50-65 മില്ലിഗ്രാമും ചായയില് 30-65 മില്ലിഗ്രാം കഫീനും അടങ്ങിയിട്ടുണ്ട്.
ഭക്ഷണം കഴിക്കുന്നതിന് ഒരു മണിക്കൂര് മുന്പും ശേഷവും നിര്ബന്ധമായും കാപ്പിയും ചായയും ഒഴിവാക്കാന് വിദഗ്ദ്ധര് ജനങ്ങളോട് ആവശ്യപ്പെടുന്നു. ചായയിലും കാപ്പിയിലും ടാനിന് അടങ്ങിയിട്ടുണ്ട്. ഇത് ശരീരം ഇരുമ്പ് ആഗിരണം ചെയ്യുന്നത് കുറയ്ക്കുന്നതിന് കാരണമാകുന്നു. തുടര്ന്ന് അനീമിയ പോലുള്ള ആരോഗ്യപ്രശ്നങ്ങള് വരാന് ഇടയാക്കും. അമിതമായ കാപ്പി ഉപഭോഗം ഉയര്ന്ന രക്തസമ്മര്ദ്ദത്തിനും ഹൃദയ സംബന്ധമായ പ്രശ്നങ്ങള്ക്കും കാരണമാകുമെന്ന് റിപ്പോര്ട്ടുണ്ട്. എണ്ണ, പഞ്ചസാര, ഉപ്പ് എന്നിവയുടെ ഉപയോഗം പരിമിതപ്പെടുത്തിക്കൊണ്ട് പഴങ്ങള്, പച്ചക്കറികള്, ധാന്യങ്ങള്, മാംസം, സമുദ്രവിഭവങ്ങള് എന്നിവ അടങ്ങിയ ഭക്ഷണക്രമവും വിദഗ്ദ്ധര് ശുപാര്ശ ചെയ്യുന്നുണ്ട്.
മലപ്പുറത്തെ മഞ്ഞപ്പിത്ത വ്യാപനം കണക്കിലെടുത്ത് ഒരു മാസത്തെ തീവ്രയജ്ഞ പരിപാടി പ്രഖ്യാപിച്ച് ആരോഗ്യവകുപ്പ്, കൊവിഡ് സമയത്തെ പോലെ ജാഗ്രത പുലര്ത്തണമെന്ന് ഡിഎംഒ
3>മലപ്പുറത്തെ മഞ്ഞപ്പിത്ത വ്യാപനം കണക്കിലെടുത്ത് തുടര്ന്ന് ഒരു മാസത്തെ തീവ്രയജ്ഞ പരിപാടി പ്രഖ്യാപിച്ചു. ആരോഗ്യവകുപ്പിന്റെ നേതൃത്വത്തില് വിവിധ വകുപ്പുകളെ ഏകോപിപ്പിച്ചായിരിക്കും ആരോഗ്യ പ്രവര്ത്തനം.
സംസ്ഥാനത്ത് ഇതിന് മുന്പത്തെ വര്ഷങ്ങളെ അപേക്ഷിച്ച് മഞ്ഞപ്പിത്ത രോഗം വര്ധിക്കുന്നതായി റിപ്പോര്ട്ട് ലഭിച്ചതിനെ തുടര്ന്നാണ് തീവ്രയജ്ഞ പരിപാടി പ്രഖ്യാപിച്ചിരിക്കുന്നത്. കഴിഞ്ഞ വര്ഷത്തേ അപേക്ഷിച്ച് ഇരട്ടി പേര് ഈ അഞ്ച് മാസം കൊണ്ട് മരിച്ചതായാണ് ആരോഗ്യവകുപ്പ് പുറത്തുവിട്ട കണക്കുകള്. ഈ വര്ഷം മാത്രം മഞ്ഞപ്പിത്തം ബാധിച്ച് മരിച്ചവരുടെ എണ്ണം പതിമൂന്ന് ആയി. സംസ്ഥാനത്ത് അഞ്ച് മാസം കൊണ്ട് മഞ്ഞപ്പിത്തം ബാധിച്ചുള്ള മരണം രണ്ടക്കം പിന്നിട്ടു.
ഉച്ചഭാഷിണി ഉപയോഗിച്ച് മഞ്ഞപ്പിത്ത ബോധവല്ക്കരണം നടത്തുന്നതിന് യോഗത്തില് തീരുമാനമെടുത്തു. കൊവിഡ് സമയത്തെ പോലെ ജാഗ്രത പുലര്ത്തണമെന്ന് ഡിഎംഒ മുന്നറിയിപ്പ് നല്കി.
രോഗബാധിതര് മറ്റുള്ളവരുമായി ഒരു മാസം സമ്പര്ക്കം ഉണ്ടാവരുത്, രോഗികളുടെ വീടുകളില് സന്ദര്ശനം പ്രോത്സാഹിപ്പിക്കരുത്, കുടിക്കാന് തിളപ്പിച്ചാറിയ വെള്ളം മാത്രം ഉപയോഗിക്കണം, കടകളില് ജ്യുസുകള് തയ്യാറാക്കാനും തിളപ്പിച്ചാറിയ വെള്ളം വേണം ഉപയോഗിക്കാന്, കിണറുകള് ക്ലൊറിനേറ്റ് ചെയ്യണം, മാലിന്യ സംസ്കരണം കാര്യക്ഷമമായി നടത്തണം, ഉല്ലാസ യാത്ര പോകുന്നവര് ജാഗ്രത പുലര്ത്തണം എന്നീ മുന്നറിയിപ്പുകളും പുറവെടുപ്പിച്ചിട്ടുണ്ട്.
കേരളത്തില് വീണ്ടും പക്ഷിപ്പനി, ആലപ്പുഴയ്ക്ക് പിന്നാലെ പത്തനംതിട്ട തിരുവല്ല സര്ക്കാര് താറാവ് വളര്ത്തല് കേന്ദ്രത്തിലാണ് പക്ഷിപ്പനി സ്ഥിരീകരിച്ചത്
3>കേരളത്തില് വീണ്ടും പക്ഷിപ്പനി പടരുന്നതായി റിപ്പോര്ട്ട്. ആലപ്പുഴയ്ക്ക് പിന്നാലെ പത്തനംതിട്ട തിരുവല്ല നിരണത്തെ സര്ക്കാര് താറാവ് വളര്ത്തല് കേന്ദ്രത്തിലാണ് പക്ഷിപ്പനി സ്ഥിരീകരിച്ചത്. ഭോപ്പാലിലെ വൈറോളജി ഇന്സ്റ്റിറ്റ്യൂട്ടാണ് റിപ്പോര്ട്ട് നല്കിയത്.
കഴിഞ്ഞയാഴ്ച നിരവധി താറാവുകള് നിരണത്തെ താറാവ് വളര്ത്തല് കേന്ദ്രത്തില് കൂട്ടത്തോടെ ചത്തിരുന്നു. ഇതിനെത്തുടര്ന്നാണ് സാമ്പിളുകള് പരിശോധിച്ചത്. പക്ഷിപ്പനി സ്ഥിരീകരിച്ച സാഹചര്യത്തില് പ്രതിരോധ നടപടികള് ആരംഭിച്ചതായി അധികൃതര് അറിയിച്ചു.
ആലപ്പുഴയിലെ തഴക്കര ഗ്രാമപഞ്ചായത്തിലെ വെട്ടിയാര് പെരുവേലില് ചാല് പുഞ്ചയില് തീറ്റക്കായി കൊണ്ടുവന്ന താറാവ് കൂട്ടത്തിലാണ് രോഗം കണ്ടെത്തിയിരുന്നു. 70 ദിവസം പ്രായമുള്ള 10,000 താറാവുകളില് 3000 എണ്ണം ചത്തു.
സംസ്ഥാനത്ത് പക്ഷിപ്പനി സ്ഥിരീകരിച്ചതോടെ കേരള -തമിഴ്നാട് അതിര്ത്തികളില് പരിശോധന ശക്തമാക്കി.
ഉറക്കക്കുറവ് ആണോ പ്രശ്നം, ഈ പാനീയങ്ങള് നല്ല ഉറക്കം ലഭിക്കാന് സഹായിക്കും
3>നല്ല ഭക്ഷണം നല്ല വ്യായാമം പോലെ തന്നെ പ്രധാനമാണ് നല്ല ഉറക്കവും. എന്നാല് രാത്രികാല ഉറക്കം ചിലര്ക്ക് നല്ല രീതിയില് ലഭിക്കണമെന്നില്ല. ചില അനാവശ്യ ഡയറ്റോ, ടെന്ഷനോ എല്ലാം ഉറക്കക്കുറവിന് കാരണമായേക്കാം. എന്നാല് നല്ല ഉറക്കം കിട്ടാന് ചില പാനീയങ്ങള് സഹായിക്കും. മനസ്സിലും ശരീരത്തിനും നല്ല ആരോഗ്യം ലഭിക്കാന് നല്ല ഉറക്കത്തിനായി ഉപകരിക്കുന്നതാണ് ഈ പാനീയങ്ങള്. രാത്രി നല്ല ഉറക്കം ലഭിക്കാന് സഹായിച്ചേക്കാവുന്ന ചില പാനീയങ്ങള് ഇവയെല്ലാമാണ്.
പാല്:ഉറക്കത്തെ സഹായിക്കുന്ന 'മെലാറ്റോണിന്' എന്ന ഹോര്മോണ് ഉത്പാദിപ്പിക്കുന്ന 'ട്രിപ്റ്റോഫാനെ' തലച്ചോറിലേക്ക് എത്തിക്കുന്ന പ്രവര്ത്തനം പാലിലുള്ള കാത്സ്യം നിര്വഹിക്കുന്നു. അതിനാല് രാത്രി ഒരു ഗ്ലാസ് ചൂടുപാല് കുടിക്കുന്നത് നല്ല ഉറക്കത്തിന് സഹായിക്കും.
ബദാം മില്ക്ക്:ബദാമില് അടങ്ങിയിരിക്കുന്ന മഗ്നീഷ്യം ഉറക്കത്തിന് സഹായിക്കുന്ന മെലാറ്റോണിന്റെ ഉത്പാദനം നിയന്ത്രിക്കുന്നു. അതിനാല് ബദാം പാല് കുടിക്കുന്നത് ഉറക്കക്കുറവിനെ പരിഹരിക്കാന് സഹായിക്കും.
മഞ്ഞള് പാല്:രാത്രി പാലില് ഒരു നുള്ള് മഞ്ഞള് ചേര്ത്ത് കുടിക്കുന്നത് നല്ല ഉറക്കത്തിന് സഹായിക്കും. മഞ്ഞളിലെ കുര്കുമിന് ആണ് ഇതിന് സഹായിക്കുന്നത്.
ചെറി ജ്യൂസ്:ഉറക്കക്കുറവ് പരിഹരിക്കുന്ന മെലാറ്റോനിന് ചെറുപ്പഴത്തില് ധാരാളം ഉണ്ട്. അതിനാല് ചെറി ജ്യൂസ് രാത്രി കുടിക്കുന്നത് നല്ല ഉറക്കത്തിന് സഹായിക്കും.
കിവി ജ്യൂസ്:ഉയര്ന്ന ആന്റി ഓക്സിഡന്റ് അളവുകളുള്ള കിവി ജ്യൂസ് കുടിക്കുന്നതും നല്ല ഉറക്കം ലഭിക്കാന് സഹായിക്കും.
പെപ്പര്മിന്റ് ടീ:പെപ്പര്മിന്റ് ഇലയില് അടങ്ങിയിരിക്കുന്ന ആന്റി ഓക്സിഡന്റുകള് നല്ല ഉറക്കം ലഭിക്കാന് സഹായിക്കും. അതിനാല് പെപ്പര്മിന്റ് ടീ രാത്രി കുടിക്കാം.
ഇഞ്ചി ചായ:ആന്റി- ഇന്ഫ്ലമേറ്ററി ഗുണങ്ങളും, ആന്റി ഓക്സിഡന്റ് ഗുണങ്ങളും അടങ്ങിയ ഇഞ്ചി ചായ ഡയറ്റില് ഉള്പ്പെടുത്തുന്നതും നല്ല ഉറക്കം ലഭിക്കാന് സഹായിക്കും.
ശ്രദ്ധിക്കുക: ന്യൂട്രീഷനിസ്റ്റിന്റെയോ ആരോഗ്യവിദഗ്ധന്റെയോ ഉപദേശം തേടിയശേഷം ആഹാരക്രമത്തില് മാറ്റം വരുത്തുക.
സംസ്ഥാനത്ത് 67കാരന് മരിച്ചത് വെസ്റ്റ് നൈല് ബാധിച്ചാണെന്ന് സംശയം, സ്വകാര്യ ആശുപത്രിയില് ചികിത്സയിലിരിക്കെയാണ് സുകുമാരന്റെ മരണം
3>പാലക്കാട് കാഞ്ഞിക്കുളം സ്വദേശി 67 കാരനായ സുകുമാരന് മരിച്ചത് വെസ്റ്റ് നൈല് ബാധിച്ചാണെന്ന് സംശയം. പെരിന്തല്മണ്ണയിലെ സ്വകാര്യ ആശുപത്രിയില് ചികിത്സയിലിരിക്കെയാണ് സുകുമാരന്റെ മരണം. മെയ് 5ന് വീട്ടില് വെച്ച് ഛര്ദ്ദിച്ചതിനെ തുടര്ന്ന് ആശുപത്രിയില് പ്രവേശിപ്പിക്കുകയായിരുന്നു. ഇതോടെ വടക്കന് ജില്ലകളില് ആരോ?ഗ്യവകുപ്പ് നിരീക്ഷണം ഏര്പ്പെടുത്തി.
സംസ്ഥാനത്ത് ഈ മാസം ഏഴ് പേര്ക്കാണ് വെസ്റ്റ് നൈല് പനി ബാധിച്ചത്. തൃശൂരില് കഴിഞ്ഞ ദിവസം വെസ്റ്റ് ബാധിച്ചുള്ള മരണം സ്ഥിരീകരിച്ചിരുന്നു. കൂടാതെ പണ്ടു പേര് പനിയുടെ ലക്ഷണങ്ങളോടെ ആശുപത്രിയില് ചികിത്സയിലാണ്. കോഴിക്കോട്, മലപ്പുറം ജില്ലകളിലും രോ?ഗബാധ സ്ഥിരീകരിച്ചിട്ടുണ്ട്.
ജില്ലാ ഓഫീസര്മാര്ക്ക് ജാഗ്രതാനിര്ദേശം നല്കിയെങ്കിലും ആശങ്കപ്പെടേണ്ട സാഹചര്യമില്ലെന്നും ഐസൊലേഷന് വാര്ഡുകള് നിലവില് തുറക്കേണ്ടതില്ലെന്നുമാണ് ആരോഗ്യ വകുപ്പ് അധികൃതര് പറയുന്നത്.
കാറില് സഞ്ചരിക്കുമ്പോള് ക്യാന്സറിന് കാരണമാകുന്ന രാസവസ്തുക്കള് ശ്വസിക്കുന്നോ? പുതിയ പഠനം ഇങ്ങനെ
3>കാറില് വളരെ സൗകര്യത്തോടെയുള്ള യാത്രകള് പക്ഷെ നമ്മെ അപകടത്തിലേക്കാണ് നയിക്കുന്നതെന്ന് പഠനങ്ങള് പറയുന്നു. കാറിലെ യാത്ര നിങ്ങളെ ഒരു ക്യാന്സര് രോഗിയാക്കുമെന്നാണ് പഠനങ്ങള് പറയുന്നത്. കാറില് സഞ്ചരിക്കുമ്പോള് ക്യാന്സറിന് കാരണമാകുന്ന രാസവസ്തുക്കള് ശ്വസിക്കുന്നതായാണ് കണ്ടെത്തല്.
എന്വയോണ്മെന്റല് സയന്സ് ആന്ഡ് ടെക്നോളജിയില് പ്രസിദ്ധീകരിച്ച പഠനത്തിലാണ് ഇക്കാര്യം വ്യക്തമാക്കുന്നത്. 2015നും 2022നും ഇടയിലുള്ള 101 ഇലക്ട്രിക്, ഗ്യാസ്, ഹൈബ്രിഡ് കാറുകളുടെ ഉള്ളിലെ വായുവില് ഗവേഷകര് വിശകലനം ചെയ്തു. ഇതില് 99ശതമാനം കാറുകളിലും ടിസിഐപിപി എന്ന ഫ്ലേം റിട്ടാര്ഡന്റ് (തീ അണയ്ക്കാന് സഹായിക്കുന്ന രാസവസ്തു) അടങ്ങിയിട്ടുണ്ടെന്ന് കണ്ടെത്തി. ഇത് ശ്വസിക്കുന്നതിലൂടെ ക്യാന്സര് പോലുള്ള മാരക രോഗങ്ങള് വരുന്നുവെന്നാണ് കണ്ടെത്തല്.
കൂടാതെ പ്രത്യുല്പാദന ശേഷി കുറയ്ക്കുന്നതിനും ഇത് കാരണമായേക്കമെന്ന് ഗവേഷകര് പറയുന്നു. ദിവസവും കാറില് ദീര്ഘ ദൂരം സഞ്ചരിക്കുന്നവര്ക്ക് ഇത് വളരെ ദോഷകരമാണ്. ഇത്തരം രാസവസ്തുക്കളുടെ അളവ് വേനല് കാലത്ത് കാറിനുള്ളില് കൂടുതലായിരിക്കുമെന്നും പഠനത്തില് കണ്ടെത്തിയിട്ടുണ്ട്. സീറ്റിലെ കുഷ്യനാണ് കൂടുതലായി കാറിനുള്ളിലെ വായുവില് രാസവസ്തുക്കള് കൂട്ടുന്നതിന് കാരണമാകുന്നതെന്നാണ് പഠന റിപ്പോര്ട്ട്. നശിക്കാതിരിക്കാന് നിരവധി രാസവസ്തുക്കളാണ് സീറ്റ് കുഷ്യനില് ചേര്ക്കുന്നത്. കാറിന്റെ വിന്ഡോകള് തുറന്ന് തണലില് വാഹനം പാര്ക്ക് ചെയ്യുമ്പോള് ഈ രാസവസ്തുക്കളുടെ സമ്പര്ക്കം കുറയ്ക്കാന് സഹായിക്കുന്നതായി ഗവേഷകര് പറയുന്നു.
വാക്സിന് വിവാദങ്ങള്ക്കിടയില്, വാക്സിന് പിന്വലിച്ച് നിര്മ്മാണ കമ്പനിയായ ആസ്ട്രാസെനെക
3>അപൂര്വ്വമായ പാര്ശ്വഫലങ്ങള്ക്ക് കോവിഷീല്ഡ് കാരണമാകുന്നു എന്ന വാര്ത്തകള് എല്ലായിടത്തും പരക്കുനന്തിനിടെ വാക്സിന് പിന്വലിച്ച് നിര്മ്മാണ കമ്പനിയായ ആസ്ട്രാസെനെക. കോവിഡ് വാക്സിന് ഉത്പാദനവും വിതരണവും പൂര്ണമായി അവസാനിപ്പിക്കുന്നതായാണ് കമ്പനി അറിയിച്ചിരിക്കുന്നത്.
വാണിജ്യപരമായ കാരണങ്ങളാല് വാക്സിന് വിപണിയില് നിന്ന് നീക്കം ചെയ്യുകയാണെന്ന് ആസ്ട്രസെനെക പറഞ്ഞയായി ദ ടെലിഗ്രാഫിന്റെ റിപ്പോര്ട്ട് പറയുന്നു. കോവിഡ് -19നുള്ള വാക്സിനുകളുടെ ലഭ്യത അധികമായതിനാലും പുതിയ വകഭേദങ്ങളെ പ്രതിരോധിക്കാന് കഴിവുള്ള നവീകരിച്ച വാക്സിനുകള് കോവിഷീല്ഡിനെ അപ്രസക്തമാക്കിയെന്നും കമ്പനി വിശദീകരിക്കുന്നു.
യുകെ. ഹൈക്കോടതിക്ക് മുമ്പാകെയെത്തിയ പരാതിക്ക് മറുപടിയായാണ് കോവിഷീല്ഡ് വാക്സിന് അപൂര്വസാഹചര്യങ്ങളില് രക്തം കട്ടപിടിക്കുന്നതിനും പ്ലേറ്റ്ലേറ്റ് കൗണ്ട് കുറയുന്നതിനും കാരണമാകുമെന്ന് കമ്പനി അറിയിച്ചത്.
ഓക്സ്ഫഡ് സര്വകലാശാലയുമായിച്ചേര്ന്ന് ആസ്ട്രസെനെക വികസിപ്പിച്ച വാക്സിന്, സിറം ഇന്സ്റ്റ്യിറ്റിയൂട്ട് ഓഫ് ഇന്ത്യയാണ് കോവിഷീല്ഡ് എന്ന പേരില് ഇന്ത്യയില് നിര്മ്മിച്ചത്.
കോഴിക്കോട്, മലപ്പുറം ജില്ലകളിലായി 10 പേര്ക്ക് വെസ്റ്റ്നൈല് ഫീവര് സ്ഥിരീകരിച്ചു, സ്വകാര്യ ആശുപത്രിയില് 2 പേരുടെ മരണം സ്ഥിരീകരിച്ചു
3>കോഴിക്കോട്, മലപ്പുറം ജില്ലകളിലായി 10 പേര്ക്ക് വെസ്റ്റ്നൈല് ഫീവര് സ്ഥിരീകരിച്ചു. ഇതില് 4 പേര് കോഴിക്കോട് ജില്ലക്കാരാണ്. 2 പേര് സ്വകാര്യ ആശുപത്രിയില് മരിച്ചിട്ടുണ്ട്. വൃക്ക മാറ്റിവച്ച ശേഷം തുടര് ചികിത്സയില് കഴിയുന്ന ഇവരുടെ മരണം ഈ രോഗം മൂലമാണെന്ന് ഔദ്യോഗികമായി സ്ഥിരീകരിച്ചിട്ടില്ല. രോഗം ബാധിച്ച് കോഴിക്കോട് ജില്ലക്കാരനായ ഒരാള് ഗുരുതരാവസ്ഥയില് സ്വകാര്യ ആശുപത്രിയില് ചികിത്സയിലുണ്ട്.
രോഗ ലക്ഷണങ്ങള് കാണപ്പെട്ടവരുടെ രക്തം, നട്ടെല്ലില് നിന്ന് കുത്തിയെടുത്ത നീര് എന്നിവ മെഡിക്കല് കോളജ് മൈക്രോബയോളജി വിഭാഗത്തിലെ വൈറസ് റിസര്ച് ആന്ഡ് ഡയഗ്നോസ്റ്റിക് ലബോറട്ടറിയില് (വിആര്ഡിഎല്) പരിശോധന നടത്തിയപ്പോഴാണ് രോഗം വെസ്റ്റ്നൈല് ഫീവറാണെന്നു കണ്ടെത്തിയത്. പിന്നീട് സ്രവങ്ങള് പുണെ നാഷനല് ഇന്സ്റ്റിറ്റ്യൂട്ട് ഓഫ് വൈറോളജിയിലേക്ക് അയയ്ക്കുകയും അവിടെ നിന്നു വെസ്റ്റ്നൈല് ഫീവറാണെന്നു സ്ഥിരീകരിക്കുകയുമായിരുന്നു.
പനി, തലവേദന, അപസ്മാരം, പെരുമാറ്റത്തിലെ വ്യത്യാസം, ബോധക്ഷയം, കൈകാല് തളര്ച്ച തുടങ്ങിയവയാണ് രോഗലക്ഷണങ്ങള്. ഇതിനു സമാനമാണ് മസ്തിഷ്കജ്വരത്തിന്റെയും ലക്ഷണങ്ങള്. ഇതിനാല് രോഗ ബാധയുണ്ടായ ചിലര്ക്ക് മസ്തിഷ്കജ്വരമാണെന്ന നിഗമനത്തിലാണ് ആദ്യം ചിലയിടത്ത് ചികിത്സ നല്കിയതെന്നു പറയുന്നു.
മെഡിക്കല് കോളജിലെ വിആര്ഡിഎല് ലാബിലെ പരിശോധനയിലെ സ്ഥിരീകരണത്തിനു ശേഷമാണ് തുടര്നടപടികളുണ്ടായത്. ക്യൂലക്സ് കൊതുകുകളാണ് രോഗം പരത്തുന്നത്. മനുഷ്യനില് നിന്ന് മനുഷ്യരിലേക്കു രോഗം പകരില്ല. രോഗം ബാധിച്ച മൃഗം, പക്ഷി തുടങ്ങിയവയെ കടിച്ച കൊതുകു മനുഷ്യനെ കടിക്കുമ്പോഴാണ് രോഗം പകരുക.പ്രതിരോധ ശേഷി കുറഞ്ഞവരിലാണ് രോഗം കൂടുതല് അപകടകാരിയാകുക.
സാരി ഉടുത്താല് ഉടന് ക്യാന്സര് വരുമോ? എന്താണ് സാരി ക്യാന്സര് എന്ന് അറിയണം
3>കഴിഞ്ഞ ദിവസങ്ങളില് മെഡിക്കല് ലോകത്ത് നിന്നും ഏറ്റവും കുടുതല് കേട്ട പേരാണ് സാരി ക്യാന്സര്. പലരും ഈ പേര് കേട്ട് പല പല തെറ്റിദ്ധാരണയിലാണ്. സാരി ഉടുത്താല് സാരി ക്യാന്സര് വരുമെന്ന് വരെ ചിന്തിച്ചവരുണ്ട്. എന്നാല് എന്താണ് യഥാര്ത്ഥത്തില് സാരി ക്യാന്സര് എന്ന് അറിയേണ്ടതുണ്ട്.
സാരി ക്യാന്സര് എന്നു പറഞ്ഞാല് സാരി ഉടുത്താല് ഉടന് ക്യാന്സര് വരുമെന്നല്ല. സ്ക്വാമസ് സെല് കാര്സിനോമ (എസ്സിസി) ആണ് സാരി കാന്സര് എന്ന് അറിയപ്പെടുന്നത്. ഇറുകിയ വസ്ത്രം ധരിക്കുമ്പോള്, പ്രത്യേകിച്ച അരക്കെട്ടിന് താഴെ വീക്കമുണ്ടാവുകയും പിന്നീട് ഗുരുതരവുമാകുന്ന അവസ്ഥയാണിത്. 1945-ല് ദോത്തി കാന്സര് എന്ന പദപ്രയോഗവും സമാനരീതിയില് എത്തിയതാണ്. 2011-ല് ഇന്ത്യന് മെഡിക്കല് അസോസിയേഷന്റെ ജേര്ണലില് ഇത് സംബന്ധിച്ചുള്ള പരാമശിച്ചിരുന്നു.
ദീര്ഘനേരം സാരി പോലുള്ള വസ്ത്രം വെയ്സ്റ്റ് ഡെര്മറ്റോസിസ് ആവുകയും പിന്നീടത് ഗുരുതരമാവുകയും ചെയ്യും. തുടര്ന്ന് അര്ബുദത്തിലേക്ക് നയിക്കുകയും ചെയ്യാം. അരക്കെട്ടിനെ ബാധിക്കുന്ന അര്ബുദത്തെയാണ് സാരി കാന്സര് എന്ന് വിളിക്കുന്നത്.
ചര്മ്മത്തിന് പുറത്തെ സ്ക്വാമസ് കോശങ്ങളെയാണ് അര്ബുദം ബാധിക്കുക. അമിത സൂര്യപ്രകാശമേല്ക്കുന്ന ശരീരഭാഗങ്ങളിലും സാരി കാന്സര് ഉണ്ടാവാന് സാധ്യതയുണ്ട്. ചര്മ്മത്തിലെ ചുവന്ന പാടുകള്, വ്രണങ്ങള്, അരക്കെട്ടിന് സമീപമുണ്ടാകുന്ന മുഴകള് എന്നിവയാണ് സാരി കാന്സറിന്റെ ലക്ഷണങ്ങള്.