നിരവധി ഇന്ത്യൻ വിദ്യാർത്ഥികൾക്ക് മികച്ച കരിയർ ലഭ്യമാക്കിയ യുകെയിലെ പ്രമുഖ വിദ്യാഭ്യാസ സ്ഥാപനമാണ് യൂണിവേഴ്സിറ്റി ഓഫ് ഈസ്റ്റ് ആംഗ്ലിയ (UEA).
യുകെയിലെ മികച്ച 25 സർവ്വകലാശാലകളുടെ ലിസ്റ്റിൽ ഇടംപിടിച്ചിട്ടുള്ള യൂണിവേഴ്സിറ്റി ഓഫ് ഈസ്റ്റ് ആംഗ്ലിയ (UEA), വിവിധ അക്കാദമിക് പ്രോഗ്രാമുകളിൽ ഇന്ത്യൻ വിദ്യാർത്ഥികൾക്കായി രൂപകൽപ്പന ചെയ്ത സ്കോളർഷിപ്പുകളുടെ ഈവർഷത്തെ സ്യൂട്ട് പുറത്തിറക്കി .
2024-2025 അധ്യയന വർഷത്തിലെ ബിരുദ, ബിരുദാനന്തര കോഴ്സുകളിൽ അപേക്ഷക്കുന്നവർക്ക് ഈ സ്കോളർഷിപ് ലഭ്യമാണ്. ട്യൂഷൻ ഫീസ്, താമസം, ജീവിതച്ചെലവ് എന്നിവ ഉൾക്കൊള്ളുന്നതാണ് ഈ സ്കോളർഷിപ്പുകൾ.
ഇന്ത്യൻ വിദ്യാർത്ഥികൾക്ക് മാത്രമായി രൂപകൽപന ചെയ്തിട്ടുള്ളതാണ് ഈ സ്കോളർഷിപ്പുകൾ എന്നതാണ് എടുത്തുപറയേണ്ട പ്രത്യേകത. ഇന്ത്യൻ യൂണിവേഴ്സിറ്റികളിൽ നിന്ന് ഉയർന്ന ഗ്രേഡിൽ ബിരുദം നേടിയവർക്ക് അപേക്ഷിക്കാം.
UEA ഇന്ത്യ അവാർഡ്:
£4,000 സാമ്പത്തിക സഹായം നൽകുന്ന UEA ഇന്ത്യ അവാർഡ് എന്ന സ്കോളർഷിപ്പ് സാമ്പത്തിക ശാസ്ത്രം, ഹ്യുമാനിറ്റീസ്, എഞ്ചിനീയറിംഗ്, കെമിസ്ട്രി, നിയമം തുടങ്ങിയ വിഷയങ്ങളിൽ വിവിധ പ്രോഗ്രാമുകൾ പഠിക്കാൻ ഇന്ത്യൻ ബിരുദാനന്തര ബിരുദ വിദ്യാർത്ഥികൾക്കായി നൽകുന്നു.
യുഇഎയുടെ പ്രവേശന യോഗ്യതകളും മാനദണ്ഡങ്ങളും ഉള്ളവർ കോഴ്സിന് യോഗ്യത നേടുമ്പോൾ തന്നെ സ്കോളര്ഷിപ്പിനും സ്വയമേവ യോഗ്യത നേടുന്നു.
UEA ഇന്ത്യ അണ്ടർ ഗ്രാജുവേറ്റ് സ്കോളർഷിപ്പ്:
ഈ സ്കീമിൽ UEA-യിൽ ബിരുദാനന്തര ബിരുദം തേടുന്ന, കോഴ്സിൽ ഉയർന്ന യോഗ്യതാ നിലവാരമുള്ള ഇന്ത്യൻ വിദ്യാർത്ഥികൾക്ക് അവരുടെ പ്രോഗ്രാമിൻ്റെ ആദ്യവർഷത്തേക്ക് £4,000 ട്യൂഷൻ ഫീസ് ഇളവ് ലഭിക്കും.
ഗ്ലോബൽ അണ്ടർ ഗ്രാജുവേറ്റ് എക്സലൻസ് സ്കോളർഷിപ്പ്:
ഈ സ്കോളർഷിപ്പ് UEA-യിൽ ബിരുദ പ്രോഗ്രാമുകൾ പഠിക്കാനുള്ള ഓഫറുമായി മികച്ച റിസൾട്ടുള്ള അന്തർദ്ദേശീയ വിദ്യാർത്ഥികൾക്ക് സമ്മാനിക്കുന്നു. പ്രതിവർഷം £4,000 മൂല്യമുള്ളതാണ് ഈ ഗ്രേഡിലെ സാധാരണ സ്കോളർഷിപ്പ്. അതേസമയം ഉയർന്ന യോഗ്യതയുള്ള അപേക്ഷകർക്ക് പ്രതിവർഷം £10,000 വരെ ലഭിച്ചേക്കാം.
ഡേവിഡ് സെയിൻസ്ബറി ഫുൾ എംഎസ്സി സ്കോളർഷിപ്പ്:
ഗ്ലോബൽ പ്ലാൻ്റ് ഹെൽത്തിൽ എംഎസ്സിക്ക് അപേക്ഷിക്കുന്ന ഉദ്യോഗാർത്ഥികൾക്ക് ഈ സ്കോളർഷിപ്പ് ലഭ്യമാണ്. ഈ സ്കോളർഷിപ്പ് മുഴുവൻ ട്യൂഷൻ ഫീസും (£31,500) ഉൾക്കൊള്ളുന്നു, മെയിൻ്റനൻസ് ഗ്രാൻ്റ് നൽകുന്നു,
കൂടാതെ യാത്രാ ചെലവുകൾക്കായി £4,000 അധികമായി വാഗ്ദാനം ചെയ്യുന്നു.
ഈസ്റ്റ് ആംഗ്ലിയ യൂണിവേഴ്സിറ്റിയുടെ ഓരോ സ്കോളർഷിപ്പും അദ്വിതീയമാണ്, ഒന്ന് മറ്റൊന്നുമായും മറ്റുള്ളവരുടേതുമായും താരതമ്യപ്പെടുത്താൻ കഴിയില്ല.
ഈസ്റ്റ് ആംഗ്ലിയ സർവ്വകലാശാല ലോകത്തെ പ്രമുഖ ഗവേഷണ പഠന യൂണിവേഴ്സിറ്റി എന്ന നിലയിലും പ്രശസ്തമാണ്, ഗവേഷണ പഠനത്തിന് ആഗോളതലത്തിൽ മികച്ച 50-ൽ റാങ്ക് ചെയ്യപ്പെട്ടിരിക്കുന്നു.
ടീച്ചിംഗ് എക്സലൻസ് കാറ്റഗറിയിൽ ആഗോളതലത്തിൽ ഗോൾഡ് മെഡൽ നേടിയ യൂണിവേഴ്സിറ്റി, യൂറോപ്പിലെ പരിസ്ഥിതി, ആരോഗ്യം, സസ്യ ശാസ്ത്രം എന്നിവയിൽ ഗവേഷകരുടെ ഏറ്റവും വലിയ കേന്ദ്രമായ നോർവിച്ച് റിസർച്ച് പാർക്കിലെ പ്രധാന അംഗവുമാണ്.
കൂടുതൽ വിവരങ്ങൾക്കും അപേക്ഷകൾക്കും, UEA വെബ്സൈറ്റ് സന്ദർശിക്കുക:
www.uea.ac.uk