ബ്രിട്ടനില് ദക്ഷിണ മേഖലയില് മഞ്ഞ് കൊടുങ്കാറ്റുകള് വീശിയടിച്ചതോടെ രാജ്യത്ത് താപനില -10 സെല്ഷ്യസ് വരെ താണു. രാജ്യത്തിന്റെ ഭൂപിഭാഗം ഇടങ്ങളിലും യെല്ലോ സ്നോ ആന്ഡ് ഐസ് വര്ണിംഗ് നിലവില് വന്നതോടെ പലയിടങ്ങളിലും റോഡുകള് ഗതാഗതയോഗ്യമല്ലെന്ന റിപ്പോര്ട്ടുകളും പുറത്തു വരുന്നുണ്ട്. ശൈത്യകാല വര്ഷത്തിന്റെ ഭാഗമായി വടക്കന് ഇംഗ്ലണ്ടില് ഉടലെടുക്കുന്ന മഞ്ഞുമൂടിയ ഉപരിതലം പലയിടങ്ങളിലും യാത്ര ദുഷ്കരമാക്കും. രാത്രി 2 മണിക്കും രാവിലെ 8 മണിക്കും ഇടയില് തെക്കന് ഇംഗ്ലണ്ടില് മഞ്ഞുവീഴാന് സാധ്യതയുണ്ട്. അതുപോലെ വടക്കന് സ്കോട്ട്ലാന്ഡില് തിങ്കള് മുതല് ബുധന് വരെ മഞ്ഞുവീഴ്ച്ചയുണ്ടാകും.
ബ്രൈറ്റണ്, ചിചെസ്റ്റര്, കാന്റര്ബറി, ഡോവര് എന്നിവിടങ്ങളില് രാവിലെ 2 മുതല് 8 വരെ മെറ്റ് ഓഫീസ് മഞ്ഞ് മുന്നറിയിപ്പ് പുറപ്പെടുവിച്ചിട്ടുണ്ട്. സൗത്ത് മേഖലയില് യെല്ലോ മുന്നറിയിപ്പ് പ്രഖ്യാപിച്ചതോടെ സ്കോട്ട്ലണ്ടിന് മഞ്ഞും, ഐസും നേരിടേണ്ടി വരും. നോര്ത്തേണ് അയര്ലണ്ട്, നോര്ത്തേണ് ഇംഗ്ലണ്ട്, നോര്ത്തേണ് വെയില്സ്, മിഡ്ലാന്ഡ്സ് എന്നിവിടങ്ങളില് ഉള്പ്പെടെ ഐസ് മുന്നറിയിപ്പ് പുറപ്പെടുവിച്ചിട്ടുണ്ട്.
റോഡുകളിലൂടെ യാത്ര ചെയ്യുമ്പോള് തടസ്സങ്ങള് നേരിടാന് സാധ്യതയുള്ളതായി കാലാവസ്ഥാ നിരീക്ഷകര് വ്യക്തമാക്കി. റെയില്, വ്യോമ ഗതാഗതത്തിലും പ്രതിസന്ധി ഉടലെടുക്കുമെന്നതിനാല് യാത്രകള് വൈകാനോ, തടസ്സപ്പെടാനോ സാധ്യതയുണ്ട്. ലണ്ടനില് -2 സെല്ഷ്യസ് വരെയും, കാര്ഡിഫില് -1 സെല്ഷ്യസ് വരെയും താപനില താഴാന് ഇടയുള്ളതായാണ് മെറ്റ് ഓഫീസ് പ്രവചനം. എഡിന്ബര്ഗ്, ബെല്ഫാസ്റ്റ് എന്നിവിടങ്ങളിലെ താമസക്കാര്ക്കാണ് കാലാവസ്ഥാ മാറ്റത്തിന്റെ പ്രത്യാഘാതം പ്രധാനമായും നേരിടേണ്ടി വരിക. -3 സെല്ഷ്യസ് വരെ ഇവിടെ താപനില താഴാന് ഇടയുണ്ട്.