ലണ്ടന് : മാരത്തോണ് ചരിത്രത്തില് കുറഞ്ഞ കാലയളവില് ആറ് മേജര് മാരത്തോണുകള് പൂര്ത്തിയാക്കിയ ലോകത്തിലെ ആദ്യ മലയാളിയും ആറാമത്തെ ഇന്ത്യക്കാരനുമായ അശോക് കുമാര് വര്ഷം തോറും നടത്തിവരാറുള്ള മാരത്തോണ് ചാരിറ്റി ഇവന്റ് ജൂണ് 11ന് ക്രോയ്ഡോണ് ആര്ച് ബിഷപ്പ് ലാന്ഫ്രാങ്ക് സ്കൂള് ആഡിറ്റോറിയത്തില് അരങ്ങേറി. ജൂണ് 11ന് വൈകിട്ട് 4 മണിമുതല് വിവിധ കലാപരിപാടികളോടുകൂടി ആരംഭിച്ച പരിപാടിയില് ക്രോയ്ടോന് സിവിക് മേയര് കൗണ്സിലര് Alisa Flemming, ക്യാബിനെറ്റ് മെമ്പര് കൗണ്സിലര് Yvette Hopley,മുന് മേയറും നിലവിലെ കൗണ്സിലറുമായ Manju Shahul Hameed തുടങ്ങി ഒട്ടനവധി പ്രമുഖര് പങ്കെടുത്തു.
ചാരിറ്റി ഈവന്റിലൂടെ ലഭിച്ച തുക യുകെ മലയാളികളുടെ പ്രിയങ്കരനായിരുന്ന ഹരിയേട്ടന് എന്ന യശശ്ശരീരനായ തെക്കുമുറി ഹരിദാസിന്റെ പേരില് ക്യാന്സര് റിസേര്ച് സെന്ററിനു കൈമാറുമെന്ന് അശോക് കുമാര് അറിയിച്ചു. ഇതുവരെ അശോക് കുമാര് ചാരിറ്റി ഇവന്റുകളിലൂടെ £30,000 ത്തില് പരം പൗണ്ട് സമാഹരിച്ചു വിവിധ ചാരിറ്റി സംഘടനകള്ക്ക് നല്കിയിട്ടുണ്ട്.