യുകെയിലെ ഈ വര്‍ഷത്തെ ഏറ്റവും ചൂടേറിയ ദിവസമായി ഇന്ന്(ശനിയാഴ്ച) രേഖപ്പെടുത്തിയേക്കുമെന്ന് മെറ്റ് ഓഫീസിന്റെ അറിയിപ്പ്. ഈസ്റ്റ് ആംഗ്ലിയയില്‍ ശനിയാഴ്ച താപനില 22 ഡിഗ്രി സെല്‍ഷ്യസ് (72 എഫ്) വരെ എത്തുമെന്നാണ് മെറ്റ് ഓഫീസിന്റെ അറിയിപ്പ്. കാത്ലീന്‍ കൊടുങ്കാറ്റ് രാജ്യത്തിന്റെ പടിഞ്ഞാറന്‍ ഭാഗങ്ങളില്‍ ആഞ്ഞടിക്കുന്നതിനാല്‍ ഈ വാരാന്ത്യത്തില്‍ ശക്തമായ കാറ്റിന് സാധ്യതയുണ്ടെന്ന് കാലാവസ്ഥാ നിരീക്ഷകര്‍ നേരത്തെ മുന്നറിയിപ്പ് നല്‍കിയിരുന്നു.
മണിക്കൂറില്‍ 50 മൈല്‍ വേഗതയില്‍ കാറ്റ് വീശുമെന്ന് പ്രതീക്ഷിക്കുന്നത്. തുറന്ന സ്ഥലങ്ങളില്‍ മണിക്കൂറില്‍ 60 മൈല്‍ മുതല്‍ 70 മൈല്‍ വരെ വേഗതയില്‍ കാറ്റ് വീശാം. ശനിയാഴ്ച രാവിലെ 8 മുതല്‍ രാത്രി 10 വരെ കോണ്‍വാള്‍, വെയില്‍സിന്റെ ഭൂരിഭാഗവും, ലങ്കാഷെയറിന്റെയും കുംബ്രിയയുടെയും ചില ഭാഗങ്ങള്‍, സെന്‍ട്രല്‍ സ്‌കോട്ട്ലന്‍ഡ്, നോര്‍ത്തേണ്‍ അയര്‍ലന്‍ഡ് എന്നിവിടങ്ങളില്‍ കാറ്റിന്റെ മഞ്ഞ മുന്നറിയിപ്പ് നല്‍കിയിട്ടുണ്ട്.
'ശനിയാഴ്ച മുന്നറിയിപ്പ് പ്രദേശത്ത് നിന്ന്, ഈസ്റ്റ് ആംഗ്ലിയയിലെ ഒറ്റപ്പെട്ട സ്ഥലങ്ങളില്‍ 22 ഡിഗ്രി സെല്‍ഷ്യസ് വരെ താപനില ഉയരാം, ഇത് ആ പ്രദേശത്ത് ഇതുവരെയുള്ള വര്‍ഷത്തിലെ ഏറ്റവും ചൂടേറിയ ദിവസമായി മാറും'.
മെറ്റ് ഓഫീസ് വക്താവ് സ്റ്റീഫന്‍ ഡിക്‌സണ്‍ പറഞ്ഞു.
'കാത്ലീന്‍ കൊടുങ്കാറ്റിന്റെ ഫലമായി ചൂടുള്ള വായു വലിച്ചെടും. അതിനാല്‍ തന്നെ ഈ കൊടുങ്കാറ്റ് ചൂടുള്ള വായു കൊണ്ടുവരുന്നത് അസാധാരണമല്ലെന്നും കാലാവസ്ഥാ നിരീക്ഷകര്‍ പറയുന്നു.
തെക്കുകിഴക്കന്‍ ഇംഗ്ലണ്ടിലും താപനില ഇരുപതുകളില്‍ പ്രതീക്ഷിക്കുന്നു. കൊടുങ്കാറ്റും തെക്ക് പടിഞ്ഞാറ് നിന്നുള്ള കാറ്റും ഈ പ്രദേശങ്ങളിലേക്ക് ശരാശരിക്ക് മുകളിലുള്ള താപനില കൊണ്ടുവരുന്നതാണ് ചൂടുള്ള അവസ്ഥയ്ക്ക് കാരണം.
ഈ വര്‍ഷത്തെ ഏറ്റവും ഉയര്‍ന്ന താപനില 19.9C (68F) ആയിരുന്നു. ജനുവരി അവസാനം വടക്കുപടിഞ്ഞാറന്‍ സ്‌കോട്ട്‌ലന്‍ഡിലെ അച്ച്ഫാരിയിലാണ് ഇത് രേഖപ്പെടുത്തിയത്.
വലിയ തിരമാലകള്‍ രൂപപ്പെടാന്‍ സാധ്യത ഉള്ളതിനാല്‍ തീരദേശ റോഡുകളിലേക്കും മറ്റു പ്രോപ്പര്‍ട്ടികളിലേക്കും തിരമാലകള്‍ മൂലം നാശനഷ്ടങ്ങള്‍ ഉണ്ടാകാനുള്ള സാധ്യതയും മുന്നറിയിപ്പില്‍ പറയുന്നു. റോഡ്, റെയില്‍, എയര്‍, ഫെറി സേവനങ്ങളെ ഇത് ബാധിച്ചേക്കാമെന്നും ദീര്‍ഘമായ യാത്രാ സമയങ്ങളും യാത്രാ റദ്ദാക്കലുകളും ഉണ്ടായേക്കാമെന്നും മുന്നറിയിപ്പുണ്ട്. കൂടാതെ പവര്‍ കട്ടും മൊബൈല്‍ ഫോണ്‍ നെറ്റുവര്‍ക്കും തകരാറിലായേക്കാം.
അയര്‍ലണ്ടിന്റെ ദേശീയ കാലാവസ്ഥാ പ്രവചന സ്ഥാപനമായ മെറ്റ് ഐറിയനാണ് കൊടുങ്കാറ്റിന് കാത്ലീന്‍ എന്ന് പേരിട്ടത്. അത് രാജ്യം മുഴുവന്‍ ഉള്‍ക്കൊള്ളുന്ന സ്വന്തം മുന്നറിയിപ്പുകള്‍ പുറപ്പെടുവിക്കുകയും പൊതുജനങ്ങളോട് 'ജാഗ്രത പാലിക്കാന്‍' അഭ്യര്‍ത്ഥിക്കുകയും ചെയ്തു.
കോര്‍ക്ക്, കെറി, ഗാല്‍വേ, മയോ എന്നിവയെയാണ് ഏറ്റവും കൂടുതല്‍ ബാധിക്കുക. ഇവ വളരെ ദുഷ്‌കരമായ യാത്രാ സാഹചര്യങ്ങള്‍ സൂചിപ്പിക്കുന്ന അംബര്‍ അലേര്‍ട്ടിന് കീഴിലാണ്.
More Latest News
സെപ്റ്റംബര്‍ 21ന് ഗ്രേറ്റ് ബ്രിട്ടന്‍ രൂപത വിമന്‍സ് ഫോറം വാര്‍ഷിക സമ്മേളനം ബിര്‍മിങാമില്‍; മേജര്‍ ആര്‍ച്ച് ബിഷപ്പ് മാര്‍ റാഫേല്‍ തട്ടില്‍ ഉദ്ഘാടനം ചെയ്യുന്ന പരിപാടി രാവിലെ എട്ട് മുപ്പത് മുതല്‍ വൈകുന്നേരം അഞ്ച് മണി വരെ
കൊവിഡ് പ്രതിരോധ വാക്സീന് ഗുരുതര പാര്‍ശ്വഫലമുണ്ടെന്ന് വാക്സിന് കമ്പനി ആസ്ട്രസെനെക വ്യക്തമാക്കിയതിന് പിന്നാലെ വാക്സീന് സര്‍ട്ടിഫിക്കറ്റില്‍ നിന്നും മോദി ഫോട്ടോ നീക്കി
റോഡ് ടെസ്റ്റിന് ശേഷം മാത്രം എച്ച് ടെസ്റ്റ്, കേരളത്തില്‍ പുതുക്കിയ ഡ്രൈവിംഗ് ടെസ്റ്റ് ഇന്നു മുതല്‍, പരിഷ്‌ക്കരണങ്ങളോട് ഇടഞ്ഞ് ഡ്രൈവിംഗ് സ്‌കൂളുകള്‍
'നായയെ പോലെ കിതച്ചെന്ന് ജാസ്മിനോടും', 'നീതി ദേവതയായി നടന്നിട്ട് നിലവാരമില്ലാത്ത കളി കളിക്കരുതെന്ന് റെസ്മിനോടും' ഗബ്രി, ബിഗ്‌ബോസില്‍ ഈ ആഴ്ച മൂന്ന് സുഹൃത്തുക്കള്‍ തമ്മിലുള്ള വഴക്ക്
മീന്‍ മുള്ള് തൊണ്ടയില്‍ കുടുങ്ങി, 91കാരിയുടെ തൊണ്ടയില്‍ നിന്നും ശസ്ത്രക്രിയയിലൂടെ മുള്ളെടുത്തത് അഞ്ച് ദിവസം കഴിഞ്ഞ്
Most Read
British Pathram Recommends
