സ്വന്തം ലേഖകൻ

ശരീരത്തില്‍ പലതരം മാറ്റങ്ങള്‍ കൊണ്ടുവരാന്‍ ഇഷ്ടപ്പെടുന്നവരുണ്ട്. അതിനായി എത്ര കഠിനമായ കാര്യങ്ങളും ചെയ്യാന്‍ അവര്‍ മടിക്കാറില്ല. അതുപോലെ ചുണ്ടിന് സൗന്ദര്യം കൂട്ടാന്‍ ചുണ്ടിന്റെ വലിപ്പം കൂട്ടിയ യുവതി എല്ലാവര്‍ക്കും സുപരിചിതയാണ്.

സോഷ്യല്‍ മീഡിയ ഇന്‍ഫ്ളുവന്‍സറായ ആന്‍ഡ്രിയ ഇവനോവ ആണ് ഇത്തരത്തില്‍ പ്രശസ്തയായത്. ഇവര്‍ ലോകത്തിലെ ഏറ്റവും വലിയ ചുണ്ടുകള്‍ ഉള്ള സ്ത്രീ എന്ന നിലയിലാണ് അറിയപ്പെടുന്നത്. പക്ഷെ അതിലേക്ക് അവര്‍ എത്തിച്ചെല്ലാന്‍ കടന്ന കടമ്പകളെ കുറിച്ചുള്ള കാര്യങ്ങള്‍ ഏറെ ഞെട്ടിക്കും. പക്ഷെ ഇത്രയൊക്കെ ആയിട്ടും അവര്‍ തന്റെ ലിപ് ഫില്ലിംഗ് നിര്‍ത്താന്‍ ഒരുക്കമല്ല എന്നതാണ് മറ്റൊരു സത്യം. 

ഏറ്റവും വലിയ ചുണ്ടാക്കാന്‍ അവള്‍ ആറ് പ്രൊസീജിയറിലൂടെയാണ് കടന്നു പോയത്. അതിനു വേണ്ടി ചിലവാക്കിയ തുകയും വളരെ കൂടുതലാണ്.

81000 രൂപയാണ് ആന്‍ഡ്രിയ ഇതിനായി ചെലവഴിച്ചത്. ചിന്‍ ഷേപ്പിംഗ്, എന്‍ലാര്‍ജ്മെന്റ് ആന്‍ഡ് ലെംഗ്തനിങ്, ജോ ഷേപ്പിംഗ്, ലിപ് ഓഗ്മെന്റേഷന്‍ ആന്‍ഡ് ചീക്ക്ബോണ്‍ എന്‍ഹാന്‍സ്മെന്റ് തുടങ്ങിയ ആറ് പ്രൊസീജിയറുകളിലൂടെയാണ് അവള്‍ ഒറ്റദിവസം കടന്നു പോയത്. ബള്‍ഗേറിയയില്‍ നിന്നുള്ള ഇവനോവ പറയുന്നത് പരീക്ഷണം എന്ന നിലയിലാണ് ഒറ്റദിവസം തന്നെ താന്‍ ആറ് നടപടിക്രമങ്ങളും പൂര്‍ത്തിയാക്കാന്‍ ആഗ്രഹിച്ചത് എന്നാണ്. എന്നാല്‍, സാധാരണയായി അവള്‍ക്ക് ലിപ് ഫില്ലിംഗ് ചെയ്യുന്ന ഡോക്ടര്‍ ഒറ്റദിവസം കൊണ്ട് ഇത് ചെയ്യാന്‍ സാധിക്കില്ല എന്ന് പറഞ്ഞതിനെ തുടര്‍ന്ന് അവള്‍ നേരെ ജര്‍മ്മനിയിലേക്ക് വിട്ടു. അവിടെ വച്ചാണ് അവള്‍ ഈ ആറ് പ്രൊസീജിയറുകളിലൂടെ കടന്നു പോയത്. 

ഒറ്റദിവസം തന്നെ ആറ് പ്രോസസും കടന്നു എന്നതിനാല്‍ തന്നെ സാധാരണ ഉണ്ടാകുന്നതിനേക്കാള്‍ വേദന താന്‍ ഇതിന് അനുഭവിച്ചു എന്നും ഇവാനോവ പറയുന്നു. എന്നാല്‍, കുറച്ച് ദിവസങ്ങള്‍ക്കുള്ളില്‍ താന്‍ ഓക്കെയാവും എന്നാണ് അവള്‍ വിശ്വസിക്കുന്നത്. ഇതുവരെയായി തന്റെ ചുണ്ടുകളുടെ വലിപ്പം കൂട്ടുന്നതിന് വേണ്ടി ഇവനോവ ചെലവഴിച്ചത് 21 ലക്ഷം രൂപയാണ്. എന്നിരുന്നാലും, അവളുടെ വീട്ടുകാരടക്കം പലര്‍ക്കും അവളുടെ ഈ ചുണ്ടിന്റെ വലിപ്പം കൂട്ടലുമായി ബന്ധപ്പെട്ട് ആശങ്കകള്‍ നിലനില്‍ക്കുന്നുണ്ട്. എന്നാല്‍ ഇതൊന്നും ആന്‍ഡ്രിയയലെ ബാധിക്കുന്നില്ല എന്നതാണ് മറ്റൊരു വാസ്തവം.