പ്രിയപ്പെട്ട കേശുവേട്ടന്,
കേശുവേട്ടനവിടെ സുഖമെന്ന് കരുതുന്നു.
നമ്മുടെ പ്രേമസുരഭിലമായിരുന്ന ആ കലാലയ ജീവിതത്തിന്റെ പത്താം പടിയില്‍ ഞാനിന്നും കേശുവേട്ടനെ പ്രതീക്ഷിച്ചു നില്‍ക്കുകയാണ്....
കേശുവേട്ടന്റെ നെറ്റിയിലെ ഒരിക്കലും മാഞ്ഞു കണ്ടിട്ടില്ലാത്ത ആ ചന്ദനക്കുറിയുടെ ഭംഗിയിലാണിന്നുമെന്റെ കിനാക്കള്‍....
കേശുവേട്ടന് ആദ്യമായി മുട്ടറ്റം മടക്കി കുത്തിയ കൈത്തറിമുണ്ടിന്റെ കോണില്‍ എനിക്കായി മാത്രം കരുതിവച്ച ആ നാരങ്ങാ മുട്ടായിയുടെ മധുരമാണിന്നും എന്റെ നാവില്‍....
കേശുവേട്ടന് എനിക്കായി എറിഞ്ഞിട്ട മൂവാണ്ടന്‍ മാങ്ങയുടെ ചൊനപറ്റി ഉണങ്ങിയ എന്റെ പച്ച പട്ടുപാവാടയും....
വൈക്കത്തഷ്ടമിക്ക് കേശവേട്ടനെനിക്ക് മേടിച്ച അന്നമ്മ ടീച്ചര്‍ അടിച്ചു പൊട്ടിച്ച ആ കരിവളയും ഇന്നുമെന്റെ ഉറക്കം കെടുത്താറുണ്ട്...
നമ്മളൊന്നിച്ചു നിലാവ് കണ്ട സര്‍പ്പക്കാവിലെ നാഗത്താന്മാരുടെ ദര്‍ശന ഓര്‍മകളിന്നുമെന്നെ വല്ലാതെ വേട്ടയാടുന്നു....
വാലിട്ടെഴുതിയ എന്റെ കണ്ണിലെ കണ്മഷിയാല്‍ കേശുവേട്ടന്റെ പൊടിമീശ മെല്ലെ കറപ്പിച്ചുകൊണ്ട് ഈ കരിമഷിയിലാണെന്റെ ജീവന സ്തംഭനമെന്ന് പറഞ്ഞപ്പോഴുയര്‍ന്ന ആ ഹൃദയസ്തംഭനമിന്നും താണ് അടുത്തതിലേക്ക് പോകാതെയുള്ള ആ ഒരേ നില്‍പ്പിലാണിന്നുമെന്റെ ഹൃദയ താളം.....
കലാലയ ചുവരില്‍ ചേര്‍ത്തുനിര്‍ത്തി കേശുവേട്ടനെനിക്ക് തന്ന ആ ആദ്യചുംബന ചൂടിന്റെ താപമിനിയും ഒരു പാരസെറ്റാമോളിനും കുറക്കാനായിട്ടില്ല....
നമ്മളൊന്നിച്ചു കറങ്ങിയ ഉത്സവപ്പറമ്പില്‍ നിന്ന് പിറക്കിയെടുത്ത ബലൂണിന്റെ കഷണങ്ങള്‍ ഇന്നുമെന്റെ ഹൃദയത്തെ വല്ലാതെ ശ്വാസം മുട്ടിക്കാറുണ്ട്...
പത്താം ക്ലാസിന്റെ മേശയില്‍ ആദ്യമായി കേശുവെട്ടനെന്റെ പേര് കോമ്പസിനാല്‍ പോറിയിട്ട ആ മുറിവുകളില്‍ നിന്നുമിന്നും ചോര വല്ലാതെ പൊടിയുന്നു....
എന്നിരുന്നാലും നമ്മളെന്നും കൈകോര്‍ത്തു ഒരുമിച്ചു നനഞ്ഞ ആ മഴയില്‍ ഇന്ന് ഞാനൊരു പ്രതീക്ഷയുടെ കാര്‍മേഘം കാണണുണ്ട്...
നമ്മളൊന്നിച്ചുള്ള ആ ദിവസങ്ങളെ ഞാനെങ്ങനാണ് വര്‍ണിക്കുക....
കാറ്റില്‍ പറന്നകന്ന ഒരു കടലാസ് തുണ്ടുപോലെ....
അത്തമെത്താന്‍ കാത്തിരിക്കുന്ന തുമ്പിപ്പോലെ....
എന്റെ ഹൃദയമിങ്ങനെ പറന്നും.....അകന്നും...
മഴക്കായി കാത്തിരിക്കുന്ന കാലന്‍ കുടപോലെ....
എന്റെ ഹൃദയമിങ്ങനെ ചെരിഞ്ഞും, ചാരിയും നിന്നെ പ്രതീക്ഷിച്ചു ഒരു കോണില്‍ നില്‍ക്കുകയാണിപ്പോഴും...
എന്ന് സ്‌നേഹപൂര്‍വ്വം കേശുവേട്ടന്റെ സ്വന്തം സാറാമ്മ......
അങ്ങനെ ജീവിതത്തില്‍ ആദ്യമായി എഴുതി നോക്കിയ ഒരു പ്രണയലേഖനം, എല്ലാ കൂട്ടുകാര്‍ക്കുമായി....Happy Valentine's Day!!!
ജോസ്ന സാബു സെബാസ്റ്റ്യന്‍
More Latest News
115 വര്‍ഷം മുന്‍പ് മുങ്ങിയ 'ശപിക്കപ്പെട്ട കപ്പല്‍' ഒടുവില്‍ കണ്ടെത്തി, കാണാതാവുമ്പോള്‍ കപ്പലില്‍ പതിനാല് ജീവനക്കാര്‍, ഇവരെ കുറിച്ച് പിന്നീട് ഒരു അറിവും ഇല്ല
ബോചെ ടീ ലക്കി ഡ്രോയില്‍ 10 ലക്ഷം നേടി അനിലാല്‍, തൃശൂരില്‍ നടന്ന ചടങ്ങിലാണ് ചെക്ക് കൈമാറി ബോചെ
കാത്തിരുന്ന 'സ്‌നേഹ സംഗീത രാവ്' സ്റ്റേജ് ഷോ ബ്രിസ്റ്റോള്‍ ട്രിനിറ്റി അക്കാദമി ഹാളില്‍ നാളെ; പീറ്റര്‍ ചേരാനല്ലൂരിന്റെ നേതൃത്വത്തിലുള്ള ഷോയുടെ ടിക്കറ്റ് വില്‍പ്പനയ്ക്ക് വന്‍ സ്വീകാര്യത
വിദേശ നാടുകളിലേതു പോലെ നാലു വര്‍ഷം നീളുന്ന ബിരുദ കോഴ്‌സ് ഇനി കേരളത്തിലും, വലിയ പ്രതിക്ഷയോടൊപ്പം ആശങ്കയും നല്‍കുന്ന പുതിയ മാറ്റം
ഒടുവില്‍ സായ് കൃഷ്ണയുമോ? ബിഗ്‌ബോസ് ഹൗസില്‍ നിന്നും ശാരീരികമായ ബുദ്ധിമുട്ടുകള്‍ കാരണം സായ് കൃഷ്ണ താല്‍കാലികമായി പുറത്തേക്ക്
Most Read
British Pathram Recommends
