ഈസ്റ്റ്ഹാം : ആഗോള കത്തോലിക്കാ സഭ, മരിച്ചവിശ്വാസികളുടെ ഓര്‍മ്മക്കും പ്രാര്‍ത്ഥനക്കുമായി പ്രത്യേകം നിയോഗിച്ചിരിക്കുന്ന നവംബര്‍ മാസത്തില്‍ ലണ്ടന്‍ റീജിയന്‍ സീറോ മലബാര്‍ സഭ നൈറ്റ് വിജില്‍ ശുശ്രുഷ ഒരുക്കുന്നു. പ്രശസ്ത ധ്യാന ഗുരുവും, സീറോമലബാര്‍ ലണ്ടന്‍ റീജിയന്‍ കോര്‍ഡിനേറ്ററുമായ ഫാ. ജോസഫ് മുക്കാട്ടും, ഗ്രേറ്റ് ബ്രിട്ടണ്‍ സീറോമലബാര്‍ രൂപതയിലെ ഇവാഞ്ചലൈസേഷന്‍ ഡയറക്റ്ററും, ഫാമിലി കൗണ്‍സിലറും, തിരുവചന ശുശ്രുഷകയുമായ സിസ്റ്റര്‍ ആന്‍ മരിയായും സംയുക്തമായി നൈറ്റ് വിജിലിന് നേതൃത്വം നല്‍കും.
ഈസ്റ്റ്ഹാം സെന്റ് ജോര്‍ജ്ജ്‌സ് സീറോമലബാര്‍ മിഷന്‍ ആതിഥേയത്വം വഹിക്കുന്ന നൈറ്റ് വിജില്‍ ഈസ്റ്റ്ഹാം സെന്റ് മൈക്കിള്‍സ് കത്തോലിക്കാ ദേവാലയത്തില്‍ വെച്ച് നവംബര്‍ 24 നു വെള്ളിയാഴ്ചയാണ് ക്രമീകരിച്ചിരിക്കുന്നത്.
രാത്രിയാമങ്ങളുടെ സുശാന്തതയില്‍ മനസ്സും ഹൃദയവും ഏകോപിപ്പിച്ച് ദൈവസന്നിധിയോടു ചേര്‍ന്ന് നില്‍ക്കുവാനും, പ്രാര്‍ത്ഥനകളും യാചനകളും വേദനകളും അവിടുത്തെ സമക്ഷം ഭരമേല്‍പിക്കുവാനുമുള്ള അനുഗ്രഹീതവേളയാണ് ഒരുങ്ങുന്നത്. മനസ്സിന്റെ തുറവയില്‍ അവിടുത്തെ സ്തുതിക്കുവാനും, അനുഗ്രഹങ്ങള്‍ക്കും, കൃപകള്‍ക്കും നന്ദിയര്‍പ്പിക്കുവാനും ഉള്ള അവസരമാണ് രാത്രി ആരാധനയില്‍ ലഭിക്കുക
പരിശുദ്ധ കുര്‍ബ്ബാനയിലും തിരുവചന ശുശ്രുഷയിലും സൗഖ്യധ്യാനത്തിലും പങ്കുചേരുവാനും കൂടാതെ കുമ്പസാരത്തിനുള്ള അവസരവും നൈറ്റ് വിജിലില്‍ ഉണ്ടായിരിക്കും.
ആരാധനയിലും സ്തുതിപ്പിലും പ്രാര്‍ത്ഥനകളിലും അവിടുത്തെ സാന്നിദ്ധ്യം തൊട്ടനുഭവിക്കുവാനും പരിശുദ്ധ മാതാവിന്റെ മാദ്ധ്യസ്ഥം തേടുവാനും അനുഗ്രഹവേദിയാവുന്ന നൈറ്റ് വിജില്‍ ശുശ്രുഷകളിലേക്ക് ഏവരെയും സസ്‌നേഹം സ്വാഗതം ചെയ്യുന്നു.
മാത്തച്ചന്‍ വിളങ്ങാടന്‍: 07915602258
നൈറ്റ് വിജില്‍ സമയം- നവംബര്‍ 24 വെള്ളിയാഴ്ച: രാത്രി 8:00 മുതല്‍ 12:00 വരെ.
പള്ളിയുടെ വിലാസം:
St.Michael's Catholic Church, Eastham,
E6 6ED
More Latest News
ലെസ്റ്റര്‍ സെന്റ് ജോര്‍ജ് ഇന്ത്യന്‍ ഓര്‍ത്തഡോക്സ് പളളിയില്‍ ഗീവര്‍ഗീസ് സഹദായുടെ പെരുന്നാള്‍, മെയ് നാലിന് ചെമ്പെടുപ്പ് റാസ നടത്തപ്പെടും ലിബിന്‍ രാജ്
ഗുരു ഭക്തര്‍ക്ക് വേണ്ടി 'സേവനം യുകെ'യുടെ യൂണിറ്റ് സ്‌കോട്ട്ലന്‍ഡില്‍ രൂപീകൃതമാകുന്നു; ഗ്ലാസ്ഗോയില്‍ ജൂണ്‍ 15ന് ശനിയാഴ്ച രൂപീകരണ യോഗം നടക്കും
അമ്മയുടെ കൈയ്യില്‍ നിന്നും കെട്ടിടത്തിന്റെ താല്‍ക്കാലിക സണ്‍ഷെയ്ഡിലേക്ക് വീണ് കുഞ്ഞ്, കുഞ്ഞിനെ അതി സാഹസികമായി രക്ഷിച്ച് അയല്‍വാസികള്‍, ഞെട്ടിപ്പിക്കുന്ന വീഡിയോ
മുഖ്യമന്ത്രിയും മന്ത്രിമാരും നവകേരള സദസ്സില്‍ സഞ്ചരിച്ച നവ കേരള ബസ്സ് അടുത്തയാഴ്ച മുതല്‍ സര്‍വ്വീസ് ആരംഭിക്കും, കോഴിക്കോട് -ബെംഗളൂര്‍ റൂട്ടി ആദ്യ സര്‍വ്വീസ് നടത്തും
അമേരിക്കയില്‍ ബാങ്കുകളുടെ തകര്‍ച്ച തുടര്‍ക്കഥയാകുന്നു, ഏറ്റവും ഒടുവില്‍ പൂര്‍ണമായും അടച്ചുപൂട്ടി റിപ്പബ്ലിക് ഫസ്റ്റ് ബാങ്ക്
Most Read
British Pathram Recommends
