തൊടുപുഴ ആലക്കോട് ചിലവ് സ്വാദേശി കമല ശ്രീധരന്റെ ചികിത്സക്ക് വേണ്ടി ഇടുക്കി ചാരിറ്റി ഗ്രൂപ്പ് യുകെ നടത്തിയ ഈസ്റ്റര് ചാരിറ്റിക്ക് ലഭിച്ചതു 1895 പൗണ്ട് (192079 രൂപ) കൂടാതെ 45000 രൂപ നേരിട്ടു ബാങ്കില് ലഭിച്ചു എന്നും മകന് ശ്രീജിത് അറിയിച്ചു. അകെ ലഭിച്ചത് 237079 (രണ്ടുലക്ഷത്തിമുപ്പത്തിഏഴായിരത്തി എഴുപത്തൊന്പതു രൂപ). പണം തന്ന ആര്ക്കെങ്കിലും ബാങ്കിന്റെ മുഴുവന് സ്റ്റേറ്റ്മെന്റ് ലഭിച്ചിട്ടില്ലെങ്കില് ദയവായി താഴെ കാണുന്ന ടോം ജോസ് തടിയംപാടിന്റെ നമ്പറില് വിളിക്കണമെന്ന് ഇടുക്കി ചാരിറ്റി കണ്വീനര് സാബു ഫിലിപ്പ് അറിയിച്ചു. ചാരിറ്റി അവസാനിച്ചതായി അറിയിക്കുന്നു.
ഇടുക്കി ചാരിറ്റി ഗ്രൂപ്പ് യുകെയുടെ ഈ എളിയ പ്രവര്ത്തനങ്ങളെ എപ്പോഴും സഹായിക്കുന്ന എല്ലാ നല്ലവരായ യുകെ, അമേരിക്കന്, മലയാളികളെ ഞങ്ങള് നന്ദിയോടെ ഓര്ക്കുന്നു. ഞങ്ങള്ക്കു വേണ്ടി വാര്ത്തകള് ഷെയര് ചെയ്തു സഹായിക്കുന്നവര്ക്കും ഞങ്ങളുടെ നന്ദി അറിയിക്കുന്നു. ഞങ്ങളുടെ ഈ എളിയ പ്രവര്ത്തനങ്ങള്ക്ക് സൗജന്യമായി നിയമസഹായം നല്കിയ Dominic & co solicitors Ltd ഉടമ ഡൊമിനിക് കാര്ത്തികപിള്ളില് ആന്റണിയോടും ആദരണീയനായ തമ്പി ജോസിനോടും ഞങ്ങള്ക്കുള്ള നന്ദിയും കടപ്പാടും അറിയിക്കുന്നു.
പെയിന്റ് പണികൊണ്ടു രോഗിയായ അമ്മയെയും രോഗിയായ പിതാവിനെയും ചികിത്സിക്കാന് നിവര്ത്തിയില്ലാതെ വിഷമിക്കുകയാണ് മകന് ശ്രീജിത് ശ്രീധരന്. ഫോണ് വിളിച്ചു കരഞ്ഞു കൊണ്ട് ശ്രീജിത് പറഞ്ഞത് എന്റെ അമ്മയുടെ ഹൃദയ സംബദ്ധമായ അസുഖത്തിന് ചികില്സിക്കാന് എന്റെ നാട്ടില് സഹായിക്കാത്തവരായി ആരുമില്ല, നാട്ടില് ഇനി ആരോടും ചോദിക്കാനുമില്ല, അമ്മയെ ആഴ്ചയില് രണ്ടുപ്രാവശ്യം ഡയലൈസിനു കൊണ്ടുപോകണം കൂടാതെ പിതാവിനും രോഗമാണ് ദയവായി ഒന്ന് സഹായിക്കാമോ എന്നായിരുന്നു.
തകര്ന്നു വീഴാറായ ഒരു വീട്ടിലാണ് ഈ കുടുംബം കഴിയുന്നത്. ഈ കുടുംബത്തിന്റെ ദയനീയാവസ്ഥ ഞങ്ങളെ അറിയിച്ചത് യുകെയിലെ Chelmsford, Essexല് താമസിക്കുന്ന തൊടുപുഴ മുതലക്കുടം സ്വദേശി ടോമി സെബാസ്റ്റിനാണ്. ഒരു സോഷ്യല് വര്ക്കര് കൂടിയായ ടോമി നാട്ടില് പോയപ്പോള് ശ്രീജിത്തിന്റെ വീട്ടില് പോകുകയും ഇവരുടെ വിഷമങ്ങള് നേരിട്ട് മനസിലാക്കുകയും ചെയ്തിരുന്നു. ടോമിയുടെ അഭ്യര്ത്ഥന മാനിച്ചു ഈ കുടുംബത്തിനു വേണ്ടി ഈസ്റ്റര് ചാരിറ്റി ചെയ്യാന് ഞങ്ങള് തീരുമാനിക്കുകയായിരുന്നു.
ഇടുക്കി ചാരിറ്റി ഗ്രൂപ്പ് യുകെ എന്നത് കേരളത്തില് നിന്നും യുകെയില് കുടിയേറിയ കഷ്ട്ടപാടും ബുദ്ധിമുട്ടും അറിഞ്ഞവരുടെ ഒരു കൂട്ടായ്മയാണ്. ഞങ്ങള് ഇതുവരെ സൂതാരൃവും സതൃസന്തവുമായി ജാതി, മത, വര്ഗ, വര്ണ്ണ, സ്ഥല, കാല ഭേതമെന്യയെ കേരളത്തിലും, യുകെയിലും, നടത്തിയ ചാരിറ്റി പ്രവര്ത്തനത്തിലൂടെ ഇതുവരെ 1,16,00000 (ഒരുകോടി പതിനാറു ലക്ഷം) രൂപയുടെ സഹായം അര്ഹിക്കുന്നവര്ക്കു നല്കുവാന് കഴിഞ്ഞിട്ടുണ്ട്.
2004ല് ഉണ്ടായ സുനാമിക്ക് പണം പിരിച്ചു അന്നത്തെ മുഖ്യമന്തി ഉമ്മന് ചാണ്ടിക്കു നല്കിക്കൊണ്ടാണ് ഞങ്ങള് പ്രവര്ത്തനം ആരംഭിച്ചത്. ഞങ്ങളുടെ ഈ എളിയ പ്രവര്ത്തനത്തിനു മലയാളം യുകെ പത്രത്തിന്റെ അവാര്ഡ്, ലിവര്പൂള് ക്നാനായ കമ്മ്യൂണിറ്റിയുടെ അംഗീകാരം, പടമുഖം സ്നേഹമന്ദിരത്തിന്റെ അംഗീകാരം, ലിവര്പൂള് മലയാളി അസോസിയേഷന് (ലിമ)യുടെ അംഗീകാരം എന്നിവ ലഭിച്ചിട്ടുണ്ട്.
ഇടുക്കി ചാരിറ്റിഗ്രൂപ്പ് യുകെയ്ക്കു നേതൃത്വം കൊടുക്കുന്നത് സാബു ഫിലിപ്പ് 07708181997, ടോം ജോസ് തടിയംപാട് 07859060320, സജി തോമസ് 07803276626 എന്നിവരാണ്. ഞങ്ങളുടെ രക്ഷാധികാരി ബഹുമാനപ്പെട്ട തമ്പി ജോസാണ്. 'ദാരിദ്രൃം എന്തെന്നറിഞ്ഞവര്ക്കെ പാരില് പരക്ലേശവിവേകമുള്ളു'.