അമേരിക്കയിലെ ഗ്ലേസര് കുടുംബത്തില് നിന്ന് ഇംഗ്ലീഷ് പ്രീമിയര് ലീഗ് ക്ലബ് മാഞ്ചസ്റ്റര് യുണൈറ്റഡിനെ സ്വന്തമാക്കാന് പെട്രോളിയം രംഗത്തെ അതികായനായ ബ്രിട്ടീഷ് വ്യവസായി ജിം റാറ്റ്ക്ലിഫും രംഗത്ത്. ക്ലബ് വാങ്ങാനുള്ള ലേല പ്രക്രിയയില് ഔദ്യോഗികമായി പ്രവേശിച്ചെന്ന് റാറ്റ്ക്ലിഫിന്റെ കമ്പനിയായ ഇനിയോസ് അറിയിച്ചു. ഫ്രഞ്ച് ലീഗ് വണ് ക്ലബ്ബായ നീസ്, സ്വിസ് ക്ലബ്ബ് ലൊസെയന് സ്പോര്ട്ട് എന്നിവയുടെ ഉടമയാണ് നിലവില് റാറ്റ്ക്ലിഫ്.
കഴിഞ്ഞ വര്ഷം ചെല്സിയെ വാങ്ങാനും ഈ കമ്പനി ശ്രമിച്ചിരുന്നു. മാഞ്ചസ്റ്റര് യുണൈറ്റഡ് ആരാധകന് കൂടിയായ റാറ്റ്ക്ലിഫ് ക്ലബ് വാങ്ങിയാല് ടീമിനു കൂടുതല് ഉയരങ്ങളിലേക്ക് പോകാന് ആകും എന്നാണ് യുണൈറ്റഡ് ആരാധകര് പ്രതീക്ഷിക്കുന്നത്. 2013-ലാണ് ഒടുവില് യുണൈറ്റഡ് പ്രീമിയര്ലീഗ് കിരീടം നേടിയത്. 2017-ന് ശേഷം ഒരു പ്രധാനട്രോഫിയും അവര്ക്ക് ലഭിച്ചിട്ടില്ല.