സഹപാഠി ലഹരിക്കടിമയാക്കി പീഡിപ്പിച്ചുവെന്ന് കണ്ണൂരിലെ ഒന്പതാം ക്ലാസുകാരിയുടെ ഞെട്ടിക്കുന്ന വെളിപ്പെടുത്തല്. സമാന രീതിയില് കെണിയിലായ 11 ഓളം പെണ്കുട്ടികളെ അറിയാമെന്ന് വിദ്യാര്ഥിനി പറഞ്ഞു. പെണ്കുട്ടി സോഷ്യല് മീഡിയയില് ആത്മഹത്യ ഭീഷണി മുഴക്കിയതോടെയാണ് വീട്ടുകാര് വിവരമറിഞ്ഞത്. ലഹരി മാഫിയ ഭീഷണിപ്പെടുത്തുന്നതായി പെണ്കുട്ടിയുടെ പിതാവും പറഞ്ഞു.
നാലുമാസമായി ലഹരിക്ക് അടിമയെന്നാണ് കണ്ണൂര് നഗരത്തിലെ ഒരു പ്രമുഖ സ്കൂളിലെ വിദ്യാര്ഥിനിയുടെ വെളിപ്പെടുത്തല്. കഞ്ചാവ് തന്നത് സഹപാഠിയായ ആണ്സുഹൃത്താണെന്നും ലഹരി എത്തിക്കുന്നത് കക്കാട് പ്രദേശത്തു നിന്നാണെന്നും പെണ്കുട്ടി വെളിപ്പെടുത്തി.
ലൈംഗിക പീഡനത്തിന് ഇരയായെന്നും ലഹരി തന്ന ആണ്കുട്ടി തന്നെ മര്ദിച്ചെന്നും പെണ്കുട്ടി പറഞ്ഞു. 11 പെണ്കുട്ടികള് ലഹരി ഉപയോഗിക്കുന്നുണ്ടെന്നും വെളിപ്പെടുത്തിയിട്ടുണ്ട്.
'എനിക്ക് ഡിപ്രഷന് വന്നപ്പോള് നീ ഇത് യൂസാക്ക് എന്ന് പറഞ്ഞ് അവന് കഞ്ചാവ് തന്നു, പിന്നീട് തന്ന് ഞങ്ങള് പ്രണയത്തിലായി' - പെണ്കുട്ടി പറഞ്ഞു. സൃഹൃത്ത് സ്റ്റാമ്പും മറ്റു ലഹരി മരുന്നുകളും ഉപയോഗിക്കാറുണ്ടെന്നും പെണ്കുട്ടി പറഞ്ഞു.