അങ്ങനെ ഒരു വര്ഷത്തിനു ശേഷം ദുബായ് ബസ് സര്വ്വീസ് പുനരാരംഭിച്ചു; ദിവസേന രാവിലെ ആറ് മണി മുതല് ഒമ്പത് മണി വരെ ഒരു മണിക്കൂര് ഇടവിട്ട് സര്വ്വീസ്
Story Dated: 2021-07-23
ഒരു വര്ഷം മുന്പ് കൊവിഡ് വ്യാപനത്തിന്റെ തുടക്കത്തില് നിറുത്തിവെച്ച ദുബായ് ബസ് സര്വ്വീസ് പുനരാരംഭിച്ചു. ദുബായിലേക്കുള്ള എമിറേറ്റ്സ് ട്രാന്സ്പോര്ട്ട് ബസ് സര്വീസാണ് പുനരാരംഭിച്ചത്. എന്നാല്, ദുബയില്നിന്ന് തിരിച്ചുള്ള യാത്രക്ക് അനുമതിയില്ല.
അബുദാബിയിലേക്കുള്ള പ്രവേശനത്തിന് കൊവിഡ് മാനദണ്ഡങ്ങള് കര്ശനമായതുകൊണ്ടാണ് തിരിച്ചുള്ള സര്വീസ് ഇല്ലാത്തത്. നഗരത്തിലെ പ്രധാന ബസ് സ്റ്റേഷനില്നിന്നും മുസഫ ഷാബിയ സ്റ്റേഷനില്നിന്നും രണ്ട് ബസ്സുകളാണ് സര്വീസ് നടത്തുന്നത്. ദിവസേന രാവിലെ ആറ് മണി മുതല് ഒമ്പത് മണി വരെ ഒരു മണിക്കൂര് ഇടവിട്ട് സര്വീസ് ഉണ്ടാകും. 25 ദിര്ഹമാണ് ടിക്കറ്റ് നിരക്ക്.
More Latest News
'ഇങ്ങനെ ഒരു നോട്ടിഫിക്കേഷന് നിങ്ങള്ക്കുവന്നാല് നിങ്ങള് അത് നോക്കാന് പോകേണ്ട', തന്റെ ഫേസ്ബുക്ക് അക്കൗണ്ട് ഹാക്ക് ചെയ്യപ്പെട്ടതിനെ കുറിച്ച് വിഷ്ണു ഉണ്ണി കൃഷ്ണന്
കുറച്ച് ദിവസങ്ങള്ക്ക് മുന്പാണ് നടനും തിരക്കഥാകൃത്തുമായ വിഷ്ണു ഉണ്ണികൃഷ്ണന്റെ ഫെയ്സ്ബുക്ക് ഹാക്ക് ചെയ്യപ്പെട്ടത്. മണിക്കൂറുകള്ക്കുള്ളില് തന്നെ അക്കൗണ്ട് തിരിച്ചു ലഭിച്ചെങ്കിലും സംഭവം വലിയ വാര്ത്തയായിരുന്നു. അക്കൗണ്ട് ഹാക്ക് ചെയ്യപ്പെട്ടത് പാക്കിസ്ഥാനില് നിന്നായിരുന്നു എന്ന് പിന്നീട് വിഷ്ണു തന്നെ പറയുകയുണ്ടായി. ഇപ്പോഴിതാ അക്കൗണ്ട് ഹാക്ക് ചെയ്യപ്പെടാന് കാരണമായി ടെക്നീഷ്യന്സ് പറഞ്ഞ കാര്യങ്ങളാണ് താരം സോഷ്യല് മീഡിയയിലൂടെ പറയുന്നത്.
ഫെയ്സ്ബുക്ക് എങ്ങനെയാണ് നഷ്ടപ്പെട്ടതെന്നും എങ്ങനെയാണ് വീണ്ടെടുത്തതെന്നും ചോദിച്ച് നിരവധിപേര് തന്നെ സമീപിച്ചെന്നും അതിനാലാണ് വിഡിയോ ചെയ്യുന്നത് എന്നാണ് താരം പറഞ്ഞത്. കമ്യൂണിറ്റി ഗൈഡ്ലൈന് തെറ്റിച്ചു എന്ന് പറഞ്ഞുവെന്ന നോട്ടിഫിക്കേഷന് ക്ലിക്ക് ചെയ്തതാണ് ഫെയ്സ്ബുക്ക് പോകാന് കാരണമായത് എന്നാണ് താരം പറയുന്നത്. വീഡിയോ സന്ദേശത്തിലൂടെയാണ് താരം ഈ കാര്യം അറിയിച്ചത്.വിഷ്ണു ഉണ്ണികൃഷ്ണന്റെ വാക്കുകള്:'ഒടുവില് ആ സത്യം ഞാന് തുറന്നു പറയുകയാണ്. എങ്ങനെ എന്റെ പേജ് നഷ്ടപ്പെട്ടു എന്ന്. ഞാന് ടൂ ഫാക്റ്റര് ഓഥന്റിഫിക്കേഷന് എല്ലാം ചെയ്തിരുന്നു. എന്നിട്ടും എന്റെ പേജ് പോയതില് എനിക്ക് അത്ഭുതമുണ്ടായിരുന്നു. കഴിഞ്ഞ ദിവസം എന്റെ ഒരു സുഹൃത്തിന്റെ പേജും പോയി എന്ന് പറഞ്ഞ് വിളിച്ചു. ഒരുപാട് പേര് എങ്ങനെയാണ് പേജ് പോയതെന്നും എങ്ങനെയാണ് അത് തിരിച്ചുകിട്ടിയതെന്നും ചോദിച്ച് ഒരുപാട് മെസേജുകളും കോളുകളും എനിക്ക് വരുന്നുണ്ട്. എല്ലാവര്ക്കും വേണ്ടിയാണ് ഈ വിഡിയോ. വിഷുവിന്റെ അന്ന് ഞാന് എന്റെ കുടുംബത്തിനൊപ്പമുള്ള ഫോട്ടോ പോസ്റ്റ് ചെയ്തിരുന്നു. നന്ദനം സിനിമയിലെ പാട്ട് അതില് ഞാന് ആഡ് ചെയ്തിട്ടുണ്ടായി.
രണ്ട് ദിവസം കഴിഞ്ഞ് ഫെയ്സ്ബുക്കില് നിന്ന് എനിക്കൊരു നോട്ടിഫിക്കേഷന് വന്നു. കമ്യൂണിക്കേഷന് ഗൗഡ്ലൈന് വയലേറ്റ് ചെയ്തു എന്ന് പറഞ്ഞുകൊണ്ട്. 24 മണിക്കൂറിനുള്ളില് റിവ്യൂ ചെയ്തില്ലെങ്കില് അക്കൗണ്ട് റെസ്ട്രിക്റ്റ് ആകും എന്നാണ് പറഞ്ഞിരുന്നത്. ആറേഴ് നോട്ടിഫിക്കേഷന് വന്നപ്പോള് ഞാന് അത് എന്താണെന്ന് നോക്കി. പാട്ട് ആഡ് ചെയ്തതുകൊണ്ട് അതിന്റെ കോപ്പിറൈറ്റ് വന്നതാണ് എന്നാണ് ഞാന് കരുതിയത്. ഞാന് അത് നോക്കിയെങ്കിലും അത് കംപ്ലീറ്റായില്ല. അതാണ് ഹാക്കേഴ്സ് അയച്ച ലിങ്ക് എന്നാണ് ഫെയ്സ്ബുക്ക് ടീം എന്നോട് പറഞ്ഞത്. ഇങ്ങനെ ഒരു നോട്ടിഫിക്കേഷന് നിങ്ങള്ക്കുവന്നാല് നിങ്ങള് അത് നോക്കാന് പോകേണ്ട. അങ്ങനെയൊരു നോട്ടിഫിക്കേഷന് അവര് അയക്കില്ല. അത് നോക്കാന് പോയാല് ഗുദാഹവാ. ആദ്യം ചെയ്ത വിഡിയോയ്ക്ക് കുറേ ട്രോളൊക്കെ വന്നതുകണ്ടിട്ട് ക്ലാരിഫിക്കേഷനുവേണ്ടി ചെയ്തതാണെന്ന് ആരും പറയരുത്. എന്റെ ആയിരത്തോളം ഫ്രണ്ട്സ് ആവശ്യപ്പെട്ടതുകൊണ്ടാണ് ഞാന് ഈ വിഡിയോ ചെയ്തത്. തെറ്റുണ്ടെങ്കില് ക്ഷമിക്കുക.'
വീട്ടിലെ പൂച്ചയ്ക്ക് പറ്റിയൊരു അബദ്ധം, വീട്ടുടമയുടെ അടുക്കളയുടെ പാതി കത്തി നശിച്ചു, 12 ലക്ഷം രൂപയുടെ നാശനഷ്ടം, സിസിടിവിയില് കണ്ടത് ഞെട്ടിപ്പിക്കുന്ന കാര്യങ്ങള്
വീട്ടില് അരുമയായി വളര്ത്തിയിരുന്ന പൂച്ചയ്ക്ക് സംഭവിച്ച ഒരു കൈയ്യബദ്ധം ഉടമയ്ക്ക് ഉണ്ടാക്കിയത് വലിയ നാശനഷ്ടമായിരുന്നു. തെക്കുപടിഞ്ഞാറന് ചൈനയിലെ സിചുവാന് പ്രവിശ്യയിലുള്ള ദണ്ഡന് എന്ന വ്യക്തിയുടെ ഉടമസ്ഥതയിലുള്ള ഫ്ലാറ്റാണ് പാതിയും കത്തി നശിച്ചത്.
ഉടമ ഫ്ലാറ്റിലുണ്ടാകാതിരുന്ന സമയത്ത് അയാളുടെ പൂച്ചയായ ജിങ്കൗഡിയോ മാത്രമാണ് ഉണ്ടായിരുന്നത്. ഏപ്രിന് നാലിനാ് സംഭവം. ഫ്ലാറ്റിന് തീ പിടിച്ചുവെന്ന് കോമ്പൗണ്ടിലെ പ്രോപ്പര്ട്ടി മാനേജുമെന്റ് സ്റ്റാഫില് നിന്ന് വിവരം ലഭിച്ചതിനെ തുടര്ന്നാണ് ദണ്ഡന് സ്ഥലത്തെത്തിയത്. ഫ്ലാറ്റിലെത്തി പരിശോധിച്ചപ്പോഴാണ് അടുക്കളയുള്പ്പെടുന്ന വീടിന്റെ ഒരു ഭാഗം കത്തിനശിച്ചതായി കണ്ടെത്തിയത്.
സിസിടിവി വീഡിയോ കണ്ടപ്പോഴാണ് ഫ്ലാറ്റ് എങ്ങനെ കത്തി നശിച്ചു എന്ന് മനസ്സിലായത്. ഇന്ഡക്ഷന് കുക്കര് ഓണായ വിവരം വീട്ടുടമ അറിയാതെ പോയതാണ് അപകടത്തിന് കാരണമായത്. പൂച്ചയുടെ കാല് തട്ടി ഇന്ഡക്ഷന് കുക്കര് ഓണായത് കണ്ടെത്തിയത്. ജിന്ഗൗഡിയാവോ അടുക്കളയില് കളിക്കുന്നതിനിടയില് ഇന്ഡക്ഷന് കുക്കറിന്റെ ടച്ച് പാനലില് അബദ്ധത്തില് ചവിട്ടിയതോടെ അത് ഓണാവുകയായിരുന്നു.
തീപിടുത്തതില് 1,00,000 യുവാന് അതായത് 12 ലക്ഷം രൂപയുടെ നഷ്ടമാണ് കണക്കായിരിക്കുന്നത്. തീപിടുത്തതില് ജിങ്കൗഡിയോ സാരമായ പരിക്കുകളോടെ രക്ഷപ്പെട്ടു. ഇന്ഡക്ഷന് കുക്കര് അധിക സമയം ഓണായി ഇരുന്നതിനെ തുടര്ന്നാണ് അപകടം ഉണ്ടായത്. സിസടിവി ദൃശ്യങ്ങള് പരിശോധിച്ചപ്പോഴാണ് .
ദണ്ഡന് തന്നെയാണ് തന്റെ സോഷ്യല് മീഡിയ അക്കൗണ്ടിലൂടെ ഈ വിവരങ്ങള് പുറത്തുവിട്ടത്. വീടിന്റെ പകുതിയും കത്തി നശിച്ചിട്ടും അപകടത്തോടുള്ള ഉടമയുടെ ലഘുവായ പ്രതികരണവും പൂച്ചയുടെ ഭംഗിയുള്ള രൂപവും കുറിപ്പ് ഏറെ പേരെ ആകര്ഷിച്ചു. 8 ദശലക്ഷം പേരാണ് ഇതിനകം ഡൂയിനിലെ കുറിപ്പ് കണ്ടത്. നിരവധി ആളുകളാണ് ഉടമയെ അനുകൂലിച്ചും പ്രതികൂലിച്ചും രംഗത്തെത്തിയ
ഭക്ഷണം വരാന് വൈകിയാല് ഈ ഹോട്ടലില് ഫോണ് നോക്കി ഇരിക്കേണ്ട, ആളുകളെ വീണ്ടും പുസ്തക വായനാ ശീലത്തിലേക്കെത്തിക്കാന് കണ്ടുപിടിച്ച ഈ ബുദ്ധി ഒരു പഴയ ആറാം ക്ലാസ്സുകാരിയുടേത്
ജീവിതത്തില് തിരക്ക് കൂടി വന്നപ്പോള് ആളുകള് മറന്നു പോയ ഒന്നാണ് പുസ്തക വായന. എവിടെയും ഒരു അഞ്ച് മിനുറ്റ് ലഭിച്ചാല് ഫോണില് നോക്കി സമയം കളയുന്ന ജനത ഇന്ന് പുസ്തകങ്ങള് വായിക്കാന് മറന്നു പോകുന്നു. എന്നാല് ഈ ഹോട്ടലിലെത്തിയാല് നിങ്ങള് ഒരു പുസ്തകത്തിലെ ഒരു വരിയെങ്കിലും വായിക്കാതെ പോകില്ല.
'അജ്ജിച്യ പുസ്തകാഞ്ച' ഹോട്ടല് ആണ് വേറിട്ട ഒരു അനുഭവത്തിലൂടെ ആളുകളെ പഴയ ശീലത്തിലേക്ക് എത്തിക്കുന്നത്. ചെറുപ്പം മുതല് വായന ഏറെ ഇഷ്ടപ്പെട്ടിരുന്ന ഭീമാബായി ആണ് ഈ ഹോട്ടലിന്റെ ഉടമ. ജീവിതത്തില് നേരിടേണ്ട വന്ന കഷ്ടപ്പാടുകളില് നിന്നും ഇന്ന് ഒരു സംരംഭകയിലേക്ക് എത്തിയപ്പോള് പഴയ മൂല്യങ്ങളെയും കൂട്ട് പിടിക്കുകയാണ് ഇവര്.
വെറും ആറാം ക്ലാസ്സ് വിദ്യാഭ്യാസ യോഗ്യത ഉള്ളപ്പോഴാണ് ഇവരുടെ വിവാഹം. ഒരു ചെറിയ ഗ്രാമത്തിലേക്ക് പിന്നീട് ജീവിതം പറിച്ചു നടപ്പെട്ടപ്പോള് കഷ്ടപ്പാടുകളും ഭര്ത്താവിന്റെ ദുശീലങ്ങളും അവരെ തളര്ത്തിയില്ല. കുഞ്ഞുങ്ങള്ക്ക് വേണ്ടി എല്ലാത്തിനോടും പടവെട്ടി ജീവിച്ചു.
ഒടുവിലാണ് അവര് ചെറിയ രീതിയില് കട തുടങ്ങുന്നത്. അതിനു മുന്പ് മകന് തുടങ്ങിയ പബ്ലിഷിങ് കമ്പനി പൂട്ടേണ്ടി വന്നിരുന്നു. അന്ന് അവിടെ ബാക്കിയായത് കുറച്ച് മറാത്തി പുസ്തങ്ങളായിരുന്നു. പുതിയ ചായക്കടയിലേക്ക് അവര് ആ പുസ്തകങ്ങളും കൂട്ടി.
പുതിയ ചായക്കടയിലൂടെ പുതിയൊരു കാഴ്ചപ്പാടാണ് ഇവര് ഉണ്ടാക്കിയത്. ഭക്ഷണം വരാന് കാത്തിരിക്കുന്ന സമയത്ത് എല്ലാവരും ഫോണില് തന്നെ മുഖം താഴ്ത്തിയിരിക്കുന്ന കാഴ്ച ബീമാഭായിക്ക് മാറ്റണമെന്ന് തോന്നി. വായനയില് താല്പ്പര്യമുണ്ടെങ്കിലും അതിന് ഒരിക്കലും അവസരം ലഭിക്കാത്ത സ്ത്രീ എന്ന നിലയില്, ആളുകളില് വായനാ ശീലം പുനരാരംഭിക്കാന് അവര് തീരുമാനിച്ചു. ഭക്ഷണശാലയിലെ ഒരു സ്റ്റാന്ഡില് വെറും 25 പുസ്തകങ്ങളുമായി അവര് തുടങ്ങി. പിന്നീടത് വളര്ന്നുകൊണ്ടിരുന്നു.
ഇന്ന് ഭക്ഷണം മേശയില് എത്തുമ്പോഴേക്കും പലരും പുസ്തകത്തിന്റെ രണ്ടാം അധ്യായത്തില് എത്തിയിരിക്കും. ഭീമാബായിയുടെ ഉദ്യമത്തെ ആളുകള് അഭിനന്ദിക്കാന് തുടങ്ങി. കേവലം 25 പുസ്തകങ്ങളുമായി തുടങ്ങിയ പുസ്തക ശേഖരം ഇന്ന് 5000 പുസ്തകങ്ങളായി വളര്ന്നിരിക്കുന്നു.
ഗ്രേറ്റ് ബ്രിട്ടന് രൂപത വിമന്സ് ഫോറത്തിന്റെ ആഭിമുഖ്യത്തില് നേതൃത്വ പരിശീലന ക്യാമ്പ് മെയ് 10 മുതല്, രൂപതാധ്യക്ഷന് മാര് ജോസഫ് സ്രാമ്പിക്കല് ഉത്ഘാടനം ചെയ്യും
ബര്മിംഗ്ഹാം: ഗ്രേറ്റ് ബ്രിട്ടന് സീറോ മലബാര് രൂപത വിമന്സ് ഫോറത്തിന്റെ ആഭിമുഖ്യത്തില് ലീഡര്ഷിപ് ക്യാമ്പ് സംഘടിപ്പിക്കുന്നു. മെയ് മാസം പത്താം തീയതി ആറ് മണിക്ക് ആരംഭിച്ച് പന്ത്രണ്ടാം തീയതി 2 മണിക്ക് സമാപിക്കുന്ന രീതിയില് ക്രമീകരിച്ചിരിക്കുന്ന ലീഡര്ഷിപ്പ് ഡവലപ്മെന്റ് പ്രോഗ്രാം രൂപതാധ്യക്ഷന് മാര് ജോസഫ് സ്രാമ്പിക്കല് ഉത്ഘാടനം ചെയ്യും.
നേതൃത്വ പരിശീലന രംഗത്ത് വ്യക്തി മുദ്ര പതിപ്പിക്കുകയും, കാലങ്ങളായി ഈ മേഖലയില് പ്രവര്ത്തിക്കുകയും ചെയ്യുന്ന ഡോ ജാക്കി ജെഫ്റി, രൂപതാ പ്രോട്ടോ സിഞ്ചെല്ലൂസ് റെവ. ഡോ ആന്റണി ചുണ്ടെലികാട്ട്, റെവ. ഫാ ജോസ് അഞ്ചാനിക്കല്, റെവ, ഡോ ടോം ഓലിക്കരോട്ട്, റെവ. ഡോ സിസ്റ്റര് ജീന് മാത്യു എസ്എച്ച്, ഡോ ജോസി മാത്യു എന്നിവര് വിവിധ വിഷയങ്ങളില് ക്ളാസുകള് നയിക്കും.
റാംസ് ഗേറ്റ് ഡിവൈന് റിട്രീറ്റ് സെന്ററില് വച്ച് നടത്തുന്ന ഈ പരിശീലന പരിപാടിയിലേക്ക് രൂപതയിലെ ഇടവക /മിഷന് /പ്രൊപ്പോസഡ് മിഷന് തലങ്ങളില് നേതൃ നിരയില് പ്രവര്ത്തിക്കുന്ന എല്ലാ വനിതകളെയും സ്വാഗതം ചെയ്യുന്നതായി കമ്മീഷന് ചെയര്മാന് ഫാ ജോസ് അഞ്ചാനിക്കല് , വിമന്സ് ഫോറം ഡയറക്ടര് റെവ. ഡോ സി. ജീന് മാത്യു എസ് എച്ച് . വിമന്സ് ഫോറം പ്രസിഡന്റ് ട്വിങ്കിള് റെയ്സണ് സെക്രെട്ടറി അല്ഫോന്സാ കുര്യന് എന്നിവര് അറിയിച്ചു , ക്യാമ്പില് പങ്കെടുക്കാന് ആഗ്രഹിക്കുന്നവര് താഴെക്കാണുന്ന ലിങ്കില് പേരുകള് എത്രയും പെട്ടന്ന് രജിസ്റ്റര് ചെയ്യണമെന്നും ഭാരവാഹികള് അറിയിച്ചു.
ബ്രിസ്റ്റോള് മലയാളി അസോസിയേഷന് ഉദയം, മേയര് എമിറെറ്റസ് കൗണ്സിലര് ടോം ആദിത്യ മുഖ്യാതിഥിയാകുന്ന ചടങ്ങ് മേയ് 25ന് ബ്രിസ്റ്റോള് ട്രിനിറ്റി അക്കാഡമി ഹാളില് വെച്ച്
ബ്രിസ്റ്റോള്: ബ്രിസ്റ്റോളിലും സമീപപ്രദേശങ്ങളിലുമായി കഴിയുന്ന പഴയകാല മലയാളി കുടിയേറ്റ സമൂഹത്തിന് പുറമെ പുതിയ കുടിയേറ്റക്കാരും അണിനിരക്കുന്ന പുതിയ സംഘടനയായ ബ്രിസ്റ്റോള് മലയാളി അസോസിയേഷന്റെ ഔദ്യോഗിക ഉദ്ഘാടനം മേയ് 25ന് ബ്രിസ്റ്റോള് ട്രിനിറ്റി അക്കാഡമി ഹാളില് വെച്ച് നടക്കും. മേയര് എമിറെറ്റസ് കൗണ്സിലര് ടോം ആദിത്യ മുഖ്യാതിഥിയാകും.
'ഉദയം' എന്ന് പേരുനല്കിയിട്ടുള്ള ഉദ്ഘാടന ചടങ്ങ് ആധുനിക കാലത്തെ വൈവിധ്യാത്മകമായ ഒരു മലയാളി സംഘടനയുടെ ഉദയം അടയാളപ്പെടുത്തുന്നു. കുടുംബ, സാംസ്കാരിക, വിദ്യാഭ്യാസ, കുടിയേറ്റ രംഗങ്ങളില് മലയാളി സമൂഹത്തിന് ആവശ്യമായ പിന്തുണ കൂടി ഉറപ്പാക്കുകയാണ് ബിഎംഎയുടെ ലക്ഷ്യം. അതിന്റെ ഭാഗമായാണ് ഉദ്ഘാടന ദിവസം തന്നെ ഇമിഗ്രേഷന് മുതല് മോര്ട്ട്ഗേജ് വരെ വിഷയങ്ങളെ കുറിച്ച് വിവരങ്ങള് നല്കാന് പ്രത്യേക സെഷനുകളും ഉദയത്തില് ഉള്പ്പെടുത്തിയിരിക്കുന്നത്. ഇതിന് പുറമെ ആകര്ഷകമായ കലാപരിപാടികള് കൂടി വേദിയില് ആവേശമൊരുക്കും.
പുതിയ കുടിയേറ്റക്കാരെ സംബന്ധിച്ച് യുകെ നല്കുന്ന ഇമിഗ്രേഷന് അവകാശങ്ങള്, അവസരങ്ങള് എന്നിവ കൂടാതെ വീട് സ്വന്തമാക്കാന് മോര്ട്ട്ഗേജ് പോലുള്ള വിഷയങ്ങള് ഏത് വിധത്തില് പ്രവര്ത്തിക്കുന്നുവെന്നത് ഉള്പ്പെടെ കാര്യങ്ങളില് വ്യക്തത അനിവാര്യമാണ്. ഇത്തരം വിഷയങ്ങള് സംബന്ധിച്ച് സംശയദൂരികരണത്തിനായി നടത്തുന്ന ബോധവത്കരണ സെഷനുകളാണ് 'ഉദയത്തിന്റെ' മറ്റൊരു സവിശേഷത.
ഓരോ വിഷയങ്ങളിലും അതാത് മേഖലകളില് നിന്നുള്ള യുകെയിലെ വിദഗ്ധരാണ് പങ്കെടുക്കുന്നത്. ഇവരില് നിന്നും നിയമസംബന്ധമായതും, പ്രത്യേകിച്ച് ഇമിഗ്രേഷന് നിയമങ്ങളെ കുറിച്ചും വിശദമായി ചോദിച്ചറിയാം. കൂടാതെ മോര്ട്ട്ഗേജ് അഡൈ്വസര്മാര്, നഴ്സിംഗ് മേഖലയില് കരിയര് ഡെവലപ്മെന്റ് സംബന്ധിച്ച് വിവരം നല്കാന് നഴ്സിംഗ് വിദഗ്ധര്, യുകെയിലെ ഡ്രൈവിംഗ് നിയമങ്ങളെ കുറിച്ച് വിശദമാക്കാന് സ്പെഷ്യലിസ്റ്റുകള് എന്നിവരും പങ്കെടുക്കും.
മേയ് 25, ഉച്ചയ്ക്ക് രണ്ടു മണിക്ക് ബ്രിസ്റ്റോളിലെ ട്രിനിറ്റി അക്കാഡമി ഹാളില് 'ഉദയം' ചടങ്ങുകള്ക്ക് തിരിതെളിയും. യുകെയിലെയും, ബ്രിസ്റ്റോളിലെയും പ്രമുഖ കലാകാരന്മാര് അണിനിരക്കുന്ന വിവിധ കലാപരിപാടികള്ക്ക് പുറമെ വിഭവസമൃദ്ധമായ സദ്യയും ഒരുക്കിയിട്ടുണ്ട്.
വര്ണ്ണാഭമായ പരിപാടികളിലേക്ക് ബ്രിസ്റ്റോളിലെ പഴയകാലത്തെയും, പുതിയ കാലത്തെയും മലയാളി കുടിയേറ്റ സമൂഹത്തെ മുഴുവന് സ്വാഗതം ചെയ്യുന്നതായി ബ്രിസ്റ്റോള് മലയാളി അസോസിയേഷന് ചെയര്മാന് നോയിച്ചന് അഗസ്റ്റിന്, പ്രസിഡന്റ് സെന് കുര്യാക്കോസ്, സെക്രട്ടറി ചാക്കോ വര്ഗ്ഗീസ്, ട്രഷറര് റെക്സ് ഫിലിപ്പ് എന്നിവര് അറിയിച്ചു.