പുതുപുത്തന് ഫീച്ചര് അവതരിപ്പിച്ച് ഉപയോക്താക്കള്ക്ക് വീണ്ടും പ്രിയപ്പെട്ടതാകുകയാണ് വാട്സ്ആപ്പ്. വാട്സ്ആപ്പ് വീഡിയോ ഫോര്വേര്ഡ് ചെയ്യാനും റിവൈന്ഡ് ചെയ്യാനും സൗകര്യമൊരുക്കുന്നതാണ് വാട്സ്ആപ്പിന്റെ പുതിയ ഫീച്ചര്.
വാബീറ്റ ഇന്ഫോ റിപ്പോര്ട്ട് ചെയ്യുന്നത് പ്രകാരം ആപ്പിന്റെ 23.12.0.71 പതിപ്പില് ഫീച്ചര് ലഭ്യമാകുമെന്നാണ് റിപ്പോര്ട്ട്. വീഡിയോയുടെ അരികില് ഡബിള് ടാപ്പ് ചെയ്ത് വീഡിയോകള് വേഗത്തില് ഫോര്വേഡ് ചെയ്യാനും റിവൈന്ഡ് ചെയ്യാനും പുതിയ ഫീച്ചറിലൂടെ സാധിക്കും. നിലവില് ആപ്പിനുള്ളില് വിഡിയോകള് റെക്കോര്ഡ് ചെയ്യാനും അയയ്ക്കാനും വാട്സ്ആപ്പ് ഉപയോക്താക്കളെ അനുവദിക്കുന്നുണ്ട്.
ഫീച്ചര് എത്തുന്നതോടെ ഉപയോക്താക്കള്ക്ക് വിഡിയോയുടെ പ്രസക്തമായ ഭാഗങ്ങള് വിഡിയോ മുഴുവനായി കാണാതെ തന്നെ എളുപ്പത്തില് കണ്ടെത്താന് സാധിക്കും. യുട്യൂബില് വിഡിയോ പ്ലേ ചെയ്യുന്നതു പോലെ തന്നെ വാട്സആപ്പിലും കാണാം.