വളരെ ട്രാന്സ്പരെന്റ് ആയ ലാപ്ടോപ് നമ്മള് എന്നും ഇംഗ്ലീഷ് സിനിമകളില് മാത്രമാണ് കണ്ടിട്ടുള്ളത്. എന്നാല് ഇതാ ആ ലാപ്ടോപ് യാഥാര്ത്ഥ്യമാകുകയാണ്. ലെനോവോയാണ് ഈ അദ്ഭുതലാപ്ടോപ് അവതരിപ്പിച്ചത്.
തിങ്ക്ബുക്ക് ട്രാന്സ്പെരന്റ് ഡിസ്പ്ലെ എന്ന മോഡല് ലൊനൊവൊ മൊബൈല് വേള്ഡ് കോണ്ഗ്രസിലാണ് പരിചയപ്പെടുത്തിയത്. 17.3 ഇഞ്ച് സ്ക്രീന്സ്പേസില് 55 ശതമാനത്തോളം ട്രാന്സ്പരെന്സി ലഭിക്കുമെന്നാണ് പുറത്തുവരുന്ന വിവരങ്ങള്.
720പി റെസൊലൂഷനോടുകൂടി വരുന്ന മൈക്രൊ എല്ഇഡി സ്ക്രീനാണ് കമ്പനി നല്കിയിരിക്കുന്നത്. സ്ക്രീനിനു പുറമെ കീബോര്ഡിലും ട്രാന്സ്പരെന്സി ഉണ്ടാകും. കൂടാതെ എ ഐ ജനറേറ്റഡ് കണ്ടെന്റും ലാപ്ടോപ്പില് ഇന്ബില്ട്ട് ആയിട്ടുണ്ട്. സോഫ്റ്റ്വെയറിന്റെ കാര്യത്തില് നിലവിലെ ലാപ്ടോപുകള് പ്രവര്ത്തിക്കുന്നത് വിന്ഡോസ് 11 ഒഎസ് തന്നെയായിരിക്കുമെന്നാണ് സൂചനകള്. മറ്റു ഫീച്ചറുകള് എന്തൊക്കെയാണെന്ന് ലെനോവോ പുറത്തുവിട്ടിട്ടില്ല.
ആദ്യത്തെ ഫോള്ഡബിള് ലാപ്ടോപ് (തിങ്ക്പാഡ് എക്സ് 1 ഫോള്ഡ്) വിപണിയില് കൊണ്ടുവന്നതും ലെനോവോ തന്നെയാണ്. മൈക്രൊ എല്ഇഡി സാങ്കേതികവിദ്യ ഉപയോഗിച്ചാണ് തിങ്ക്ബുക്ക് ട്രാന്സ്പേരന്റ് ഡിസ്പ്ലെ തയാറാക്കിയിട്ടുള്ളത്. ട്രാന്സ്പരെന്റ് ഡിസ്പ്ലേ എന്നത് തന്നെയാണ് തിങ്ക്പാഡിന്റെ ഇപ്പോള് മുന്നോട്ടുവച്ചിരിക്കുന്ന ഏറ്റവും വലിയ ഫീച്ചര്.