ശരീരത്തില് ഒരിടം പോലും ബാക്കിയില്ലാതെ ടാറ്റൂ ചെയ്യുന്നവരുണ്ട്. അവരെ പറ്റിയെല്ലാം വാര്ത്തയാകാറുണ്ട്. ചിലര് വളരെ വ്യത്യസ്തമായി ടാറ്റൂ ചെയ്ത് വാര്ത്തകളില് ഇടം പിടിക്കാറുണ്ട്. അതുപോലെ ടാറ്റൂ ചെയ്ത് വ്യത്യസ്തനാകുകയാണ് ഒരു യുവാവ്.
ഇദ്ദേഹം ടാറ്റൂ ചെയ്തിരിക്കുന്നത് നെറ്റിയിലാണ്. അതും ക്യൂ ആര് കോഡാണ് ഇയാള് ടാറ്റൂ ചെയ്തിരിക്കുന്നത്. നെറ്റിയില് ക്യൂആര് കോഡ് ടാറ്റൂ ചെയ്യുന്നതിന്റെ പൂര്ണ്ണ വീഡിയോ ഇന്സ്റ്റാഗ്രാമിലൂടെയാണ് പങ്കുവച്ചിരിക്കുന്നത്.
വീഡിയോയില് ടാറ്റൂ ആര്ട്ടിസ്റ്റ് ഒരു യുവാവിന്റെ നെറ്റിയില് ക്യൂആര് കോഡിന്റെ ചിത്രം പതിപ്പിച്ച് അതിന് മുകളില് ടാറ്റൂ ചെയ്യുന്നത് കാണാം. ടാറ്റൂ ചെയ്യുമ്പോള് യുവാവിന് വേദനിക്കുന്നുണ്ടെങ്കിലും അയാള് മുഴുവന് സമയവും ശാന്തനായിരിക്കുന്നത് വീഡിയോയില് നിന്നും മനസ്സിലാക്കാം.
വീഡിയോയുടെ ഏറ്റവും ഒടുവിലായി ടാറ്റൂ ചെയ്ത ക്യൂആര് കോഡ് എങ്ങനെ പ്രവര്ത്തിപ്പിക്കാമെന്നും ടാറ്റൂ ആര്ട്ടിസ്റ്റ് തന്റെ മൊബൈലില് നെറ്റിയിലെ ക്യൂആര് കോഡ് സ്കാന് ചെയ്ത് കാണിക്കുന്നുണ്ട്. 'അവനെ ഇനി ഒരിക്കലും ടാഗ് ചെയ്യേണ്ടതില്ല...' എന്ന കുറിപ്പിനൊപ്പം യൂണിലാഡ് എന്ന ഇന്സ്റ്റഗ്രാം പേജിലൂടെയാണ് ഈ വീഡിയോ പങ്കിട്ടിരിക്കുന്നത്. ടാറ്റൂ ആര്ട്ടിസ്റ്റ് ക്യൂആര് കോഡ് സ്കാന് ചെയ്യുമ്ബോള് അത് യുവാവിന്റെ ഇന്സ്റ്റാഗ്രാം പേജിലേക്കാണ് പോകുന്നത്. ഇത് കാഴ്ചക്കാരെ അത്ഭുതപ്പെടുത്തുന്നുണ്ട്.