EDITOR'S CHOICE
അവസാനമായി ഭക്ഷണവും വെള്ളവും കുടിച്ചത് പത്താമത്തെ വയസ്സില്!!! ഭക്ഷണവും വെള്ളവും കഴിക്കാതെ ജീവിക്കാന് തുടങ്ങിയിട്ട് 16 വര്ഷമായെന്ന് യുവതി
3>വെള്ളവും ഭക്ഷണവും കഴിക്കാതെ ജീവിക്കുന്നതിനെ കുറിച്ച് ചിന്തിക്കാന് പറ്റുമോ? എന്നാല് കഴിഞ്ഞ പതിനാറ് വര്ഷമായി താന് ഭക്ഷണവും വെള്ളവും കഴിച്ചിട്ടെന്ന് വ്യക്തമാക്കിയിരിക്കുകയാണ് ഒരു യുവതി. എത്യോപ്യയില് നിന്നുള്ള ഒരു സ്ത്രീയാണ് ഞെട്ടിക്കുന്ന വെളിപ്പെടുത്തലുമായി എത്തിയത്.
മുളുവര്ക്ക് അമ്പാവ് എന്നാണ് സ്ത്രീയുടെ പേര്. താന് അവസാനമായി വെള്ളവും ഭക്ഷണവും കഴിച്ചത് പത്താം വയസ്സില് ആണെന്നാണ് ഇവര് പറയുന്നത്. തനിക്ക് ഭക്ഷണമോ വെള്ളമോ കഴിക്കണം എന്ന് തോന്നുന്നില്ലെന്നാണ് ഇവര് പറയുന്നത്. അതിനാലാണ് കഴിക്കാത്തതെന്നും ഇവര് പറയുന്നു. 10 വയസ്സായിരിക്കുമ്പോഴാണത്രെ അവര് അവസാനമായി ഭക്ഷണം കഴിച്ചത്. അത് പച്ചക്കറി സ്റ്റ്യൂ ആയിരുന്നു എന്നും അവര് പറയുന്നു.
തനിക്ക് ഒരിക്കലും വിശപ്പ് തോന്നിയിട്ടില്ല എന്നാണ് ഇവര് പറയുന്നത്. താന് ഭക്ഷണം കഴിക്കുന്നില്ലെങ്കിലും തന്റെ കുടുംബത്തിന് വേണ്ടി ഭക്ഷണം പാകം ചെയ്യാറുണ്ട് എന്നും ഇവര് പറയുന്നു. ഒരു കുട്ടിയുടെ അമ്മയാണ് ഇവര്. അതേസമയം, ഇവരെ പലരാജ്യത്തു നിന്നുമുള്ള പല ഡോക്ടര്മാരും മാറിമാറി പരിശോധിച്ചു. എന്നാല്, അസാധാരണമായ ഒന്നും കണ്ടെത്താനായില്ല എന്നാണ് ഡോക്ടര്മാരെല്ലാം പറയുന്നത്. മാത്രവുമല്ല, പരിശോധിച്ച ഡോക്ടര്മാരെല്ലാം പറയുന്നത് അവള് പൂര്ണ്ണാരോഗ്യവതിയാണ് എന്നാണ്.
അടുത്തിടെ, ഗിന്നസ് വേള്ഡ് റെക്കോര്ഡ് ഉടമയും യുകെയില് നിന്നുള്ള യൂട്യൂബറുമായ ഡ്രൂ ബിന്സ്കി അവളെക്കുറിച്ച് കൂടുതലറിയാന് വേണ്ടി അമ്പാവിനെ സന്ദര്ശിച്ചിരുന്നു. ''ഞാന് എന്റെ കുടുംബത്തോടൊപ്പമാണ് താമസിച്ചിരുന്നത്, അവര് എന്നോട് രാവിലെ ഭക്ഷണം കഴിച്ച് സ്കൂളില് പോകാന് ആവശ്യപ്പെടുമായിരുന്നു. ഞാന് കഴിക്കില്ല, കഴിച്ചു എന്ന് അഭിനയിക്കും. എനിക്ക് വെള്ളം കുടിക്കാനോ ഭക്ഷണം കഴിക്കാനോ കഴിഞ്ഞിരുന്നില്ല. എനിക്ക് വിശന്നിരുന്നില്ല'' എന്നാണ് അവള് ബിന്സ്കിയോട് പറഞ്ഞത്.
ഗര്ഭിണിയായിരിക്കുന്ന സമയത്ത് അവള്ക്ക് ശരീരത്തിന്റെ ഊര്ജ്ജം നിലനിര്ത്തുന്നതിന് വേണ്ടി ഗ്ലൂക്കോസ് നല്കുകയായിരുന്നു. അതുപോലെ പ്രസവിച്ച സമയത്തും മുലപ്പാലില്ലാത്തതിനാല് അവള്ക്ക് കുഞ്ഞിനെ മുലയൂട്ടാന് സാധിച്ചിരുന്നില്ല എന്നും പറയുന്നു. എന്തായാലും, ഇത്രയധികം കാലം എങ്ങനെയാണ് ഭക്ഷണവും വെള്ളവും കഴിക്കാതെ ഒരാള് ജീവിക്കുക എന്നാണ് യുവതിയുടെ കഥയറിഞ്ഞവരെല്ലാം ചോദിക്കുന്നത്.
പത്തൊമ്പതാം വയസ്സില് അയല്വാസി തട്ടിക്കൊണ്ടു പോയി തടവിലാക്കി, തൊട്ടടുത്ത വീട്ടില് നിന്ന് 26 വര്ഷങ്ങള്ക്ക് ശേഷം കണ്ടെത്തുമ്പോള് പുറത്ത് വന്നത് ക്രൂരതയുടെ ഞെട്ടിക്കുന്ന കഥ
3>വര്ഷങ്ങള്ക്ക് മുന്പ് കാണാതായ മകനെ തിരികെ കിട്ടിയ സന്തോഷത്തിലാണ് അള്ജീരിയയില് ഒരു കുടുംബം. ഒമര് ബിന് ഒമ്രാന് എന്ന മകനെ പത്തൊമ്പതാം വയസ്സില് ആണ് കാണാതാകുന്നത്. പക്ഷെ ഒരു വിളിപ്പാടകലെ മകന് തടവറയില് കഴിയുകയായിരുന്നെന്നും അവിടെ മകന് അനുഭവിച്ച ക്രൂരതകളുടെ കഥയും കേട്ടപ്പോള് ഈ കുടുംബം തകര്ന്നു പോയി.
കേട്ടുകേള്വി മാത്രമുള്ള സംഭവങ്ങളാണ് ഈ കുടുംബം നേരിട്ടനുഭവിക്കുന്നത്. വൊക്കേഷണല് സ്കൂളില് പോകാന് വീട്ടില് നിന്നിറങ്ങിയ ഒമ്രാനെ പെട്ടെന്നൊരു ദിവസം കാണാതാവുകയായിരുന്നു. പക്ഷെ അയല്ക്കാരന്റെ ക്രൂരതയില് അവന് കഷ്ടപ്പെടുകയായിരുന്നു. മകനെ കണ്ടുകിട്ടുമെന്ന പ്രതീക്ഷയില് ഒരമ്മ കാലങ്ങളോളം പൊലീസ് സ്റ്റേഷനില് കയറിയിറങ്ങി. ഒടുവില് 2013ല് ആ അമ്മ മരിച്ചു. എന്നെങ്കിലും തന്റെ മകന് തിരിച്ചുവരുമെന്ന പ്രതീക്ഷയോടെ ജീവിച്ചിരുന്ന അവര്, മകനെ ഒരുനോക്ക് കാണണമെന്ന ആഗ്രഹം ബാക്കിയാക്കിയാണ് അന്ത്യശ്വാസം വലിച്ചത്. വര്ഷങ്ങളോളം ഒമ്രാന് വേണ്ടി നടത്തിയ തിരച്ചില് ഇപ്പോള് പര്യവസാനിച്ചിരിക്കുകയാണ്. കാരണം അയല്ക്കാരന്റെ വീട്ടില് നിന്നും ഒമ്രാനെ കണ്ടെത്തി! ഒമ്രാന് 45 വയസുള്ളപ്പോഴാണ് കണ്ടെത്തുന്നത്. അയല്ക്കാരന്റെ ക്രൂരതയ്ക്ക് ഇരയായ ഒമ്രാന് നഷ്ടപ്പെട്ടത് കേവലം 26 വര്ഷം മാത്രമായിരുന്നില്ല. തന്റെ മനുഷ്യായുസിലെ ഏറ്റവും മനോഹരമായ കാലഘട്ടം കൂടിയായിരുന്നു.
അള്ജീരിയയിലെ ഡിജേല്ഫ സംസ്ഥാനത്തായിരുന്നു ഞെട്ടിപ്പിക്കുന്ന ക്രൂരത നടന്നത്. ആടുകളുടെ ഫാം നടത്തുന്ന അയല്ക്കാരന്റെ തടവുകാരനായിരുന്നു 26 വര്ഷം ഒമ്രാന്. വൈക്കോല് മേഞ്ഞ ഒരു കൂരയ്ക്കുള്ളില് അവന് രണ്ടര ദശാബ്ദക്കാലം കഴിഞ്ഞു. ചെറിയ ജനല് അഴികളിലൂടെ ഒമ്രാന് തന്റെ വീട്ടിലേക്ക് നോക്കുമായിരുന്നു. അമ്മയും സഹോദരങ്ങളും വേദനയോടെ നടക്കുന്ന കാഴ്ചയും അവന് കണ്ടു. ഒന്ന് ഒച്ചവയ്ക്കാന് പോലുമാകാതെ അവന് 26 വര്ഷം കഴിഞ്ഞു. ഒടുവില് ഒമ്രാനെ കണ്ടെത്തുമ്പോള് താടിയും മുടിയും നീട്ടി വളര്ത്തി, കട്ടിക്കുപ്പായങ്ങള് ധരിച്ച്, തിരിച്ചറിയാനാകാത്ത വിധത്തിലായിരുന്നു അവന്. മുന് സര്ക്കാര് ജീവനക്കാരനും 61-കാരനുമായ പ്രതി പൊലീസിനെ കണ്ടതും ഓടിരക്ഷപ്പെടാന് ശ്രമിച്ചെങ്കിലും പിടിയിലായി.
യഥാര്ത്ഥത്തില് പ്രതിയിലേക്ക് പൊലീസിനെ എത്തിച്ചത് പ്രതിയുടെ സഹോദരന് തന്നെയായിരുന്നു. ഒമ്രാനെ തടവില് വച്ചിരിക്കുന്നുവെന്ന സംശയം പ്രതിയുടെ സഹോദരനായിരുന്നു ആദ്യം പങ്കുവച്ചത്. ഇതേ തുടര്ന്ന് അള്ജീരിയയിലെ ക്രമസമാധാന ചുമതലയുള്ള അന്വേഷണ ഏജന്സിയായ നാഷണല് ജെന്ഡര്മേരീ ഒമ്രാന്റെ മിസ്സിംഗ് കേസ് വീണ്ടും പുനരന്വേഷിക്കാന് തീരുമാനിച്ചു. സംശയത്തിന്റെ നിഴലിലായിരുന്ന അയല്ക്കാരന്റെ വീട്ടിലും പരിസര പ്രദേശത്തും റെയ്ഡ് നടത്തി. ഒടുവിലാണ് ഒമ്രാനെയും തടവില് വച്ച 61കാരനെയും കണ്ടെത്തിയത്.
19-കാരനെ കാണാതായ ആദ്യ ഒരുമാസം അവനുമായി ഏറെ ചങ്ങാത്തത്തിലായിരുന്ന വളര്ത്തുനായ അയല്ക്കാരന്റെ വീടിന് പരിസരത്ത് എപ്പോഴും ചുറ്റിപ്പറ്റി നില്ക്കുമായിരുന്ന കാഴ്ച കുടുംബം ഓര്ത്തു. ഇതിന് പിന്നാലെ നായയെ ചത്ത നിലയില് കണ്ടെത്തി. ആരോ വിഷം കൊടുത്ത് കൊന്നതാണെന്നും വീട്ടുകാര്ക്ക് മനസിലായിരുന്നു. ഒരുപക്ഷെ ഒമ്രാന്റെ വളര്ത്തുനായ ഒരു ഭീഷണിയാകുമെന്ന് തിരിച്ചറിഞ്ഞ പ്രതി തന്നെയാകാം അതിന് പിന്നിലെന്ന് കരുതുന്നു. നിലവില് അറസ്റ്റിലായ പ്രതിയെ കോടതിക്ക് മുന്നില് ഹാജരാക്കിയിരിക്കുകയാണ്. മാനസികവും ശാരീരികവുമായ ആരോ?ഗ്യവും നഷ്ടപ്പെട്ട ഒമ്രാനെ ആശുപത്രിയിലും പ്രവേശിപ്പിച്ചു.
ഒന്ന് വാ തുറന്നതാണ് പിന്നെ വായ അടക്കാന് പറ്റിയിട്ടില്ല, താടിയെല്ലു കുടുങ്ങിയ അവസ്ഥയില് ഇന്സ്റ്റഗ്രാം ഇന്ഫ്ലുവന്സറെ ആശുപത്രിയില് പ്രവേശിപ്പിച്ചു
3>അമേരിക്കയിലെ ന്യൂജഴ്സിയില് ഇന്സ്റ്റഗ്രാം ഇന്ഫ്ളുവന്സറായ യുവതി പോസ്റ്റ് ചെയ്ത ഒരു വീഡിയോ കാണുന്നവര്ക്ക് ഇനിയൊന്ന് 'ആത്മാര്ത്ഥമായി വായ തുറക്കാന് പേടി തേന്നും'. കാരണം സന്തോഷം കൊണ്ട് ഒന്ന് വായ തുറന്ന യുവതി പിന്നെ മണിക്കൂറുകളോളം അതിന്റെ ബുദ്ധിമുട്ട് അനുഭവിച്ച വിവരണമാണ് വീഡിയോയില് ഉള്ളത്.
താടിയെല്ല് കുടുങ്ങി വായ അടയ്ക്കാന് കഴിയാത്ത അവസ്ഥയില് ആയിരുന്നു അമേരിക്കയിലെ ന്യൂജഴ്സി സ്വദേശിനി ജന്ന സിനത്ര എന്ന 21കാരിയെ ആശുപത്രിയില് പ്രവേശിപ്പിച്ചത്. മെഡിക്കല് ലോകം പോലും കേട്ടിട്ടില്ലാത്ത സംഭവമാണ് യുവതി വിവരിച്ചത്.
ജന്നയുടെ ജന്മദിനത്തിന് ഏതാനും ദിവസങ്ങള്ക്ക് മുന്പായിരുന്നു സംഭവം. താടിയെല്ലു കുടുങ്ങി തുറന്ന വായയുമായി ആശുപത്രിയില് ചികിത്സതേടുന്നതിന്റെ വിഡിയോ യുവതി തന്നെയാണ് സോഷ്യല്മീഡിയയില് പങ്കുവെച്ചത്. ഡോക്ടര് യുവതിയോട് കാര്യങ്ങള് തിരക്കുന്നതും വളരെ കഷ്ടപ്പെട്ട് പ്രതികരിക്കുന്നതുമെല്ലാം വിഡിയോയില് കാണാം. ഏതാണ്ട് ഒരുമണിക്കൂറോളം വായ അടയ്ക്കാനോ സംസാരിക്കനോ സാധിച്ചില്ലെന്നും യുവതി ഡോക്ടര്മാരെ അറിയിക്കുന്നുണ്ട്. മണിക്കൂറുകള് നീണ്ട ചികിത്സയ്ക്കൊടുവില് ജന്നയുടെ താടിയെല്ല് പൂര്വസ്ഥിതിയിലെത്തിച്ചു. നാല് ഡോക്ടര്മാരാണ് ജന്നയെ ചികിത്സിച്ചത്.ജന്ന സിനത്ര
താടിയെല്ലുകള് പഴയസ്ഥിതിയിലെത്തിച്ച ശേഷമുള്ള വിഡിയോയും യുവതി തന്റെ ഇന്സ്റ്റഗ്രാം പേജിലൂടെ പങ്കുവെച്ചിട്ടുണ്ട്. നിരവധി ആളുകളാണ് വിഡിയോയ്ക്ക് താഴെ കമന്റുമായി എത്തിയത്. ഇത് സാധാരണയായി പലര്ക്കും സംഭവിക്കുന്നതാണെന്നായിരുന്നു പലരുടെയും അഭിപ്രായം. എന്നാല് തന്റെ മകളുടെ നിര്ത്താതെയുള്ള വര്ത്താനം നിയന്ത്രിക്കാന് താന് ജന്നയുടെ അനുഭവം മകളുമായി പങ്കുവെക്കുമെന്നും ഒരാള് കമന്റ് ചെയ്തു
പറന്നുയര്ന്ന വിമാനത്തിന്റെ ലാന്ഡിംഗ് ഗിയറില് തകരാര്, അപകടം ശ്രദ്ധയില്പെട്ട പൈലറ്റ് കാണിച്ച സമയോചിത ഇടപെടല് കാരണം പ്രശ്നങ്ങളൊന്നുമില്ലാതെ വിമാനം ടാറിങ്ങില് ലാന്ഡ് ചെയ്തു!!!
3>ഉള്ളില് ധൈര്യം ആര്ജ്ജിച്ച് എല്ലാ പ്രശ്നങ്ങളെയും സമീപിച്ചാല് അത് പുഷ്പം പോലെ മറികടക്കാന് സാധിക്കും. മനസ്സിന്റെ ധൈര്യവും സമയോചിതമായ ഇടപെടലും ഓരോ ആപകട ഘട്ടത്തിലും ഉണ്ടാകേണ്ടത് അത്യാവശ്യമാണ്. അഥ്തരത്തില് ഒരു സന്ദര്ഭത്തിലൂടെ കടന്നു പോയ ഒരു പൈലറ്റ് തന്റെ യാത്രികരെ രക്ഷിച്ച സംഭവം ആണ് ഇപ്പോള് പ്രശംസ നേടുന്നത്.
തകരാര് പറ്റിയ ഒരു വിമാനത്തിന്റെ നിയന്ത്രണം അതിസാഹസികമായി ഏറ്റെടുത്ത് ജീവന് രക്ഷിച്ചിരിക്കുകയാണ് പൈലറ്റ്. തിങ്കളാഴ്ച രാവിലെ 8.30ന് ന്യൂകാസില് എയര്പോര്ട്ടില് നിന്ന് പറന്നുയര്ന്ന സിവിലിയന് കിംഗ് എയര് വിമാനം പോര്ട്ട് മക്വാരിയിലേക്ക് പോകുമ്പോള് ആണ് ലാന്ഡിംഗ് ഗിയറിലെ തകരാര് പൈലറ്റ് ശ്രദ്ധിക്കുന്നത്. എന്നാല് ഈ നിമിഷം പേടിക്കാതെ ധൈര്യമായി അതിനെ സമീപിക്കുകയായിരുന്നു ഇദ്ദേഹം.
മോശം കാലാവസ്ഥ, മെക്കാനിക്കല് തകരാറുകള്, വിമാനത്തിന് നേരെ പറന്നെത്തിയ പക്ഷികളുടെ ആക്രമണം എന്നിവയ്ക്കെതിരെ പോരാടിയ ശേഷം ശാന്തമായ സമീപനം സ്വീകരിച്ച പൈലറ്റ് വലിയൊരു ദുരന്തം ഒഴിവാക്കി. ഏകദേശം രണ്ട് മണിക്കൂറോളം വിമാനത്താവളം ചുറ്റിയ ശേഷം ന്യൂകാസിലിന് വടക്കുള്ള ഒരു എയര്ഫോഴ്സ് ബേസില് പീറ്റര് ഷോട്ടിനെ അടിയന്തരമായി ഇറക്കാന് നിര്ബന്ധിതനായി. പൈലറ്റ് പീറ്റര് ഷോട്ടും അദ്ദേഹത്തിന്റെ യാത്രക്കാരായ 60 വയസ്സുള്ള പുരുഷനും 65 വയസ്സുള്ള സ്ത്രീയുമായിരുന്നു സഞ്ചരിച്ചിരുന്നത്. പെട്ടന്ന് ലാന്ഡ് ചെയ്താല് റണ്വേയില് അടിതട്ടി തീപിടിക്കുന്ന സാഹചര്യം ഉണ്ടാകുമെന്ന് ഇദ്ദേഹം മുന്നില് കണ്ടു. മൂന്ന് മണിക്കൂറോളം പറന്ന് അധിക ഇന്ധനം കത്തിച്ച് കളഞ്ഞാണ് വിമാനം ടാറിങ്ങില് ലാന്ഡ് ചെയ്തത്. പ്രശ്നങ്ങളില്ലാതെ എന്തായാലും എല്ലാവരും രക്ഷപ്പെട്ടു. പൈലറ്റ് 15 വയസ്സ് മുതല് വിമാനം പറത്തുന്നയാളാണ്.
ചുവന്ന ലിപ്സ്റ്റിക്ക് ധരിച്ച് ഈ രാജ്യത്ത് നടക്കാന് സാധിക്കില്ല, ലിപ്സ്റ്റിക്ക് നിരോധനത്തിന് കാരണമായി രാജ്യത്തെ അധികാരികള് പറയുന്ന കാരണം വ്യത്യസ്തം!!!
3>ജനങ്ങള്ക്ക് അവരുടെ വ്യക്തപരമായ പലകാര്യങ്ങളിലും നിയന്ത്രണങ്ങള് ഏര്പ്പെടുത്തിയ രാജ്യം എന്ന പേരില് എപ്പോഴും വാര്ത്തകളില് നിറയുന്ന ഒരു രാജ്യമുണ്ട്. ജനങ്ങളുടെ വസ്ത്രധാരണത്തിലും അവരുപയോഗിക്കുന്ന കോസ്മെറ്റിക്കിനുമെല്ലാം പല പല നിയന്ത്രണങ്ങള് രാജ്യം കൊണ്ടു വന്നിട്ടുണ്ട്. ഇപ്പോഴിതാ മറ്റൊരു കാര്യം കൂടി ഈ രാജ്യത്ത് വിലക്കപ്പെട്ടിരിക്കുകയാണ്.
പറഞ്ഞ വരുന്നത് ഉത്തര കൊറിയയെ കുറിച്ചാണ്. നിയമം പാലിക്കാത്തവര്ക്കെതിരെ ശക്തമായ നടപടി സ്വീകരിച്ച് ശിക്ഷയും പിഴയും ഭരണകൂടം ചുമത്താറുണ്ട്. ഉത്തര കൊറിയന് പ്രസിഡന്റ് കിം ജോംഗ് ഉന് രാജ്യത്ത് നിരോധിച്ച കാര്യങ്ങളുടെ ലിസ്റ്റില് ഇതാ ചുവന്ന നിറമുള്ള ലിപ്സ്റ്റിക്കും ഉള്പ്പെട്ടിരിക്കുകയാണ്.
ചുവപ്പ് മുതലാളിത്തത്തിന്റെ പ്രതീകമായി കാണുന്നുവെന്ന് ചൂണ്ടിക്കാട്ടിയാണ് ചുവന്ന ലിപ്സ്റ്റിക്ക് രാജ്യത്ത് നിരോധിച്ചിരിക്കുന്നത്. സ്ത്രീകള് വലിയ രീതിയില് മേക്കപ്പ് ധരിക്കുന്നത് ഉത്തര കൊറിയയില് നിരോധിച്ചിട്ടുണ്ട്. ചുവന്ന നിറമുള്ള ലിപ്സ്റ്റിക് ധരിക്കുമ്പോള് സ്ത്രീകള് അമിതമായി മേക്കപ്പ് ധരിച്ചതായി തോന്നുന്നു. അതും നിരോധനത്തിന് ഒരു കാരണമായാണ് പറയപ്പെടുന്നത്.
ചുവന്ന ലിപ്സ്റ്റികിന് മാത്രമല്ല അടുത്തിടെ കിം ജോംഗ് ഉനിന്റെ ഭരണകൂടം സ്കിന്നി ആന്ഡ് ബ്ലൂ ജീന്സ്, ബോഡി ഫിറ്റ്, ചില ഹെയര്സ്റ്റൈലുകള് എന്നിവയും നിരോധിച്ചിരുന്നു. രാജ്യത്ത് അംഗീകരിച്ച ഹെയര്സ്റ്റെലുകള് മാത്രമേ സ്വീകരിക്കാന് അനുവദിക്കുകയുള്ളു. മറ്റ് ഹൈയര്സ്റ്റെലുകള് വയ്ക്കുന്നവര്ക്കെതിരെ കടുത്ത നടപടികള് സ്വീകരിക്കാറുണ്ട്.
കൂടാതെ നിരോധിച്ച സ്കിന്നി ജീന്സുകള് പോലുള്ളവ ധരിക്കുന്നവര്ക്കെതിരെയും വളരെ ശക്തമായ നടപടികളാണ് സ്വീകരിക്കുന്നത്. പിഴ ചുമത്തുക, പൊതുസ്ഥലത്ത് നിര്ത്തി ശിക്ഷിക്കുക ഇങ്ങനെയുള്ളവയാണ് ശിക്ഷ രീതികള്.
വൃക്കമാറ്റിവയ്ക്കല് ശസ്ത്രക്രിയയ്ക്ക് വിധേയനായിട്ട് രണ്ട് മാസം, ലോകത്ത് തന്നെ ആദ്യമായി ജനിതകമാറ്റം വരുത്തിയ പന്നിയുടെ വൃക്ക സ്വീകരിച്ച അറുപത്തിരണ്ടുകാരന് മരിച്ചു
3>ലോക ചരിത്രത്തിന്റെ ഭാഗമായ സംഭവമായിരുന്നു ലോകത്ത് ആദ്യമായി ജനിതകമാറ്റം വരുത്തിയ പന്നിയുടെ വൃക്ക മനുഷ്യന് സ്വീകരിച്ച വാര്ത്ത. എന്നാല് വൃക്ക സ്വീകരിച്ച് രണ്ട് മാസം പിന്നിടവേ ആ അറുപത്തിരണ്ടുകാരന് മരിച്ച വാര്ത്തയാണ് പുറത്ത് വന്നത്.
അമേരിക്കന് പൗരനായ റിച്ചാര്ഡ് സ്ലേമാനാണ് വൃക്ക മാറ്റിവയ്ക്കല് ശസ്ത്രക്രിയയ്ക്ക് വിധേയനായി രണ്ട് മാസത്തിന് ശേഷം മരണത്തിന് കീഴടങ്ങുന്നത്. കഴിഞ്ഞ ഫെബ്രുവരിയില് മസാച്യുസെറ്റ് ജനറല് ആശുപത്രിയില് നാല് മണിക്കൂര് നീണ്ടു നിന്ന ശസ്ത്രക്രിയയ്ക്കൊടുവിലാണ് സ്ലേമാനില് പന്നിയുടെ വൃക്ക പ്രവര്ത്തിച്ചു തുടങ്ങിയത്. മെഡിക്കല് ലോകത്തെ ചരിത്രപരമായ നേട്ടം തന്നെയായിരുന്നു ഇത്. തുടര്ന്ന് ഏതാനും ആഴ്ചകള് ആശുപത്രി അധികൃതരുടെ നിരീക്ഷണത്തിലായിരുന്നു ഇദ്ദേഹം. ഇതിനിടെ ആരോഗ്യസ്ഥിതി മോശമായതിനെ തുടര്ന്ന് വീണ്ടും ആശുപത്രി അധികൃതരുടെ നിരീക്ഷണത്തില് ആയി.
അതേസമയം മരണ കാരണം അവ്യക്തമാണെന്നും ഇതിന് ട്രാന്സ്പ്ലാന്റുമായി ബന്ധമില്ലെന്നും ആശുപത്രി അധികൃതര് അറിയിച്ചിരിക്കുന്നത്. കുടുംബത്തിന്റെ ദുഃഖത്തില് പങ്കുച്ചേരുന്നുവെന്നും മരണ കാരണം പരിശോധിച്ചു വരികയാണെന്നും ആശുപത്രി അധികൃതര് വ്യക്തമാക്കി.
വൃക്ക തകരാറിലായതിനെ തുടര്ന്ന് മാര്ച്ച് 21നായിരുന്നു റിച്ചാര്ഡ് സ്ലേമാനില് ജനിതകമാറ്റം വരുത്തിയ പന്നിയുടെ വൃക്ക മാറ്റിവച്ചത്. ജനിതകമാറ്റം വരുത്തിയ പന്നിയുടെ വൃക്ക സ്വീകരിച്ച ലോകത്തിലെ ആദ്യത്തെ വ്യക്തി എന്ന അപൂര്വ്വ നേട്ടവും സ്ലേമാന് ഇതോടെ സ്വന്തമാക്കിയിരുന്നു. പന്നിയുടെ വൃക്ക 2 വര്ഷത്തോളമെങ്കിലും മനുഷ്യനില് പ്രവര്ത്തിക്കുമെന്നാണ് ഡോക്ടര്മാര് കണ്ടെത്തിയത്. എന്നാല് ടൈപ്പ് 2 പ്രമേഹവും രക്തസമ്മര്ദ്ദവും റിച്ചാര്ഡിനുള്ളതായി ഡോക്ടര്മാര് കണ്ടെത്തിയിരുന്നു. ഈ രോഗങ്ങളിലുണ്ടായ വ്യതിയാനങ്ങള് വൃക്കയുടെ പ്രവര്ത്തനത്തെ ബാധിച്ചേക്കാമെന്നാണ് പ്രാഥമിക നിഗമനം.
അതേസമയം, ഡോക്ടര്മാരുടെ പരിശ്രമങ്ങള്ക്ക് നന്ദി അറിയിച്ച് റിച്ചാര്ഡിന്റെ കുടുംബം രംഗത്ത് വന്നു. രോഗിയായിരുന്ന അദ്ദേഹത്തിന് ഏഴാഴ്ചകള് കൂടി ജീവിക്കാന് സാധിച്ചു. അത്രയും ദിവസം റിച്ചാര്ഡിനൊപ്പം ജീവിക്കാന് സാധിച്ചതില് ഡോക്ടര്മാര്ക്ക് നന്ദി അറിയിക്കുന്നുവെന്നും കുടുംബം പ്രതികരിച്ചു. അവയവം മാറ്റിവയ്ക്കല് ശസ്ത്രക്രിയയ്ക്ക് വിധേയരാകുന്ന ആയിരകണക്കിന് ആളുകള്ക്ക് ഇത് പ്രചോദനവും പ്രതീക്ഷയുമേകുന്നതാണെന്നും കുടുംബം പ്രതികരിച്ചു.
വൃക്ക മാറ്റിവയ്ക്കുന്നതിന് പുറമെ പന്നികളില് നിന്ന് ഹൃദയം മാറ്റിവച്ചും പരീക്ഷണം നടത്തിയിരുന്നു. മസ്തിഷ്ക മരണം സംഭവിച്ച വ്യക്തികളിലാണ് ഈ പരീക്ഷണം നടത്തിയത്. എന്നാല് ശസ്ത്രക്രിയയ്ക്ക് വിധേയരായവര് ഏതാനും മാസങ്ങള്ക്ക് ശേഷം മരണപ്പെട്ടിരുന്നു
'ചുളിവുകള് നല്ലതാണ്' തിങ്കളാഴ്ചകളില് ഇസ്തിരിയിടാതെ ചുളിവുകളോടെ വസ്ത്രം ധരിച്ച് ഓഫീസിലെത്താം, പ്രകൃതിയെ സംരക്ഷിക്കാന് പുതിയ ക്യാമ്പയിന്
3>കൗണ്സില് ഓഫ് സയന്റിഫിക് ആന്ഡ് ഇന്ഡസ്ട്രിയല് റിസര്ച്ച് നടത്തുന്ന ക്യാമ്പയിന് വ്യത്യസ്തമാകുന്നു. 'ചുളിവുകള് നല്ലതാണ്' തിങ്കളാഴ്ചകളില് ഇസ്തിരിയിടാതെ ചുളിവുകളോടെ വസ്ത്രം ധരിച്ച് ഓഫീസിലെത്താനാണ് സിഎസ്ഐആര് ജീവനക്കാര്ക്ക് നല്കിയിരിക്കുന്ന നിര്ദേശം. ഇതിലൂടെ വന് തോതിലുള്ള കാര്ബണ് പുറന്തള്ളുന്നത് ഒഴിവാക്കാനാകുമെന്ന് ബോംബെ ഐഐടി പ്രൊഫ. ചേതന് സിങ് സോളങ്കി പറഞ്ഞു.
ഊര്ജ സംരക്ഷണം, പരിസ്ഥിതി സംരക്ഷണം, കാലാവസ്ഥാ വ്യതിയാനത്തെക്കുറിച്ചുള്ള അവബോധം എന്നിവയെക്കുറിച്ച് എല്ലാവരേയും ഓര്മിപ്പിക്കുക എന്നതാണ് ചുളിവുകള് നല്ലതാണ് എന്ന ക്യാംപയ്ന് ലക്ഷ്യമിടുന്നതെന്നും അദ്ദേഹം പറഞ്ഞു. അതേസമയം ഇതു സംബന്ധിച്ച് ഇതുവരെ ഔദ്യോഗിക അറിയിപ്പുകളൊന്നും പുറത്തുവിട്ടിട്ടില്ല.
എന്തെങ്കിലും ചെയ്യാതിരിക്കുക എന്നതാണ് കാലാവസ്ഥ വ്യതിയാനം പരിഹരിക്കാനുള്ള ഏറ്റവും എളുപ്പ വഴി. ഓരോ ജോഡി വസ്ത്രങ്ങള് ഇസ്തിരിയിടുന്നത് 200 ഗ്രാം കാര്ബണ് ഡൈ ഓക്സൈഡ് പുറന്തള്ളുന്നതിന് തുല്യമാണ്. അതിനാല്, ഇസ്തിരിയിടാത്ത വസ്ത്രങ്ങള് ധരിക്കുന്നതിലൂടെ ഒരാള്ക്ക് 200 ഗ്രാം വരെ കാര്ബണ് ഡൈ ഓക്സൈഡ് പുറന്തള്ളുന്നത് തടയാന് കഴിയുമെന്നും അദ്ദേഹം കൂട്ടിച്ചേര്ത്തു. ഈ സംസ്കാരം ദശലക്ഷക്കണക്കിന് ആളുകള് പിന്തുടര്ന്നാല് വലിയ തോതിലുള്ള കാര്ബണ് പുറന്തള്ളല് ഒഴിവാക്കാന് സാധിക്കുകയും അദ്ദേഹം പറഞ്ഞു.കാലാവസ്ഥാമാറ്റം നേരിടാന് ചുളിവുകളുള്ള വസ്ത്രം 'ദക്ഷിണേന്ത്യക്കാര് ആഫ്രിക്കക്കാരെപ്പോലെ, കിഴക്കുള്ളവര് ചൈനക്കാരെപ്പോലെ'; വിവാദ പരാമര്ശവുമായി സാം പിത്രോദ
നിലവില് 6,25,000 ആളുകള് ക്യാംപയ്നിന്റെ ഭാഗമാണ്. അതിലൂടെ എല്ലാ തിങ്കളാഴ്ചകളിലും നമ്മള്ക്ക് 1,25,000 കിലോഗ്രാം കാര്ബണ് പുറന്തള്ളല് ഒഴിവാക്കാന് സാധിക്കും. ഈ വര്ഷം അവസാനത്തോടെ ഒരു കോടിയിലധികം ആളുകള് ക്യാംപയ്നിന്റെ ഭാഗമാകുമെന്നാണ് പ്രതീക്ഷിക്കുന്നതെന്നും സോളങ്കി പറഞ്ഞു.
ലൈംഗികതയില് താല്പര്യം ഇല്ല പക്ഷെ സ്ത്രീയും പുരുഷനും വിവാഹിതരാകും, ജപ്പാനില് ട്രെന്റായി മാറിക്കൊണ്ടിരിക്കുന്ന 'ഫ്രണ്ട്ഷിപ്പ് മാരേജ്'!!!
3>വിവാഹത്തിന്റെ സാധാരണ രീതികളില് നിന്നും മാറി വ്യത്യസ്തമായി ജീവിതം മുന്നോട്ട് നയിക്കുന്ന രീതിയാണ് 'ഫ്രണ്ട്ഷിപ്പ് മാരേജ്' അഥവാ 'സൗഹൃദ കല്യാണം'. ജപ്പാനില് പുതിയ ട്രെന്റായാണ് ഈ സൗഹൃദ കല്യാണം മാറിക്കൊണ്ടിരിക്കുന്നത്.
പരസ്പരം ഇഷ്ടപ്പെടുന്നവര് തമ്മിലായിരിക്കും വിവാഹിതരാവുക. പക്ഷെ ഇവര് തമ്മില് ശാരീരികമായി ബന്ധം പുലര്ത്താന് താലര്പര്യമില്ലാത്തവരായിരിക്കും. വിവാഹത്തിന്റെ ചിന്താഗതി തന്നെ മാറ്റുന്ന തരത്തിലാണ് ഈ വിവാഹം.
ജപ്പാനിലെ 124 ദശലക്ഷമാളുകളില് ഒരു ശതമാനത്തോളം പേരാണ് ഫ്രണ്ട്ഷിപ്പ് മാരേജ് തിരഞ്ഞെടുക്കുന്നതെന്നാണ് കണക്കുകള്. ക്വീര് വിഭാഗത്തില്പ്പെടുന്നയാളുകള്, അസെക്ഷ്വല് വ്യക്തികള് (ലൈംഗിക താത്പര്യങ്ങളില്ലാത്തവര്), സ്വവര്ഗാനുരാഗികള്, പരമ്പരാഗത വിവാഹരീതികളോട് താത്പര്യമില്ലാത്തവര് തുടങ്ങിയവരാണ് ഫ്രണ്ട്ഷിപ്പ് മാരേജിനോട് കൂടുതലായും താത്പര്യം പ്രകടിപ്പിക്കുന്നത്.
സ്ത്രീയും പുരുഷനും തമ്മിലുള്ള തങ്ങളുടെ സൗഹൃദം മനുന്നിറുത്തിയാണ് ഇവര് വിവാഹിതരാകുന്നത്. ഒരുമിച്ച് സമയം ചെലവഴിക്കാന് ആഗ്രഹിക്കുന്നവും ദൈനംദിന ജീവിതം പങ്കിടാന് താത്പര്യമുള്ളവരുമായിരിക്കും ഇക്കൂട്ടര്. പക്ഷെ സാധാരണ വിവാഹിതരില് നിന്നും വളരെ വ്യത്യസ്തമായ രീതിയില് ആയിരിക്കും ഇവരുടെ വിവാഹം.
ജപ്പാനില് 2015 മുതല് ഇതിനോടകം അഞ്ഞൂറോളം പേരാണ് ഫ്രണ്ട്ഷിപ്പ് മാരേജ് സ്വീകരിച്ചതെന്നാണ് കണക്ക്. ഇത്തരത്തില് വിവാഹിതരാവുന്നവര് നിയമപരമായി ദമ്പതികളാണെങ്കിലും അവര്ക്കിടയില് മറ്റ് ദമ്പതികളെ പോലെ ലൈംഗിക താത്പര്യങ്ങളുണ്ടായിരിക്കുകയില്ലെന്നതാണ് ഏറ്റവും പ്രധാനപ്പെട്ട സവിശേഷത. ഇത്തരത്തില് വിവാഹം കഴിച്ച ചില ദമ്പതികള് കൃത്രിമ ബീജസങ്കലനത്തിലൂടെ മാതാപിതാക്കളാവുകയും ചെയ്യുന്നുണ്ട്.
ഒരു മണിക്കൂര് കൊണ്ട് 1100ലധികം മരങ്ങളെ കെട്ടിപ്പിടിച്ചു, നിബന്ധനകളെല്ലാം പാലിച്ച് മരങ്ങളെ കെട്ടിപ്പിടിച്ചതോടെ സ്വന്തമാക്കിയത് ഗിന്നസ് വേള്ഡ് റെക്കോര്ഡ്
3>വളരെ വിചിത്രമായ കാര്യങ്ങള് ചെയ്ത് അല്ലെങ്കില് വ്യത്യസ്തമായ കാര്യങ്ങളിലൂടെ ലോകറെക്കോര്ഡ് സ്വന്തമാക്കുന്നവരെ കുറിച്ച് ഇതിനു മുന്പും വാര്ത്തകള് വന്നിട്ടുണ്ട്. അത്തരത്തില് വളരെ വ്യത്യസ്തമായ രീതിയില് ഗിന്നസ് വേള്ഡ് റെക്കോര്ഡ് സ്വന്തമാക്കിയിരിക്കുകയാണ് ഒരു യുവാവ്.
ഒരു മണിക്കൂര് കൊണ്ട് 1100 -ലധികം മരങ്ങളെ കെട്ടിപ്പിടിച്ച് ഗിന്നസ് വേള്ഡ് റെക്കോര്ഡ് സ്വന്തമാക്കിയാണ് ഘാനയില് നിന്നുള്ള 29 -കാരനായ അബൂബക്കര് താഹിരു ശ്രദ്ധിക്കപ്പെടുന്ന്. കേള്ക്കുമ്പോള് വളരെ നിസ്സാരം എന്നൊക്കെ തോന്നുമെങ്കിലും സംഭവം പല തരത്തിലുള്ള മാനദണ്ഡങ്ങള് പാലിച്ചുകൊണ്ടാണ് ഇദ്ദേഹം ലക്ഷ്യം നേടിയത്.
പരിസ്ഥിതി പ്രവര്ത്തകനും ഫോറസ്റ്റ് വിദ്യാര്ത്ഥിയും ആണ് അബൂബക്കര് താഹിരു. ഒരു മിനുറ്റില് അദ്ദേഹം 19 മരങ്ങളെ ആണ് ഇദ്ദേഹം ആലിംഗനം ചെയ്തത്. അമേരിക്കയിലെ അലബാമയിലുള്ള ടസ്കെഗീ നാഷണല് ഫോറസ്റ്റിലാണ് ഈ മത്സരം നടന്നത്. ഇരുകൈകളും ഒരു മരത്തില് ചുറ്റിപ്പിടിക്കുക എന്നതായിരുന്നു ആലിംഗന പ്രകടനത്തിന്റെ മാനദണ്ഡം. എന്നാല്, ഒരു മരവും ഒന്നിലധികം തവണ കെട്ടിപ്പിടിക്കാന് പാടില്ല. മാത്രമല്ല, ഒരു മരത്തിനും കേടുപാടുകള് വരുത്താനും പാടില്ല. ഈ പറഞ്ഞ കാര്യങ്ങളില് ഏതെങ്കിലും സംഭവിച്ചാല് മത്സരത്തില് നിന്ന് അയോഗ്യനാവും.
ഗിന്നസ് വേള്ഡ് റെക്കോര്ഡിന്റെ ഔദ്യോഗിക ഇന്സ്റ്റാഗ്രാം ഹാന്ഡില് ശ്രദ്ധേയമായ നേട്ടത്തിന്റെ വീഡിയോ പങ്കുവെച്ചിട്ടുണ്ട്. അബൂബക്കര് താഹിരു ഇടതൂര്ന്ന വനത്തിലൂടെ ഓടുന്നതും വ്യത്യസ്ത മരങ്ങളെ വേഗത്തില് കെട്ടിപ്പിടിക്കുന്നതും വീഡിയോയില് കാണാം. വീഡിയോ ഇതുവരെ ഏകദേശം 10 ലക്ഷം കാഴ്ചക്കാരെ നേടിക്കഴിഞ്ഞു.
ഇത് ആദ്യമായാണ് ഇത്തരത്തില് ഒരു നേട്ടം ഒരാള് സ്വന്തമാക്കുന്നത്. ഈ നേട്ടം സ്വന്തമാക്കാന് ഗിന്നസ് വേള്ഡ് റെക്കോര്ഡ്സ് മുന്നോട്ടുവച്ചത് ഒരു മണിക്കൂറില് 700 മരങ്ങളെ ആലിംഗനം ചെയ്യുക എന്നതായിരുന്നു. എന്നാല് ആയിരത്തിലധികം മരങ്ങളെ ആലിംഗനം ചെയ്ത് അബൂബക്കര് താഹിരു ആദ്യ റെക്കോര്ഡ് സ്വന്തം പേരില് ആക്കി
പതിനേഴാം നൂറ്റാണ്ടിലെ യൂറോപ്യന് ചക്രവര്ത്തിമാര് മുതല് രാജകുമാരന്മാര് വരെയുള്ള നിരവധിപ്പേര് ഒപ്പിട്ട പുസ്തകം, ജര്മ്മന് ലൈബ്രറി ആ പുസ്തകം സ്വന്തമാക്കിയത് 24 കോടി 44 ലക്ഷം രൂപയ്ക്ക്!!!
3>ഒരു പുസ്തകം അതിന്റെ പ്രത്യേകത കൊണ്ട് ആശ്ചര്യപ്പെടുത്തുകയാണ്. ജര്മ്മന് ലൈബ്രറിയായ ഹെര്സോഗ് ഓഗസ്റ്റ് ബിബ്ലിയോതെക്ക് എല്ലാവര്ക്കും ചിന്തിക്കാവുന്നതില് അപ്പുറം തുകയ്ക്ക് ആ പുസ്തകം സ്വന്തമാക്കുകയും ചെയ്തു. എന്നാല് അത്രയും പ്രാധാന്യം ആ പുസ്തകത്തിന് ഉണ്ടെന്നത് അതിനെ കുറിച്ച് മനസ്സിലാക്കുന്നവര്ക്ക് അറിയാന് സാധിക്കും.
24 കോടി 44 ലക്ഷം രൂപയ്ക്ക് ഒരു ലൈബ്രറി ഒരു പുസ്തകം സ്വന്തമാക്കുക എന്നാല് വളരെ ചരിത്രപരമായ പ്രാധാന്യം അതിനുള്ളത് കൊണ്ടായിരിക്കും എന്ന് മനസ്സിലാക്കാം. നാനൂറ് വര്ഷത്തോളം പഴക്കമുണ്ട് ഈ പുസ്തകത്തിന്. പതിനേഴാം നൂറ്റാണ്ടിലെ യൂറോപ്യന് ചക്രവര്ത്തിമാര് മുതല് രാജകുമാരന്മാര് വരെയുള്ള നിരവധിപ്പേര് ഒപ്പിട്ട പുസ്തകമാണ് ഇത്. അതുകൊണ്ടു തന്നെയാണ് ഈ പുസ്തകത്തിന് ഇത്രയധികം വിലമതിപ്പുള്ളതും.
ഫ്രണ്ട്ഷിപ്പ് പുസ്തകമെന്നാണ് ഈ പുസ്തകം അറിയപ്പെടുന്നത്. നൂറ്റാണ്ടുകള്ക്ക് മുമ്പുള്ള രാഷ്ട്രീയപ്രാധാന്യമുള്ള നിരവധിപ്പേരുടെ ചിത്രങ്ങളും ഈ ഫ്രണ്ട്ഷിപ്പ് പുസ്തകത്തില് ഇടം നേടിയിരിക്കുന്നു. കൈയെഴുത്തിലൂടെ തയാറാക്കിയിരിക്കുന്നു എന്നതും ഈ പുസ്തകത്തെ ശ്രദ്ധേയമാക്കുന്നു.
ലോകമെമ്പാടുമുള്ള ഫ്രണ്ട്ഷിപ്പ് പുസ്തകങ്ങളില് ഏറ്റവും പ്രധാനപ്പെട്ടത് കൂടിയാണ് ഈ പുസ്തകം. നൂറ്റാണ്ടുകള്ക്ക് മുമ്പുള്ള രാഷ്ട്രീയ വ്യാപാര സംസ്കാരങ്ങള് പ്രതിഫലിക്കുന്നുണ്ട് പുസ്തകത്തില്. ജര്മ്മന് നയതന്ത്രജ്ഞനായ ഫിലിപ്പ് ഹൈന്ഹോഫറിന്റെ കയ്യിലായിരുന്നു ആദ്യകാലത്ത് ഈ പുസ്തകം. അദ്ദേഹമാണ് നിരവധിപ്പേരുടെ ഒപ്പുകളടക്കം ഈ പുസ്തകത്തില് ശേഖരിച്ചതും.
ജര്മ്മന് ഹൗസ് ഓഫ് വെല്ഫിലെ അംഗമായ ഡ്യൂക്ക് അഗസ്റ്റസ് തന്റെ ലൈബ്രറിയിലേക്ക് വര്ഷങ്ങള്ക്ക് മുമ്പ് ഈ പുസ്തകം വാങ്ങാന് ആഗ്രഹിച്ചിരുന്നു. എന്നാല് അന്ന് അതിന് സാധിച്ചില്ല. പിന്നീട് വര്ഷങ്ങള് പിന്നിട്ടപ്പോള് ഈ പുസ്തകം ലണ്ടനിലെ ഒരു ലേലത്തില് വീണ്ടും പ്രത്യക്ഷപ്പെട്ടു. അങ്ങനെയാണ് ഹെര്സോഗ് ഓഗസ്റ്റ് ബിബ്ലിയോതെക്കില് എത്തിയത്.