ഉപയോക്താക്കളെ തങ്ങളിലേക്ക് ആകര്ഷിക്കാന് പലതരം അപ്ഡേഷനാണ് വാട്സ്ആപ്പ് കൊണ്ടുവരുന്നത്. വാട്സ്ആപ്പ് വെബ് വേര്ഷനിലും ഈ പരീക്ഷണം വാട്സ്ആപ്പ് നടത്തുന്നുണ്ട്.
ഇപ്പോഴിചാ ഇക്കൂട്ടത്തില് പുതിയതായി വെബ് വേര്ഷന് ഉപയോക്താക്കള്ക്കായി വാട്സ്ആപ്പ് അവതരിപ്പിക്കാന് പോകുന്ന ഫീച്ചറാണ് രഹസ്യ കോഡ്. വാട്സ്ആപ്പ് ചാറ്റുകള് മറ്റുള്ളവര് ആക്സസ് ചെയ്യുന്നത് തടയാന് ലക്ഷ്യമിട്ടാണ് പുതിയ അപ്ഡേറ്റ്.
ഉപയോക്താവിന്റെ സുരക്ഷയും സ്വകാര്യതയും സംരക്ഷിക്കാന് ലക്ഷ്യമിട്ടാണ് പുതിയ ഫീച്ചര്. ലാപ്പ്ടോപ്പോ, പേഴ്സണല് കമ്പ്യൂട്ടറോ ഒന്നിലധികം ആളുകള് ഉപയോഗിക്കുന്നുണ്ടെങ്കില് ഈ ഫീച്ചര് വളരെയധികം പ്രയോജനം ചെയ്യും. വാട്സ്ആപ്പ് വെബില് ചാറ്റുകളില് ആരും നുഴഞ്ഞുകയറുന്നില്ല എന്ന് ഉറപ്പാക്കാന് ഈ ഫീച്ചര് വഴി സാധിക്കുമെന്നാണ് വിദഗ്ധരുടെ അഭിപ്രായം.
വാട്സ്ആപ്പ് വെബില് ചാറ്റുകള് ലോക്ക് ചെയ്ത് വച്ചിരിക്കുന്നത് തുറക്കണമെങ്കില് രഹസ്യ കോഡ് നല്കേണ്ടി വരും. മൊബൈല് വേര്ഷനില് ലഭ്യമായ ഫീച്ചറാണ് വാട്സ്ആപ്പ് വെബിലേക്കും നീട്ടുന്നത്.