ഭാരതം സ്വാതന്ത്ര്യത്തിന്റെ എഴുപത്തിയഞ്ചാം വാര്ഷികം ആഘോഷിക്കുമ്പോള് ബ്രിട്ടീഷ് ഭരണത്തില് നിന്നും ആ സ്വാതന്ത്ര്യം നേടിയ ഇന്ത്യക്കാരായ യുകെയിലെ നിവാസികളായ ഓരോ ഭാരതീയനുമൊപ്പം എല്ലാ മലയാളികളും ഈ മഹത്തായ സുദിനം സമുചിതമായി ആഘോഷിക്കണമെന്ന് യുക്മ ദേശീയ സമിതിക്കു വേണ്ടി പ്രസിഡന്റ് മനോജ്കുമാര് പിള്ള, ജനറല് സെക്രട്ടറി അലക്സ് വര്ഗ്ഗീസ് എന്നിവര് അഭ്യര്ത്ഥിച്ചു.
ഇന്ന് നടക്കുന്ന ചെറുതും വലുതുമായ ഏത് പരിപാടികളിലും സ്വാതന്ത്ര്യദിനത്തിന്റെ ഉചിതമായ അനുസ്മരണകള് ഉണ്ടാവുകയും, ദേശീയഗാനവും, ദേശഭക്തി ഗാനങ്ങളും ആലപിക്കുകയും ചെയ്യാവുന്നതാണ്. സ്വാതന്ത്ര്യ ദിനാഘോഷങ്ങള് സംഘടിപ്പിക്കുന്നത് ഉചിതവും, പിറന്ന നാടിനോടുള്ള സ്നേഹവും ആദരവും പ്രകടിപ്പിക്കാനുള്ള വേദിയായി മാറുകയും ചെയ്യുന്നതാണ്. സാധിക്കുന്ന മലയാളി അസോസിയേഷനുകളെല്ലാം പ്രത്യേകം സ്വാതന്ത്ര്യ ദിന പരിപാടികള് സംഘടിപ്പിച്ച് ഈ ചരിത്ര ദിനത്തിന്റെ പ്രാധാന്യം പുതുതലമുറയെ ബോധ്യപ്പെടുത്തുവാനും ശ്രമിക്കണം. നമ്മുടെ പൂര്വ്വികര് ചെയ്ത ത്യാഗോജ്ജ്വലമായ സമരമുഖങ്ങളും, അടിച്ചമര്ത്തലിലൂടെ അനുഭവിച്ച യാതനകളും പ്രത്യേകം എടുത്ത് പറയുകയും ചെയ്യണം.
സ്വാന്ത്ര്യ സമര പോരാട്ടങ്ങളില് ജീവത്യാഗം ചെയ്ത് രാജ്യത്തിന് സ്വാതന്ത്ര്യന്റെ പൊന്കിരണം നേടിത്തന്ന ധീരദേശാഭിമാനികളുടെ ഓര്മ്മകള് അനുസ്മരിക്കണം. നമ്മള് ഇന്നനുഭവിക്കുന്ന സ്വാതന്ത്ര്യം പോരാട്ട വീര്യത്തിന്റേയും ആത്മസമര്പ്പണത്തിന്റേയും കൂടിയാണ്. സ്വാതന്ത്ര്യദിനത്തിന്റെ പ്രാധാന്യം പുതുതലമുറക്ക് മനസ്സിലാക്കിക്കൊടുക്കേണ്ടത് നമ്മുടെ ദൗത്യമാണ്. ഇപ്പോള് നമ്മളനുഭവിക്കുന്ന സ്വാതന്ത്ര്യം രാജ്യത്തിന്റെ നന്മക്കായും രാജ്യപുരോഗതിക്കായും ഉപയോഗിക്കാം. രാജ്യത്തെ ശിഥിലമാക്കുന്ന ഛിദ്രശക്തികള്ക്ക് അറിഞ്ഞോ അറിയാതെ സ്വയം വിധേയമാകാതിരിക്കാന് മനപൂര്വ്വമായ ജാഗ്രത പാലിക്കേണ്ട സമയവും കൂടിയാണ്.
ഇന്ന് സംഘടിപ്പിക്കുന്ന പരിപാടികളില് ദേശഭക്തി ഗാനങ്ങളാലപിച്ച് അവയുടെ വീഡിയോ എടുത്ത് താഴെ കെടുത്തിരിക്കുന്ന ലിങ്കിലൂടെ
അപ് ലോഡ് ചെയ്ത് നമ്മുടെ രാജ്യത്തോടുള്ള കൂറ് പ്രകടിപ്പിക്കാനുള്ള അവസരമായി ഉപയോഗിക്കുവാന് എല്ലാ യു കെ മലയാളികളും തയ്യാറാവണമെന്ന് യുകെയിലെ ഇന്ത്യന് ഹൈക്കമ്മീഷനില് നിന്നും യുക്മക്ക് അറിയിപ്പ് ലഭിച്ചിട്ടുണ്ട്. എല്ലാ മലയാളികള്ക്കും യുക്മ ദേശീയ സമിതിയുടെ സ്വാതന്ത്ര്യദിനാശംസകള്...