ഹിന്ദു മത വിശ്വാസ പ്രകാരം വിവാഹത്തിന് അച്ഛന് മകളെ കന്യാധാനം ചെയ്തു കൊടുക്കുന്നു. എന്നാല് ഈ ചടങ്ങ് ആവശ്യമില്ലെന്നാണ് അലഹബാദ് ഹൈക്കോടതി പറയുന്നത്. വിവാഹമെന്ന ചടങ്ങിന് 'സപ്തപദി' മാത്രമാണെന്നും ഹൈക്കോടതി വിധിയില് പറയുന്നു.
അശുതോഷ് യാദവ് എന്നയാള് സമര്പ്പിച്ച റിവിഷന് ഹര്ജി പരിഗണിക്കവെ ആണ് ഹൈക്കോടതിയുടെ ലഖ്നൗ ബെഞ്ചാണ് കന്യാദാനം സംബന്ധിച്ച വിധി പ്രസ്താവിച്ചത്. പിതാവ് തന്റെ പുത്രിയുടെ വലതുകൈ വെറ്റിലയോടു കൂടി വരനെ പിടിപ്പിക്കുന്ന ചടങ്ങ് ആണ് കന്യാദാനം. പിതാവിന്റെ അഭാവത്തില് പിത്യസ്ഥാനത്തു നിന്ന് സഹോദരനും കന്യാദാനം നിര്വഹിക്കാവുന്നതാണ്.
യാദവ്, നിയമം അനുസരിച്ചുള്ള തന്റെ വിവാഹം 'കന്യാദാനം' ചടങ്ങ് നിര്ബന്ധമാക്കിയിരുന്നുവെന്ന് കോടതിയില് വാദിച്ചിരുന്നു. എന്നാല് തന്റെ വിവാഹത്തില് ഈ ചടങ്ങുണ്ടായിരുന്നില്ലെന്നും ഇയാള് വാദം ഉന്നയിച്ചു. ഇതേതുടര്ന്നാണ് കോടതിയുടെ വിധി വന്നത്. എന്നാല്, അനിവാര്യമായ ചടങ്ങ് 'സപ്തപദി' മാത്രമാണെന്നും കോടതി ചൂണ്ടിക്കാട്ടി.
വിവാഹത്തിന്റെ സമയത്ത് വധൂവരന്മാര് ഒരുമിച്ച് വൈവാഹികാഗ്നിക്കു ചുറ്റും ഏഴടി നടക്കുക എന്നത് 'സപ്തപദി' എന്ന ചടങ്ങുകൊണ്ട് ഉദ്ദേശിക്കുന്നത്. അതിനാല് വൈവാഹിക ചടങ്ങില് 'കന്യാദാനം' ചടങ്ങ് അത്യന്താപേക്ഷിതമല്ലെന്നും ഹൈക്കോടതി ജസ്റ്റിസ് സുഭാഷ് വിദ്യാര്ത്ഥി ഹര്ജി പരിഗണിക്കവെ വ്യക്തമാക്കി.