മൂന്നാം ലോക കേരള സഭയുടെ അമേരിക്കന്‍ മേഖലാ സമ്മേളനം ജൂണ്‍ 9,10,11 തീയതികളില്‍ ന്യൂയോര്‍ക്ക് നഗരത്തില്‍, ടൈംസ് സ്‌ക്വയറിലെ മാരിയേറ്റ് മാര്‍ക്യുസ് ഹോട്ടലില്‍ അരങ്ങുറുമ്പോള്‍ അതില്‍ പങ്കെടുക്കാന്‍ വേണ്ടി എത്തിച്ചേര്‍ന്നുകൊണ്ടിരിക്കുന്ന. മുഖ്യമന്ത്രി പിണറായി വിജയന്‍ ധനമന്ത്രി കെ.എന്‍ ബാലഗോപാല്‍ നിയമസഭ സ്പീക്കര്‍ എ എന്‍ ഷംസീര്‍, നോര്‍ക്ക റസിഡന്റ് വൈസ് ചെയര്‍മാന്‍ പി.ശ്രീരാമകൃഷ്ണന്‍ കൃഷ്ണന്‍, ചീഫ് സെക്രട്ടറി വി.പി. ജോയി ഡോ.വാസുകി ഐ എ എസ് എന്നിവര്‍ സമ്മേളനത്തില്‍ പങ്കെടുക്കും നോര്‍ക്ക റൂട്‌സ് ചീഫ് എക്‌സിക്യൂട്ടീവ് ഓഫിസര്‍ ഹരികൃഷ്ണന്‍ നമ്പൂതിരി ജനറല്‍ മാനേജര്‍ അജിത് കോലശ്ശേരി നോര്‍ക്ക ഡയറക്ടര്‍ ജെ കെ മേനാന്‍ തുടങ്ങിയവരെയും മറ്റു പ്രതിനിധികളെയും ന്യൂ യോര്‍ക്കിലേക്ക് ഫൊക്കാന സ്വാഗതം ചെയ്യുന്നു.
കേരളാ ഗവണ്‍മെന്റിന് വേണ്ടി അമേരിക്കയില്‍ ആദ്യമായണ് ലോക കേരള സഭയുടെ മേഖലാ സമ്മേളനം നടത്തുന്നത്. കേരളത്തിന് പുറത്തു ജീവിക്കുന്ന മലയാളികളുടെ പ്രതിനിധികള്‍, ജനപ്രതിനിധികള്‍ക്കൊപ്പം ചേര്‍ന്ന് ലോക മലയാളി സമൂഹത്തെ സംബന്ധിച്ച വിഷയങ്ങള്‍ ചര്‍ച്ച ചെയ്യാനും അവരുടെ പ്രശ്നങ്ങള്‍ക്ക് പരിഹാരങ്ങള്‍ കാണുകയും ചെയ്യുക എന്നതാണ് ലോക കേരള സഭയുടെ അമേരിക്കന്‍ മേഖലാ സമ്മേളനത്തിന്റെ ലക്ഷ്യം.. പ്രവാസികളുടെ പ്രശ്‌നങ്ങള്‍ കേരള ഗവണ്‍മെന്റിന്റെ ശ്രദ്ധയില്‍ കൊണ്ടുവരാന്‍ കഴിയുന്ന സാഹചര്യം നാം എന്തിന് ഒഴിവാക്കണം.
ലോകത്തകാമാനം വ്യാപിച്ചുകിടക്കുന്ന മലയാളി പ്രവാസി സമൂഹത്തെ ഒരു വേദിയില്‍ ഒരുമിപ്പിക്കുകയും. പ്രവാസികളെ ഒരുമിച്ചു ചേര്‍ത്ത് അവരുടെ വിവിധ കഴിവുകള്‍ കേരളത്തിന്റെ വളര്‍ച്ചക്കായി ഉപയോഗപ്പെടുത്തുക എന്ന ലക്ഷ്യത്തോടെ കൂടി കേരള സര്‍ക്കാര്‍ 2018 ല്‍ രൂപം നല്‍കിയ പദ്ധതിയാണ് ലോക കേരള സഭ. കേരളം ഇത്രയേറെ മുന്നേറ്റം വഹിച്ചതും കേരളത്തിന്റെ സാമ്പത്തിക അടിത്തറ തന്നെ പ്രവാസികളെ ആശ്രയിച്ചാണ് നില്‍ക്കുന്നത്. കേരളത്തിന്റെ ഭാവിക്കായി ഏറ്റവുമധികം സഹായം നല്‍കുന്ന പ്രവാസികളുടെ പ്രതിനിധികളെ കാണാനും കേള്‍ക്കാനും ഗവണ്‍മെന്റിനു ലഭിക്കുന്ന അവസരവുമാണിത്. അമേരിക്കയില്‍ ഇങ്ങനെ സംരംഭം നടക്കുമ്പോള്‍ അത് വിജയിപ്പിക്കേണ്ടുന്നത് ഫൊക്കാനയുടെയും കൂടെ ഉത്തരവാതിത്വം ആണ്. അതുകൊണ്ടു തന്നെയാണ് ഫൊക്കാന പ്രസിഡന്റ് ഡോ. ബാബു സ്റ്റീഫന്‍ മെയിന്‍ സ്‌പോണ്‍സര്‍ ആയി വരുകയും ഈ സമ്മേളനം വിജയിപ്പിക്കാന്‍ വേണ്ടുന്ന എല്ലാ സപ്പോര്‍ട്ടികളും നല്‍കുകയും ചെയ്യുന്നത്.
ലോക കേരളസഭയുടെ അമേരിക്കന്‍ സമ്മേളനവുമായി ബന്ധപ്പെട്ട് പല കഥകളും പ്രചരിപ്പിക്കുന്നുണ്ട്. ടൈം സ്‌ക്വയര്‍ പരിപാടിയിലോ പ്രതിനിധി സമ്മേളനത്തിലോ വിവേചനങ്ങളൊന്നുമില്ലെന്ന് സംഘാടകരും നോര്‍ക്കയും വ്യക്തമാക്കിയിട്ടുണ്ട്. ഇതിനെല്ലാം നേതൃത്വം നല്‍കുന്നത് നമുക്കെല്ലാം പ്രിയങ്കരനായ ഡോ. അനിരുദ്ധനും, മന്മഥന്‍ നായരുമാണ്. നമുക്ക് ഏവര്‍ക്കും സുപരിചിതര്‍ ആണ് ഇവര്‍. എല്ലാ പ്രവര്‍ത്തവും സുതാര്യമായാണ് നടത്തുന്നത് എന്നാണ് ഇവരില്‍നിന്നും അറിയാന്‍ സാധിച്ചത്. ഇങ്ങനെ ഒരു സംരംഭം നടത്തുബോള്‍ എല്ലാ മലയാളിക്കളയും വിളിച്ചു കുട്ടി നടത്തുവാന്‍ ബുദ്ധിമുട്ടുകള്‍ ഉണ്ട്, അതുകൊണ്ടു ആണ് തെരെഞ്ഞടുക്കപ്പെട്ട പ്രതിനിധികളെ മാത്രം ഉള്‍പ്പെടുത്തിയത് എന്നാണ് ഇവരില്‍ നിന്നും അറിയാന്‍ സാധിച്ചത്.
കേരള സഭയുടെ അമേരിക്കന്‍ മേഖലാ സമ്മേളനത്തിന് സര്‍ക്കാര്‍ ഒരു പണവും ചെലവഴിക്കുന്നില്ല. ഈ മേഖലാ സമ്മേളനസമ്മേളനത്തില്‍ പങ്കെടുക്കാന്‍ ആരും പണം നല്‍കേണ്ടതില്ല. രജിസ്‌ട്രേഷന്‍ സൗജന്യമാണ്. പിന്നെ സ്‌പോണ്‍സേഴ്സില്‍ കൂടെ മാത്രമേ ഇതിന്റെ ചിലവുകള്‍ വഹിക്കാനാവു. സമ്മേളനത്തിനായി ശേഖരിക്കുന്ന തുക, ചെലവ് എന്നിവ ഓഡിറ്റ് ചെയ്ത് അവതരിപ്പിക്കുമെന്ന് മുഖ്യ സംഘാടകരും പറഞ്ഞിട്ടുണ്ട്. അമേരിക്കയില്‍ ഇത്തരം പരിപാടികള്‍ സംഘടിപ്പിക്കുന്ന പൊതുമാതൃകയാണ് സ്‌പോണ്‍സേര്‍സ്. പിന്നെ എന്തിനാണ് ഒരു വിവാദം?
അമേരിക്കയില്‍ നടക്കാറുള്ള മിക്ക കണ്‍വന്‍ഷനുകളും സ്‌പോണ്‍സേഴ്സിനെ കണ്ടുപിടിച്ചാണ് സംഘടിപ്പിക്കുന്നത്. അതേ രീതിയില്‍ത്തന്നെയാണ് ലോക കേരളസഭയുടെ മേഖലാ സമ്മേളനവും നടക്കുന്നത്. സംഘാടക സമിതി പിരിക്കുന്ന പണം ഓഡിറ്റ് ചെയ്യപ്പെടും. സമ്മേളനത്തിനായി അഞ്ചു പൈസപോലും കേരള ഖജനാവില്‍നിന്ന് പോകുന്നില്ല. അമേരിക്കയില്‍നിന്ന് അമേരിക്കയിലെ മലയാളികളുടെ സംഭാവന കൊണ്ട് നടത്തുന്ന പരിപാടിയാണിത്.ന്യൂ യോര്‍ക്കില്‍ ലോക കേരള സഭയുടെ അമേരിക്കന്‍ മേഖലാ സമ്മേളനം നടത്തുബോള്‍ അമേരിക്കയിലെ പ്രമുഖ പ്രവാസി സംഘടനാ എന്ന നിലയില്‍ ഇത് വിജയിപ്പിക്കേണ്ടുന്നത് ഫൊക്കാനയുടെ ആവിശ്യം കൂടിയാണ്.
ക്ഷണിക്കപ്പെട്ട ഇരുന്നൂറിലധികം പ്രവാസി നേതാക്കള്‍ ന്യൂയോര്‍ക്കില്‍ മൂന്ന് ദിവസങ്ങളിലായുള്ള വിവിധ സെഷനുകളില്‍ പങ്കെടുത്ത് സംസാരിക്കും. പ്രവാസികളുടെ പ്രശ്‌നങ്ങള്‍ നാം ഇവിടെ അവതരിപ്പിക്കും. എല്ലാത്തിനും പരിഹാരം കണ്ടില്ലെങ്കില്‍ കുടിയും പലതും പരിഹരിക്കാനും സാധ്യതയുണ്ട് . അതുകൊണ്ട് അനാവിശ്യ വിവാദങ്ങള്‍ ഒഴിവാക്കി നമുക്ക് കേരള സഭയുടെ അമേരിക്കന്‍ മേഖലാ സമ്മേളനം വന്‍പിച്ച വിജയമാക്കാന്‍ ശ്രമിക്കാം . ലോക കേരള സഭയുടെ അമേരിക്കന്‍ മേഖലാ സമ്മേളനത്തിനായി ന്യൂ യോര്‍ക്കില്‍ എത്തിച്ചേരുന്ന എല്ലാവരെയും ഫൊക്കാന പ്രസിഡന്റ് ഡോ. ബാബു സ്റ്റീഫന്‍ , സെക്രട്ടറി ഡോ. കല ഷഹി , ട്രഷര്‍ ബിജു ജോണ്‍ ,എക്‌സ്. വൈസ് പ്രസിഡന്റ് ഷാജി വര്‍ഗീസ് , ട്രസ്ടി ബോര്‍ഡ് ചെയര്‍മാന്‍ സജി പോത്തന്‍ , വൈസ് പ്രസിഡന്റ് ചക്കോകുര്യന്‍ , ജോയിന്റ് സെക്രട്ടറി ജോയി ചക്കപ്പാന്‍ , അഡിഷണല്‍ ജോയിന്റ് സെക്രട്ടറി സോണി അമ്പൂക്കന്‍ , ജോയിന്റ് ട്രഷര്‍ ഡോ . മാത്യു വര്‍ഗീസ്, ജോയിന്റ് അഡീഷണല്‍ ട്രഷര്‍ ജോര്‍ജ് പണിക്കര്‍ , വിമെന്‍സ് ഫോറം ചെയര്‍ ഡോ. ബ്രിജിറ്റ് ജോര്‍ജ് , കണ്‍വെന്‍ഷന്‍ ചെയര്‍മാന്‍ വിപിന്‍ രാജ് എന്നിവര്‍ സ്വാഗതം ചെയ്യുന്നു.
More Latest News
മാര്‍ക്ക് സക്കര്‍ബര്‍ഗിന്റെ പിറന്നാളിന് അതിഥിയായി എത്തിയത് മൈക്രോസോഫ്റ്റ് സ്ഥാപകന്‍ ബില്‍ ഗേറ്റ്‌സ്!!!പിറന്നാളാഘോഷ ചിത്രങ്ങള്‍ പുറത്ത്
ഇനി മെസേജ് കണ്ടതായി അറിയിക്കാതെ ഇന്‍സ്റ്റാഗ്രാമില്‍ ഡയറക്റ്റ് മെസ്സേജുകള്‍ വായിക്കാം, ഇതാ പുതിയ അപ്‌ഡേഷന്‍
രാമായണത്തില്‍ രാവണനായി എത്തുന്ന യഷിന്റെ വസ്ത്രങ്ങള്‍ നിര്‍മ്മിച്ചിരിക്കുന്നത് സ്വര്‍ണം കൊണ്ട്!!! ചിത്രത്തെ കുറിച്ച് ഞെട്ടിക്കുന്ന വിവരങ്ങള്‍ ഇങ്ങനെ
'ആടുജീവിതത്തില്‍ നജീബാകാന്‍ പൃഥ്വിരാജിന്റെ കണ്ണിലുള്ള സ്വാഭാവിക ആത്മവിശ്വാസത്തെ കുറയ്ക്കാന്‍ ബോധപൂര്‍വം ശ്രമിച്ചിരുന്നു' തുറന്ന് പറഞ്ഞ് സംവിധായകന്‍ ബ്ലെസി
'ഭ്രമയുഗത്തില്‍ മുണ്ട് മാത്രമേ കോസ്റ്റ്യൂമുള്ളൂ, പക്ഷെ സാധാരണ നാല് ലക്ഷത്തിനുളളില്‍ ഒരു ചിത്രം തീര്‍ക്കാവുന്നിടത്ത് എട്ട് മുതല്‍ 10 ലക്ഷം വരെ അതിന് ചിലവായിട്ടുണ്ട്': തുറന്ന് പറഞ്ഞ് കോസ്റ്റിയൂം ഡിസൈനര്‍
Most Read
British Pathram Recommends
