ന്യൂജെഴ്‌സി / ചിക്കാഗോ: കലാസാഹിത്യരംഗത്തെ പ്രശസ്തരെ പങ്കെടുപ്പിച്ച് ന്യൂജെഴ്‌സിയിലും ചിക്കാഗോയിലും അല സംഘടിപ്പിച്ച ആര്‍ട്‌സ് ആന്‍ഡ് ലിറ്ററേച്ചര്‍ ഫെസ്റ്റിവലിനു കൊടിയിറങ്ങി.
പ്രസിദ്ധ മലയാളി സാഹിത്യകാരന്‍ പോള്‍ സഖറിയ ആര്‍ട്‌സ് ആന്‍ഡ് ലിറ്ററേച്ചര്‍ ഫെസ്റ്റിവല്‍ ഉദ്ഘാടനം ചെയ്യ്തു. 2023 മേയ് 20ന് ന്യൂജെഴ്‌സില്‍ ഒന്നാം പാദവും, മേയ് 27ന് ചിക്കാഗോയില്‍ രണ്ടാംഘട്ടം അരങ്ങേറി. അലയുടെ ബോര്‍ഡ് ഓഫ് ട്രസ്റ്റിയുടെയും ദേശീയ കമ്മിറ്റിയുടെയും മേല്‍നോട്ടത്തില്‍ ന്യൂജേഴ്‌സി, ന്യൂയോര്‍ക്, പെന്‍സില്‍വാനിയ, ബോസ്റ്റണ്‍ എന്നീ ചാപ്റ്ററുകള്‍ ന്യൂജേഴ്‌സിയില്‍ നടന്ന പരിപാടിക്ക് നേതൃത്വം നല്‍കിയപ്പോള്‍ ചിക്കാഗോയിലെ രണ്ടാം പാദത്തിനു ചിക്കാഗോ, വിസ്‌കോണ്‍സിന്‍ ചാപ്റ്ററുകള്‍ ചുക്കാന്‍ പിടിച്ചു. ആര്‍ട്‌സ് ആന്‍ഡ് ലിറ്ററേച്ചര്‍ ഫെസ്റ്റിവലില്‍ മലയാളത്തിന്റെ എഴുത്തുകാരായ പോള്‍ സഖറിയ (സഖറിയ), ബെന്യാമിന്‍, കാലിഗ്രാഫിയിലൂടെ ശ്രദ്ധേയയായ ഡോണ മയൂര, ശാസ്ത്രസാഹിത്യകാരനും അധ്യാപകനും കേരളസാഹിത്യഅക്കാദമി ജേതാവുമായ എതിരന്‍ കതിരവന്‍ എന്ന തൂലികാനാമത്തില്‍ പ്രശസ്തനായ ശ്രീധരന്‍ കര്‍ത്ത എന്നിവര്‍ അതിഥികളായി എത്തി.
സാഹിത്യോത്സവത്തിന്റെ അക്ഷരവേദിയില്‍ മലയാളത്തിന്റെ പ്രീയപ്പെട്ട എഴുത്തുകാരന്‍ സഖറിയ 'സ്വാതന്ത്ര്യം തന്നെ ജീവിതം' എന്ന വിഷയത്തിലും, ആടുജീവിതത്തിന്റെ കഥാകാരന്‍ ബെന്യാമിന്‍ 'മാറുന്ന ലോകത്തെയും മാറുന്ന പ്രവാസികളെയും' കുറിച്ച് സംസാരിച്ചു. സമകാലീന മലയാള സാഹിത്യത്തിന്റെ സമ്മിശ്ര ഭാവങ്ങളെ സംബന്ധിച്ച് ഡോണ മയൂര അനുഭവങ്ങളും അഭിപ്രായങ്ങളും ആശങ്കകളും പങ്കുവയ്ച്ചപ്പോള്‍, ശാസ്ത്രവും സ്വാതന്ത്ര്യവും എന്ന വിഷയത്തില്‍ എതിരന്‍ കതിരവന്‍ സംസാരിച്ചു.
സാഹിത്യോത്സവത്തിന്റെ ഭാഗമായി മണ്ഡപത്തില്‍ രജനി മേനോന്റെ കഥകളി (പൂതനാമോക്ഷം), നിമ്മി ആര്‍. ദാസ് അവതരിപ്പിക്കുന്ന നൃത്തരൂപം (ഇനി ഞാന്‍ പോയ് വരാം), നിഷാ പ്രദീപ്, സ്വപ്ന കാലത് എന്നിവര്‍ ചേര്‍ന്ന് അവതരിപ്പിക്കുന്ന നൃത്തം 'ദി വിസ്ഡം വിത്തിന്‍', മല്‍ഹാര്‍ ഡാന്‍സ് സ്‌കൂളിലെ കലാകാര്‍ അവതരിപ്പിച്ച നൃത്തരൂപം (അലര്‍ശര പരിതാപം) എന്നിവക്ക് പുറമെ ടീം ഗുങ്കുരുവിന്റെ നൃത്തനാടകാവിഷ്‌കാരം 'സത്യഭാമ' അരങ്ങിലെത്തി.
സാഹിത്യോത്സവത്തോട് അനുബന്ധമായി മലയളിയുടെ പ്രിയങ്കരനായ സാഹിത്യകാരന്‍ വൈക്കം മുഹമ്മദ് ബഷീറിന്റെ ഓര്‍മ്മകള്‍ ഉണര്‍ത്തുന്ന രീതിയില്‍ തയ്യാറക്കുന്ന ബഷീര്‍ കോര്‍ണര്‍, പ്രശസ്ത എഴുത്തുകാരുടെ 400ല്‍ അധികം പുസ്തകങ്ങളുമായി ഒരുങ്ങുന്ന ബുക്ക്സ്റ്റാള്‍, കേരളത്തിലെ വിവിധയിനം പലഹാരങ്ങളും വിഭവങ്ങളും അടങ്ങുന്ന ഫുഡ് കോര്‍ണര്‍, കുട്ടികള്‍ക്കായിചിത്രരചന ശില്പശാലയും സജ്ജീകരിച്ചിരുന്നു.
More Latest News
ഗ്രേറ്റ് ബ്രിട്ടന്‍ സീറോ മലബാര്‍ രൂപത ഏഴാമത് ബൈബിള്‍ കലോത്സവം നവംബര്‍ 16ന് സ്‌കന്തോര്‍പ്പില്‍, നിയമാവലി പ്രകാശനം ചെയ്ത് മാര്‍ ജോസഫ് സ്രാമ്പിക്കല്‍
സൗത്ത് ഇന്ത്യന്‍ മലയാളി അസോസിയേഷന്‍ സൈമാ പ്രെസ്റ്റണിന്റെ ആഭിമുഖ്യത്തില്‍ സ്നേഹ സംഗീത രാവ്, ഈമാസം 31ന് വൈകിട്ട് ആറു മണിക്ക് പ്രെസ്റ്റണ്‍ ക്രൈസ്റ്റ് ചര്‍ച്ചില്‍
'ഹാപ്പി ബര്‍ത്ത് ഡേ സുധി ചേട്ടാ, നിങ്ങളെ ഞാന്‍ ആഴത്തില്‍ മിസ്സ് ചെയ്യുകയാണ്' കൊല്ലം സുധിക്ക് പിറന്നാള്‍ ആശംസകള്‍ നേര്‍ന്ന് ഭാര്യ രേണു
പാല്‍ ചായ അധിക നേരം തിളപ്പിക്കുന്ന പതിവുണ്ടോ? ഇനി അത് നിറുത്തുന്നതാണ് നല്ലതെന്ന് ആരോഗ്യവിദഗ്ധര്‍
കോഹ്ലിയുടെ വിജയത്തില്‍ കണ്ണ് നിറയുന്ന അനുഷ്‌ക ശര്‍മ്മ, സോഷ്യല്‍ മീഡിയയില്‍ വീണ്ടും ശ്രദ്ധ നേടി താരങ്ങളുടെ സന്തോഷ പ്രകടനം
Most Read
British Pathram Recommends
