അഞ്ജുവും കുട്ടികളും തീനാളങ്ങളില് ലയിച്ചു; മകളുടെയും പേരക്കുട്ടികളുടെയും ചേതനയറ്റ മൃതദേഹങ്ങള് കണ്ട് ഏങ്ങലടിച്ചു കരഞ്ഞ് അഞ്ജുവിന്റെ മാതാപിതാക്കള്, അഞ്ജുവിന്റെ ആഭരണങ്ങള് ഉള്പ്പെടെയുള്ള സ്വകാര്യ വസ്തുക്കള് മാതാപിതാക്കള്ക്ക് കൈമാറി
Story Dated: 2023-01-15
രാക്ഷസരൂപം പൂണ്ട ഭർത്താവിന്റെ ക്രൂരമായ ആക്രമണത്തിനു വിധേയമായി മരണം വരിച്ച യു കെ യിലെ കെറ്ററിംഗ് ജനറൽ. ഹോസ്പിറ്റലിലെ നേഴ്സായിരുന്ന കോട്ടയം വൈക്കം സ്വദേശി കുലശേഖരമംഗലം അറക്കൽ അശോകന്റെ മകൾ അഞ്ചുവിന്റെയും മക്കളായ ജീവ, ജാൻവി എന്നിവരുടെയും മൃതദേഹങ്ങൾ ശനിയാഴ്ച ഉച്ചകഴിഞ്ഞു ഒരു മണിയോട് കൂടി വീട്ടുവളപ്പിൽ തയ്യാറാക്കിയ ചിതയിൽ ദഹിപ്പിച്ചു .അഞ്ചുവിന്റെ കുടുംബങ്ങളങ്ങളും നാട്ടുകാരും സാമൂഹിക പ്രവർത്തകരും അടങ്ങുന്ന വലിയൊരുജനവലി അന്ത്യകർമ്മങ്ങൾക്കു സാക്ഷിയായി .വെള്ളിയാഴ്ച രാവിലെ 8 മണിക്ക് മാഞ്ചെസ്റ്റെറിൽ നിന്നുപുറപ്പെട്ട വിമാനത്തിലാണ് മൃതദേഹങ്ങൾ നാട്ടിലേക്കു കൊണ്ടുപോയത് ശനിയാഴ്ച രാവിലെ 8 മണിക്കു നെടുമ്പാശ്ശേരി വിമാനത്താവളത്തിൽ എത്തിയപ്പോൾ തന്നെ അഞ്ചുവിന്റെ കുടുംബവും സാമൂഹിക പ്രവർത്തകരും മൃതദേഹം സ്വികരിക്കാൻ വിമാനത്താവളത്തിൽ എത്തിയിരുന്നു അവിടെനിന്നും ആംബുലൻസിൽ മൃതദേഹങ്ങൾ വൈക്കത്തെ വീട്ടിലേക്കു കൊണ്ടുപോയി 10 മണിമുതൽ ഒരു മണിവരെ പൊതു ദർശനത്തിനു വച്ചതിനു ശേഷമാണു ചിതയിലേക്ക് എടുത്തത് അഞ്ചുവിന്റെ സഹോദരിയുടെയും മാതാവിന്റെയും പിതാവിന്റെയും കരച്ചിലുകൾ ആരുടെയും ഹൃദയം തകർക്കുന്നതായിരുന്നു .ഞാനും നിന്റെകൂടെ വരുമെന്ന പിതാവിന്റെ വാക്കുകൾ സഹിക്കാവുന്നതായിരുന്നില്ല.
അഞ്ചുവിന്റെ ബന്ധുക്കൾ ആരും യു കെ യിൽ ഇല്ലാത്തതുകൊണ്ട് അഞ്ചുവിന്റെ സഹപ്രവർത്തകനും ഇടുക്കി ചാരിറ്റി ഗ്രൂപ്പ് യു കെ ഉപദേശകസമിതി അംഗവുമായ മനോജ് മാത്യുവിനെയാണ് അഞ്ചുവിന്റെ കുടുംബം NEXT OF KIN ആയി ചുമതലപ്പെടുത്തിയത് മനോജ് മൃതദേഹത്തെ അനുഗമിച്ചു നാട്ടിൽ എത്തിയിട്ടുണ്ട് . അഞ്ചുവിന്റെ സ്വർണ്ണം ഉൾപ്പെടെയുള്ള സ്വാകാര്യ വസ്തുക്കളും കുട്ടികളുടെ വസ്തുക്കളും പോലീസ് മനോജിന്റെ കൈവശം കൊടുത്തുയച്ചിട്ടുണ്ട് അവ പൊതുപ്രവർത്തകരെയും നാട്ടുകാരെയും സാക്ഷിനിർത്തി അഞ്ചുവിന്റെ പിതാവിനെ കൈമാറി .
..അഞ്ചുവിന്റെ കേസ് അന്വഷിക്കുന്ന രണ്ടു പോലീസ് ഓഫീസർമാർ മൃതദേഹത്തോടൊപ്പം നാട്ടിൽ എത്തുമെന്ന് അറിയിച്ചിരുന്നു എന്നാൽ സാങ്കേതിക കരങ്ങളാൽ അവർ യാത്ര മാറ്റിവച്ചു അടുത്ത ദിവസം തന്നെ അവർ നാട്ടിലെത്തി അഞ്ചുവിന്റെ കുടുംബത്തെയും ഭർത്താവിന്റെ കുടുംബത്തെയും കാണുമെന്നുമാണ് അറിയുന്നത്. തോമസ് ചാഴികാടൻ M P ,സി കെ ആശ MLA മന്ത്രി റോഷി അഗസ്റ്റിൻ എന്നിവർ ആദരാജ്ഞലികൾ അർപ്പിക്കാൻ എത്തിയിരുന്നു
യു കെ മലയാളി ചരിത്രത്തിൽ ആദ്യമായിട്ടാണ് പിഞ്ചു കുട്ടികളെ കൂട്ടക്കുരുതി നടത്തിയ ഇത്തരം ഒരു സംഭവം റിപ്പോർട്ട് ചെയ്യപ്പെടുന്നത്. അതുകൊണ്ടുതന്നെ അഞ്ചുവും കുട്ടികളും കൊല്ലപ്പെട്ട ഫ്ലാറ്റിനുമുൻപിൽ ഇംഗ്ലീഷ് സമൂഹവും മലയാളിസമൂഹവും പുഷ്പ്പങ്ങൾ കൊണ്ട് നിറച്ചാണ് അവരുടെ ആദരവുപ്രകടിപ്പിച്ചത് കെറ്ററിംഗിലെ പൊതുദർശന സമയത്തും വലിയ ഇംഗ്ലീഷ് ,മലയാളി സമൂഹങ്ങളുടെ സന്യത്യം അനുഭപ്പെട്ടിരുന്നു
ഡിസംബർ 15 നാണ് അഞ്ചുവും(35 ) മക്കളായ ജീവ (6 ),ജാൻവി (4 ) എന്നിവരും കൊല്ലപ്പെട്ടത്. കൊലനടത്തിയ അഞ്ചുവിന്റെ ഭർത്താവു കണ്ണൂർ സ്വദേശി സജു (54 ) ചെലവേലിയിൽ ഇപ്പോഴും ബ്രിട്ടീഷ് പോലീസ് കസ്റ്റഡിയിലാണ് .
അഞ്ചുവിന്റെ മൃതദേഹം പിഞ്ചുകുഞ്ഞുങ്ങളോടൊപ്പം ചിതയിൽ അമർന്നപ്പോൾ ഒരു പാടു ചോദ്യങ്ങൾ ബാക്കിയാണ് എന്തിനു സജു ഈ ക്രൂരത കാണിച്ചു ?അതിനു പോലീസ് മറുപടി പറയും എന്നതിൽ സംശയമില്ല..കേസ് അന്വേഷിച്ച പോലീസ് ഉദിയോഗസ്ഥർ പറഞ്ഞത് ഈ ക്രൂരതയ്ക്ക് ഞങ്ങൾ മാക്സിമം ശിക്ഷ മേടിച്ചുകൊടുക്കുമെന്നാണ്
വളരെ വലിയ സ്വപനങ്ങളുമായി യു കെയിൽ എത്തിയ ഒരു കുടുംബം മാത്രമല്ല തകരുന്നത് മകളെ കൂലിപ്പണിയെടുത്തു പഠിപ്പിച്ചു യു കെ യിൽ എത്തിച്ച അഞ്ചുവിന്റെ പിതാവ് അശോകന്റെയും മാതാവിന്റെയും ജീവിതംകൂടിയാണ് തകരുന്നത് മൃതദേഹങ്ങൾ നാട്ടിൽ എത്തിക്കുന്നതിനു വേണ്ടിവന്ന 6400 പൗണ്ട് ചിലവ് ബ്രിട്ടനിലെ ഇന്ത്യൻ എംബസിയാണ് വഹിച്ചത് ..അഞ്ചുവിന്റെ കുടുംബത്തെ സഹായിക്കാൻ കെറ്ററിംഗ് മലയാളി വെൽഫേയർ അസ്സോസിയേഷനും( KMWA ) .യുക്മയും കൂടി 32 ലക്ഷം രൂപ സ്വരൂപിച്ചിട്ടുണ്ട് ഈ പണം ഏറ്റവും അടുത്ത ദിവസം അഞ്ചുവിന്റെ കുടുംബത്തിനു കൈമാറുമെന്ന് അസോസിയേഷൻ ഭാരവാഹികൾ അറിയിച്ചു
More Latest News
സേവനം യുകെ നോര്ത്ത് വെസ്റ്റ് യൂണിറ്റിന്റെ ഒന്നാം വാര്ഷികവും കുടുംബ സംഗമവും, അടുത്ത മാസം 16 ഞായറാഴ്ച യുകെയിലെ ശിവഗിരി ആശ്രമത്തില് നടക്കും
സേവനം യുകെയുടെ വടക്ക് പടിഞ്ഞാറ് പ്രദേശത്തുള്ള അംഗങ്ങളെ ഉള്പ്പെടുത്തി പ്രവര്ത്തിച്ചുവരുന്ന നോര്ത്ത് വെസ്റ്റ് യൂണിറ്റിന്റെ ഒന്നാം വാര്ഷികവും കുടുംബ സംഗമവും ജൂണ് 16ന് ഞായറാഴ്ച 10 മണി മുതല് ശിവഗിരി ആശ്രമത്തില് വച്ചു നടക്കും.
സ്നേഹത്തിന്റെയും, സഹോദര്യത്തിന്റെയും ഒത്തൊരുമയുടെയും സംഗമമായ ഈ വേദിയിലേക്ക് എല്ലാവരേയും സ്വാഗതം ചെയ്യുന്നുവെന്ന് സംഘാടകര് അറിയിച്ചു.
കൂടുതല് വിവരങ്ങള്ക്ക് ബന്ധപ്പെടുകയൂണിറ്റ് പ്രസിഡന്റ് : ബിനേഷ് ഗോപി : 07463555009യൂണിറ്റ് സെക്രട്ടറി : വിപിന് കുമാര് : 07799249743
സ്റ്റോക്ക് പോര്ട്ട് മലയാളി അസോസിയേഷന് പുതിയ ഭാരവാഹികളെ തിരഞ്ഞെടുത്തു, ഷൈജു തോമസ് പ്രസിഡണ്ട് ജോണ് ജോജി സെക്രട്ടറി ബിന്സ് ജോസഫ് ട്രഷറര്
ഒരുമയുടെയും സ്നേഹത്തിന്റെയും കൂട്ടായ്മയായ സ്റ്റോക്ക് പോര്ട്ട് മലയാളി അസോസിയേഷന് (MAS) 2024-25 ലേക്ക് പുതിയ ഭാരവാഹികളെ തിരഞ്ഞെടുത്തു. ഏപ്രില് 13 ന് ഹെയ്സല്ഗ്രൂ സെന്റ് പീറ്റേഴ്സ് പാരിഷ് ഹാളില് വച്ച് നടന്ന ഈസ്റ്റര് വിഷു ആഘോഷങ്ങള്ക്ക് പ്രസിഡണ്ട് ബിനോയ് ബെന്നി അധ്യക്ഷത വഹിച്ചു.
സെക്രട്ടറി റോയ് മാത്യു സ്വാഗതമാശംസിച്ചു. തുടര്ന്ന് നടന്ന വാര്ഷിക ജനറല് ബോഡി യോഗത്തില് 2024-25 വര്ഷത്തേക്കുള്ള പുതിയ ഭാരവാഹികളെ പൊതുയോഗം തിരഞ്ഞെടുത്തു.പ്രസിഡണ്ട് ഷൈജു തോമസ് ,സെക്രട്ടറി ജോണ് ജോജി ,ട്രഷര് ബിന്സ് ജോസഫ് ,വൈസ് പ്രസിഡന്റ് ജോസ് ജോസഫ് ,ജോയിന് സെക്രട്ടറി ക്രിസ്റ്റീന് മേരി ,ജോയിന് ട്രഷറര് വര്ഗീസ് പൗലോസ് എന്നിവരെയും,എക്സിക്യൂട്ടീവ് കമ്മിറ്റി മെമ്പര്മാര് ആയി ഹരീഷ് നായര് ,ബിനോയ് ബെന്നി ,മനോജ് ജോണ് ,റോയി മാത്യു ,റോണി പൗലോസ് ,സിബി ജോസ് ,സാന്റോ കോണിക്കര ,അരുണ് സെല്വരാജന്,റീന സ്റ്റീഫന്സണ് ,സുജിതാ ടി,ബാബു റോയ് ,ചിക്കു മരിയ ,ടിനു സെബാസ്റ്റ്യന്, റോഷിനി ജോസ് എന്നിവരെയും തിരഞ്ഞെടുത്തു.
പുതുതായി തിരഞ്ഞെടുക്കപ്പെട്ട പ്രസിഡണ്ട് ഷൈജു തോമസ് പഴയ കമ്മിറ്റിക്ക് നന്ദി പറയുകയും അതോടൊപ്പം സംഘടനയെ പുതിയ തലങ്ങളില് എത്തിക്കാന് ആത്മാര്ത്ഥത നിറഞ്ഞ ,ഉറച്ച കാല്വെപ്പുകളോടെ ,കൂട്ടായ പ്രവര്ത്തനത്തിലൂടെ മുന്നോട്ടുപോകുമെന്ന് ഉറപ്പുനല്കി.
എയര് ഇന്ത്യ എക്സ്പ്രസ് വിമാനത്തിന്റെ എന്ജിന് തീപിടിച്ചു, വിമാനത്തിന് അടിയന്തര ലാന്ഡിങ്, സുരക്ഷിതമായി തിരിച്ചിറക്കിയതോടെ ഒഴിവായത് വന് ദുരന്തം
ബംഗളുരു : എയര് ഇന്ത്യ എക്സ്പ്രസ് വിമാനത്തിന് തീപിടിച്ചു. വിമാനത്തിന്റെ എന്ജിനാണ് തീപിടിത്തമുണ്ടായത്. അപകടം മനസ്സിലായതോടെ വിമാനം അടിയന്തരമായി ലാന്ഡ് ചെയ്യുകയായിരുന്നു.
വിമാനം സുരക്ഷിതമായി തിരിച്ചിറക്കിയതോടെ ഒഴിവായത് വന് ദുരന്തം. 179 യാത്രക്കാരും ആറു വിമാനജോലിക്കാരുമായി കൊച്ചിയിലേക്കു തിരിച്ച വിമാനമാണ് അപകടമുനമ്പില്നിന്ന് തലനാരിഴയ്ക്കു രക്ഷപ്പെട്ടത്. ഇന്നലെ രാത്രി 11.10 നായിരുന്നു സംഭവം. ബംഗളുരു വിമാനത്താവളത്തില്നിന്നു പറന്നുയര്ന്ന ഉടനെ എന്ജിനു തീപിടിക്കുകയായിരുന്നു. വലതുഭാഗത്തെ എന്ജിനിലായിരുന്നു അഗ്നിബാധ. ഇതു ശ്രദ്ധയില്പ്പെട്ടതോടെ യാത്രക്കാര് അലമുറയിട്ടു.
തുടര്ന്ന് സുരക്ഷാസംവിധാനങ്ങളൊരുക്കി തിരികെ അടിയന്തര ലാന്ഡിങ് നടത്തുകയായിരുന്നു. മുഴുവന് യാത്രികരും സുരക്ഷിതരാണെന്ന് എയര് ഇന്ത്യ എക്സ്പ്രസ് അധികൃതര് അറിയിച്ചു. അതേസമയം, സംഭവത്തില് ഏതാനും യാത്രക്കാര്ക്ക് പരുക്കേറ്റതായി സ്ഥിരീകരിക്കാത്ത വിവരമുണ്ട്.
പന്തീരാങ്കാവ് ഗാര്ഹിക പീഡന കേസ്: പ്രതിയെ രാജ്യം വിടാന് സഹായിച്ച സിവില് പോലീസ് ഓഫീസര്ക്ക് സസ്പെന്ഷന്, തെളിവായി ഫോണ് രേഖകള്
കോഴിക്കോട് : പന്തീരാങ്കാവ് ഗാര്ഹിക പീഡന കേസില് വഴിത്തിരിവ്. ഒന്നാം പ്രതിയായ രാഹുല് പി ഗോപാലിനെ രാജ്യം വിടാന് സഹായിച്ച സിവില് പോലീസ് ഓഫീസര്ക്ക് അന്വേഷണ വിധേയമായി സസ്പെന്ഷന്.
പന്തീരങ്കാവ് പൊലീസ് സ്റ്റേഷനിലെ സീനിയര് സിവില് പൊലീസ് ഓഫീസര് ശരത് ലാലിനെയാണ് സസ്പെന്റ് ചെയ്തത്. ഇയാള് പ്രതിയെ നിരവധി തവണ വിളിച്ചതിന്റെ ഫോണ് രേഖകളും പൊലീസ് ശേഖരിച്ചു. പ്രതിയെ സാമ്പത്തികമായി സഹായിച്ചതിന്റെ തെളിവുകളും ലഭിച്ചതോടെയാണ് നടപടിയിലേക്ക് കടന്നത്.
രാഹുലിന്റെ കാറും പൊലീസ് കസ്റ്റഡിയിലെടുത്തു. രാഹുലിന്റെ ഹോണ്ട അമൈസ് ആണ് പൊലീസ് കസ്റ്റഡിയില് എടുത്തത്. രാഹുലിന്റെ വീട്ടില് പൊലീസും ഫൊറന്സിക് സംഘവും പരിശോധന നടത്തി. കസ്റ്റഡിയിലെടുത്ത കാറില് നിന്ന് ഫൊറന്സിക് സംഘം രക്തക്കറ കണ്ടെത്തി. രക്തസാമ്പിള് വിദഗ്ധ പരിശോധനയ്ക്ക് വിധേയമാക്കും.
പൊലീസുകാര്ക്കെതിരെ നടപടി എടുക്കുമ്പോഴും രാഹുലിനെ കണ്ടെത്താന് ഇതുവരെ അന്വേഷണ സംഘത്തിന് കഴിഞ്ഞിട്ടില്ല. ഇയാള് വിദേശത്ത് തുടരുന്നത് സംബന്ധിച്ച് വിവരങ്ങള് അന്വേഷണ സംഘത്തിന് ഉടന് ലഭിക്കുമെന്നാണ് വിവരം. ബ്ലൂ കോര്ണര് നോട്ടിസില് ആവശ്യപ്പെട്ട വിവരങ്ങളാണ് ജര്മ്മന് എംബസി കൈമാറുന്നത്. തുടര്ന്നാകും റെഡ് കോര്ണര് നോട്ടിസ് നല്കുക.
അതേസമയം, സ്പെഷല് ബ്രാഞ്ചിലെ രണ്ടു ഉദ്യോഗസ്ഥരോടും വിശദീകരണം തേടും. യുവതി പന്തീരങ്കാവ് സ്റ്റേഷനില് പരാതിയുമായെത്തിയത് റിപ്പോര്ട്ട് ചെയ്യാതിരുന്നതാണ് നടപടിക്ക് കാരണം. രാഹുലിന്റെ അമ്മയും സഹോദരിയും മുന്കൂര് ജാമ്യാപേക്ഷ നല്കിയിട്ടുണ്ട്. കോഴിക്കോട് ജില്ലാ കോടതിയിലാണ് അപേക്ഷ നല്കിയത്. കേസ് മെയ് 20ന് കോടതി പരിഗണിക്കും.
വിരമിക്കല് സൂചന നല്കി ഇന്ത്യന് ക്രിക്കറ്റ് ഇതിഹാസതാരം വീരാട് കോഹ്ലി, നിരാശ്ശയില് ആരാധകര്
ഇന്ത്യന് ക്രിക്കറ്റ് ഇതിഹാസതാരം വീരാട് കോഹ്ലി വിരമിക്കല് സൂചന നല്കി. ബെംഗളൂരുവില് നടന്ന ആര്.ബി.സിയുടെ റോയല് ഗാല ഡിന്നറിലാണ് വിരമിക്കലിനെക്കുറിച്ച് പറഞ്ഞത്. ക്രിക്കറ്റില് തന്റെ റോള് അവസാനിച്ചെന്ന് തനിക്ക് തോന്നിയാല് പോകുമെന്നമായിരുന്നു കോഹ്ലി പറഞ്ഞത്. വിരമിക്കല് ദിവസത്തെക്കുറിച്ച് ആലോചിച്ച് തന്റെ കരിയര് അവസാനിപ്പിക്കാന് ആഗ്രഹമില്ലെന്നും താരം കൂട്ടിച്ചേര്ത്തു.
'ക്രിക്കറ്റില് എന്റെ റോള് അവസാനിച്ചെന്ന് എനിക്ക് തോന്നിയാല് ഞാന് പോകും. കുറച്ചുകാലത്തേക്ക് നിങ്ങള്ക്ക് എന്നെ കാണാനാകില്ല. അതുകൊണ്ട് തന്നെ കളിക്കുന്ന കാലത്തോളം എന്റെ എല്ലാം ക്രിക്കറ്റിന് വേണ്ടി നല്കാന് ഞാന് ആഗ്രഹിക്കുന്നു. അത് മാത്രമാണ് എന്നെ മുന്നോട്ട് നയിക്കുന്നതും', കോഹ്ലി ചിരിച്ചുകൊണ്ട് പറഞ്ഞു.
വരാനിരിക്കുന്ന ടി20 ലോകകപ്പില് ഇന്ത്യയുടെ മുന് നായകന് കൂടിയായ താരത്തിന്റെ പ്രകടനത്തിനായി ഉറ്റുനോക്കുകയാണ് ക്രിക്കറ്റ് ആരാധകര്. ഇതിനിടെയാണ് തന്റെ വിരമിക്കല് പദ്ധതികളെ കുറിച്ച് വെളിപ്പെടുത്തലുമായി കോഹ്ലി രംഗത്തെത്തിയത്.വിരാട് കോഹ്ലിയുടെ വാക്കുകള് ആരാധകരെ ഏറെ നിരാശയിലാഴ്ത്തിയിട്ടുണ്ട്. സോഷ്യല് മീഡിയയിലൂടെ ആശങ്ക പങ്കുവെച്ചിട്ടുണ്ട്.
ഇന്ന് ബംഗളൂരിലെ ചിന്നസ്വാമി സ്റ്റേഡിയത്തില് ചെന്നൈ ബാംഗ്ലൂരിനെ നേരിടുമ്പോള് എം എസ് ധോണിയും വിരാട് കോഹ്ലിയും ഒന്നിച്ചു കളിക്കുന്ന അവസാനത്തെ മത്സരമായിരിക്കാമെന്നും വിലയിരുത്തലുകളുണ്ട്. നിര്ണായകമത്സരത്തില് വിജയിക്കുന്ന ടീം ഈ സീസണിലെ ഐപിഎല്ലില് പ്ലേ ഓഫിലെത്തും.
13 മത്സരങ്ങളില് നിന്ന് 14 പോയിന്റുമായി സിഎസ്കെ നാലാം സ്ഥാനത്തും ആര്സിബി 12 പോയിന്റുമായി ഏഴാം സ്ഥാനത്തുമാണ്. കഴിഞ്ഞ തവണത്തെ ഐപിഎല്ലോടെ ധോണി വിരമിക്കുമെന്ന് അഭ്യൂഹങ്ങള് ഉയര്ന്നിരുന്നു. 42കാരനായ ധോണി കളിക്കാരനെന്ന നിലയില് അവസാന ഐപിഎല് ആയിരിക്കും ഇത്.
16 വര്ഷത്തിനിടയില് പലതവണ ധോണിയുമായി ഡ്രസ്സിങ് റൂം പങ്കിട്ടിട്ടുണ്ട്. മുന് ഇന്ത്യന് നായകനൊപ്പം കളിക്കാനുള്ള തന്റെ അവസാന അവസരവും ഇതായിരിക്കാമെന്ന് കോഹ്ലി പറഞ്ഞു. ധോണി ഇന്ത്യയിലെ ഏത് സ്റ്റേഡിയത്തില് കളിച്ചാലും ആരാധകര്ക്ക് വലിയ ആവേശമാണ്. ' ഇന്ന് ഞങ്ങള് വീണ്ടും കളിക്കുന്നു, ഒരുപക്ഷേ അവസാനമായി, ഞങ്ങള്ക്ക് ചില നല്ല ഓര്മ്മകളുണ്ട്, അതില് ചിലത് ഇന്ത്യയ്ക്കായുള്ള മികച്ച കൂട്ടുകെട്ടുകളാണ്. ആരാധകര്ക്ക് ഞങ്ങളെ ഒരുമിച്ച് കാണാനുള്ള മികച്ച അവസരമാണിത്,' കോഹ്ലി പറഞ്ഞു.