പ്രണയവും ചതിയുമെല്ലാം ഇപ്പോള്‍ ഒരു നാണയത്തിന്റെ രണ്ടു വശങ്ങള്‍ പോലെ ആയിരിക്കുകയാണ്. പ്രണയവും ചതിയും അതിലുടലെടുക്കുന്ന പ്രതികാരവുമെല്ലാം സിനിമാ കഥ പോലെ സുപരിചിതമാകുന്ന കാലത്ത് കാമുകനെ വിശ്വസിച്ച കാമുകിക്ക് കിട്ടിയ എട്ടിന്റെ പണിയാണ് വാര്‍ത്തയാകുന്നത്.
റേച്ചര്‍ വാട്ടേഴ്‌സ് എന്ന യുവതി കാണാതായ തന്റെ കാമുകനെ തേടി ഇറങ്ങിയപ്പോഴാണ് താന്‍ ചതിക്കപ്പെട്ടു എന്ന് മനസ്സിലാക്കുന്നത്. കാമുകനെ കണ്ടെത്താന്‍ സോഷ്യല്‍ മീഡിയയില്‍ ചിത്രമടക്കം പോസ്റ്റ് ചെയ്താണ് ഇരുപത്തിയാറുകാരി ഇറങ്ങിയത്. തന്റെ കാമുകന്‍ പോള്‍ മക്ഗീയക്കൊപ്പമുള്ള ചിത്രമടക്കമാണ് സോഷ്യല്‍ മീഡിയയില്‍ പോസ്റ്റ് ചെയ്തത്.
ഇവരുടെ പ്രണയ ബന്ധം തുടങ്ങുന്നത് കൊവിഡ് മഹാമാരി തുടങ്ങിയതിന് ശേഷമാണ്. എന്നാല്‍ കഴിഞ്ഞ ഏപ്രിലില്‍ ഒന്ന് നാട്ടില്‍ പോയി വരാമെന്ന് പറഞ്ഞ് പോള്‍ യു കെയിലേക്ക് പോവുകയായിരുന്നു. നോര്‍വിച്ചിലാണ് ഇയാളുടെ വീട്. ആഴ്ചകള്‍ പിന്നിട്ടിട്ടും യുവാവ് തിരിച്ചെത്താതായതോടെ പേടി തോന്നിയ റേച്ചര്‍ ഫേസ്ബുക്കില്‍ പോസ്റ്റിടുകയായിരുന്നു. നോര്‍വിച്ച് കമ്യൂണിറ്റി ഫേസ്ബുക്ക് ഗ്രൂപ്പിലാണ് തനിക്കൊപ്പം നില്‍ക്കുന്ന പോളിന്റെ ചിത്രം പങ്കുവച്ചത്. കാമുകനെ കാണാനില്ലെന്നും എന്തെങ്കിലും വിവരം കിട്ടുന്നവര്‍ തന്നെ ബന്ധപ്പെടണമെന്നും യുവതി ചിത്രത്തിനൊപ്പം കുറിച്ചിരുന്നു.
പോസ്റ്റ് കണ്ട് പോളിന്റെ പരിചയക്കാരന്‍ യുവതിയെ ബന്ധപ്പെട്ടു.പോളിന് യു കെയില്‍ ഭാര്യയും കുട്ടിയുമുണ്ടെന്നായിരുന്നു അയാള്‍ പറഞ്ഞത്. പോളും ഭാര്യയും പിണക്കത്തിലായിരുന്നു. കൊവിഡിന്റെ തുടക്കത്തില്‍ ഇയാള്‍ ചൈനയിലെ ഷെന്‍ഷെനില്‍ ജോലി ചെയ്യുകയായിരുന്നു. 2019ലാണ് അമേരിക്കക്കാരിയായ റേച്ചര്‍ ചൈനയിലെത്തിയത്. ഇതിനിടെ ഇരുവരും കണ്ടുമുട്ടുകയും പ്രണയത്തിലാകുകയും ചെയ്തു.
ഭാര്യയുള്ള വിവരം പോള്‍ കാമുകിയോട് പറഞ്ഞിരുന്നില്ല. ഏപ്രിലില്‍ നാട്ടില്‍ തിരിച്ചെത്തിയപ്പോള്‍ ഭാര്യയുമായി ഇയാള്‍ വീണ്ടും ഒന്നിക്കുകയും, അവിടെ തന്നെ ജീവിക്കാന്‍ തീരുമാനിക്കുകയുമായിരുന്നു. എന്നാല്‍ കാമുകന്‍ തന്നെ ചതിക്കുകയായിരുന്നെന്ന് ഉള്‍ക്കൊള്ളാന്‍ റേച്ചറിന് എളുപ്പമായിരുന്നില്ല. എങ്കിലും ഫേസ്ബുക്കിലെ പോസ്റ്റ് ഉടന്‍ തന്നെ അവര്‍ ഡിലീറ്റ് ചെയ്തു. യൂട്യൂബിലൂടെയാണ് തനിക്ക് പറ്റിയ ചതിയെക്കുറിച്ച് യുവതി തുറന്നുപറഞ്ഞത്.
More Latest News
സ്റ്റോക്ക് ഓണ്‍ ട്രെന്റില്‍ യുകെയിലെ ചാലക്കുടി ചങ്ങാത്തത്തിന്റെ 'ആരവം 2024', ജൂണ്‍ 29ന് കലാ മത്സരങ്ങളും കലാവിരുന്നും ഡിജെ നൈറ്റുമായി ആഘോഷത്തിനൊരുങ്ങുന്നു
കേരളത്തില്‍ ഉയര്‍ന്ന തിരമാലയ്ക്കും കടലാക്രമണത്തിനും സാധ്യത, ഇനിയൊരു അറിയിപ്പ് ഉണ്ടാകുന്നത് വരെ കേരള തീരത്ത് നിന്ന് കടലില്‍ പോകാന്‍ പാടുള്ളതല്ലെന്ന് മുന്നറിയിപ്പ്
മുംബൈ പൊലീസിന്റെ സൈബര്‍ വിഭാഗം ആണെന്ന് പറഞ്ഞ് വീട്ടമ്മയ്ക്ക് ഫോണ്‍, ഒന്നരക്കോടിയുടെ തട്ടിപ്പ് നടത്തിയെന്ന് ആരോപിച്ചുള്ള ഫോണ്‍ കോളില്‍ പേടിച്ച് ബോധരഹിതയായി വീട്ടമ്മ
ലോകത്തിലെ ഏറ്റവും മികച്ച എയര്‍ലൈന്‍ ആയി തെരഞ്ഞെടുത്തതിന് ജീവനക്കാര്‍ക്ക് സമ്മാനം, എട്ടുമാസത്തെ ശമ്പളം ബോണസായി നല്‍കാന്‍ തീരുമാനിച്ച് സിംഗപ്പൂര്‍ എയര്‍ലൈന്‍സ്
സന്ദര്‍ശന വിസയില്‍ എത്തുന്നവര്‍ക്ക് തിരിച്ചടി, റിട്ടേണ്‍ ടിക്കറ്റും എടുക്കണമെന്ന് ഗള്‍ഫ് എയര്‍, സന്ദര്‍ശന വിസയില്‍ യാത്ര ചെയ്യാനും ഈ വ്യവസ്ഥ ബാധകം
Most Read
British Pathram Recommends
