നേപ്പാള്‍ പൊഖാറ വിമാന അപകടത്തില്‍ യാത്രക്കാരിലെ 15 വിദേശികളില്‍ അഞ്ച് പേര്‍ ഇന്ത്യക്കാരെന്ന് സ്ഥിരീകരണം. മറ്റുള്ളവര്‍ റഷ്യ, അയര്‍ലന്‍ഡ്, കൊറിയ, അര്‍ജന്റീന,ഓസ്ട്രേലിയ, ഫ്രാന്‍സ് എന്നീ രാജ്യക്കാരാണ്. നിലവില്‍ 68 മൃതദേഹങ്ങള്‍ കണ്ടെത്തിയതായി നേപ്പാള്‍ പോലീസ് അറിയിച്ചു. അപകടത്തില്‍ വിമാനം പൂര്‍ണമായും കത്തി നശിച്ചിരുന്നു. മുഴുവന്‍ യാത്രക്കാരും മരണപ്പെട്ടിരിക്കാനാണ് സാധ്യതയെന്ന് രക്ഷാപ്രവര്‍ത്തകര്‍ പറയുന്നു.
യു.പി. സ്വദേശികളായ അഭിഷേക് കുശ്വാഹ, വിശാല്‍ ശര്‍മ്മ, അനില്‍കുമാര്‍ രാജ്ഭര്‍, സോനു ജെയ്‌സ്വാള്‍, സഞ്ജയ ജെയ്‌സ്വാള്‍ എന്നിവരാണ് മരണമടഞ്ഞ ഇന്ത്യക്കാര്‍. യാത്രക്കാരില്‍ 53പേരും നേപ്പാളികളാണ്. 5 ഇന്ത്യക്കാരും 4 റഷ്യക്കാരും 2 കൊറിയക്കാരും അര്‍ജന്റീന, അയര്‍ലന്‍ഡ്,ഓസ്ട്രേലിയ, ഫ്രാന്‍സ് എന്നിവിടങ്ങളില്‍ നിന്നുള്ള ഓരോരുത്തരുമാണ് മറ്റുള്ളവര്‍. ഇവരില്‍ ആറ് പേര്‍ കുട്ടികളാണ്. ജീവനക്കാരുടെ വിവരങ്ങള്‍ അറിവായിട്ടില്ല.
അതേസമയം, മരിച്ചവരില്‍ മൂന്നു പേര്‍ അപകടത്തില്‍ പെട്ടത് കേരളത്തില്‍ വന്ന് മടങ്ങുന്നതിനിടെ. മൂന്ന് നേപ്പാള്‍ സ്വദേശികളാണ് കേരളത്തില്‍ വന്ന് മടങ്ങുന്നതിനിടെ വിമാന അപകടത്തില്‍ മരിച്ചതെന്നാണ് ഇപ്പോള്‍ അറിയുന്നത്. രാജു ടക്കൂരി, റബിന്‍ ഹമാല്‍, അനില്‍ ഷാഹി എന്നിരാണ് കേരളത്തില്‍ നിന്ന് മടങ്ങവെ അപകടത്തില്‍ മരിച്ചത്.
നേപ്പാളില്‍ സുവിശേഷകനായിരുന്ന പത്തനം തിട്ടി േആനിക്കാട് നൂറോന്‍മാവ് സ്വദേശി ഫിലിപ്പ് മാത്യുവിന്റെ സംസ്‌കാര ചടങ്ങിനാണ് അഞ്ചംഗ സംഘം നേപ്പാളില്‍ നിന്നെത്തിയത്. കഴിഞ്ഞ വെള്ളിയാഴ്ചയാണ് ഇവര്‍ എത്തിയത് .സംസ്‌കാരം കഴിഞ്ഞ ശേഷം അന്ന് തന്നെ ഇവര്‍ നേപ്പാളിലേക്ക് മടങ്ങിയിരുന്നു. മരിച്ച ഫിലിപ്പ് മാത്യുവിന്റെ കുടുംബം ഒരു സ്വകാര്യ ചാനലിനോടാണ് ഈ വിവരം വെളിപ്പെടുത്തിയത്.
അതിനിടെ നേപ്പാളിലേത് അപകടകരമായ വിമാനത്താവളങ്ങളായി മാറുന്നുവെന്ന് നേപ്പാള്‍ സിവില്‍ ഏവിയേഷന്‍ അതോറിറ്റിയുടെ സുരക്ഷാ റിപ്പോര്‍ട്ട്. എവറസ്റ്റ് അടക്കം ലോകത്തിലെ ഏറ്റവും ഉയരമുള്ള എട്ട് പര്‍വ്വതങ്ങള്‍ നേപ്പാളിലാണ്. പൈലറ്റുമാര്‍ നേരിടുന്ന ഏറ്റവും വലിയ വെല്ലുവിളി നേപ്പാളിലെ ഭൂപ്രകൃതിയും, കാലാവസ്ഥയും മികച്ച റഡാര്‍ സാങ്കേതിക വിദ്യയുടെ അഭാവവുമാണ്. ഈ കാരണങ്ങളാല്‍ നേപ്പാളിലെ വിമാനത്താവളങ്ങള്‍ ഏറ്റവും അപകടകരമായ നിലയിലേക്ക് മാറുകയാണ് എന്നും റിപ്പോര്‍ട്ടില്‍ വ്യക്തമാക്കുന്നു. റോഡ് യാത്രാസൗകര്യങ്ങള്‍ കുറവും ദുര്‍ഘടവുമായതിനാല്‍ ആവശ്യത്തിന് സുരക്ഷാസംവിധാനങ്ങളില്ലാത്ത ചെറുവിമാനങ്ങളെയാണ് യാത്രക്കാര്‍ ആശ്രയിക്കുന്നത്.പഴയ വിമാനങ്ങളെ ഇപ്പോഴും ഉപയോഗിക്കുന്നത് അപകട സാധ്യതയ്ക്ക് ഇട വരുത്തുന്ന മറ്റൊരു വെല്ലുവിളിയാണ്.
1949 ല്‍ രാജ്യത്ത് വിമാന സര്‍വീസ് ആരംഭിച്ചതിന് ശേഷം ചെറുതും വലുതുമായ എണ്‍പതോളം അപകടങ്ങളാണ് ഉണ്ടായത്. എഴുന്നൂറിലേറെ പേരാണ് ഈ അപകടങ്ങളിലായി മരിച്ചത്. 2013 മുതല്‍ സുരക്ഷാ അപര്യാപ്തത ചൂണ്ടിക്കാട്ടി നേപ്പാള്‍ വിമാനകമ്പനികള്‍ക്ക് യൂറോപ്പിലേക്ക് സര്‍വീസ് നടത്തുന്നതിന് യൂറോപ്യന്‍ യൂണിയന്‍ വിലക്ക് ഏര്‍പ്പെടുത്തിയിട്ടുണ്ട്.
More Latest News
അമേരിക്കയില്‍ പൂച്ചയ്ക്ക് ഡോക്ടറേറ്റ് നല്‍കി ആദരിച്ച് കാസില്‍ടണിലെ വെര്‍മണ്ട് സര്‍വകലാശാല, ഇനി മാക്‌സ് വെറും പൂച്ച അല്ല, ഡോക്ടര്‍ പൂച്ച: സംഭവം ഇങ്ങനെ
സേവനം യുകെ നോര്‍ത്ത് വെസ്റ്റ് യൂണിറ്റിന്റെ ഒന്നാം വാര്‍ഷികവും കുടുംബ സംഗമവും, അടുത്ത മാസം 16 ഞായറാഴ്ച യുകെയിലെ ശിവഗിരി ആശ്രമത്തില്‍ നടക്കും
സ്റ്റോക്ക് പോര്‍ട്ട് മലയാളി അസോസിയേഷന് പുതിയ ഭാരവാഹികളെ തിരഞ്ഞെടുത്തു, ഷൈജു തോമസ് പ്രസിഡണ്ട് ജോണ്‍ ജോജി സെക്രട്ടറി ബിന്‍സ് ജോസഫ് ട്രഷറര്‍
എയര്‍ ഇന്ത്യ എക്സ്പ്രസ് വിമാനത്തിന്റെ എന്‍ജിന് തീപിടിച്ചു, വിമാനത്തിന് അടിയന്തര ലാന്‍ഡിങ്, സുരക്ഷിതമായി തിരിച്ചിറക്കിയതോടെ ഒഴിവായത് വന്‍ ദുരന്തം
പന്തീരാങ്കാവ് ഗാര്‍ഹിക പീഡന കേസ്: പ്രതിയെ രാജ്യം വിടാന്‍ സഹായിച്ച സിവില്‍ പോലീസ് ഓഫീസര്‍ക്ക് സസ്‌പെന്‍ഷന്‍, തെളിവായി ഫോണ്‍ രേഖകള്‍
Most Read
British Pathram Recommends
