മധ്യപ്രദേശില് കാണാതായ മലയാളി സൈനിക ഉദ്യോഗസ്ഥന്റെ മൃതദേഹം കണ്ടെത്തി. എറണാകുളം മാമഗലം സ്വദേശി നിര്മ്മല് ശിവരാജനാണ് മരിച്ചത്. കാര് കണ്ടെത്തിയതിന് സമീപ പ്രദേശത്താണ് മൃതദേഹം കണ്ടെത്തിയത്. മിന്നല് പ്രളയത്തില്പ്പെട്ടതാണെന്നാണ് സംശയം. നിര്മ്മല് ശിവരാജന് ഭാര്യയെ കണ്ട് മടങ്ങവേയാണ് മദ്ധ്യപ്രദേശില് വച്ച് കാണാതായത്.മൂന്ന് ദിവസമായി നിര്മ്മലിനെ കുറിച്ച് യാതൊരു വിവരവും ഉണ്ടായിരുന്നില്ല. മദ്ധ്യപ്രദേശ് പൊലീസ് സംഘത്തിനൊപ്പം എന് ഡി ആര് എഫ് സംഘത്തെയും തെരച്ചിലിനായി നിയോഗിച്ചിക്കുകയായിരുന്നു. ജബല്പൂരില് ലെഫ്റ്റനന്റ് ആയ ഗോപി ചന്ദ്രയാണ് നിര്മ്മലിന്റെ ഭാര്യ.
മധ്യപ്രദേശിലെ ജപല്പൂരില് നിന്നും ജോലി സ്ഥലമായ പച് മാര്ഹിയിക്കുള്ള യാത്രക്കിടെ കാണാതെയായത്. നര്മ്മദാപുരത്തെ ബച്ച്വാര ഗ്രാമത്തിലാണ് നിമ്മലിന്റെ ഫോണിന്റെ അവസാന ടവര് ലൊക്കേഷന്. ഇതിന്റെ അടിസ്ഥാനത്തില് പ്രദേശത്ത് നടത്തിയ തെരച്ചില് നിര്മ്മല് സഞ്ചരിച്ച കാര് കണ്ടെത്തിയിരുന്നു. തകര്ന്ന നിലയിലാണ് കാര് കണ്ടെത്തിയത്. തുടര്ന്ന് നടത്തിയ തെരച്ചില് നിര്മ്മലിന്റെ മൃതദേഹവും കണ്ടെത്തുകയായിരുന്നു. വെള്ളപൊക്കത്തില് കാര് അപകടത്തില് പെട്ടെന്നാണ് നിഗമനം.
കാറിന്റെ ചില്ല് തകര്ന്ന നിലയിലായിരുന്നു.