പലതവണ ആവശ്യപ്പെട്ടിട്ടും അവിഹിത ബന്ധം അവസാനിപ്പിക്കാന് തയാറാകാതിരുന്ന ഭര്ത്താവിന്റെ സ്വകാര്യ ഭാഗത്ത് തിളച്ച വെള്ളമൊഴിച്ച് ഭാര്യ. തമിഴ്നാട്ടിലെ റാണിപ്പേട്ട് ജില്ലയിലാണ് സംഭവം.
പൊള്ളലേറ്റ മുപ്പത്തിരണ്ടുകാരനായ തങ്കരാജ് ആശുപത്രിയില് ചികിത്സയിലാണ്. അവിഹിത ബന്ധമുണ്ടെന്ന സംശയത്തെത്തുടര്ന്നാണ് ഭാര്യ പ്രിയ തിളച്ചവെള്ളം ജനനേന്ദ്രിയത്തിലൊഴിച്ചത്.
രണ്ട് മക്കളുടെ പിതാവായ തങ്കരാജ് സെല്ഫോണ് പാര്ട്സ് നിര്മാണ പ്ലാന്റില് സൂപ്പര്വൈസറായി ജോലി ചെയ്യുകയാണ്. ഇയാള്ക്ക് ജോലിസ്ഥലത്തുള്ള ഒരു സ്ത്രീയുമായി ബന്ധമുണ്ടായിരുന്നുവെന്ന് ബന്ധുക്കള് പറയുന്നു. ആ ബന്ധം അവസാനിപ്പിക്കണമെന്ന് പല തവണ ഭാര്യ ഇയാളോട് ആവശ്യപ്പെട്ടിരുന്നു.
ചൊവ്വാഴ്ചയും ഇയാളും ഭാര്യയും തമ്മില് വഴക്കുണ്ടായി. തുടര്ന്ന് തങ്കരാജ് ഉറങ്ങാന് പോയി. ഈ സമയം പ്രിയ തിളച്ച വെള്ളം ഉണ്ടാക്കി, ഉറങ്ങിക്കിടന്ന ഭര്ത്താവിന്റെ ലുങ്കിമാറ്റി ജനനേന്ദ്രിയത്തിലേക്ക് ഒഴിക്കുകയായിരുന്നു. യുവാവിന്റെ നിലവിളി കേട്ട് ഓടിയെത്തിയ അയല്വാസികള് ഇയാളെ അടുത്തുള്ള ആശുപത്രിയിലെത്തിച്ചു.
അവിടെ പ്രാഥമിക ശുശ്രൂഷ നല്കിയ ശേഷം യുവാവിനെ വെല്ലൂര് ഗവ. മെഡിക്കല് കോളജ് ആശുപത്രിയിലേക്കു മാറ്റി. ഇയാളുടെ സ്വകാര്യ ഭാഗത്ത് 50 ശതമാനം പൊള്ളലേറ്റതായാണ് പൊലീസ് നല്കുന്ന വിവരം. സംഭവത്തില് പൊലീസ് കേസ് റജിസ്റ്റര് ചെയ്തിട്ടുണ്ട്. അന്വേഷണം പുരോഗമിക്കുകയാണെന്ന് ബനവരം പൊലീസ് അറിയിച്ചു.