ബെയ്ജിങ് : വ്യാജ വാര്ത്ത പ്രചരിപ്പിച്ചു എന്ന് ആരോപിച്ച് ഓണ്ലൈന് അക്കൗണ്ടുകള്ക്ക് പൂട്ടിട്ട് ചൈന. ഒരു ലക്ഷത്തില് കൂടുതല് ഓണ്ലൈന് അക്കൗണ്ടുകള്ക്കാണ് പൂട്ടിട്ടിരിക്കുന്നത്.
ഏപ്രില് 6 മുതല് വ്യാജ വാര്ത്താ യൂണിറ്റുകളുടെയും വാര്ത്താ അവതാരകരുടെയും 107,000 അക്കൗണ്ടുകളും 835,000 വ്യാജ വാര്ത്താ വിവരങ്ങളും ഇല്ലാതാക്കിയതായി സൈബര്സ്പേസ് റെഗുലേറ്റര് വ്യക്തമാക്കി.
തെറ്റായ വാര്ത്തകളും കിംവദന്തികളും ഒഴിവാക്കുന്നതിന് സോഷ്യല് മീഡിയയില് പരിശോധിക്കുന്നത് ശക്മാക്കിയിരിക്കുകയാണ് ചൈന. ട്വിറ്റര് അടക്കമുള്ള പ്ലാറ്റ്ഫോമുകള് മാധ്യമങ്ങള് നിര്മ്മിക്കുന്ന വിഷയ ഹാഷ്ടാഗുകളെ അനുകൂലിക്കുകയും സര്ക്കാര് സെന്സിറ്റീവ് ആയി കണക്കാക്കുന്ന പ്രശ്നങ്ങളെയോ സംഭവങ്ങളെയോ കുറിച്ചുള്ള ഹാഷ്ടാഗുകള് തടഞ്ഞുവെക്കുന്നുവെന്നുമാണ് ആരോപണം.
ബിസിനസ്സുകളുടെയും സംരംഭകരുടെയും പ്രശസ്തിക്ക് ഹാനികരമായ പ്രചാരണം നടത്തുന്ന ഓണ്ലൈന് മാധ്യമങ്ങളെ നിയന്ത്രിക്കുമെന്ന് ചൈനീസ്സര്ക്കാര് നേരത്തെ തന്നെ അറിയിച്ചിരുന്നു. വ്യാജ വാര്ത്തകള് പ്രചരിപ്പിച്ചു എന്ന് ആരോപിച്ച് നേരത്തെ നിരവധി പേരെ അറസ്റ്റ് ചെയ്യുകയും ചെയ്തിരുന്നു.