HOT NEWS
വോള്വര് ഹാംപ്ടണില് വീടിന് തീപിടിച്ച് രണ്ട് സ്ത്രീകള് മരിച്ച സംഭവത്തില് 46 കാരന് കൂടി അറസ്റ്റില്; പൊള്ളലേറ്റ നാലുപേര് ആശുപത്രിയില്, ഒരാളുടെ നില ഗുരുതരം
3>വോള്വര്ഹാംപ്ടണില് വീടിന് തീപിടിച്ച് രണ്ട് സ്ത്രീകള് മരിക്കുകയും നാല് പേര്ക്ക് പൊള്ളലേല്ക്കുകയും ചെയ്ത സംഭവത്തില് ഒരാള് കൂടി അറസ്റ്റിലായി. 46 കാരനായ ഒരാളെ കൂടിയാണ് ഇപ്പോള് അറസ്റ്റ് ചെയ്തത് . നേരത്തെ 19 ഉം 20 ഉം വയസ്സ് പ്രായമുള്ള രണ്ട് യുവാക്കളെ കൊലപാതക കുറ്റം ചുമത്തി പോലീസ് അറസ്റ്റ് ചെയ്തിരുന്നു.
ശനിയാഴ്ച പുലര്ച്ചെ രണ്ട് മണിയോടെ ഡണ്സ്റ്റാള് ഹില് പ്രദേശത്തെ ഒരു വീട്ടിലായിരുന്നു സംഭവം. ഏകദേശം 20 വയസ്സ് പ്രായമുള്ള രണ്ട് യുവതികളും സംഭവസ്ഥലത്ത് തന്നെ മരിച്ചതായി സ്ഥിരീകരിച്ചതായി വെസ്റ്റ് മിഡ്ലാന്ഡ്സ് പോലീസ് പറഞ്ഞു.
മൂന്ന് പുരുഷന്മാരെയും മറ്റൊരു സ്ത്രീയെയുമാണ് ആശുപത്രിയില് പ്രവേശിപ്പിച്ചത്. സ്ത്രീയുടെ നില ഗുരുതരമാണ്. യായ മറ്റൊരാളെ ആംബുലന്സ് സര്വീസ് സംഭവസ്ഥലത്ത് നിന്ന് ഡിസ്ചാര്ജ് ചെയ്തെന്ന് വെസ്റ്റ് മിഡ്ലാന്ഡ്സ് ഫയര് സര്വീസ് പറഞ്ഞു.
മൂന്ന് ഫയര് എഞ്ചിനുകളും രണ്ട് 4×4 ബ്രിഗേഡ് റെസ്പോണ്സ് വാഹനങ്ങളും രക്ഷാപ്രവര്ത്തനത്തില് പങ്കെടുത്തെന്ന് വെസ്റ്റ് മിഡ്ലാന്ഡ്സ് ഫയര് സര്വീസ് അവരുടെ വെബ്സൈറ്റിലെ ഒരു പ്രസ്താവനയില് പറഞ്ഞു. വോള്വര്ഹാംപ്ടണ്, ഫാലിംഗ്സ് പാര്ക്ക്, ടിപ്റ്റണ്, ബില്സ്റ്റണ് ഫയര് സ്റ്റേഷനുകളില് നിന്നുള്ള 20 അഗ്നിശമന സേനാംഗങ്ങളാണ് ദൗത്യത്തില് അണിനിരന്നത്. പുലര്ച്ചെ മൂന്ന് മണിക്ക് മുമ്പ് തീ അണച്ചതായി പ്രസ്താവനയില് പറയുന്നു.
സ്റ്റുഡന്റ് വിസകളില് കൂടുതല് നിയന്ത്രണങ്ങള് കൊണ്ടുവരുന്നത് വിദേശ വിദ്യാര്ഥികളുടെ വരവില് വന് കുറവുണ്ടാക്കുമെന്ന് സര്വ്വകലാശാലകള്; ഗ്രാജുവേറ്റ് വിസ റൂട്ടുകള് സംബന്ധിച്ച റിവ്യൂ റിപ്പോര്ട്ടില് ആശങ്കയോടെ യൂണിവേഴ്സിറ്റികള്
3>സ്റ്റുഡന്റ് വിസയില് കൂടുതല് നിയന്ത്രണങ്ങള് ഏര്പ്പെടുത്തുന്നത് ബ്രിട്ടനിലെ ക്രിയേറ്റീവ് ഇന്ഡസ്ട്രികളില് പ്രതിഭകളുടെ പ്രവാഹത്തെ തടയുമെന്ന മുന്നറിയിപ്പുകള്ക്കിടയില്, യുകെയിലേക്ക് വരാന് അപേക്ഷിക്കുന്ന അന്തര്ദ്ദേശീയ വിദ്യാര്ത്ഥികളില് കുത്തനെ ഇടിവ് റിപ്പോര്ട്ട് ചെയ്ത് സര്വ്വകലാശാലകള്. മൈഗ്രേഷന് അഡൈ്വസറി കമ്മിറ്റിയുടെ (MAC) റിപ്പോര്ട്ട് അനുസരിച്ച്, അന്താരാഷ്ട്ര ബിരുദധാരികളെ മൂന്ന് വര്ഷം വരെ യുകെയില് ജോലി ചെയ്യാന് അനുവദിക്കുന്ന ഗ്രാജ്വേറ്റ് വിസയുടെ കാലാവധി വെട്ടിക്കുറയ്ക്കുന്നതിനെ സര്വകലാശാലയും വ്യവസായ പ്രമുഖരും ഭയപ്പെടുന്നു.
ക്രിയേറ്റീവ് വ്യവസായങ്ങളെ പ്രതിനിധീകരിക്കുന്ന ക്രിയേറ്റീവ് യുകെ പറയുന്നത്, അന്താരാഷ്ട്ര വിദ്യാര്ത്ഥികള്ക്ക് ബിരുദാനന്തരം യുകെയില് താമസിക്കാനും ജോലി ചെയ്യാനുമുള്ള അവകാശം നീക്കം ചെയ്യുന്നത് ഇവിടെ പഠിക്കാനുള്ള വിദേശ വിദ്യാര്ഥികളുടെ താല്പര്യത്തെ ഇല്ലാതാക്കുമെന്നും ഇത് പ്രതിവര്ഷം 108 ബില്യണ് പൗണ്ട് മൂല്യമുള്ള മേഖലയെ നശിപ്പിക്കുമെന്നും പറയുന്നു.
ഈ വര്ഷം ആദ്യം ഏര്പ്പെടുത്തിയ അന്തര്ദ്ദേശീയ വിദ്യാര്ത്ഥികള്ക്ക് നിയന്ത്രണങ്ങള് ഇതിനകം തന്നെ വിദേശത്ത് നിന്ന് അപേക്ഷിക്കുന്ന വിദ്യാര്ത്ഥികളുടെ കുറവിന് കാരണമായേക്കാം. കൂടാതെ ഗ്രാജ്വേറ്റ് വിസയുടെ വിധിയെക്കുറിച്ചുള്ള അനിശ്ചിതത്വം കൂടുതല് ഇടിവിന് കാരണമാകുമെന്ന് യുകെ സര്വകലാശാലകളില് നടത്തിയ സര്വേയില് പറയുന്നു.
ബ്രിട്ടീഷ് യൂണിവേഴ്സിറ്റീസ് ഇന്റര്നാഷണല് ലെയ്സണ് അസോസിയേഷന് 75 സ്ഥാപനങ്ങളില് നടത്തിയ വോട്ടെടുപ്പില്, അടുത്ത അധ്യയന വര്ഷത്തേക്ക് 10ല് ഒമ്പതിനും അന്താരാഷ്ട്ര അപേക്ഷകള് കുറവാണെന്നും കഴിഞ്ഞ വര്ഷത്തെ അപേക്ഷിച്ച് പഠിപ്പിച്ച ബിരുദാനന്തര കോഴ്സുകളിലേക്കുള്ള മൊത്തം അപേക്ഷകളില് 27% ഇടിവുണ്ടായെന്നും കണ്ടെത്തി.
വൈസ് ചാന്സലര്മാരെ പ്രതിനിധീകരിക്കുന്ന ക്രിയേറ്റീവ് യുകെയുടെയും യൂണിവേഴ്സിറ്റീസ് യുകെയുടെയും സംയുക്ത കത്ത്, ഗ്രാജ്വേറ്റ് വിസ റൂട്ട് നിര്ത്തലാക്കാനോ നിയന്ത്രിക്കാനോ ഉള്ള പദ്ധതികള് നിരസിക്കാന് സര്ക്കാരിനോട് ആവശ്യപ്പെടുന്നു, അന്താരാഷ്ട്ര ബിരുദധാരികള് എയ്റോസ്പേസ്, ലൈഫ് സയന്സസ്, ഓട്ടോമോട്ടീവ് എന്നിങ്ങനെയുള്ള ക്രിയേറ്റീവ് വ്യവസായങ്ങളില് അവിഭാജ്യമാണെന്ന് വാദിക്കുന്നു.
ഗ്രാജ്വേറ്റ് വിസ നീക്കം ചെയ്യുന്നത് യുകെയുടെ അക്കാദമിക്, റിസര്ച്ച് ലാന്ഡ്സ്കേപ്പിന്റെ ചടുലത ഇല്ലാതാക്കുമെന്നും അന്താരാഷ്ട്ര വിദ്യാര്ത്ഥികളുടെ എണ്ണത്തില് തുടര്ച്ചയായ ഇടിവ് സര്വകലാശാലകളുടെ സാമ്പത്തിക സുസ്ഥിരതയ്ക്ക് ഭീഷണിയാകുകയും കോഴ്സ് അടച്ചുപൂട്ടല്, ജീവനക്കാരുടെ പിരിച്ചുവിടല് എന്നിവയ്ക്ക് കാരണമാവുകയും ചെയ്യുമെന്ന് ബ്രിട്ടീഷ് അക്കാദമി പറഞ്ഞു.
ചൊവ്വാഴ്ച നടക്കുന്ന മൈഗ്രേഷന് അഡൈ്വസിംഗ് കമ്മിറ്റി മീറ്റിങ്ങില് പാര്ട്ട് സ്റ്റഡി വര്ക്ക് വിസകള് നിര്ത്തലാക്കുമെന്ന സൂചനകളാണ് പുറത്തു വരുന്നത്. പാര്ട്ട് സ്റ്റഡി വര്ക്ക് വിസ റദ്ദാക്കിയാല് ഇന്ത്യ ഉള്പ്പെടെയുള്ള വിദേശരാജ്യങ്ങളില് നിന്ന് യുകെയില് പഠിക്കാന് എത്തിയവര്ക്ക് വന് തിരിച്ചടിയാവും.
അടുത്തവര്ഷം സ്വകാര്യ, പൊതു മേഖലകളില് 4, 3 ശതമാനം വീതം ശമ്പള വര്ദ്ധനവ് നടപ്പാക്കുമെന്ന് സൂചന; പണപ്പെരുപ്പവും ജീവിത ചിലവ് വര്ദ്ധനവും കണക്കിലെടുക്കുമ്പോള് തീരെ അപര്യാപ്തമെന്ന് വിലയിരുത്തല്
3>അടുത്തവര്ഷം യുകെയിലെ സ്വകാര്യ മേഖലയില് 4 ശതമാനത്തിന്റെ ശമ്പള വര്ദ്ധനവ് പ്രവചിച്ച് ചാര്ട്ടേഡ് ഇന്സ്റ്റിറ്റ്യൂട്ട് ഓഫ് പേഴ്സണല് ആന്ഡ് ഡെവലപ്മെന്റ്. ഇത് നേരത്തെയുള്ള ശമ്പള വര്ദ്ധനവിന്റെ അതെ നിരക്കാണ്. എന്നാല് നാല് ശതമാനം ശമ്പള വര്ദ്ധനവ് എന്നത് പണപ്പെരുപ്പവും ജീവിത ചിലവ് വര്ദ്ധനവും കണക്കിലെടുത്താല് വളരെ കുറവാണെന്ന വിലയിരുത്തലാണ് ഉയര്ത്തു വരുന്നത്. ചാര്ട്ടേഡ് ഇന്സ്റ്റിറ്റ്യൂട്ട് ഓഫ് പേഴ്സണല് ആന്ഡ് ഡെവലപ്മെന്റിന്റെ കണക്കുകള് പ്രകാരം പൊതുമേഖലയിലെ ശമ്പള വര്ദ്ധനവ് 3 ശതമാനം മാത്രമാണ്. രാജ്യത്തെ ഉല്പ്പാദന ക്ഷമത കാര്യമായി ഉയര്ന്നില്ലെങ്കില് വേതന വര്ദ്ധനവ് കാര്യമായി കുറയുമെന്നാണ് സാമ്പത്തിക വിദഗ്ധര് അഭിപ്രായപ്പെടുന്നത്.
ബാങ്ക് ഓഫ് ഇംഗ്ലണ്ട് പലിശ നിരക്ക് ജൂണില് കുറച്ചേക്കാമെന്ന സൂചനകള് നല്കിയിരുന്നു.അതോടൊപ്പ രാജ്യം സാമ്പത്തിക മാന്ദ്യത്തില് നിന്ന് പുറത്തു വന്നതായുള്ള കണക്കുകള് കഴിഞ്ഞ ദിവസങ്ങളില് പുറത്തു വന്നിരുന്നു. അതേസമയം, ഇത്തരം കാര്യങ്ങള് രാജ്യത്തെ സ്വകാര്യമേഖലയിലെ വേതന വര്ദ്ധനവിന്റെ കാര്യത്തില് പ്രതിഫലിക്കുന്നില്ലെന്ന അഭിപ്രായം ശക്തമാണ്. രാജ്യം സാമ്പത്തികമായി രാജ്യം വളര്ച്ച കൈവരിക്കുന്നതിനൊപ്പം തൊഴിലാളികള്ക്ക് മെച്ചപ്പെട്ട വേതനം കൂട്ടണമെന്ന് സാമ്പത്തിക ശാസ്ത്രജ്ഞനായ ജെയിംസ് കൊക്കറ്റ് പറഞ്ഞു.
കൊടും ചൂടിന് ശേഷം കൊടുങ്കാറ്റും കനത്ത മഴയും എത്തുന്നു; യുകെയിലുടനീളം മഴ, ഇടിമിന്നല് മുന്നറിയിപ്പുകളുമായി മെറ്റ് ഓഫീസ്, വ്യാപകമായ യാത്രാ തടസ്സങ്ങള്ക്കും സാധ്യത
3>ആക്ഷനും സെന്റിമെന്റ്സും കോമഡിയും എല്ലാമടങ്ങുന്ന തുടരെ തുടരെ ട്വിസ്റ്റുകള് കൊണ്ട് നിറഞ്ഞ ഒരു ബ്ലോക്ബസ്റ്റര് സിനിമ പോലെയായിരിക്കുകയാണ് അതാനും ദിവസങ്ങളായി യുകെയിലെ കാലാവസ്ഥ. ഇന്നലെ കൊടും ചൂടാണെങ്കില് ഇന്ന് കനത്ത മഴയും കൊടുങ്കാറ്റും എന്ന രീതിയിലാണ് കാലാവസ്ഥയുടെ പോക്ക്. ഈ വര്ഷത്തെ ഏറ്റവും ചൂടേറിയ താപനില ശനിയാഴ്ചയും ഞായറാഴ്ചയുമായി രേഖപ്പെടുത്തിയതിന് ശേഷം, ഇന്ന യുകെയില് മിക്കയിടത്തും മഴയ്ക്കും ഇടിമിന്നലിനും കൂടുതല് മുന്നറിയിപ്പുകള് നല്കിയിരിക്കുകയാണ് മെറ്റ് ഓഫീസ്. ഞായറാഴ്ച താപനില 26.5C (79.7F) വരെയാണ് ഉയര്ന്നത്. എന്നാല് ചൂടും വെയിലും തിങ്കളാഴ്ച രാവിലെ അവസാനിക്കുമെന്ന് കാലാവസ്ഥാ നിരീക്ഷണ കേന്ദ്രം പറയുന്നു. ശനിയാഴ്ച ഉച്ചതിരിഞ്ഞ് ലണ്ടനിലെ ഹീത്രൂവില് ഏറ്റവും ഉയര്ന്ന താപനില രേഖപ്പെടുത്തിയതോടെ ഈ വര്ഷത്തെ 25.9C എന്ന റെക്കോര്ഡ് ശനിയാഴ്ചത്തെ താപനില മറികടന്നു.
സ്കോട്ട്ലന്ഡ്, വെയില്സ്, വടക്കന് ഇംഗ്ലണ്ട് എന്നിവിടങ്ങളില് കനത്ത മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം പുതിയ മുന്നറിയിപ്പ് നല്കിയിട്ടുണ്ട്. ഇടിമിന്നലിനുള്ള മൂന്ന് മഞ്ഞ മുന്നറിയിപ്പുകള് നിലവിലുണ്ട്. കിഴക്കന് സ്കോട്ട്ലന്ഡിന്റെ ചില ഭാഗങ്ങള് ഒഴികെ എല്ലായിടത്തും ഒറ്റരാത്രികൊണ്ട് ഇടിയോടു കൂടിയ മഴ കുറയും, ഇംഗ്ലണ്ടിന്റെ തെക്കും കിഴക്കും വൈകുന്നേരവും സൂര്യപ്രകാശം ദ്ൃശ്യമാകും.
വടക്കന് അയര്ലണ്ടിന്റെ കിഴക്കന് പ്രദേശങ്ങളില് തിങ്കളാഴ്ച കനത്ത മഴയും ഉണ്ടാകുമെന്ന് പ്രതീക്ഷിക്കുന്നു, ഉച്ച മുതല് ചൊവ്വാഴ്ച രാവിലെ 6 വരെ മഴ മുന്നറിയിപ്പ് നിലവില് ഉണ്ടായിരിക്കും. ഇംഗ്ലണ്ടിലും സ്കോട്ട്ലന്ഡിലും വെള്ളപ്പൊക്ക മുന്നറിയിപ്പ് നിലവിലുണ്ട്. തെക്ക്-പടിഞ്ഞാറന് ഇംഗ്ലണ്ടിലെ കോണ്വാള്, എക്സെറ്റര് എന്നിവയുള്പ്പെടെയുള്ള പ്രദേശങ്ങളില് തിങ്കളാഴ്ച രാവിലെ 8 മണിക്കും അര്ദ്ധരാത്രിക്കും ഇടയില് കനത്ത മഴ ചില ഗതാഗത തടസ്സങ്ങളും വെള്ളപ്പൊക്കവും ഉണ്ടാക്കാന് സാധ്യതയുണ്ട്.
സ്വാന്സീ, കാര്ഡിഫ് ഉള്പ്പെടെയുള്ള പ്രദേശങ്ങളില് കനത്ത മഴയ്ക്ക് സാധ്യതയുള്ള തെക്കന് വെയില്സിലും തിങ്കളാഴ്ച ഇതേ മുന്നറിയിപ്പ് നിലവിലുണ്ട്. മഴ മുന്നറിയിപ്പ് ലഭിച്ച പ്രദേശങ്ങളില് താമസിക്കുന്നവര്ക്ക് ഗതാഗത, വൈദ്യുതി തടസ്സങ്ങള്ക്ക് സാധ്യതയുണ്ടെന്നും അറിയിച്ചു. വടക്കന് അയര്ലണ്ടിന്റെ പടിഞ്ഞാറന് പകുതിയിലും സ്കോട്ട്ലന്ഡിന്റെ പടിഞ്ഞാറന് ഭാഗങ്ങളിലും തിങ്കളാഴ്ച വരെ മറ്റൊരു കൊടുങ്കാറ്റ് മുന്നറിയിപ്പ് നല്കിയിട്ടുണ്ട്.
വോള്വര്ഹാംപ്ടണില് വീടിന് തീപിടിച്ച് രണ്ട് സ്ത്രീകള്ക്ക് ദാരുണാന്ത്യം; കൊലക്കുറ്റം ചുമത്തി 19, 22 വയസ്സുള്ള രണ്ട് പേരെ അറസ്റ്റ് ചെയ്തു, നാലുപേര് ആശുപത്രിയില്, ഒരാളുടെ നില ഗുരുതരം
3>വോള്വര്ഹാംപ്ടണില് വീടിന് തീപിടിച്ച് രണ്ട് സ്ത്രീകള് മരിക്കുകയും നാല് പേര്ക്ക് പൊള്ളലേല്ക്കുകയും ചെയ്ത സംഭവത്തില് കൊലപാതക കുറ്റം ആരോപിച്ച് രണ്ട്പേരെ അറസ്റ്റ് ചെയ്തു. ശനിയാഴ്ച പുലര്ച്ചെ രണ്ട് മണിയോടെ ഡണ്സ്റ്റാള് ഹില് പ്രദേശത്തെ ഒരു വീട്ടിലായിരുന്നു സംഭവം. ഏകദേശം 20 വയസ്സ് പ്രായമുള്ള രണ്ട് യുവതികളും സംഭവസ്ഥലത്ത് തന്നെ മരിച്ചതായി സ്ഥിരീകരിച്ചതായി വെസ്റ്റ് മിഡ്ലാന്ഡ്സ് പോലീസ് പറഞ്ഞു.
മൂന്ന് പുരുഷന്മാരെയും മറ്റൊരു സ്ത്രീയെയും ആശുപത്രിയില് പ്രവേശിപ്പിച്ചു. സ്ത്രീയുടെ നില ഗുരുതരമാണ്. കൊലപാതകം നടത്തിയെന്ന് സംശയിക്കുന്ന 19ഉം 22ഉം വയസ്സുള്ള രണ്ടുപേരെ അറസ്റ്റ് ചെയ്തതായി പോലീസ് പറഞ്ഞു. അഗ്നിശമന സേനയുമായി ചേര്ന്ന് തീപിടിത്തത്തിന്റെ കാരണം കണ്ടെത്താന് പോലീസ് ഉദ്യോഗസ്ഥര് പ്രവര്ത്തിക്കുകയും സ്ഥലത്ത് നിരീക്ഷണം തുടരുകയുമാണ്.
ഇയായ മറ്റൊരാളെ ആംബുലന്സ് സര്വീസ് സംഭവസ്ഥലത്ത് നിന്ന് ഡിസ്ചാര്ജ് ചെയ്തെന്ന് വെസ്റ്റ് മിഡ്ലാന്ഡ്സ് ഫയര് സര്വീസ് പറഞ്ഞു.
മൂന്ന് ഫയര് എഞ്ചിനുകളും രണ്ട് 4×4 ബ്രിഗേഡ് റെസ്പോണ്സ് വാഹനങ്ങളും രക്ഷാപ്രവര്ത്തനത്തില് പങ്കെടുത്തെന്ന് വെസ്റ്റ് മിഡ്ലാന്ഡ്സ് ഫയര് സര്വീസ് അവരുടെ വെബ്സൈറ്റിലെ ഒരു പ്രസ്താവനയില് പറഞ്ഞു. വോള്വര്ഹാംപ്ടണ്, ഫാലിംഗ്സ് പാര്ക്ക്, ടിപ്റ്റണ്, ബില്സ്റ്റണ് ഫയര് സ്റ്റേഷനുകളില് നിന്നുള്ള 20 അഗ്നിശമന സേനാംഗങ്ങളാണ് ദൗത്യത്തില് അണിനിരന്നത്. പുലര്ച്ചെ മൂന്ന് മണിക്ക് മുമ്പ് തീ അണച്ചതായി പ്രസ്താവനയില് പറയുന്നു.
യുകെ ഇന്നലെ കടന്നു പോയത് ഈ വര്ഷത്തിലെ ഏറ്റവും ചുടേറിയ ദിവസത്തിലൂടെ; ഇന്ന് അതിലും ചൂട് കൂടി പുതിയ റെക്കോഡ് രേഖപ്പെടുത്തിയേക്കാമെന്ന് മെറ്റ് ഓഫീസ്, ചില ഭാഗങ്ങളില് ശക്തമായ മഴയ്ക്കും ഇടിമിന്നലിനും സാധ്യത
3>ഞായറാഴ്ച വര്ഷത്തിലെ ഏറ്റവും ചൂടേറിയ ദിവസമായി റേഖപ്പെടുത്തിയേക്കാമെന്ന് മെറ്റ് ഓഫീസ്. യുകെയിലെ ഈ വര്ഷത്തെ ഏറ്റവും ചൂടേറിയ ദിവസമാണ് ശനിയാഴ്ച രേഖപ്പെടുത്തിയെന്ന് വ്യക്തമാക്കിയ മെറ്റ് ഓഫീസ് എന്നാല് ഇന്ന് ആ റെക്കേഡ് തിരുത്തിയേക്കാമെന്നാണ് അറിയിച്ചിരിക്കുന്നത്. ഇന്നലെ ഈസ്റ്റ് സസെക്സിലെ ഹെര്സ്റ്റ്മോണ്സെക്സില് താപനില 25.9C (78.6F) ആയി ഉയര്ന്നിരുന്നു. വടക്കന് സ്കോട്ട്ലന്ഡില് കാസ്ലിയില് 25.7C ആണ് താപനില രേഖപ്പെടുത്തിയത്. വെയില്സിലെ ഗോഗെര്ഡനില് 25.1C, വടക്കന് അയര്ലണ്ടിലെ മഗില്ലഗനില് 23.8c എന്നിങ്ങനെയായിരുന്നു താപനില ഉയര്ന്നത്.
ഞായറാഴ്ച ഇംഗ്ലണ്ടില് ഇത് കൂടുതല് ചൂടായിരിക്കുമെന്ന് നിരീക്ഷകര് പ്രതീക്ഷിക്കുന്നതിനാല് റെക്കോര്ഡുകള് അധികം നീണ്ടുനില്ക്കാന് സാധ്യതയില്ല എന്ന് യുകെയുടെ നാഷണന് വെതര് ആന്ഡ് ക്ലൈമറ്റ് സര്വ്വീവും പറഞ്ഞു. എന്നാല് സ്കോട്ട്ലന്ഡ്, വെയില്സ്, നോര്ത്തേണ് അയര്ലന്ഡ് എന്നിവിടങ്ങളില് ഞായറാഴ്ച ചൂട് പ്രതീക്ഷിക്കുന്നില്ലെന്ന് മെറ്റ് ഓഫീസ് കാലാവസ്ഥാ നിരീക്ഷകന് സൈമണ് പാട്രിഡ്ജ് പറഞ്ഞു.
ചൂടുള്ള വായു ഇംഗ്ലണ്ടിന്റെ തെക്ക്, കിഴക്കന് ഭാഗങ്ങളില് ഒതുങ്ങിനില്ക്കുന്നതിനാല് രാജ്യത്തിന്റെ മധ്യഭാഗങ്ങളില് താപനില 27 ഡിഗ്രി സെല്ഷ്യസില് എത്തുമെന്ന് പ്രതീക്ഷിക്കുന്നുവെന്നും അദ്ദേഹം പറഞ്ഞു.
ഇടിമിന്നല് മുന്നറിയിപ്പുകള്
യുകെയുടെ ചില ഭാഗങ്ങളില് ഞായറാഴ്ച ഇടിമിന്നലിനും ഉച്ചകഴിഞ്ഞ് കനത്ത മഴയ്ക്കും ഇതിന് മുമ്പ് ചൂടും ഉണ്ടാകുമെന്നും മെറ്റ് ഓഫീസ് പ്രതീക്ഷിക്കുന്നു. മൂന്ന് മഞ്ഞ ഇടിമിന്നല് മുന്നറിയിപ്പുകള് നിലവിലുണ്ട്.
12:00 BST നും 22:00 നും ഇടയില് ഇടിമിന്നല് പ്രതീക്ഷിക്കുന്ന വെയില്സിന്റെ ഭൂരിഭാഗം പ്രദേശങ്ങളും ഉള്പ്പെടെ, യുകെയുടെ പടിഞ്ഞാറന് ഭാഗത്തെ മിക്ക പ്രദേശങ്ങള്ക്കും മുന്നറിയിപ്പ് ബാധകമാണ്.
രണ്ടാമത്തേത് 11:00 നും 19:00 നും ഇടയിലുള്ള വടക്കന് അയര്ലണ്ടിന്റെ പടിഞ്ഞാറന് പകുതിയിലേക്കുള്ളതാണ്. മൂന്നാമത്തേത് ഞായറാഴ്ച 14:00 മുതല് തിങ്കളാഴ്ച 04:00 വരെ സ്കോട്ട്ലന്ഡിന്റെ പടിഞ്ഞാറന് ഭാഗങ്ങള്ക്കുള്ളതാണ്.
യെല്ലോ വാണിംഗ് ഉള്ള പ്രദേശങ്ങളില് യാത്രാ തടസ്സം അടക്കം പ്രതീക്ഷിക്കുന്നുണ്ട്. മഴയും പെട്ടെന്നുള്ള വെള്ളപ്പൊക്കവും ഡ്രൈവിംഗ് ബുദ്ധിമുട്ടുകള്ക്ക് കാരണമാകുമെന്നും വൈദ്യുതി മുടങ്ങാനുള്ള ചെറിയ സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.
മാന്ദ്യത്തില് നിന്നും ഫീനിക്സ് പക്ഷിയെപ്പോലെ പറുന്നുയര്ന്ന് ബ്രിട്ടീഷ് സമ്പദ് വ്യവസ്ഥ; രണ്ട് വര്ഷത്തിനിടെ ഏറ്റവും വലിയ മുന്നേറ്റം; കണ്സര്വേറ്റീവുകള്ക്ക്പുത്തന് പ്രതീക്ഷ
3>പൊതു തിരഞ്ഞെടുപ്പ് അടുത്തുവരവേ പ്രധാനമന്ത്രി ഋഷി സുനകിനും കൂട്ടാളികള്ക്കും ആശ്വാസമായി ഓഫീസ് ഫോര് നാഷണല് സ്റ്റാറ്റസ്റ്റിക്സിന്ഖെ പുറിയ കണക്കുകള്. യുകെ സാമ്പത്തിക മാന്ദ്യത്തില് നിന്ന് കരകയറിയതായുള്ള റിപ്പോര്ട്ടുകളാണ് പുറത്തുവന്നത്. 2021 നു ശേഷമുള്ള ഏറ്റവും കൂടിയ വളര്ച്ച നിരക്കാണ് ഇത്. സാമ്പത്തിക വിദഗ്ധര് പ്രവചിച്ച 0.4 ശതമാനത്തിലും മികച്ച പ്രകടനമാണ് രാജ്യം നേടിയത്. പണപ്പെരുപ്പം കുറയുന്നതിനും രാജ്യം ആശാവാഹമായ പുരോഗതിയാണ് നേടിയത്.
വര്ഷത്തിലെ ആദ്യ മൂന്ന് മാസങ്ങളില് ഫ്രാന്സ്, ജര്മ്മനി, അമേരിക്ക എന്നിവരെ മറികടക്കാനും ബ്രിട്ടീഷ് സമ്പദ് വ്യവസ്ഥയ്ക്ക് സാധിച്ചുവെന്ന് കണക്കുകള് വ്യക്തമാക്കുന്നു. 2016 ബ്രക്സിറ്റ് മുതല് ജി7 രാജ്യങ്ങളില് മൂന്നാമത്തെ മികച്ച പ്രകടനം കാഴ്ചവെയ്ക്കുന്ന രാജ്യമാണ് യുകെ. യുഎസും, കാനഡയും മാത്രമാണ് മുന്നില്. യൂറോപ്യന് എതിരാളികളായ ജര്മ്മനി, ഇറ്റലി, ഫ്രാന്സ് എന്നിവര് പിന്നിലാണ്.
സമ്പദ് വ്യവസ്ഥയെ തിരിച്ചെത്തിക്കാനുള്ള ശ്രമങ്ങള് പ്രവര്ത്തിക്കുന്നതായി ഋഷി സുനാക് നേരത്തെ തന്നെ ആവര്ത്തിച്ച് വ്യക്തമാക്കിയിരുന്നു. ഈ ഘട്ടത്തിലാണ് ഈ വാര്ത്ത ആശ്വാസമായി മാറുന്നത്. അടുത്ത മാസത്തോടെ ബാങ്ക് ഓഫ് ഇംഗ്ലണ്ട് പലിശ നിരക്കുകള് വെട്ടിക്കുറയ്ക്കാനുള്ള സാധ്യതകളും തെളിയുന്നുണ്ട്.
ലോകത്തിലെ ഏറ്റവും ബുദ്ധിമാന്മാരുടെ പട്ടികയില് ഇടം നേടി യുകെയിലെ മലയാളി ബാലന്; 11 കാരനായ ധ്രുവ് മെന്സയില് അംഗത്വം നേടിയത് 162 സ്കോറുമായി
3>ഒരാളുടെ ബുദ്ധിശക്തിയുടെ അളവാണ് അയാളുടെ ഐക്യു. ലോകത്തിലെ ഏറ്റവും പഴക്കമേറിയതെന്ന് കരുതപ്പെടുന്ന ഐക്യു പരീക്ഷണ വേദിയാണ് ഇംഗ്ലണ്ട് ആസ്ഥാനമായുള്ള മെന്സ. അതീവബുദ്ധിമാന്മാര് എന്ന് മെന്സ വിലയിരുത്തുന്നത് ലോകത്തിലെ ആകെ ജനസംഖ്യയുടെ ഒരു ശതമാനത്തെ മാത്രമാണ്. ഈ സൊസൈറ്റിയില് അംഗത്വം നേടിയിരിക്കുകയാണ് തെക്കന് ലണ്ടനില് താമസിക്കുന്ന, 11 കാരനായ മലയാളി ബാലന് ധ്രുവ് പ്രവീണ്. ഏപ്രിലില് നടന്ന പ്രവേശന പരീക്ഷയില് ധ്രുവ് 162 സ്കോര് നേടിയാണ് ബുദ്ധിശാലികളുടെ സംഘത്തില് ആംഗമായിരിക്കുന്നത്.
'ഇവന്റെ അച്ഛനാകാന് കഴിഞ്ഞത് ഒരു ഭാഗ്യമായി കരുതുന്നു. കുടുംബം മൊത്തം ഈ നേട്ടത്തില് അഭിമാനിക്കുന്നു', എന്നായിരുന്നു ധ്രുവിന്റെ പിതാവ് പ്രവീണ് കുമാറിന്റെ പ്രതികരണം. സറ്റണിലെ റോബിന് ഹുഡ് ജൂനിയര് സ്കൂളിലെ വിദ്യാര്ത്ഥിയാണ് ധ്രുവ്. എല്ലാ രംഗങ്ങളിലും മികച്ച പ്രകടനം കാഴ്ച വയ്ക്കുന്ന മികച്ച പ്രതിഭയാണ് ഈ ബാലന് എന്നായിരുന്നു റോബിന് ഹുഡ് ജൂനിയര് സ്കൂളിലെ ഹെഡ് ടീച്ചര് എലിസബത്ത് ബ്രോര്സിന്റെ പ്രതികരണം. അംഗീകരിക്കപ്പെട്ട ഒരു ബുദ്ധി പരീക്ഷയില് പങ്കെടുക്കുന്നവരില് ഏറ്റവും ഉയര്ന്ന മാര്ക്ക് നേടിയ രണ്ടു ശതമാനം പേര്ക്ക് മാത്രമായിരിക്കും മെന്സ പ്രവേശനം നല്കുക. ചെല്സിയ ക്ലബ്ബിന്റെ കടുത്ത ആരാധകനായ ധ്രുവ്, തന്റെ ആദ്യ കാലത്ത് പ്രത്യേക വിദ്യാഭ്യാസ ആവശ്യങ്ങള് ഉള്ള കുട്ടിയായിട്ടാണ് പാരിഗണിക്കപ്പെട്ടിരുന്നത്.
21 വര്ഷം മുന്പ് കേരളത്തില് നിന്നും ലണ്ടനിലെത്തിയ പ്രവീണ് കുമാര് പറയുന്നത് രണ്ടു വര്ഷത്തിലെ ക്ലാസ്സിലൊക്കെ ഏറ്റവും മോശം പ്രകടനം കാഴ്ച വയ്ക്കുന്ന വിദ്യാര്ത്ഥിയായിരുന്നു ധ്രുവ് എന്നാണ്. എന്നാല്, പിന്നീട് അവന് മാറുകയായിരുന്നു എന്നും പ്രവീണ് കുമാര് പറയുന്നു. ധ്രുവ് നേടിയ സ്കോര് ഉയര്ന്നതാണെന്നും, ആ ബാലന് മുന്നില് വലിയ സാധ്യതകള് ഉണ്ടെന്നാണ് ഇത് തെളിയിക്കുന്നതെന്നും മെന്സ വക്തവും പ്രതികരിച്ചു.
മെന്സ എന്ന ലാറ്റിന് വാക്കിന്റെ അര്ഥം മേശ എന്നാണ്. ലോകത്തെ അതിബുദ്ധിമാന്മാരെല്ലാം വലിയൊരു മേശയ്ക്കു ചുറ്റും കൂടിയിരിക്കുന്നു എന്ന സങ്കല്പ്പമാണ് അത്. മെന്സ സൊസൈറ്റി അംഗീകരിച്ച ഏതെങ്കിലും ഐക്യു ടെസ്റ്റില് പങ്കെടുത്താല് ഇതിന്റെ ഭാഗമാകാം. ടെസ്റ്റില് നിശ്ചിതശതമാനത്തിനു മുകളിലുള്ള ഉയര്ന്ന സ്കോര് നേടണം. മെന്സയുടെ വെബ്സൈറ്റില് കയറി ഓണ്ലൈന് പരീക്ഷയ്ക്കു പരിശീലിക്കാം: www.mensa.org
അറ്റകുറ്റപ്പണികള്ക്കായി എം25 ന്റെ ഒരു ഭാഗം വാരാന്ത്യത്തില് അടക്കും; യാത്രകള്ക്ക് കാലതാമസം നേരിടുമെന്ന് ഡ്രൈവര്മാര്ക്ക് മുന്നറിയിപ്പ്, ട്രാഫിക് പുന:ക്രമീകരണങ്ങള് ഇങ്ങനെ....
3>വാരാന്ത്യത്തില് സറേയിലെ M25 ന്റെ ഒരു ഭാഗം അടക്കുന്നതിനാല് ആവശ്യമെങ്കില് മാത്രം യാത്ര ചെയ്യാന് ഡ്രൈവര്മാരോട് ആവശ്യപ്പെട്ട് അധികൃതര്. നിലവില് നടന്നുകൊണ്ടിരിക്കുന്ന അറ്റകുറ്റ പണികള്പൂര്ത്തീകരിക്കുന്നതിനാണ് അടച്ചുപൂട്ടല്. വാഹനമോടിക്കുന്നവര്ക്ക് നീണ്ട കാലതാമസവും റോഡില് വന് തിരക്കും ഉണ്ടാകാന് സാധ്യതയുണ്ട്. വെള്ളിയാഴ്ച 21:00 BST മുതല് ഒമ്പത് (A243 ലെതര്ഹെഡ്), 10 (A3 വിസ്ലി) ജംഗ്ഷനുകള്ക്കിടയില് മോട്ടോര്വേ അടച്ചു. ഇത് തിങ്കളാഴ്ച 06:00 ന് വീണ്ടും തുറക്കാന് ഷെഡ്യൂള് ചെയ്തിട്ടുണ്ട്.
ആവശ്യമെങ്കില് മാത്രം യാത്ര ചെയ്യാന് സീനിയര് പ്രോജക്ട് മാനേജര് ഡാന് കിറ്റ്രെഡ്ജ് വാഹനമോടിക്കുന്നവരോട് അഭ്യര്ത്ഥിച്ചു.
16 ടണ് വീതം ഭാരമുള്ള 68 ബീമുകളും 40 ടണ് ഭാരമുള്ള നാല് ബീമുകളും അടങ്ങുന്ന പുതിയ പാലം സ്ഥാപിക്കാനായാണ് അടച്ചുപൂട്ടുന്നതെന്ന് ദേശീയ പാത അറിയിച്ചു. സാധാരണ ട്രാഫിക്കില് രണ്ട് ദിശകളിലും രണ്ട് ഓവര്ഹെറ്റ് വാഹനങ്ങള്ക്ക് ഗാറ്റ്വിക്കിനും ഹീത്രൂവിനും ഇടയില് നാല് ഡൈവേര്ഷന് റൂട്ടുകള് ഉണ്ട്.
10-നും 11-നും ഇടയില് M25-ന്റെ അഞ്ച് മൈല് (8 കി.മീ.) ദൂരം മാര്ച്ചില് അടച്ചിരുന്നു. 1986-ല് മോട്ടോര്വേ തുറന്നതിനുശേഷം ആദ്യമായാണ് എല്ലാ പാതകളും പകല്സമയത്ത് ഷട്ട്ഡൗണ് ചെയ്യുന്നത്.
അടച്ചിട്ടിട്ടും, ഡ്രൈവര്മാരോട് സര്ക്കാര് ഏജന്സി 'സര്റേയിലേക്ക് വരുന്നത് തുടരാന്' പറഞ്ഞിട്ടുണ്ട്. സീനിയര് പ്രോജക്ട് മാനേജര് ജോനാഥന് വേഡ് പറഞ്ഞു: 'സറേ ഒരു വലിയ കൗണ്ടിയാണ്, അതിനാല് നിലവിലുള്ള പോലെ തന്നെ തുടരുക.'
മോട്ടോര്വേയിലേക്കുള്ള 317 മില്യണ് പൗണ്ടിന്റെ നവീകരണത്തിന്റെ ഭാഗമായുള്ള ഇംപ്രൂവ്മെന്റ് സ്കീമില്, യാത്രകള് സുരക്ഷിതമാക്കുന്നതിനുള്ള പാതകളുടെ എണ്ണത്തില് വര്ദ്ധനവും ട്രാഫിക് ഫ്ലോ മെച്ചപ്പെടുത്തുന്നതിന് പുതിയ ജംഗ്ഷന് ലേഔട്ടും കാണാനാകും. വര്ഷാവസാനത്തിന് മുമ്പ് മൂന്ന് അടച്ചുപൂട്ടലുകള് കൂടി ആസൂത്രണം ചെയ്തിട്ടുണ്ട്, അടുത്തത് ഓഗസ്റ്റില് ഷെഡ്യൂള് ചെയ്യും.
20 വര്ഷം മുമ്പ് മോഷണ ശ്രമത്തിനിടെ പോലീസുകാരിയെ വെടിവച്ച് കൊലപ്പെടുത്തിയ കേസ്; ഒളിവില് കഴിഞ്ഞ 75 കാരനായ പ്രതിയെ പാകിസ്ഥാന് ബ്രിട്ടന് കൈമാറി, ജീവപര്യന്തം തടവിന് വിധിച്ച് കോടതി
3>ഏകദേശം 20 വര്ഷം മുമ്പ് മോഷണ ശ്രമം തടയുന്നതിനിടെ പോലീസ് ഉദ്യോഗസ്ഥയെ വെടിവച്ച് കൊലപ്പെടുത്തിയ കേസിലെ മുഖ്യ സൂത്രധാരനായിരുന്ന 75 കാരനെ കോടതി ജീവപര്യന്തം തടവിന് ശിക്ഷിച്ചു.2005 നവംബര് 18-ന് ബ്രാഡ്ഫോര്ഡില് ഷാരോണ് ബെഷെനിവ്സ്കി എന്ന പോലീസ് കോണ്സ്റ്റബിളിനെ വെടിവെച്ച് കൊന്ന പിരണ് ദിത്ത ഖാന് രണ്ട് പതിറ്റാണ്ടോളം പാകിസ്ഥാനില് ഒളിവ് ജീവിതം നയിക്കുകയായിരുന്നു. കഴിഞ്ഞ വര്ഷം പാകിസ്ഥാനില് നിന്ന് നാടുകടത്തപ്പെട്ട ഖാനെ, ലീഡ്സ് ക്രൗണ് കോടതിയില് നടന്ന വിചാരണയ്ക്ക് ശേഷം കൊലപാതക കുറ്റത്തിന് ശിക്ഷിക്കുകയായിരുന്നു.
കൊല്ലപ്പെട്ട ഷാരോണ് ബെഷെനിവ്സ്കിയുടെ ധൈര്യവും ജോലിയോടുള്ള പ്രതിബദ്ധതയും അന്നത്തെ ദിവസം അവരുടെ ജീവന് നഷ്ടപ്പെടുത്തി എന്ന് ജഡ്ജി, ജസ്റ്റിസ് ഹില്യാര്ഡ് പറഞ്ഞു. അദ്ദേഹം ഖാനോട് പറഞ്ഞു: 'ഞാന് അവര്ക്ക് നല്കുന്ന പ്രശംസാ വാചകം അവരുടെ നഷ്ടപ്പെട്ട ജീവിതത്തിന് പകരമാകില്ല. ഞാന് പറയുന്ന ഒരു വാചകത്തിനും നിങ്ങള് ചെയ്ത തെറ്റിന് പരിഹാരമല്ല.
ബ്രാഡ്ഫോര്ഡിലെ മോര്ലി സ്ട്രീറ്റിലെ യൂണിവേഴ്സല് എക്സ്പ്രസ് ട്രാവല് ഏജന്റ്സില് നടന്ന സായുധ കവര്ച്ചയെ തന്റെ സഹപ്രവര്ത്തകയായ പിസി തെരേസ മില്ബേണിനൊപ്പം നേരിടുന്നതിനിടെ ബെഷെനിവ്സ്കി മാരകമായി ആക്രമിക്കപ്പെടുകയായിരുന്നു. രണ്ട് ഉദ്യോഗസ്ഥരും ഉച്ച കഴിഞ്ഞ 3:30 ന് സംഭവസ്ഥലത്തെത്തി. എന്നാല് അവര് പ്രവേശന കവാടത്തിനടുത്ത് എത്തിയപ്പോള്, മൂന്ന് പേര് പരിസരത്ത് നിന്ന് ഇരുവര്ക്കും നേരെ നിറയൊഴിക്കുകയായിരുന്നു. പിസി മില്ബേണിന് ഗുരുതരമായി പരിക്കേറ്റു.
കൊലപാതകത്തിന് തൊട്ടുപിന്നാലെ, പ്രതി പാകിസ്ഥാനിലേക്ക് കടന്നു കളഞ്ഞ പ്രതിയെ 2020 ജനുവരിയില് പാക് അധികാരികള് അറസ്റ്റ് ചെയ്യുകയും 2023-ല് യുകെയ്ക്ക് കൈമാറുകയും ചെയ്യുകയായിരുന്നു.
ഹൃദ്രോഗവും നടുവേദനയുമുള്പ്പെടെ നിരവധി ആരോഗ്യപ്രശ്നങ്ങള് തനിയ്ക്ക് ഉണ്ടെന്ന് ഖാന് കോടതിയെ അറിയിച്ചപ്പോള്, നിയമത്തെ വെട്ടിച്ച് രാജ്യം വിട്ട നിങ്ങള് നിങ്ങള്ക്ക് ചെറുപ്പവും ആരോഗ്യവും ഉള്ള കാലങ്ങളില് സ്വാതന്ത്ര്യത്തിലായിരുന്നല്ലോ എന്ന് ജഡ്ജി തിരിച്ചു ചോദിച്ചു. ഖാന്റെ പ്രായം കാരണം അവസാന വര്ഷങ്ങളില് അയാള് അവിടെ മരിക്കേണ്ടി വരുമെന്ന് പ്രതിവാദം ഉന്നയിച്ച പീറ്റര് റൈറ്റ് നേരത്തെ കോടതിയെ അറിയിച്ചിരുന്നു.