കോവിഡ് വ്യാപനം രൂക്ഷമാകുന്ന സാഹചര്യത്തില് വീണ്ടുമൊരു ലോക്ക്ഡൗണിലേക്ക് നീങ്ങി ഓസ്ട്രിയ. തിങ്കളാഴ്ച മുതല് രാജ്യം ലോക്ക്ഡൗണിലാവും എന്ന് അറിയിച്ചിരിക്കുകയാണ്. വാക്സിന് നിര്ബന്ധമാക്കുകയും ചെയ്യുമെന്ന് ചാന്സലര് അലക്സാണ്ടര് ഷാലെന്ബെര്ഗ് വെള്ളിയാഴ്ച പ്രഖ്യാപിച്ചു.
യൂറോപ്പിലെ പല രാജ്യങ്ങളിലും കോവിഡ് വ്യാപിക്കുന്നുണ്ട്. ലോക്ക്ഡൗണ് പുനഃസ്ഥാപിക്കുന്ന ആദ്യ യൂറോപ്യന് രാജ്യമായും ഓസട്രിയ മാറി.തിങ്കളാഴ്ച മുതല് പത്ത് ദിവസത്തേക്കാണ് രാജ്യം അടിച്ചിടാന് തീരുമാനിച്ചിരിക്കുന്നത്. പത്ത് ദിവസം കഴിഞ്ഞ വൈറസ് വ്യാപനത്തിന്റെ തോത് വിലയിരുത്തി തീരുമാനം എടുക്കുമെന്ന് ഷെല്ലന്ബര്ഗ് വ്യക്തമാക്കി.
ഓസ്ട്രിയയിലെ കൊവിഡ് കേസുകള് ഭൂഖണ്ഡത്തിലെതന്നെ ഏറ്റവും ഉയര്ന്നതാണ്, ഏഴ് ദിവസംകൊണ്ട് 100,000 ആളുകളില് 991 പേര്ക്ക് കൊവിഡ് എന്ന നിരക്കിലെത്തി. നെതര്ലാന്ഡ്സ് ഇപ്പോള് ഭാഗിക ലോക്ക്ഡൗണിലാണ്, ബാറുകളും റെസ്റ്റോറന്റുകളും രാത്രി 8 മണിക്ക് അടയ്ക്കും.