18
MAR 2021
THURSDAY
1 GBP =109.94 INR
1 USD =87.37 INR
1 EUR =90.77 INR
നടപ്പാതയ്ക്ക് നടുവിലായി ഒരു ശവകുടീരം, അമേരിക്കയിലെ ജാക്‌സണ്‍വില്ലില്‍ അധികമാരുടെയും ശ്രദ്ധയില്‍ പെടാതെ ഒളിഞ്ഞുകിടക്കുന്ന ഈ ശവകുടീരം ആരുടേയാണെന്ന് അറിയുമോ?
Story Dated: 2024-07-15
അമേരിക്കയിലെ ജാക്‌സണ്‍വില്ലില്‍ അധികമാരുടെയും ശ്രദ്ധയില്‍ പെടാതെ ഒരു ശവകുടീരമുണ്ട്. ടെന്നീസ് കോര്‍ട്ടിനും അടുത്തായി സ്ഥിതി ചെയ്യുന്ന ഒരു നടപ്പാതയുടെ നടുവിലാണ് ഈ ശവകുടീരം. ചരിത്രത്തില്‍ ഏറെ പ്രാധാന്യമുള്ള ശവകുടീരമാണിത്. ഇതിനു പിന്നില്‍ വലിയൊരു കഥയുണ്ട്. ആ കഥ നടക്കുന്നത് 1908ലാണ്.
തോംസണ്‍ വില്യംസ് എന്ന പുരുഷന്റെ ശവകുടീരം ആണിത്. 1908 -ല്‍ ഒരു സ്ത്രീയെ സംരക്ഷിക്കുന്നതിനായി മരിച്ച വ്യക്തിയാണ് ഇദ്ദേഹം. ആ സംഭവം ഇങ്ങനെ: ഒരു ആക്രമണകാരിയില്‍ നിന്ന് ഒരു സ്ത്രീയെ സംരക്ഷിക്കുന്നതിനിടയിലാണ് ആ മനുഷ്യന്‍ വെടിയേറ്റ് മരിച്ചത്. യഥാര്‍ത്ഥത്തില്‍ അദ്ദേഹത്തിന്റെ മൃതദേഹം സംസ്‌കരിക്കുന്ന കാലത്ത് ഈ സ്ഥലം നഗരത്തിലെ കറുത്തവര്‍ഗ്ഗക്കാര്‍ക്കായി സമര്‍പ്പിച്ച മൗണ്ട് ഹെര്‍മന്‍ സെമിത്തേരി ആയിരുന്നു. എന്നാല്‍, പിന്നീട് 1953 ആയപ്പോഴേക്കും സെമിത്തേരി ഒരു പാര്‍ക്കാക്കി മാറ്റി. പക്ഷേ, വില്യംസിന്റെ മൃതദേഹാവശിഷ്ടങ്ങള്‍ അവിടെ നിന്നും നീക്കം ചെയ്തില്ല, അത് ഇപ്പോഴും ഇവിടെ തുടരുന്നു എന്നാണ് പറയുന്നത്.
ഈ അസാധാരണമായ സ്ഥലം ജാക്‌സണ്‍വില്ലിന്റെ ചരിത്രവുമായി ബന്ധപ്പെട്ട് കിടക്കുന്നു എന്നാണ് ചരിത്രകാരനായ എനിസ് ഡേവിസ് പങ്കുവെക്കുന്നത്. ഇവിടെ സ്ഥാപിച്ചിരിക്കുന്ന ശിലാഫലകത്തില്‍ ഇത് വ്യക്തമാക്കുന്ന വരികളും ഉണ്ട്. അത് ഇങ്ങനെയാണ്, 'ഒരു വെള്ളക്കാരിയുടെ മാനവും ജീവനും സംരക്ഷിക്കാന്‍ ശ്രമിക്കുന്നതിനിടെയുണ്ടായ മുറിവുകളില്‍ നിന്ന് 1908 ഒക്ടോബര്‍ 28 -ന് മരണമടഞ്ഞ നീഗ്രോക്കാരനായ തോംസണ്‍ വില്യംസിനെ ഇവിടെ അടക്കം ചെയ്തിരിക്കുന്നു.'
എന്നിസ് ഡേവിസിന്റെ അഭിപ്രായത്തില്‍, ലാവില്ലയിലെ ആദ്യത്തെ മേയറായിരുന്ന ഫ്രാന്‍സിസ് എല്‍ എന്‍ഗിള്‍ കുടുംബത്തിലെ ഒരു അംഗമാണ് 1940 -കളില്‍ യഥാര്‍ത്ഥ സെമിത്തേരി നഗരത്തിന് സംഭാവന നല്‍കിയത്. വില്യംസിനെ കൂടാതെ ഫാഗിന്‍ കുടുംബാംഗങ്ങളെയും ഇവിടെയാണ് സംസ്‌കരിച്ചിരിക്കുന്നത്.
More Latest News
വിജയ് ദേവർകൊണ്ടയുടെ പുതിയ ചിത്രം 'കിങ്ഡം' റിലീസ് ജൂലൈ നാലിന് :റിലീസ് തീയതി വൈകുന്നതിന് കാരണം പോസ്റ്റ്‌ പ്രൊഡക്ഷൻ തിരക്കുകൾ
ഗീതഗോവിന്ദം,ഡിയർ കോമ്രേഡ് എന്നീ ചിത്രങ്ങളിലൂടെ പ്രശസ്ഥനായ നടൻ വിജയ് ദേവർകൊണ്ടയുടെ പുതിയ ചിത്രം 'കിങ്ഡം' ജൂലൈ നാലിന് റിലീസ് ചെയ്യും.സിനിമയുടെ ചിത്രീകരണം ഇതിനോടകം പൂർത്തിയായെങ്കിലും പോസ്റ്റ്‌ പ്രൊഡക്ഷൻ ജോലികൾ തീർക്കാനുള്ളത് കൊണ്ടാണ് റിലീസ് വൈകുന്നതെന്നാണ് റിപ്പോർട്ടുകൾ.
രാഹുൽ സംകൃത്യൻ സംവിധാനം ചെയ്യുന്ന മറ്റൊരു ചിത്രത്തിൽ ഉടൻ തന്നെ തന്റെ ഭാഗ്യജോഡിയായ രഷ്മിക മന്ദനയോടൊപ്പവും ഇനി വിജയ് ദേവർകൊണ്ടയെ ബിഗ് സ്‌ക്രീനിൽ കാണാൻ കഴിയും.ഇതിനിടയിൽ തന്നെ മറ്റു സ്ക്രിപ്റ്റുകൾ കേൾക്കുന്നുണ്ടെന്നും, പുതിയ സിനിമകൾ കമ്മിറ്റ് ചെയ്യുന്നുണ്ടെന്നുമാണ് വിവരം. ഇപ്പോൾ 'കിങ്ഡം' സിനിമയുടെ പ്രൊമോഷൻ തിരക്കുകളിലാണ് താരം.മൃണാൾ താക്കൂറിനൊപ്പം അഭിനയിച്ച 'ദി ഫാമിലി സ്റ്റാർ' ആയിരുന്നു വിജയിയുടെ അവസാനമായി റിലീസ് ചെയ്ത ചിത്രം
ഇൻഡസ്ട്രിയെ നിലനിർത്തുന്ന മനോഹരമായ ചെറിയ ചിത്രങ്ങൾ :പ്രേക്ഷകരുടെ ഹൃദയം കീഴടക്കി 'ടൂറിസ്റ്റ് ഫാമിലി', കഥാപാത്രങ്ങളുടെ പ്രകടനമികവിൽ തെളിഞ്ഞ ചിരിയുടെ മേളവുമായി ഈ പുതുചിത്രം
വലിയ ബഡ്ജറ്റിലുള്ള വമ്പൻ ചിത്രങ്ങൾ തിയേറ്റർ കയ്യടക്കുമ്പോഴും, ചിലപ്പോൾ പ്രതീക്ഷകൾക്ക് വിപരീതമായി പരാജയപ്പെടുമ്പോഴും ചില ചെറുചിത്രങ്ങൾ പ്രേക്ഷകർക്ക് പ്രിയപ്പെട്ടതായി മാറാറുണ്ട്. അത്തരത്തിൽ ഒരു സിനിമയാണ് നവാഗതനായ അബിഷൻ ജീവന്ത് സംവിധാനം ചെയ്ത് തമിഴിൽ റിലീസ് ചെയ്ത 'ടൂറിസ്റ്റ് ഫാമിലി'.ഹൃദയസപർഷവും, നർമ്മം ചാലിച്ചതുമായ കഥാമുഹൂർത്തങ്ങൾ കൊണ്ട് തിയേറ്ററുകളിൽ ചിരിമേളം സൃഷ്ടിച്ചുകൊണ്ട് വൻ വിജയം തീർത്തിരിക്കുകയാണ് ഈ ചിത്രം.
ശ്രീലങ്കയിലെ സാമ്പത്തിക ബുദ്ധിമുട്ടുകളിൽ നിന്നും രക്ഷപെടനായി തമിഴ്‌നാട്ടിലെത്തിയ ധർമ്മദാസിന്റെയും കുടുംബത്തിന്റെയും കഥയാണ് ഈ സിനിമ പറയുന്നത്.സ്നേഹത്തിന്റെയും കരുണയുടെയും ഒരു പുതിയമുഖം തുറന്നു കാട്ടുകയാണ് 128 മിനിറ്റ് ദൈർഘ്യമുള്ള ഈ ചിത്രത്തിലൂടെ സംവിധായകൻ.ധർമ്മദാസ് എന്ന കഥാപാത്രമായി ശശികുമാറും,ഭാര്യ വാസന്തിയായി സിമ്രാനും എത്തിയപ്പോൾ, മലയാളത്തിൽ ആവേശം എന്ന ഒറ്റചിത്രം കൊണ്ട് ശ്രദ്ധ നേടിയ ജയ് ശങ്കറും,തമിഴ് താരം കമലേഷും മക്കളായി വേഷമിട്ടു. കമലേഷ് എന്ന കുട്ടിത്താരത്തിന്റെ ചില ഡയലോഗുകൾ ഏവരിലും ചിരിയുണർത്തുന്നതാണ്.ഈ കുടുംബത്തിന് ചുറ്റുപാടിനോടും, അയൽക്കാരോടുമുള്ള അഗാധമായ സ്നേഹബന്ധം വളരെ മനോഹരമായി സ്‌ക്രീനിൽഅവതരിപ്പിച്ചിട്ടുണ്ട്.അഭയാർത്ഥികളുടെ വിഷമങ്ങൾക്കപ്പുറം, അവരുടെ സ്നേഹബന്ധങ്ങളുടെ തെളിച്ചം കാണിക്കുന്നിടത്താണ് കഥയുടെ അസ്തിത്വം.
വലിയ ബഡ്ജറ്റിൽ ഒരുങ്ങുന്ന ചിത്രങ്ങളോടൊപ്പം തന്നെ അല്ലെങ്കിൽ അതിനും മുകളിൽ ചെറിയ മുതൽമുടക്കിൽ വരുന്ന മനോഹരമായ ചിത്രങ്ങൾക്ക് ഇവിടെ സ്ഥാനമുണ്ടെന്ന് ഒരിക്കൽകൂടി തെളിയിച്ചിരിക്കുകയാണ് ഈ സിനിമ.
നിരപരാധിയായ യുവതി നേരിട്ടത് കടുത്ത മാനസിക പീഡനം : മാല മോഷണക്കുറ്റം ആരോപിച്ച് സ്റ്റേഷനിൽ എത്തിച്ച് പോലീസ് മോശമായി പെരുമാറി,തെറ്റ് ചെയ്തില്ലെന്ന്‌ തെളിഞ്ഞപ്പോൾ വിട്ടയച്ചു
മാല മോഷണക്കുറ്റം ആരോപിച്ച് പോലീസ് സ്റ്റേഷനിലെത്തിച്ച നിരപരാധിയായ യുവതി പോലീസിൽ നിന്ന് മാനസിക പീഡനം അനുഭവിച്ചതായി പരാതി.പനവൂരിൽ,ഇരുമരം സ്വദേശിനിയായ ബിന്ദു(36)നെയാണ് ജോലി ചെയ്യുന്ന വീട്ടിൽ നിന്ന് മാല മോഷ്ടിച്ചു എന്ന കേസിൽ പോലീസ് വിളിപ്പിച്ചത്. ഈ മാസം 13 ന് വൈകുനേരം പേരൂർക്കട സ്റ്റേഷനിൽ വിളിപ്പിച്ച യുവതിയെ 14 ന് ഉച്ചക്ക് വിട്ടയച്ചപ്പോൾ കടന്നു പോയ 20 മണിക്കൂറും കടുത്ത മാനസിക സംഘർഷവും അപമാനവുമാണ് ബിന്ദു നേരിട്ടത്.
വെറും മൂന്ന് ദിവസങ്ങൾക്ക് മുൻപ് ബിന്ദു ജോലി ചെയ്യാനാരംഭിച്ച വീട്ടിൽ നിന്നാണ് മാല കാണാതെ പോയത്.താൻ എടുത്തിട്ടില്ലെന്ന് കരഞ്ഞു പറഞ്ഞിട്ടും ബിന്ദുവിനെ വിട്ടയക്കാതെ, വെള്ളം പോലും കൊടുക്കാതെയാണ് സ്റ്റേഷനിൽ ഇരുത്തിയത്. സ്റ്റേഷനിൽ നിന്ന അത്ര നേരവും വീട്ടിലേക്ക് വിളിച്ചറിയിക്കാൻ പോലും അനുവദിച്ചിരുന്നുമില്ല.പിന്നീട് രാത്രിയിൽ പനവൂരിലെ വീട്ടിലെത്തിച്ച് പരിശോധിക്കുകയും ചെയ്തിരുന്നു. പിറ്റേന്ന് കാണാതെ പോയ മാല തങ്ങളുടെ വീട്ടിൽ നിന്ന് ലഭിച്ചെന്ന് പരാതിക്കാർ അറിയിച്ചതിന് ശേഷവും ഏറെ നേരം കഴിഞ്ഞാണ് യുവതിയെ വിട്ടയച്ചത്.
ബിന്ദു താനനുഭവിച്ച മാനസിക പീഡനവും,അപമാനവും ചൂണ്ടിക്കാട്ടി പോലീസിനെതിരെ മുഖ്യമന്ത്രിക്കും, ഡിജിപിക്കും, പട്ടികജാതി വകുപ്പ് മന്ത്രിക്കും പരാതി നൽകി.
കത്തിപ്പുകഞ്ഞത് നിരവധി മുറികൾ: കോഴിക്കോട് ബസ്റ്റാന്റ് കെട്ടിടത്തിലെ ടെക്സ്റ്റെയിൽസ് തുണിവ്യാപാര കടയിൽ തീപിടുത്തം,രക്ഷയായെത്തിയത് അഗ്നിരക്ഷാ യൂണിറ്റുകൾ
കോഴിക്കോട് നഗരത്തിലെ മൊഫ്യൂസിൽ ബസ് സ്റ്റാന്റ് കെട്ടിടത്തിൽ ഇന്നലെ അപ്രതീക്ഷിതമായി ഉണ്ടായത് വൻ തീപിടുത്തം.ബസ് സ്റ്റാൻഡിനോട്‌ ചേർന്ന് സ്ഥിതി ചെയ്യുന്ന കാലിക്കറ്റ് ടെക്സ്റ്റൈൽസ് എന്ന തുണിക്കടയിൽ ഇന്നലെ വൈകുന്നേരം അഞ്ച് മണിയോടടുപ്പിച്ചാണ് സംഭവം.കടക്ക് മുകളിൽ ഷീറ്റ് ഉപയോഗിച്ച് കെട്ടിപ്പൊക്കിയ താൽകാലിക കെട്ടിടത്തിനാണ് ആദ്യം തീ പിടിച്ചത്. തുണിക്കടയോട് ചേർന്നുണ്ടായിരുന്ന മെഡിക്കൽ ഷോപ്പ് അടക്കം മറ്റു പല കടമുറികളിലേക്കും തീ പടർന്നിരുന്നു. അഗ്നിരക്ഷാ സംഘംങ്ങളുടെയും, പോലീസിന്റെയും, സമയോചിതമായ ഇടപെടലിലും, ആളുകളുടെ ശെരിയായ നിയന്ത്രണത്തിലും വൻ ദുരന്തമാണ് വഴിമാറിപ്പോയത്.
ബസ്‌സ്റ്റാൻഡിലെ ആളുകളും, കടയിൽ ജോലി ചെയ്തുകൊണ്ടിരുന്ന മുപ്പതിലധികം ആളുകളും അപകടത്തിന്റെ തുടക്കത്തിൽ തന്നെ പുറത്തേക്ക് ഓടിയിരുന്നു. നിമിഷങ്ങൾക്കകം പോലീസ് എത്തുകയും താഴത്തെ കടകളിലെ ആളുകളെ പുറത്തിറക്കുകയും, കെട്ടിടത്തോട് ചേർന്നുള്ള ബസുകൾ മാറ്റുകയും ചെയ്തു.ഇതിനോടകം കറുത്തപുകയും, ദുർഗന്ധവും പരിസരം മുഴുവനും പടർന്നിരുന്നു. പല അഗ്നിരക്ഷാ യൂണിറ്റുകളും സംഭവസ്ഥലത്തേക്ക് എത്തിച്ചേർന്നെങ്കിലും കറുത്തപുക കൊണ്ട് അന്തരീക്ഷം മൂടിയതിനാലും,കടകളുടെ ഷട്ടറുകൾ അടച്ചിട്ടതിനാലും, പരസ്യബോർഡുകൾ കൊണ്ടും തീ നിയന്ത്രിക്കാനായി ബുദ്ധിമുട്ട് നേരിട്ടിരുന്നു.പിന്നീട് ജെസിബി ഉപയോഗിച്ച് ഈ ബോർഡുകൾ എടുത്തു കളഞ്ഞതിന് ശേഷമാണ് തീ ഒരുപരിധി വരെ നിയന്ത്രിക്കാൻ കഴിഞ്ഞത്.
ഒരു മണിക്കൂറിനുള്ളിൽ 38 അഗ്നിരക്ഷാ യൂണിറ്റുകളാണ് സംഭവസ്ഥലത്തെത്തിയത്.കോഴിക്കോട് വിമാനത്താവളത്തിൽ നിന്നും കെമിക്കൽ ഫയർ എഞ്ചിനും എത്തിച്ചിരിന്നു.വലിയൊരു ദുരന്തം ഒഴിവായെങ്കിലും കോടികളുടെ നാശനഷ്ടമാണ് ഇതിലൂടെ സംഭവിച്ചിരിക്കുന്നത്.
ആ കഥാപാത്രം ഓവർ ആയി പ്രേക്ഷകർക്ക് തോന്നി : പുതിയ ചിത്രത്തിന് വന്ന വിമർശനങ്ങളെക്കുറിച്ച് മനസ്സ് തുറന്ന് മാത്യു തോമസ്
കുമ്പളങ്ങി നൈറ്റ്‌സിലൂടെ മലയാളി പ്രേക്ഷകരുടെ ഹൃദയം കീഴടക്കിയ നടനാണ് മാത്യു തോമസ്. മനോഹരമായ ചിരിയും, ഹൃദ്യമായ അഭിനയവും കൊണ്ട് കഥാപാത്രങ്ങളെ മിഴിവോടെ അവതരിപ്പിച്ച ഒരു കൊച്ചുപയ്യൻ. പിന്നീട് തണ്ണീർമത്തൻ ദിനങ്ങളിൽ നായകനായി വരികയും വിജയ് നായകനായ 'ലിയോ'എന്ന ചിത്രത്തിൽ ശ്രദ്ധേയമായ വേഷത്തിലെത്തുകയും ചെയ്തു. ഇപ്പോൾ തന്റെ ഏറ്റവും പുതിയ ചിത്രമായ 'ബ്രൊമാൻസ് 'ലെ അഭിനയത്തിന് ഉയരുന്ന വിമർശനങ്ങൾക് മറുപടിയുമായി എത്തിയിരിക്കുകയാണ് മാത്യു.
ഇതേ ചിത്രം ഒടിടി യിൽ റിലീസ് ആയതിന് ശേഷം മാത്യുവിന്റെ അഭിനയം ഓവർ ആണെന്ന് പറഞ്ഞു പ്രേക്ഷകരിൽ നിന്ന് അഭിപ്രായമുയർന്നിരുന്നു.ആ കഥാപാത്രം ഓവർ ആയത് കൊണ്ട് തന്നെയാണ് പ്രേക്ഷകർ അങ്ങനെ പറഞ്ഞതെന്നും,ആ കഥാപാത്രത്തിന് എല്ലാവരും കൂടി നൽകിയ മീറ്റർ തെറ്റിപ്പോയെന്നും അത് കഥാ പാത്രത്തെക്കുറിച്ചുള്ള ചർച്ചകൾ നടക്കുമ്പോൾ ഉണ്ടായ ജഡ്ജ്മെന്റ്സിന്റെ പ്രശ്നമാണെന്നും മാത്യു പറഞ്ഞു. ചിത്രത്തിൽ ബിന്റോ എന്ന കഥാപാത്രത്തിന്റെ മെഡിക്കൽ കണ്ടീഷനെക്കുറിച്ച് പറയുന്നുണ്ടെങ്കിലും അത് ഭൂരിഭാഗം ആളുകൾക്കും വർക്ക്‌ ഔട്ട് ആയിരുന്നില്ല.തന്റെ ഏറ്റവും പുതിയ ചിത്രമായ ലൗലിയുടെ പ്രെസ്സ് മീറ്റിൽ സംസാരിക്കുകയായിരുന്നു മാത്യു. അത് കുറച്ചുകൂടി കൺവീൻസിങ്ങ് ആകുന്ന രീതിയിൽ വൃത്തിക്ക് ചെയ്യണമായിരുന്നു എന്നും മാത്യു കൂട്ടിച്ചേർത്തു.
Most Read
British Pathram Recommends
