സോഷ്യല്‍ മീഡിയയില്‍ ശ്രദ്ധ കിട്ടാന്‍ എന്തിനും മടിക്കാത്ത ചിലരുണ്ട്. ഒറ്റ കാഴ്ചയില്‍ തന്നെ തീര്‍ത്തും മണ്ടത്തരമെന്ന് തോന്നിപ്പിക്കുന്ന കാര്യങ്ങളാണ് ഇവര്‍ ചെയ്യാറ്. എന്തും ചെയ്ത് ശ്രദ്ധ ലഭിക്കുക എന്നതാണ് ഇവരുടെ ആകെ ഉള്ള ലക്ഷ്യം. അത്തരത്തില്‍ ഒരാളുടെ വീഡിയോ ആണ് ഇപ്പോള്‍ പുറത്ത് വരുന്നത്.  നോര്‍ത്ത് ഇന്ത്യയില്‍ നിന്നുള്ള ഒരു യുവാവിന്റെ വീഡിയോ ആണ് ഈ ശ്രേണിയില്‍ അവസാനമായി എത്തിയിരിക്കുന്നത്. മുളക് പൊടിയും പച്ചമുളകും പച്ച മീനുമൊക്കെ ആണ് ഇയാള്‍ കഴിക്കുന്നത്.  പച്ച മുളകും മുളക് പൊടിയും മഞ്ഞപ്പൊടിയും തിന്ന ശേഷം യുവാവ് കരഞ്ഞുകൊണ്ടിരികുന്നതാണ് വീഡിയോ. ഇതുകൊണ്ട് എന്ത് അര്‍ഥമാക്കുന്നുവെന്നോ? വിഡിയോയില്‍ ഉള്ളത് ആരാണെന്നോ വ്യക്തമല്ല. നിരവധി ആളുകളാണ് ഈ വീഡിയോയ്ക്ക് വിമര്‍ശനവുമായി എത്തിയത്. എന്താണ് ഇയാളുടെ പ്രശ്‌നമെന്നും, എന്തിനാണ് ഇത്തരത്തില്‍ വിഡിയോകള്‍ ചെയ്യുന്നതെന്നും പലരും ചോദിക്കുന്നു. അതേസമയം, ഇതേ യുവാവ് തന്നെ പച്ച മീന്‍ കഴിക്കുന്നത് പോലുള്ള സാഹസങ്ങള്‍ ചെയ്ത് വീഡിയോ പങ്കുവെച്ചതായും പലരും അഭിപ്രായപ്പെടുന്നുണ്ട്. ഇത്തരം പല വിഡിയോകളും വലിയ ദുരന്തങ്ങള്‍ ക്ഷണിച്ചു വരുത്താറുണ്ടെന്നും സോഷ്യല്‍ മീഡിയ അഭിപ്രായപ്പെടുന്നു.  

പ്രേക്ഷകരുടെ മൂന്ന് മാസത്തെ കാത്തിരിപ്പ് ഇന്ന് അവസാനിക്കുകയാണ്. ബിഗ്‌ബോസ് സീസണ്‍ ആറിന്റെ ഗ്രാന്റ് ഫിനാലെ ഇന്ന് വൈകുന്നേരം ആണ് നടക്കുന്നത്. 100 ദിവസം തികച്ച് ഫൈനല്‍ ഫൈവ് മത്സരാര്‍ത്ഥികള്‍ ഇന്ന് ബിഗ്‌ബോസ് വേദിയില്‍ എത്തും. വീട്ടിലെ മത്സരം അതിജീവിച്ച അന്തിമവിജയി ആരെന്ന് പ്രഖ്യാപിക്കപ്പെടാന്‍ ഇനി മണിക്കൂറുകള്‍ മാത്രം ബാക്കിയാണ്. വൈകിട്ട് ഏഴു മണി മുതലാണ് ഗ്രാന്‍ഡ് ഫിനാലെയുടെ തത്സമയസംപ്രേക്ഷണം.  ഗ്രാന്‍ഡ് ഫിനാലെയില്‍ പങ്കെടുക്കാനായി നാലാം സീസണിന്റെ വിജയിയായ ദില്‍ഷ പ്രസന്നനും ചെന്നൈയില്‍ എത്തി ചേര്‍ന്നിട്ടുണ്ട്.  ഇപ്പോഴിതാ, മോഹന്‍ലാലിനൊപ്പം നില്‍ക്കുന്ന ദില്‍ഷയുടെ ചിത്രങ്ങളാണ് വൈറലാവുന്നത്. ഗംഭീര കലാപരിപാടികളാണ് ഗ്രാന്‍ഡ് ഫിനാലെയുടെ ഭാഗമായി ഒരുക്കിയിരിക്കുന്നത്. പ്രശസ്ത താരങ്ങളും മുന്‍ ബിഗ് ബോസ്സ് മത്സരാര്‍ത്ഥികളുമായ നോബി, കുട്ടി അഖില്‍, സൂരജ് , നാദിറ, റനീഷ  തുടങ്ങിയവര്‍ അവതരിപ്പിക്കുന്ന കോമഡി സ്‌കിറ്റും ചലച്ചിത്രപിന്നണി ഗായകരായ സിതാര, വിധു പ്രതാപ്, ശക്തിശ്രീ എന്നിവര്‍ ഒരുക്കുന്ന സംഗീതവിരുന്നും പ്രശസ്ത താരങ്ങളായ നീത പിള്ള , ദില്‍ഷാ പ്രസന്നന്‍, ശ്രുതിലക്ഷ്മി, ധന്യ മേരി വര്‍ഗീസ്, ജാഫര്‍ സാദിഖ് തുടങ്ങിയവരുടെ നൃത്യവിസ്മയങ്ങളും ഗ്രാന്‍ഡ് ഫിനാലെയില്‍ ഉള്‍പ്പെടുത്തിയിട്ടുണ്ട്.

ബിഗ്‌ബോസ് കഴിഞ്ഞ സീസണിലെ വിജയ് ആയിരുന്നു അഖില്‍ മാരാര്‍. എന്നാല്‍ കഴിഞ്ഞ കുറെ ദിവസങ്ങളായി അഖില്‍ നടത്തിയ വെളിപ്പെടുത്തല്‍ ഏറെ വിവാദമാണ് സൃഷ്ടിച്ചിരിക്കുന്നത്. ബിഗ് ബോസ് വീട്ടില്‍ വലിയതോതില്‍ തന്നെ പല ക്രമക്കേടുകളും നടക്കുന്നുണ്ട് എന്നായിരുന്നു അഖില്‍ പറഞ്ഞിരുന്നത്. അതിന് കാരണം എന്താണെന്നും അതില്‍ പറഞ്ഞു. ബിഗ്‌ബോസില്‍ പങ്കെടുക്കുന്ന പല സ്ത്രീകളോടും ബിഗ് ബോസ് കിടക്ക പങ്കിടാന്‍ വരെ ആവശ്യപ്പെടാറുണ്ട് എന്നും അഖില്‍ പറഞ്ഞിരുന്നു അഖിലേന്റെ ഈ ഒരു പ്രസ്താവന വലിയതോതില്‍ തന്നെ ശ്രദ്ധ നേടുകയും ചെയ്തു. എന്നാല്‍ അഖില്‍നെതിരെ ബിഗ് ബോസിലെ തന്നെ പല മത്സരാര്‍ത്ഥികളും രംഗത്ത് വരികയും ചെയ്തിരുന്നു. ഓരോ പെണ്‍കുട്ടികളെയും മോശമാക്കുന്ന തരത്തിലുള്ള കാര്യങ്ങളാണ് അഖില്‍ പറഞ്ഞിരുന്നത് എന്നാണ് പലരും പറഞ്ഞത്. ഏതാണ് ആ മത്സരാര്‍ത്ഥി എന്ന് പറയാതെ അതില്‍ ഇത്തരം ഒരു ആരോപണം ഉന്നയിച്ചത് ശരിയായില്ല എന്നും ബിഗ്‌ബോസില്‍ എത്തിയ എല്ലാ മത്സരാര്‍ത്ഥികളെയും കളിയാക്കുന്നതിന് തുല്യമായിരുന്നു പലരും പറഞ്ഞത്. ഇത്തരം ഒരു ആരോപണം ഉന്നയിക്കുമ്പോള്‍ ആരാണ് ഈ ഒരു ആരോപണത്തിന് പിന്നിലുള്ളത് എന്ന് വ്യക്തമായി തന്നെ പറയണം. ഇല്ലെങ്കില്‍ അത് മറ്റുള്ളവര്‍ക്ക് കൂടി ബുദ്ധിമുട്ട് ആകുമെന്നും പലരും പറഞ്ഞിരുന്നു. ഈ സംഭവത്തില്‍ ഏറ്റവും കൂടുതല്‍ രംഗത്ത് വന്നത് ബിഗ്‌ബോസിനെ മത്സരാര്‍ത്ഥി കൂടിയായ ശോഭാ വിശ്വനാഥ ആയിരുന്നു.  അത്തരത്തില്‍ കഴിഞ്ഞ ദിവസം അഖില്‍ ഒരു കമന്റിന് മറുപടി നല്‍കിയതാണ് ശ്രദ്ധ നേടുന്നത്. ഈയൊരു കമന്റ് സ്‌ക്രീന്‍ഷോട്ട് അടക്കം പങ്കുവെച്ചത് അഖില്‍ തന്നെയാണ് തനിക്ക് മോശമായി തരത്തില്‍ കമന്റ് ഇട്ട ഒരു വ്യക്തിയെ വലിച്ച് കീറി അഖില്‍ മാരാര്‍ ഒട്ടിക്കുന്നതാണ് ഈ ഒരു കമന്റില്‍ കാണാന്‍ സാധിക്കുന്നത്. സ്വയം പൊങ്ങി എന്നായിരുന്നു ഇയാള്‍ അഖിലിന്റെ ചിത്രത്തിന് താഴെ കമന്റ് ചെയ്തത്. അഖില്‍ ഇതിന് മറുപടി പറഞ്ഞത് ഇങ്ങനെയാണ് 'ദൈവം അനുഗ്രഹിച്ച സ്വന്തമായി തന്നെ പോകുന്നുണ്ട് സഹോദരന്‍ വിഷമിക്കേണ്ട പാര്‍ശ്വഫലങ്ങള്‍ ഇല്ലാത്ത മരുന്നുകള്‍ ഉണ്ട്. എന്നിട്ടും പോകുന്നില്ലെങ്കില്‍ നിന്റെ വിധി എന്ന് കരുതുക.' താഴെ നിരവധി ആളുകളാണ് രസകരമായ കമന്റുകളുമായി എത്തിയത് ഇത് ചോദിച്ചു വാങ്ങിയ മറുപടിയാണെന്നാണ് പലരും പറയുന്നത്. അതേസമയം ഇത്തരത്തില്‍ അശ്ലീല കമന്റുകള്‍ ഇടുന്നത് മോശമായ രീതിയാണ് അതും യഥാര്‍ത്ഥ സ്വഭാവ മനസ്സിലായി എന്നും പറയുന്നവര്‍ നിരവധിയാണ്. നിങ്ങള്‍ എങ്ങനെയുള്ള ആളാണെന്ന് ഇപ്പോള്‍ മനസ്സിലാക്കാന്‍ സാധിച്ചു ഇതാണ് നിങ്ങളുടെ നിലവാരം വെറുതെയല്ല ശോഭ നിങ്ങളെക്കുറിച്ച് ഓരോന്ന് പറയുന്നത് നാണമില്ലേ നിങ്ങള്‍ക്ക് ഇങ്ങനെ ഒരു പൊതു പ്ലാറ്റ്‌ഫോമില്‍ വന്നു പറയാന്‍ എന്നും ചിലര്‍ ചോദിക്കുന്നുണ്ട്.

ഷെയിന്‍ നിഗം മഹിമനമ്പ്യാര്‍ മികച്ച ജോഡികളാണെന്നാണ് ആരാധകരുടെ കണ്ടെത്തല്‍. ഇരുവരും ചേര്‍ന്ന് അഭിനയിച്ച ആര്‍ഡിഎക്‌സ് ആരാധകര്‍ ഏറ്റെടുത്തിരുന്നു. ആര്‍ ഡി എക്സിനു ശേഷം ഇരുവരും ഒന്നിച്ചഭിനയിക്കുന്ന പുതിയ ചിത്രമാണ് 'ലിറ്റില്‍ ഹാര്‍ട്‌സ്.' ഇപ്പോഴിതാ ചിത്രത്തിന്റെ പ്രമോഷന് മഹിമ പറഞ്ഞ കാര്യങ്ങളാണ് വൈറലാകുന്നത്. ഷെയിന്‍ സിനിമയില്‍ അഭിനയിക്കുമ്പോള്‍ ക്യാരക്റ്റര്‍ പിടിച്ചിരിക്കുമെന്ന് മനസിലാക്കാന്‍ ഞാന്‍ ഒരുപാട് വൈകിയിരുന്നു എന്നാണ് മിഹമ പറയുന്നത്. ഷെയിന്‍ റോബര്‍ട്ട് ആയി അഭിനയിക്കുമ്പോള്‍ റോബര്‍ട്ട് ആയിരിക്കും തികച്ചും.  ഞങ്ങള്‍ തമ്മിലുള്ള ആകെ കമ്മ്യുണിക്കേഷന്‍ ഡയലോഗ് പറയുമ്പോള്‍ മാത്രമാണ്. കാണുന്നവര്‍ക്ക് തോന്നും ഞങ്ങള്‍ നല്ല ജോഡികളാണ് എന്ന് എന്നാല്‍ ഞങ്ങള്‍ ഒരു വാക്ക് പോലും മിണ്ടാറില്ല അങ്ങനെ ആയിരുന്നു ആര്‍ ഡി എക്സില്‍ ഷെയിന്‍ അഭനയിക്കുമ്‌ബോള്‍ മഹിമ പറയുന്നു എന്നാല്‍ ലിറ്റില്‍ ഹാര്‍ട്‌സില്‍ അഭിനയിക്കുമ്പോള്‍ ഷെയിനെ നല്ല മാറ്റം ഉണ്ട്. ഞാന്‍ ആ ചിത്രത്തില്‍ അഭിനയിക്കാന്‍ എത്തിയപ്പോള്‍ ഷെയിന്‍ എന്നോട് വന്നു ആ മഹിമ എന്ന് പറഞ്ഞുകൊണ്ട് കൈയൊക്കെ തന്നു, ശരിക്കും ഞാന്‍ ഞെട്ടിപോയി, കാരണം നല്ല ചേഞ്ച് ഷെയിനിന് ഉണ്ടായിരുന്നു മഹിമ പറയുന്നു.

ചില കണ്ടെത്തലുകള്‍ സോഷ്യല്‍ മീഡിയ നടത്തുമ്പോള്‍ അറിയാതെ പറഞ്ഞു പോകും 'ബ്രില്യന്‍സ്' എന്ന്. ഇപ്പോ സോഷ്യല്‍ മീഡിയ കണ്ടെത്തിയ ഈ കാര്യവും ആരാധകരെ ഒന്നടങ്കം ഞെട്ടിച്ചിരിക്കുകയാണ്. പലപ്പോഴും ആരുടെയും കണ്ണില്‍ പെടാതെ പോകുന്ന കാര്യങ്ങളായിരിക്കും സോഷ്യല്‍ മീഡിയ പൊക്കി കൊണ്ടു വരുന്നത്. ഇക്കുറിയും സോഷ്യല്‍ മീഡിയ ആ പതിവ് തെറ്റിച്ചിട്ടില്ല.  ഒരു സിനിമയ്ക്ക് 250 കോടി രൂപയോളം പ്രതിഫലം വാങ്ങുന്ന ഷാരൂഖ് ഖാന്‍ ഫ്രീയായി അഭിനയിച്ച ഒരു മലയാളചിത്രമുണ്ടെന്നാണ് ഇപ്പോള്‍ സോഷ്യല്‍ മീഡിയയുടെ കണ്ടെത്തിയിരിക്കുന്നത്. ഏതാണ് ചിത്രമെന്നല്ലേ? സുരേഷ് ഗോപി നായകനായ ചിത്രത്തെ കുറിച്ചാണ് പറയുന്നത്. ഭൂപതി എന്ന ചിത്രത്തിലാണ് സോഷ്യല്‍ മീഡിയ കിങ്ഖാനെ കണ്ടെത്തിയത്. എന്നിട്ട് ഞങ്ങളാരും ഷാരൂഖിനെ കണ്ടില്ലല്ലോ എന്നു അമ്പരക്കുന്നവര്‍ക്കു മുന്നില്‍ വീഡിയോ സഹിതം തെളിവു നിരത്തുകയാണ് സോഷ്യല്‍ മീഡിയ. ഭൂപതിയില്‍, ഒരു രംഗത്തില്‍, ദേവന്‍ തന്റെ പേഴ്‌സ് എടുത്തു സുരേഷ് ഗോപിയ്ക്കു നേരെ നീട്ടി പേഴ്‌സിനകത്തുവച്ച ഒരു കുട്ടിയുടെ ചിത്രം കാണിച്ചുകൊടുക്കുന്നുണ്ട്. 'എന്റെ ലക്ഷ്മിക്കുട്ടി. ഇപ്പോള്‍ നിന്റെ ഭാര്യ ലക്ഷ്മി. ലക്ഷ്മിക്കുട്ടിക്ക് ഒരു വയസ്സുള്ളപ്പോള്‍ ആണ് ഈ ഫോട്ടോ എടുത്തിരിക്കുന്നത്,' എന്നാണ് ദേവന്റെ ഡയലോഗ്.  കുട്ടിയുടെ ചിത്രം ഷാരൂഖിനെ പോലെയുണ്ടെന്നും ഇതൊരു വല്ലാത്ത കണ്ടെത്തല്‍ ആയി പോയെന്നുമാണ് പലരും പറയുന്നത്.