ഈ മാസം 20 ന് ആയിരുന്നു അഞ്ചാംഘട്ട ലോക്സഭാ തിരഞ്ഞെടുപ്പ്. മഹാരാഷ്ട്രയില്‍ നടന്ന തെരഞ്ഞെടുപ്പില്‍ വോട്ട് ചെയ്യാന്‍ ബോളിവുഡ് താരങ്ങളുടെ നീണ്ട നിര തന്നെ ഉണ്ടായിരുന്നു. അമിതാഭ് ബച്ചന്‍, ഷാരൂഖ് ഖാന്‍, ആമിര്‍ ഖാന്‍, ദീപിക പദുക്കോണ്‍, രണ്‍വീര്‍ സിംഗ്, ഹൃത്വിക് റോഷന്‍, അക്ഷയ് കുമാര്‍ എന്ന് തുടങ്ങി ആരാധകകുടെ പ്രിയപ്പെട്ട താരങ്ങളുടെ നീണ്ട നിരയായിരുന്നു ഉണ്ടായിരുന്നത്.
മാധ്യമങ്ങള്‍ നിറയെ വോട്ട് ചെയ്യാനെത്തിയ താരങ്ങളെ കുറിച്ചുള്ള വാര്‍ത്തകള്‍ ആയിരുന്നു. എന്നാല്‍ വോട്ട് ചെയ്യാന്‍ എത്താത്ത താരങ്ങളെ കുറിച്ചും വാര്‍ത്തകള്‍ വന്നിരുന്നു. ഇതില്‍ ആലിയ ഭട്ട്, കത്രീന കൈഫ്, നോറ ഫത്തേഹി, ജാക്വലിന്‍ ഫെര്‍ണാണ്ടസ് എന്നിങ്ങനെയുള്ള താരങ്ങളുടെ പേരും ഉണ്ടായിരുന്നു. ഇതില്‍ ആലിയ ഭട്ട് വോട്ട് ചെയ്യാനെത്താത്തതിന്റെ കാരണം ആണ് ആരാധകര്‍ ഇപ്പോള്‍ കണ്ടെത്തിയിരിക്കുന്നത്.
ആലിയ ഭട്ട് ഇന്ത്യന്‍ പൗര അല്ലാത്തതിനാലാണ് വോട്ട് ചെയ്യാന്‍ സാധിക്കാത്തത് എന്നാണ് ആരാധകരുടെ ചര്‍ച്ചകളില്‍ പറയുന്നത്. ആലിയയുടെ കൈയ്യില്‍ ബ്രിട്ടീഷ് പാസ്‌പോര്‍ട്ടാണ് എന്ന തരത്തിലാണ് വാര്‍ത്തകള്‍ വരുന്നത്.
ഗാല്‍ ഗാഡോട്ടും ജാമി ഡോര്‍നനും അഭിനയിച്ച 'ഹാര്‍ട്ട് ഓഫ് സ്റ്റോണ്‍' എന്ന ചിത്രത്തിലൂടെ കഴിഞ്ഞ വര്‍ഷം ആലിയ ബോളിവുഡ് അരങ്ങേറ്റം നടത്തിയിരുന്നു. ഇതിന്റെ പ്രമോഷന്‍ പരിപാടിക്കിടെ ''ആലിയ ഭട്ട് ബ്രിട്ടീഷുകാരനാണോ?'' എന്ന തരത്തില്‍ വന്ന ചോദ്യത്തിന് നടി ഉത്തരം നല്‍കിയ വീഡിയോയും വൈറലാകുന്നുണ്ട്.
നടി ഗാല്‍ ഗാഡോട്ട് ആലിയയോട് ബ്രിട്ടീഷ് പൗരനാണോ എന്ന് ചോദിച്ചപ്പോള്‍, ആലിയ അത് സമ്മതിക്കുന്നുണ്ട്. എന്റെ അമ്മ ജനിച്ചത് ബര്‍മിങ്ങാമിലാണ്, പക്ഷേ ഞാന്‍ ജനിച്ചതും വളര്‍ന്നതും ഇന്ത്യയിലാണ് എന്ന് താരം പറയുന്നു. എന്റെ മുത്തശ്ശി ജീവിതകാലം മുഴുവന്‍ ഇംഗ്ലണ്ടിലായിരുന്നു. അതിനാല്‍ തന്നെ ഇംഗ്ലീഷ് ഉച്ചാരണം തനിക്ക് ലഭിച്ചെന്നും ആലിയ പറയുന്നുണ്ട്.
എന്നാല്‍ ഈ വിവാദങ്ങള്‍ നടക്കവേ കഴിഞ്ഞ ദിവസം ആലിയ പോസ്റ്റ് ചെയ്ത ഒരു ഇന്‍സ്റ്റഗ്രാം പോസ്റ്റും ശ്രദ്ധിക്കപ്പെടുകയാണ്. 'ഒരു വാദവുമില്ല, എത്ര ശക്തമായാലും ആ വാക്കിനെ മറികടക്കാന്‍ കഴിയും' എന്നാണ് പോസ്റ്റില്‍ പറയുന്നത് പക്ഷെ നിഗൂഢമായ ഈ പോസ്റ്റ് ഈ വാദങ്ങള്‍ക്ക് മറുപടി ആണോ എന്നാണ് ബോളീവുഡ് ചര്‍ച്ച ചെയ്യുന്നത്.
മുന്‍പ് നടന്‍ അക്ഷയ് കുമാറിന്റെ പൗരത്വം ഇതുപോലെ വ്യാപകമായി ചര്‍ച്ചയായിരുന്നു. ഒടുവില്‍ കഴിഞ്ഞ ആഗസ്റ്റിലാണ് അക്ഷയ് കുമാറിന് വീണ്ടും ഇന്ത്യന്‍ പൗരത്വം ലഭിച്ചത്. അതിന് മുന്‍പ് 90 കളില്‍ അക്ഷയ് കുമാര്‍ കനേഡിയന്‍ പൗരത്വം സ്വീകരിച്ചിരുന്നു. അതിന് പിന്നാലെയാണ് ഇപ്പോള്‍ ആലിയയ്‌ക്കെതിരെ വിമര്‍ശനം ഉയരുന്നത്.
More Latest News
സൂപ്പര്‍ സ്റ്റാര്‍ രജനികാന്തും സംവിധായകന്‍ ലോകേഷ് കനകരാജും ഒരുമിക്കുന്ന 'കൂലി'യില്‍ മലയാളത്തിന്റെ പ്രിയതാരം ഫഹദും, അധോലോക സംഘത്തിന്റെ സ്വര്‍ണ്ണക്കടത്തുമായി ബന്ധപ്പെട്ട കഥയാണ് കൂലി
തൃശ്ശൂരിലും പാലക്കാടും വീണ്ടും ഭൂചലനം, ഇന്ന് പുലര്‍ച്ചയോടെ തൃശ്ശൂരിലും പാലക്കാടും വിവിധ ഭാഗങ്ങളില്‍ കഴിഞ്ഞ ദിവസത്തേത് പോലെ ഭൂചലനം അനുഭവപ്പെട്ടതായി നാട്ടുകാര്‍
വയനാടോ റായ്ബറേലിയോ? റായ്ബറേലി നിലനിര്‍ത്തണമെന്ന പാര്‍ട്ടിയിലെ വികാരം രാഹുല്‍ ഗാന്ധി മാനിക്കുമോ അതോ പ്രതിസന്ധി ഘട്ടത്തില്‍ ഒപ്പം നിന്ന വയനാട്ടില്‍ തുടരുമോ എന്ന് നാളെ അറിയാം
കേരളത്തിന് പ്രിയപ്പെട്ടവര്‍ ഒന്നിച്ചൊരു അപ്രതീക്ഷിത കൂടിക്കാഴ്ച, വന്ദേ ഭാരതില്‍ കേന്ദ്ര സഹമന്ത്രി സുരേഷ് ഗോപിയ്ക്കും മുന്‍ മന്ത്രി കെ.കെ ശൈലജയ്ക്കുമൊപ്പമുള്ള ചിത്രം പങ്കുവച്ച് സംവിധായകന്‍ മേജര്‍ രവി
ആനുകൂല്യങ്ങള്‍ ലഭിക്കാന്‍ ഇവിടെ ഇനി 'അപേക്ഷ' എന്ന വാക്ക് വേണ്ട, പകരം 'ആവശ്യപത്രം' 'ഡിമാന്റ് പേപ്പര്‍' എന്ന് മതി, പുതിയ തീരുമാനവുമായി കൊല്ലം ജില്ലാ പഞ്ചായത്ത്
Most Read
British Pathram Recommends
