ലണ്ടൻ: സ്വന്തം ലേഖകൻ

ബ്രിട്ടീഷ് പ്രധാനമന്ത്രി കെയർ സ്റ്റാർമറുടെ രണ്ട് വസ്തുവകകൾക്ക് തീയിട്ട കേസിൽ ഒരാളെ അറസ്റ്റ് ചെയ്തു.

പ്രധാനമന്ത്രിയുടെ 2 മില്യൺ പൗണ്ട് വിലമതിക്കുന്ന നോർത്ത് ലണ്ടൻ ടൗൺഹൗസിന് സമീപം റോഡിൽ ഒരു വാഹനത്തിന് തീപിടിച്ച മൂന്നാമത്തെ സംഭവത്തെക്കുറിച്ചും തീവ്രവാദ വിരുദ്ധ പോലീസുകാർ അന്വേഷിക്കുന്നു.

തിങ്കളാഴ്ച്ച  പുലർച്ചെ പ്രധാനമന്ത്രിയുടെ ഉടമസ്ഥതയിലുള്ള ഒരു വീടിന്റെ കവാടത്തിൽ തീപിടുത്തമുണ്ടായി. ആർക്കും പരിക്കില്ല, തീ വളരെ പെട്ടെന്ന് നിയന്ത്രണവിധേയമാക്കാൻ കഴിഞ്ഞു.

സർ കെയർ ഇപ്പോൾ 10 ഡൗണിംഗ് സ്ട്രീറ്റിലെ തന്റെ ഔദ്യോഗിക വസതിയിലാണ് താമസിക്കുന്നത് , പക്ഷേ തീയിട്ട  പ്രോപ്പർട്ടിക്ക് പുറത്ത് ലോക്ക്ഡൗൺ സമയത്ത് എൻഎച്ച്എസിനായി അദ്ദേഹം കൈയടിക്കുന്ന ചിത്രം പ്രചരിച്ചിരുന്നു.

തീപിടുത്തത്തെത്തുടർന്ന് വീടിന്റെ വാതിൽ കത്തിയതായി ചിത്രങ്ങൾ കാണിക്കുന്നു.  അക്രമി ഉപയോഗിച്ച ഒരു പ്രൊജക്റ്റൈൽ കണ്ടെത്താൻ പോലീസുകാർ പൂന്തോട്ടങ്ങൾ തിരയുകയാണെന്ന് അയൽക്കാർ പറഞ്ഞു.

ഞായറാഴ്ച നോർത്ത് ലണ്ടനിലെ രണ്ടാമത്തെ പ്രോപ്പർട്ടിയിൽ ഉണ്ടായ തീപിടുത്തവും വ്യാഴാഴ്ച അതേ തെരുവിൽ ഉണ്ടായ വാഹന തീപിടുത്തവും തമ്മിലുള്ള ബന്ധത്തെക്കുറിച്ച് തീവ്രവാദ പോലീസ് ഇപ്പോൾ അന്വേഷണം നടത്തുകയാണ്.

പൊട്ടിത്തെറിയും തീപിടിത്തവും നടന്ന രണ്ടാമത്തെ കെട്ടിടത്തിനും  പ്രധാനമന്ത്രിയുമായി ബന്ധമുണ്ടെന്ന് വിശ്വസിക്കപ്പെടുന്നു.

പ്രധാനമന്ത്രിയുടെ പദവി കണക്കിലെടുത്ത്, പ്രോട്ടോക്കോൾ പ്രകാരമാണ് തീപിടുത്തം തീവ്രവാദ വിരുദ്ധ പോലീസ് അന്വേഷിക്കുന്നത്.

2 മില്യൺ പൗണ്ട് വിലമതിക്കുന്ന പ്രധാനമന്ത്രിയുടെ  ലണ്ടൻ ടൗൺഹൗസിന് പുറത്ത് ഉച്ചത്തിലുള്ള സ്ഫോടനം കേട്ടതായി പറയുന്നു. തുടർന്ന് പടർന്ന തീ അണച്ച ധീരരായ അഗ്നിശമന സേനാംഗങ്ങൾക്ക് കെയർ ഇന്നലെ നന്ദി പറഞ്ഞു .

ജീവൻ അപകടപ്പെടുത്താനുള്ള ഉദ്ദേശ്യത്തോടെ തീകൊളുത്തിയെന്ന സംശയത്തിന്റെ പേരിൽ 21 കാരനായ ആളെ പുലർച്ചെ അറസ്റ്റ് ചെയ്തു. ഇയാളുടെ തീവ്രവാദ ബന്ധവും പോലീസ് അന്വേഷിക്കുന്നു. എന്നാൽ ഇയാളുടെ ഐഡന്റിറ്റി സംബന്ധിച്ച വിവരങ്ങൾ പോലീസ് പുറത്തുവിട്ടിട്ടില്ല.